June
01, 2013
Saturday
Year I-152
Saturday
Year I-152
2B-A. Napakabilis talaga
ng takbo ng panahon sapagkat Hunyo na at malapit na talaga ang pasukan,
nasasabik na ko. Ang paggising ko sa umaga ay napakarikit subalit anong
kinaganda sa singaw na patuloy na nararanasan ang kirot. Sa pagmumug pa lamang
ay dama ko na ang sakit na dulot ng singaw na para bang namamaga ito. Kahit na
hindi makapagsalita ng ayos dahil sa singaw ay nagampanan ko pa rin ang gawaing
bahay. Napagod ako ng husto at naubos ang lakas subalit ayos lang sapagkat
natapos ko naman iyon ng mahusay. Nagpahinga saglit at maya-maya'y nagkumpyuter
ako. Mga Alas-onse na ng tumigil sa pagko-Computer at nakaramdam na
ng gutom kaya ako'y nananghalian muna kahit hindi kasing dami pampatawid gutom
lamang. Matapos lumamon ay
binuksan ko ang telebisyon at nanood ng Kalokalike sa Showtime.
Ang gagaling nilang gayahin ang mga sikat na artista at 100 percent
certified star na kahit imitator lang.
2B-B. Hanggang sampung
kalahok lamang ang napanood ko sa labing siyam na nagpakitang kinam at
katanyagan sapagkat inaantok na. Dumilim nanaman ang kalangitan at mukhang
uulan muli. Maya-maya’y nakarinig na ko ng mga pagkulog kaya umiral muli ang
takot at nagtakip ng teynga. Nagkataong nasa palengke ang Mama at kaming dalawa
lamang ang nasa bahay kaya lubusan ang aking sindak. Kinalaunan ay hindi na ko
natakot sapagkat nasanay na ang pandinig sa kulog. Walang mameryenda kaya
naisipan kong ipangmeryenda ang tsitsiryang at pinaghatian naming dalawa. Habang sarap na
sarap sa kakakutkot ay siyang dating naman ni Mama. Maya-maya’y bumuhos na ang
malakas na ulan at hindi na magkandamayaw ang mga tsikiting na magliwaliw at
magtampisaw sa ulan. Nang bahagyang tumila ay naisipan kong gumawi kila Regine
(Miano).
2B-C. Si Shiela ang
una kong pinuntahan at nagkwentuhan kami. Dahil sa hinaba ng kanilang biyahe ay
napaaga ang tulog ng mag-ina kaya umalis na ko at nagpaalam. Si Reginenaman
ang sunod kong pinuntahan at nakipagkwentuhan. Abala ito sa pagpapatulog
kay Baby Gian kaya mahina lamang ang aming
pag-uusap. Ng mapansing kumagat na ng lubusan ang dilim ay kinailangan ko ng
magpaalam. Saka pa lamang naghapunan pagkauwi at binuksan muli ang telebisyon.
Sobrang naka-relate ako sa Maala-ala mo kaya sapagkat
ang tema ng istorya ay tungkol sa pagkakaroon ng crush. Talagang
tuwang-tuwa at patay na patay ang babae ng makita ang crushniya at
abot langit ang kilig na gabi-gabi niya pinapantasiyahan subalit sa huli ay nasaktan
lamang siya at napaluha ng labis ng malamang may Girlfriend na
ang kanyang crush. Sobrang na-touch ako sa nangyari sa
kanya at kung anuman ang naramdaman niya ns magkaroon ng crush ay
naramdaman ko rin iyon sapagkat nagka-crush rin ako.
2B-D. Sa katunayan
habang nakahiga sa katre at hindi pa makatulog ay binalik tanaw ko kung sino na
ang mga naging Crush at talagang kinikilig alalahanin ang mga
sandaling kapiling ko sila, iyon nga lamang ay di ko nabingwit ang puso nila.
Ang crush ay paghanga lamang sa tao pero diyan nagsisimula
ang love sapagkat kapag crush mo na ang isang
tao, parang mag-iiba ang pakiramdam mo sa kanya at tingin mo, espesyal siya
sa'yo. Minsan ay parang gusto mo rin siyang tulungan at nasasaktan ka
kapag nakikitang napapahamak si Crush. Ganon talaga ang
mararamdaman kapag may crush ka at maganda rin ito sapagkat
ini-inspire ka nito upang di panghinaan ng loob at lalo pa maging
masikap. Para sa akin masarap ang buhay kapag may Crush.
June 02, 2013
Sunday
Year I-153
2B-E. Tinanghali muli ng
gising at ramdam ko pa rin ang pananakit ng singaw. Kahit medyo inaantok pa'y
bumangon na ko. Kumain ng almusal at maya-maya'y tinanong muli ni Mama kung
disidido na ba raw ako sa kursong Education. 100 percent sure na
at hindi na magbabago pa subalit biglang nag-alinlangan ng sabihin ng Ate na
hindi maganda ang maging teacher at mababa lang ang
suswelduhin mo. Marami pa naman raw ibang course na maari kong
pasukan subalit hindi iyon fit sa kakayahan ko. Marami pa
silang sinabi tungkol sa Teacher at puro pangit ang
naririnig tungkol roon. May punto naman sila, wala raw Teacher na
umaasenso dahil sa mababang sweldo at wala pa raw benefits maliban
sa Christmas bonus pero pag-iisipan ko pa at maari
pa naman magbago ang pasya, dapat ko rin siguro silang sundin kung ang mithiin
ay para sa ikakabuti ko hindi pagsisihan balang araw.
2B-F. Matapos ang mga
napag-usapan ay nagsimula na kong kumilos para sa gawaing bahay. Talagang
iniinda ko pa rin ang sakit ng singaw at ng magampanan ang gawaing bahay
kutulong ang Ate, itinutok muli ang mata sa Computer. Siya muna ang
unang gumamit at matapos ay ako naman. Si Mama naman nagre-relax sa massage
therapy ni Aling Belen. Gusto ko rin sanang
magpahilot subalit may kamahalan ang singil at walang pambayad. Nang
makaramdam ng matinding gutom ay nauna na kong lumamon. May pasok na bukas at
maagang magigising kaya sinasamantala ko ang nalalabing oras sa pagpapahinga.
Nabitin lamang at nagambala dahil sa bwisit na kulog, mukhang uulan nanaman at
nagtawag pa ng kakampi si kalikasan at iyon ay buhawi. Sa lakas ng hangin na
halos ikabuwal ng mga puno ay aakalaing may buhawing dumaraan.
2B-G. Maya-maya’y
bumuhos na ang ulan subalit tikatik lang. muntikan ko ng mabitawan ang hawak
na Lucky me supreme cup ng magulat sa malabombang kulog.
Nagpakita naman ang haring araw matapos umulan kaya nakagora pa ko kina Gwen subalit
di ko siya nadatnan at sinabi ng nanay na ito ay nasa Ever ito.
Kina Aldrian ako nagtungo subalit bigo makausap pagkat tulog
naman, mukhang mapagkait sa akin si kasiyahan. Sinubukan ko
kay Shiela subalit tulog rin ito at ng kay Regine
(Miano) sa wakas at nagkaroon rin ako ng kakwentuhan. Ka-boring sa
bahay at walang makausap kaya naghahanap na lang ako. Si Aling Gina naman
ay abala sa pamamalantsa ng uniporme ng mga anak samantalang nag-aayos na sila Jovan at Jomer ng
gamit pang-eskwela, mukhang sabik na sa unang araw sa eskwela bukas. Nanatili
ako dun sa kanila hanggang sa sumapit ang dilim. Pagkauwi'y samu't saring
pasalubong ang nadatnan ko sapagkat dumating na ang papa galing Batangas.
Iyon ang naging hapunan namin at sa dami ng nilamon ay nabusog ako ng husto.
Inihanda ko na rin ang mga kagamitang pang eskwela sapagkat may pasok na bukas.
Kahit Alas-nuebe pa lamang at di pa dinadalaw ng antok ay nahiga na ko sa kama.
Sa sobrang sabik ko sa pasukan ay hindi ako makatulog ng ayos kahit Alas-onse
na.
June 03, 2013
Monday
Year I-154
2B-H. Sa halip na
Alas-kwatro pa ang gising, Alas-dos pa lamang ay nagising na ang katawang lupa
ko di dahil sabik sa pagbabalik eskwela kundi sinumpong nanaman ako ng sipon.
Napapansin kong mukhang dumadalas na ang pagkakaroon ko ng sipon at minsan ay
ubo, marahil senyales na kailangan ng mag-ingat lalo't panahon na ng tag-ulan.
Ako at si Papa pa lamang ang gising sa umagang iyon at dineretso ko ng
mag-almusal kahit wala pa ang Alas-kwatro. Maya-maya’y gumising na si Mama at
todo ito sa pagpapayo sa akin. Patuloy pa rin akong sinisipon kaya nagpainit
ako ng pampaligo. Matapos maligo at magsipilyo ay nagsuot na ko ng uniporme.
Pasukan nanaman kaya masusuot ko muli ang puting uniporme, asul na pantalon at
itim na sapatos matapos ang mahabang bakasyon na nakatengga ito.
2B-I. Nang makapagbihis,
ayon at gora na ko patungong eskwela. Magkasabay sana kami ni Regine Cebrero subalit
sa tagal niya'y nauna na ko. Pagdating sa eskwela, di pa gaanong madami ang mga
estudyante ang pumapasok subalit marami ng media sa iba't
ibang TV Station ang
nakaantabay para sa ulat ukol sa pagbubukas ng klase. Pumila ako at naghintay
saglit, maya-maya'y binuksan na ng gwardiya ang gate. Sa halip na
pumasok sa kanya-kanyang classroom ay sa school
ground kami dumeretso dahil may flag ceremony. Nandoon na
si Jonathan at nag-usap kami, nadagdagan pa ang aking kausap ng may
isang baklang dinaldal ako at nagpakilalang Francis. Dahil
magkabaro kami'y naging madali sa akin ang kaibiganin siya. Classmate pala iyon
ni Jonathan si Francis at nasa section Zamora sila.
2B-J. Matapos ang flag
ceremony ay nagpaalam na ko kay Francis. Pagkapasok sa
sariling silid-aralan ay doon na namin nakita sa personal si Sir
Arnulfo Alonzo, medyo may pagka-istrikto subalit nakakatawa at marami
siyang alituntunin na ipinatupad sa klase at guro namin ito sa Araling
Panlipunan. Sumunod naman sa AP ay TLE at si Sir Balbin ang
guro nito, halos tahimik kung magturo pero istrikto rin. Ng sumunod pang
asignatura at iyon ay MAPEH,
halos tawanan ang buong klase sapagkat palabiro ang guro at puro patawa,
katulad siya ni Ma'am Petty pero siya si Ma'am Mina at
may pagkaistrikto rin at astig kung umasta. Sa oras naman ng Filipino ay
si Ma'am Elises ang guro namin, mabait at pormal
kung magsalita, kinakikitaang maari siyang maging kaibigan sapagkat malapit ito
sa mga estudyante.
2B-K. Matapos ang Filipino ay Recess na,
dahil may dalang baon ay di na ko lumabas pa. Makalipas ang ilang minuto
ay English na at si Ma'am Templanza ang
guro namin, inglesera sapagkat English subject subalit
napakai-slang at maarte kung manalita, bukod pa dun ay mukhang
mabait rin siya at di gasinong istrikto pero kailangang normal Voice pag
na-greet kami. Maya-maya’y Math na at si Sir Harren ang
guro namin, sa lahat ng naunang Teacher ay siya ang
pinakaistrikto pero kakikitaang mahusay siya sa pagtuturo, may itsura rin
naman. Ang sumunod at huling subject ay Physics at
si Sir Martin ang guro nito, may lahing Pangsinense pala
ito ng magpakilala at malakas at malaki ang kanyang boses na kahit sa likuran
ay dinig. Kalagitnaan ng kanyang discussion ng biglang tumunog
ang bell. Pagkalabas ay bulto-bultong dami ng estudyante ang
sumalubong sa amin at nahirapan pang kumilos dahil siksikan na, nagkasabay kasi
ang papasok at palabas kaya nagkagayun ang sitwasyon.
2B-L. Pasado Ala-una na
ng makarating sa bahay at sobrang napagod ako, matapos kumain ay diretso tulog
ako subalit nasira sapagkat nakakabulabog nanaman ang kulog. Maya-maya pa'y
bumuhos na ang ulan, sangkatutak ang takdang-aralin kaya double time ako
sa pag-research sa Internet at paggawa, sa takot
na kapusin sa oras. Buti na lamang bago sumapit ang dilim ay agad ko iyon
natapos kaya nakanood pa ng telebisyon. Sana’y di ako ningas kugon kundi maging
masipag hanggang katapusan. Matapos manood ng Ina Kapatid Anak ay
dumeretso na ko sa kama at natulog, naging mahangin ang gabi at may pagkidlat
lamang walang kasamang kulog na nagpagaan sa tulog ko.
June
04, 2013
Tuesday
Year I-155
Tuesday
Year I-155
2B-M Pangalawang araw
ng aming klase at maaga muli akong nagising, di pa man tumutunog ang alarm sa Cellphone ay
Alas-tres pa lang ay gising na ko, gising na rin si Papa kaya sabay kaming
nag-almusal. Di gasinong kalamigan ang umaga at ramdam pa nga ang init kaya di
ako gininaw sa pagligo. Alas-singko na ng umalis ako ng bahay at kasama ko
si Regine (Cebrero) at Angelica subalit mas nauna
sa amin ang Angelica sa pagbaba sapagkat sa San Diego
ang kanyang paaralan. Pagdating sa silid-aralan ay wala pa si Sir
Arnulfo at nadatnan kong abala sa pagkopya ng takdang aralin ang aking
kamag-aral. Buti na lamang at natapos ako sa takdang-aralin kaya Naupo na
lamang at nanahimik, maya-maya pa'y dumating na si Sir Arnulfo at
kami'y nagdasal muna. Sa di inaasahan ay nagkaroon kami ng Diagnostic
Test at sana'y makakuha ako ng mataas. Nang umalis si Sir Arnulfo ay
si Sir Balbin na Teacher namin
sa TLE ang
humalili, nag-discuss lamang ito at ang topic ay
tungkol sa Computer hardware, mahilig rin itong magpatawa sa amin at
mukhang nagkamali ako sapagkat di na siya kinakikitaan ng pagka-terror.
2B-N Gayon rin
kay Ma'am Mina na puro pakwela na halos ikamatay
na namin subalit ang lahat ng kanyang sinasabi ay may kaugnayan sa lesson at
magaling siyang magturo. Ang nasa likuran, puro daldal at parang walang Teacher sa
kanila. Sa naman oras ng Filipino ay nagkaroon kami ng
pangkatan at napabilang ako kila Ibarra, medyo minamalas nga naman
sapagkat ako ang piniling leader, dagdag pasakit at pamatay pa ang
mga gawain. Matapos ang Filipino ay breaktime na,
sa halip na lumamon ay abala ako sa pagtatala ng kagrupo sa index card.
Nang English na, pinakamatahimik na subject at
maririnig muli ang slang na boses, parang boses ni Ma'am Julie ang
boses ni Ma'am Templanza subalit malaman ito at makinis ang
balat, nagkaroon rin ng pangkatan at kila Mandy naman ako
napabilang.
2B-O. Matapos ang English ay
di na maiwasan ang kaba sa aking mga kamag-aral sapagkat mame-meet muli
namin ang terror teacher na si Sir Harren.
Sa kanyang time ay nagkaroon kami ng quiz at
ako'y nagagalak sa aking nakuha sapagkat ako'y naka-perpect, ang mga di
pasado ay katakottakot na sermon ang ibinato sa kanila. Nang sumunod na subject ay Physics,
nag-discuss lamang si Sir Martin at
marami kaming natutuhan mula sa kanya. Matapos ang discussion ay
nagkaroon kami ng pangkatang gawain at sila Jessa at Jenny
Mae ang kagrupo ko. Bayanihan kaming tatlo sa paggawa ng seatwork
hanggang sa ito'y matapos. Maya-maya’y uwian na at kasabay ko muli si Regine
(Cebrero), buti na lamang at kakaunti na lang ang estudyanteng papasok kaya
malaya kaming nakakakilos. Ang akala sanang maulan na ay tilaSummer pa
rin sapagkat maalinsangan muli at tagaktak ang pawis sa pag-uwi ng bahay.
2B-P. Kumain ako ng
pananghalian at ng mabusog ay hinintay ko munang matunawan bago matulog. Sa
katakawan matulog ay dakong Alas-kwatro na nagising at naku pagkat di pa ko
nakakagawa ng takdang-aralin, kaya may pagmamadali akong nag-research at
nagpa-print. Sa haba ng pila sa Computer shop, inabot ako ng
isang oras sa paggawa at inabot na rin ako ng dilim sa pag-uwi. Ngayon pa
lamang gagawa at mukhang malabong matapos iyon. Inisip ko kapag di natapos ay
sa school na lang gawin. Ka-haggard at ng lubusang
mapagod ay tinamad na ko at nanood na lang ng telebisyon. Ang nakakapangigil ng
eksena sa Ina Kapatid Anak ng kidnapin
ni Mio si Celyn at pahirapan ng labis,
sobrang nakakaawa tuloy si Celyn. Matapos panoorin ang paboritong
programa ay natulog na ko. Maaga nanaman magigising bukas upang may matutuhan
at ma-expose muli sa maraming gawain.
June
05, 2013
Wednesday
Year I-156
Wednesday
Year I-156
2B-Q. Ramdam pa rin ang
pananakit ng namamagang singaw na nagpahirap sa akin upang ngumuya ng pagkain
ng almusal. Kahit masakit na mukhang namamaga na ay di ko ininda alang-alang sa
bagong kaalaaman na aking makalap. Matapos maligo at magsipilyo ay saglit akong
naupo sapagkat masyado pang maaga. Hinintay munang sumapit ang Alas-singko at
saka lamang umalis ng bahay bitbit ang Bag na naglalaman ng
walong kwaderno at sariling baon. Maliwaliwanag na ang kapaligiran ng ako'y
makarating sa eskwela samantalang ang aking mga kaklase, abala pa rin sa
paggawa ng takdang aralin habang wala si Sir Arnulfo. May
pagmamadaling nagsibalikan sa upuan ng pumasok si Sir Arnulfo at
kanya-kanyang tago ng kagamitan, ang kaninang saksakan ng ingay ay biglang
kumalma. Nagtsek lamang kami ng test paper sa Diagnostic
test at matapos ay nag-item analysis kami. Di
man katayugan ng Bundok Apo ang natamo ko ay nanatili pa rin ang
galak ko dahil pasado pa rin at lubos ang pasasalamat kay God.
2B-R. Bago pa man umalis
si Sir Arnulfo ay nagkaroon kami ng Sitting
arangement at nagkataong katabi ko ang magpinsang Bohol,
maingay nanaman kaming tatlo. Sa oras naman ng TLE ay nagkaroon rin kami ng Diagnostic test,
ang kaninang seryosong sagutan ay nauwi sa pangti-trip, yang kasi silang
nasa likuran ay panay kalabit sa akin na ikinayamot ko, sa bait ko naman ay di
ko sila nagawang kutongan at idinaan na lang sa punch line, basag
sila sa mga pahirit ko at tawanan ang mga kaklase pati si Sir Balbin.
Nang sumunod na minuto ay bumanat pa ko at di sila nakokornihan, galak ang
naramdaman ko dahil napatawa ko sila. Nang item analysis na ay
kabwisit ang Jessa, paano bago ipasa ay iipunin muna, tuloy ay nalito
ako sa pagbibilang at di na magkandaugaga.
2B-S. Sa oras ng MAPEH, ang sariling tawa ay di
magkandaawat, ang lakas kasi magpatawa ni Ma'am Mina at dami
niyang satsat pero related naman lahat salesson, ginawa
lang niyang kakatawanan ang klase. Sa oras naman ng Filipino, may
nakaambang nanamang proyekto pero sa August pa ang pasahan at
nag-discuss si Ma'am Elises. Sa sakit ng
singaw ay kakaunti lamang ang nilamon ko. Sa oras ng English ay
nag-discuss rin si Ma'am Templanza at
malaislang-slang na accent niya ang iniintindi ko
sa halip na nilalaman ng sinasabi. Nang mag-uusap tungkol sa presentation ay
nagkandaduguan ang ilong pagkat kailangang English ang wika
kapag may pinag-uusapan, may ilang hirap pa rin umingles.
2B-T. Di pa nga lubusang
nakakabangon sa nosebleed ay dumating pa ang kaba sapagkat
may recetation sa Math at kung sino di
makasagot ay patatayuin, madali lamang iyon para sa akin pagkat integers.
Napakabilis ng oras at akalaing huling period na namin, nag-discuss si Sir Martin at
ng mapagod ay nagpa-activity ito. Ilang saglit pa ng tumunog
ang bell at uwian na, nakakapasong init ng araw ang sumalubong
sa akin. Si Ma'am Jamero ng makasalubong ay
palong-palo ang suot na shade at kamustahan kami. Pagdating sa
bahay ay sobrang lupaypay na ang mood ko kaya ako'y natulog.
Buti na lamang at walang takdang-aralin sa anumang asignatura kaya hayahay ang
buhay. Pagkagising ay naghugas muli ako ng plato at matapos ay nag-Facebook,
grabe at daming ka-chat kaya ganado ako sa pag-type.
2B-U. Nanood rin ako
ng Missing You at A thousand days of a
promise. Habang nasa bahay at nanood ng telebisyon ay may tumawag sa akin
at iyon ay si Melanie, tinanong kung pwede raw ba ako mamaya sa bible study,
sinabi kong depende pero ng dumating ang takdang oras ay di na ako binalikan
kaya di na lamang ako sumipot. Pagkagat ng dilim ay tutok ang mata ko sa Ina Kapatid
Anak, paano ibibigay na ni Mio si Celyn kay Theresa pero
kapalit ang ransom, ulagang mga pulis na kaagad pinaputukan ng
makatyempo kaya lalo pang nanganib ang buhay ni Celyn. Sa sobrang
lalim ng iniisip di namalayang Alas-nuebe na kaya natulog na ko.
June 06, 2013
Thursday
Year I-157
2B-V. Di na gasinong
masakit ang iniindang singaw kaya naging madali na sa akin ang ngumuya ng
agahan. Matapos maligo at magsipilyo ay nagbihis na ako at inihanda ang lahat
ng kagamitang pang-eskwela. Bago pa man umalis ay sinigurado ko munang walang
naiwan ni isa at maliwaliwanag na ng umalis. Pagdating sa eskwela ay wala pa
ang aming adviser kaya mistulang palengke ang Classroom sa
ingay, sa halip na makipagtsikahan ay nagbasa na lamang ako ng diksyonaryo
upang matuto sa Ingles. Biglang nanahimik at nagsibalikan sa
kanya-kanyang upuan ng dumating si Sir Arnulfo. May
inanunsyo muna ito bago magturo at iyon ay magkakaroon ng distribution ng
aklat agad-agad.
Maya-maya’y nag-discuss na
siya at tungkol iyon sa Ekonomiks,
kaba ang nadarama ng bawat isa ng magkaroon ng recitation subalit
di ako panaig at nagawa pa rin sumagot.
2B-W. Naibsan naman ang
kabang iniwan ng nagdaangsubject ng TLE na pagkat may halong katatawanan ang pagtuturo
sa amin ni Sir Balbin, ang mga adik sa social network tulad
ng Facebook, naku at di maipinta ang mukha ng matamaan sila sa
sinasabi ni Sir. Sa oras naman ng MAPEH, ang
pinakamasayang subject ay nag-discuss lamang
si Ma'am Mina subalit natatawa pa rin kami dahil
sa kinikilos niya at ayan nanaman ang walang kamatayang assignment.
Sa oras ng Physics ay nagkaroon kami ng games at
iyon ay magtatayo ng shoe tower, kailangang pataasan ang bawat
kagrupo ng tore sa pamamagitan ng sapatos, si Cynt na kahit
maloko sa klase ay may utak rin pala kung paano mapapataas ang tore ng di
natutumba at nagawa namin iyon dahil sa kanya subalit talo sa huli.
2B-X. Maya-maya'y breaktime na
at sinamantala ko ang nakalaang oras sa paggawa ng group record sa index
card, yun ngalang at naudlot dahil sa kakakulit ni Jessa na
samahan sa canteen, kilala ko naman ang Jessa basta't
walang kasama ay di papayag na lumabas. Di ko siya matiis kaya sinamahan ko
siya. Sa oras naman ng English ay nagkaroon kami ng diagnostic
test at halos malabas na ang katas ng utak sa hirap ng exam.
Hayahay sa pasakit ng exam ng matapos ito subalit may kasunod pang
kalbaryo at sakit rin ng ulo pagkat may Diagnostic test rin
sa Math, ang hihirap ng pinapasagutang equation at
talagang wala akong alam diyan.
2B-Y. Maya-maya’y uwian
na at wala muli akong kasabay, ang saya-saya. Taimtim na sana ang diwa at
malalim na ang isip subalit sa ingay ng dalawa kong kasamahan sa tricycle ay
tila nabali iyon. Bagsak ako pagdating sa bahay kaya ako'y natulog agad. Mga
Alas-dos na ko nagising at ipinagpatuloy ang paggawa ng group record sa index
card at pinaganda ko ng husto ng sa gayo'y ma-impress si Sir Harren.
Matapos iyon ay naghugas ako ng plato at nagkumpyuter. Maya-maya’y dumating na
si Mama galing Novaliches at may dalang pasalubong pero masama
ang timpla nito. Sa di malamang dahilan ay nagkaroon ng konting alitan si Mama
at Papa, di ko sila sinita pagkat batid kong mas lalala pa. Matapos
magkumpyuter at mag-research ay lihim akong lumuha sapagkat ayaw
kong nag-aaway sila at ako yung unang maapektuhan pag nagpatayan sila ng
kandila. Kinagabihan ay talagang naantig ako ng husto sa Ina Kapatid Anak pagkat
malalang-malala na ang bawat kaganapan at may puntong nagkakagulo na sila.
Nakaligtas naman si Celyn at nahuli si Mio subalit
nakatakas si Diego, ang ganda talaga ng palabas na iyon at
kapukaw-pukaw sa damdamin subalit dalawang linggo na lamang ang itatagal nun.
June 07, 2013
Friday
Year I-158
2B-Z. Ala-una pa lamang
ng madaling araw ay gising na ako dahil muling umatake ang sipon, hirap
akong huminga pagkat barado ang ilong kaya naisipang uminom ng gamot. Nawala
naman ang sipon pagkagising muli dakong Alas-kwatro at medyo inaantok pa, sa
halip na maligo ay nagpunas lamang ako. Mga Alas-singko na ko nakaalis ng bahay
at maliwaliwanag na sa labas. Wala pa si Sir Arnulfo pagdating
sa eskwelahan kaya isa-isa kami binigyan ni acting President Mary Joy ng permit bilang
katibayan na nakahiram kami ng aklat. Maya-maya’y dumating na si Sir Arnulfo at
tapos na namin i-fill up ang permit. Nag-discuss muna si sir at matapos ay pinag-partner kami
para sa presentasyon sa Martes. Si Jobil at Mary Joy ang
naging ka-partner ko at tungkol sa Agham Pampulitika ang topic namin,
matapos mapag-usapan ang gagawin ay bumalik na kami sa kanya-kanyang pwesto.
2C-A. Nakahanda na rin
ang mga libro sa pisara at tulong-tulong ang lahat ngacting officer sa
pamumudmod ng mga libro. Ilang saglit ay may isang babaeng may edad na ang
pumasok sa aming silid, siya pala ang aming guro sa Values at
nagpakilalang Ma'am Fabiana, may pagkarelihiyoso ito't kahit
matanda na'y dinig pa rin ang boses. Matapos niyang magpakilala ay inumpisahan
na namin sulatin ang anumang nakapaskil sa pisara. Sa oras ng MAPEH ay
nag-discuss lamang si Ma'am Mina tungkol sa Mental disorder pero
bago iyan ay nag-exercise muna kami, kapagod sapagkat niyugyog
namin ng bongang-bongga ang hands and feet ng mabilisan.
Nagkaroon pa lalo kami ng energy matapos ang exercise.
2C-B. Maya-maya’y Recess na
at ibinigay ni Mandy sa akin ang script at
habang may natitira pang oras ay kinabisado ko iyon. Bago pa man ang group
presentation sa English ay nagtsek muna kami ng Diagnostic
test, di kataasan ang nakuha ko subalit di naman ako nadismaya. Maya-maya’y
nag-perform na kami at di ako gasinong kabado dahil lakas ng loob
ang pinairal ko. Nakahinga ako ng malalim matapos ang aming presentasyon. Sa
oras ng Math ay ipinagpatuloy namin sagutan ang
naantalang Diagnostic test kahapon, ilang minuto pa'y nag-self
checking kami't di makikipagpalit sa katabi, mamatay na raw ang
maduga sambit ni Sir Harren na may pagka Ma'am
Ramos kung manalita. Di rin kataasan ang nakuha ko at nag-item
analysis kami matapos ang self-checking.
2C-C. Sa oras naman
ng Physics ay nagkaroon rin kami ng dayagnostikong pagsusulit,
garapal na pagkahirap hirap na katanungan ang sumagupa sa aming mata at halos
mangamote na. Diagnostic lang iyan kaya huwag muna
magpakaseryoso. Ilang sandali'y tumunog na ang bell, hudyat na
uwian na, sobrang bigat ng aking dalahin dahil sa kapal ng aklat at dagdag
pahirap pa ang init ng panahon. Pagdating sa bahay ay sinipon nanaman ako,
humigop ako ng mainit na sabaw ng karne at matapos ay nagpahinga. Sa katakawang
matulog ay dakong Alas-singko na ko nagising, Alas-sais na subalit maliwanag pa
rin sa labas at papalubog pa lamang ang araw, nagbabadya rin ang pag-ulan at
lalo pang sumama ang timpla ko.
2C-D. Sa katunayan ay
hirap na kong huminga ng sandaling iyon pero di ko masabi kila Mama dahil
makakadagdag lamang sa iintindihin.
Maya-maya’y bumuhos na ang ulan na sinabayan pa ng kidlat at kulog, may Phobia ako
sa ganung elemento kaya todo pagtatakip ng teynga ang ginawa ko. Di tuloy
nakanuod ng telebisyon dahil nakidlat at tumataas na rin ang agos sa sapa dahil
napakalakas talaga ng ulan. Matapos ang thunderstorm at sa
kadahilanang di pa inaantok ay pagko-cover ng mga hiniram na textbook ang
inatupag ko, ng may balat na ang lahat ng textbook ay saka ko
pa lamang naisipang matulog, di pa rin makatulog pagkat patuloy akong
sinisipon, ano na kaya ang nangyayari sa akin? Mukhang bumabalik ang sakit ko.
June 08, 2013
Saturday
Year I-159
2C-E. Ngayong
ipinagdiriwang ng aking dakilang ina ang kanyang kaarawan. Kahit na walang
regalo ay ayos lamang sa kanya sapagkat nakaabot siya sa ganong edad at patuloy
pa rin ang pagmamahal namin sa kanya katulad ng pagmamahal niya sa amin. Hindi
kagandahan ang umaga ko dahil sinisipon pa rin. Uminom ako ng gamot na
sinabayan pa ng mainit na kape at kahit masama ang aking timpla ay nagawa ko pa
rin magtungo sa Taas upang bumili ng Materials para sa assignment,
kakapagod ang umakyat pero kinaya ko pa rin. Lalo pa akong sinipon pagkauwi
kaya uminom ako ng maraming tubig. Nang bahagyang guminhawa ay sinimulan ko ng
lagyan ng palamuti ang lahat ng aking kwaderno at ginandahan ng husto sa lettering upang presintable tingnan at ma-impress ang
aking mga guro.
Wala kasing magawa kaya sinamantala ko ang oras sa pag-make-over ng
kwaderno, hindi pa man natatapos ay nakaramdam na ko ng gutom. Buti na lamang
at may naluto na si Mama kaya nakakain ako at iyon ay mainit na sopas.
2C-F. Maya-maya’y gumawi
na sina Auntie Andrea at iba pa niyang kasama at
nakikain sa pagkaing inihanda ni mama, binati rin nila si Mama at sarap na
sarap sa kainan habang nagkukwentuhan. Matapos kumain ay inimis ko ang
nilikhang kalat at nagpahinga. Pagkagising ay ipinagpatuloy ko ang paglalagay
ng palamuti sa kwaderno at ng matapos ay halos di maalis ang pagkakatitig sa
sobrang ganda. May nakahandang Spaghetti sa mesa at Kaldera na
tanging si Mama lang ang nagluto at parang makulay ang kaarawan niya dahil
nabusog kami ng husto. Ni kapitbahay namin ay nagawa niyang ipamudmod ang
kanyang handa at maraming bumati sa kanya at isa na ko dun.
2C-G. Sa sobrang
kabusugan ay di na ko nakapaghapunan pa. Pagkagat ng dilim ay hindi kami
nakanuod ng telebisyon gawa na kumikidlat. Putakting kidlat na iyan at di pa
naglaho tuloy ay di ako nakanuod ng Maala-ala mo kaya.
Ilang saglit pa'y bumuhos na ang malakas na ulan, kahit gabi ay marami pa rin
ang nagsiliguan at kung di lang sisipunan ay nasa ulanan na ko at nagliliwaliw.
Sa kasagsagan ng ulan ang pagdating naman ng ate at may dala itong cake,
pa-birthday kay Mama at pinagsalu-saluhan namin sa mesa. Hindi ako
makakain ng may kapanatagan gawa ng nakidlat at nakulog na siyang aking
kinakatakutan. Nagtungo ako sa kwarto at nagtaklob dahil ng oras na iyon ay
sintalim na ng espada ang kidlat at sinlakas naman ng granada ang kulog, takot
na takot na ko nun. Nagtagal pa ang pananalasa ng thunderstorm hanggang
Alas-dyis, marahil ay Rainy season na at mataas
nanaman ang agos sa sapa. Kinabahan kami at baka matulad sa Bagyong
Ondoy. Salamat sa Diyos dahil humina naman ang ulan ng magtulugan na.
June 09, 2013
Sunday
Year I-160
2C-H. Sa kasarapan ng
tulog na halos di na maawat ang sarili ay Alas-otso na ko bumangon. Ang
kagabing maladelubyo na ang dating ay malayo sa umangang kay aliwalas at araw
na kay sigla, mainit nanaman pala. Ang Ate naman ay inirekomenda sa akin na
mag-take ng UPCAT na gaganapin sa August,
duda ako sa aking sarili na makakapasa pero dahil positive
thinker ako, I will try. Ithink I can past the
exam because it deserves to me and God never let me failed. Matapos ang
napag-usapan ay uminom muna ako ng Kalamansi Juice to protect my body
against sickness and to prevent my colds, pahinga lamang at gawa ng assignment hanggang
humihinga ang oras. Malas nga naman at biglang natanggal ang lente ng aking salamin
subalit dahil mapamaraan ako, naibalik ko naman iyon sa dati at nagamit
muli, mighty band contaning very sticky substance is my
solution.
2C-I. Sa halip na mag-chat kay friend and chatmate ay
nag-research ako sa Google ng assignment, be
serious na kasi at bawal ng magpabandying-bandying. Maya-maya’y
sinimulan ko ng magsulat at natapos ng dakong Alas-dose. Kahit makulimlim ay
mainit pa rin sa labas, matapos lumamon ng tanghalian ay ginawa ko pa ang iba
kong assignment at matapos ang assignment ay nagbasa
naman ako ng diksyonaryo, hindi ako natulog sa sobrang abala sa pagbabasa at sa
kagustuhang matuto. Nang magutom ay nakisabay ako kila Papa na lumalantak
ng cake, binahagian ko ang kuya ng cake subalit sa
kainamang pangyayari ay nabitawan niya ito at nabasag.
2C-J. Nadakdakan tuloy
ako ng Mama at daming satsat na ikinasakit ng teynga ko, ayaw kong mag-awak
kami subalit sa tindi ng bugso ng damdamin ay nasagot-sagot ko na siya. Ganyan talaga kami
mag-ina na minsan ay close at may time na nagkakainitan but
we still love each one. Kahit mainit ang aming bangayan ay natapos rin
naman at ipinagpatuloy ko ang pagbabasa. Habang tutok ang mata sa pocket
dictionary ay biglang may tumawag sa aking pangalan. Sila Cathy
pala at inuudyok na sumama sa bible study, nandiyan si Cathy kaya
tinatamad na sumama subalit sa hiya ko kay God ay sumama pa
rin ako. Walang pagbabago ang Cathy dahil maarte, madaldal at
kung sino ang mang-trip sa kanya ay pinapatulan ito at
napakapalaaway niya talaga, pa-text text kuno na may pagtawang tila
nawawala sa sarili.
2C-K. Habang naglalakad
ay saktong nakita ko muli si Crush, nakasalubong namin na
nakahubad, si Cathy porket nakikilig ako ay panay kantiyaw,
ang lakas pa man din ng hiyaw at tiyak ay mahahalata na niyang may gusto ako sa
kanya. Pagdating sa JOLIA church ay
saka pa lamang nagsimula ang bible study, mainit ang pagsalubong
nila sa akin at sa dalawang buwang di pagkikita ay na-miss nila ako
ng husto at ramdam ko iyon. Dalawa lang ang nagbahagi ng nalalaman sa bibliya
kaya saglit lang ang bible study subalit may natutuhan rin
naman. Nandoon rin si Ate Ging na nagpaikli ng buhok maging
si Jaka na kinukulit ako ng husto sa sobrang pagka-miss,
di muna ako umuwi at tinulungan sila Pastora Anna sa
paglilinis dahil may pasok na sila bukas.
2C-L. Matapos ang
paglilinis ay nagtungo ako sa Computer shop, ang iingay
at ang babaho ang sumalubong sa akin pero tiyaga ang pinairal ko. Ng makapag-print ay
dumeretso ako kina Aldrian upang tanungin kung anong saktong
petsa angexam sa UPCAT, sinabi ng Ate Delfa na August 3 and 4 the day of
taking the test at talagang kabado na ko. Nagbabadya nanamang umulan
kaya dinalian ko sa pag-uwi hanggang sa bumuhos na ang malakas na ulan na at
sinabayan pa ng kidlat na ang tatalim. Natakot ako at todo takip sa teynga,
tumagal hanggang Alas-nuebe ang ulan at mukhang Rainy Season na.
Bago magtungo sa kama at matulog ay nagbasa muna ng dictionary.
Sana makapasa ako Lord.
June 10, 2013
Monday
Year I-161
2C-M. Lunes nanaman at
Alas-kwatro pa lamang ng umaga ay gising na ko, nag-almusal at matapos kumain
ay nagpainit ako ng tubig pampaligo. Alas-singko na ko nakabihis at nakahanda
na rin ang lahat ng gamit pang-eskwela. Kasabay ko muli si Regine sa
pagpasok at marami ng estudyante ang naghihintay ng tricycle. Wala pa
ang Teacher namin sa Values kaya
sinamantala ko ang oras sa paggawa ng assignment sa Math.
Maya-maya pa ay pumasok sa classroom namin ang principal na
si DR. Diego Amid at ito'y
nagtalumpati tungkol sa kaayusan at kalinisan ng classroom, na-late si Ma'am Fabiana ng
dating kaya nasita ito ng husto ni DR. Diego Amid. Nagkaroon kami
ng diagnostic test at bilang reviewer ay
lihim kong itinago ang test questioner. Di kataasan ang
nakuha kong marka. Sa oras naman ng MAPEH ay
nagkaroon rin kami ng diagnostic test, kalahati lamang ang nakuha
ko sa itinakdang bilang ng aytem at nakakadismaya na.
2C-N. Sa oras ng Filipino ay
isa-isang ibinigay ni Ma'am Elises ang pangkatang
gawain sa bawat grupo at nagkaroon rin kami ng recitation, marami
ang tumayo dahil di makasagot. Nang recess na ay sinamantala ko ang
oras sa paggawa ng takdang aralin sa Physics, maya-maya pa'y dumating na
si Ma'am Templanza at nagkaroon kami ng pinoy
henyo, hindi pinalad ang grupo naming makuha ng tamang sagot pero dahil very
confident kami ay may karagdagan kaming limang puntos. May karagdagang
kaalaman rin akong natutuhan at yun ay Siesta, isang pagpapahinga o
pagtulog tuwing hapon dahil sa impluwensya ng espansyol, hinuhuli nila kung sinuman
ang hindi matulog ng hapon. Bago pa man umalis si Ma'am Templanza ay
sinabi niyang hindi na siya ang English teacher namin
simula bukas, mami-miss ko siya dahil bukod sa mahusay magturo ay
naging mabait rin siya sa amin. Sino naman kaya ang bago naming guro, sana'y si
Ma'am Miranda at huwag si Ma'am Ramos ang
pumalit.
2C-O. Sa oras ng Math,
si Sir Harren ay biglang nagalit sa mga hindi gumawa
ng assignment, buti na lang at nakagawa ako bago sumapit
ang Math, sa tingin ko ay mas terror pa kay Sir
Sellona si Sir Harren, masyadong umaapaw kung
magalit at hate niya ang mga panget, di naman siya kapogihan. Isa-isa rin niya
tsinek ang index card at kaba ang aking nadarama sa bawat may
mintis o dumi. Ang bilis ng oras at Physics na, lapit na rin
ang uwian. Nag-discuss lamang si Sir Martin tungkol
sa fundamental and derive quantities at may pagkamakisig rin
si sir bukod sa mahusay magturo at iyan ang tunay na gwapo, iyang si Sir Harren ay Waley naman
at walang sinabi kay Sir Martin.
2C-P. Maya-maya’y uwian
na at tagaktak muli ang pawis dahil sa sobrang init, kasabay ko sa tricycle ang
Mama ni Gwen at kwentuhan kami. Pagkauwi ay sinipon nanaman
ako kaya dinamihan ko ang inom ng tubig at nag-siyesta matapos
mananghalian. Agad akong nagising dahil gagawa pa ng assignment at
may pag-uulat rin kami sa Filipino, nagkumpyuter muna ako at
matapos ay gumawa na ko ng biswal gamit ang Manila paper. Mga bandang
Alas-sais ko natapos ang biswal at nagbabadya nanaman ang pag-ulan, habang
nakatunganga sa may pintuan ay nagulat ako at natakot nanh biglaang gumuhit ang
matalim na kidlat sa kalangitan, sinundan rin ito ng pagkulog at uulan nanaman.
Sa halip na manood sa telebisyon ay nagradyo na lamang kami pagkat kumikidlat
at sinabi ng PAGASA na opisyal ng nagsimula ang rainy
season, naku at puro kalamidad nanaman ang kakaharapin sa panahong ito na
huwag sanang mangyari. Ilang sandali ay bumuhos na ang ulan subalit tikatik
lamang at di nagtagal. Nakanuod pa ko ng Ina kapatid anakat
matapos ay natulog na rin.
June
11, 2013
Tuesday
Year I-162
Tuesday
Year I-162
2C-Q. Alas-tres palang
ng umaga ng magising ang katawang lupa ko at medyo sinisipon muli ako, marahil
may sakit na akong pinangangapitan sa dalas ng pagkakaroon ng sipon at kung
anumang karamdamang aking taglay ay sana gumaling. Dagdag gastusin nanaman
kapag nagkasakit at sa halip na maligo ay nagpunas lamang ako. Kahit masama ang
timpla ay nagawa ko pa ring pumasok. Naabutan na ko ng liwanag ng makarating sa
eskwela at ngayon ang performance sa AP, kinabahan ako pagkat wala pa kaming
nagagawa. Maya-maya’y may
pumasok na di kilalang guro at sinabihang lumabas lahat sapagkat may Flag
ceremony, nakakapagtaka nga lang dahil Martes ngayon at dapat ay kahapon
pa.
2C-R. Inanunsyo ni Ma'am Lintag na
araw-araw ng isasagawa ang flag ceremony para mas lalong
makabisado ang Lupang Hinirang subalit kada palapag ang dadalo
at di kasali ang iba pang palapag dahil sa susunod na araw pa sila. Matapos
ang flag ceremony, thank God because our performance was
postponed at nagkaroon kami ng class election. Matapos
ang Class Election ay may hinirang ng bagong presidente at yun
ay si Mandysamantalang bise presidente naman si Bacsal.
Dahil sa kakulangan ng oras ay sa Huwebes na itutuloy ang Performance.
Nang TLE na ay
lihim akong gumawa ng script para makapag-ulat kami sa Filipino mamaya
at di alintana ang sinasabi ni Sir Balbin sa
sobrang abala. Ng MAPEH na ay lalo pang sumidhi ang kaba sa
dibdib at parang na-stress na ko, sana'y magawa namin ng maayos ang
pag-uulat sa Filipino.
2C-S. Naalis naman
ang stress ko dahil nakakatawang magturo si Ma'am Mina.
Nang Filipino na, ayan na ang kaba at parang napanghihinaan na
subalit lakas ng loob pa rin ang pinairal ko, dahil sa kakulangan ng oras ay
dalawang pangkat lamang ang nakapag-ulat, nakahinga ako ng maluwag pagkat
nakaligtas nanaman at may panahon pa upang mapaigting ang paghahanda. Sa oras
ng English ay laking nganga ng bibig sa sobrang pagkagulat dahil
ang pumalit na guro ay si Ma'am Miranda. Sa katunayan
ay naging guro ko na si Ma'am Miranda nung nasa first
year pa ko at di akalaing magiging Teacher namin
siya muli. Ang dating pautal-utal kung umingles ay direderetso na at malinaw
pakinggan subalit naging mahigpit na siya dahil siya na ang head Teacher ng English Department. Istrikto lamang siya
kapag sa Classroom pero katulad pa rin ng dati ang trato niya
sa amin kapag sa labas, laki talaga ng pinagbago ni Ma'am Miranda.
2C-T. Sa oras naman
ng Math ay nag-discuss lang si Sir Harren tungkol
sa factorial ganun rin sa Physics at ang ganda
ng lesson na sarap pakinggan subalit ang iingay nina Mothy at Cynt sa
likuran na halos ikabwisit ko at panay pa ang kalabit. Pinagsabihan ko sila
pero parang teyngang kawaling umasta at nang-aasar pa, di ko na lang sila
pinatulan. Maya-maya’y labasan na at mangilan-ngilang estudyante na lamang ang
pumapasok dahil kanina pa nagsilabasan at nagsipasukan ang karamihan, naging
madali sa akin ang makakilos. Nananghalian muna ng dumating sa bahay at
natulog, kahit maraming nakatokang takdang aralin ay di ko muna ginawa at
sinamantala ang pagpapahinga sapagkat holiday bukas para sa
pagdiriwang ng Independence day. Sa katakawang
matulog ay malapit ng mag-Alas-singko ng ako'y nagising, nakapag-internet pa
ko subalit kairita ang mabagal na connection nito. Kinagabihan
ay kumidlat at kumulog nanaman na nagresulta kung bakit di ako nakanood ng
telebisyon, di tuloy nasubaybayan ang Ina Kapatid Anak at
sayang pagkat umaatikabo at very suspense na ang eksena. Dahil
umatake nanaman ang walang humpay na pagtulo ng uhog ay di ako nakatulog ng
maayos, aywan ko kung bakit di ako nawawalan ng sipon.
June 12, 2013
Wednesday
(Independence Day)
Year I-163
2C-U. Thank God
because its holiday for celebrating our Independence day, hindi naging
napakaaga ang gising ko na tulad sa araw na may pasok kaya masigla ang aking
paggising. Marahil ay kinalimutan na ng karamihan sa atin ang tunay na diwa
ng Independence Day sa tagal ba naman ng panahon pero para sa
akin ang araw ng kalayaan ay araw kung kailan natin nakamit ang paglaya mula sa
pananakop ng mga Espanyol sa loob ng daang taon at kalakip
nito ang kapayapaan ng ating pamumuhay mula sa pagmamalupit at kaguluhang dulot
ng pananakop. Kaya napakabuluhan sa kasaysayan ng Pilipinas ang
araw na ito at salamat sa matalinong aklat pagkat siya ang dahilan ng
pagkakaroon ko ng kaalaman ukol sa araw ng kalayaan.
2C-V. Malaya tayong
lahat pero di ko ramdam ang diwa nito sa dami ba naman ng gawaing kailangang
tapusin at halos di na magkandaugaga. Pagsapit ng Alas-siete ay sinimulan ko ng
gawin ang takdang aralin sa Araling Panlipunan at pagkatapos
ay nagkumpyuter ako upang mag-research at gawin naman ang Assignment sa MAPEH, stressful talaga
ang araw na ito at kahit medyo sinisipon ay nagtungo pa rin ako sa computer
shop upang magpa-print ng files. Pagdating sa
bahay ay diretso gupit at dikit ng inilimbag na litrato at emoticons sa activity
sheet pero dahil matiyaga ako ay walang reklamo iyong ginawa kahit
gutom na. Kumain naman ako matapos ang assignment subalit
gagawa pa ko ng script sa Filipino maging
sa AP, I wish God will give me an extra
energy to sucessfully accomplish all my task.
2C-W. I take a
rest first then wake up at two, sinimulan ko ang paggawa ng script sa Filipino at
Alas-kwatro na ko natapos, sumunod ay sa AP naman ako gumawa
ng script ng sa gayo'y may iprepresenta kinabukasan at may
balak pa kong magrepaso sa MAPEH sapagkat may quiz bukas
subalit nailaan ko ang oras sa pagkakabisado ng Script, sa haba ng
kakabisaduhin ay sobrang na-pressure ako at dagdag pahirap pa ang
ingay ng kapaligiran. Nagkataong nagkasabay-sabay ang gagawin at di na malaman
kung anong uunahin. Dumilim muli ang kalangitan na nagbabadyang umulan at
maya-maya'y bumuhos na ang ulan. Tumigil naman ito ng dakong gabi kaya nakanuod
pa ko ng Ina kapatid anak. Matapos ay maaga akong natulog
pagkat may pasok na bukas and happy Independence Day.
June
13, 2013
Thursday
Year I-164
Thursday
Year I-164
2C-X. Dala ng matinding
antok, tinatamad pa akong pumasok at gusto pang matulog ng matagal subalit di
ako padaig sa umiiral na katamaran at bumangon pa rin. Naging maulan ang
madaling araw subalit tumila naman ito pagsikat ng bukangliwayway kaya tuloy pa
rin ang klase at kung magpatuloy ang pag-ulan tiyak ay mapipilitang masuspinde
ang klase at makakaligtas muli sa presentasyon sa AP at pag-uulat
sa Filipino. Medyo naghanda naman ako subalit hindi maalis ang kaba
lalo na nung nagsimula na ang presentasyon na may Kaugnayan sa Ekonomiks. Habang di pa natatawag ang
pangalan ay patuloy ako sa pagkakabisado ng script, malas pa dahil
lumiban pa ang Jobil kaya di ko na malaman kung anong dapat gawin
subalit dahil sa matalinong pag-iisip ni Mary Joy ay
naisagawa namin ng maayos ang aming presentasyon at nilabanan ko talaga ang
kabang lumalagom sa dibdib at pinairal ang lakas ng loob kaya nakapag-perform kami
ng mahusay at palakpakan sila.
2C-Y. Parang nabunutan
ng tinik matapos ang presentasyon at maya-maya ay TLE na, nagpunta
kaming lahat sa Computer laboratory at doon nag-discuss si
Sir Balbin. Malamig na masarap sa pakiramdam dahil air
condition at maraming iba't ibang computer ang
nakatanghal sa anumang panig, masarap tuloy magkumpyuter pero ipinagbabawal ang
mangialam at baka magkaroon ng babayarin sakaling masira. Sa oras naman
ng MAPEH ay
nagkaroon kami ng quiz, di ako nakapagrepaso kaya wala halos maisagot at
blangko ang utak. Pilit mang alalahanin ang lahat ng itinuro ni Ma'am Mina pero
Wa-effect talaga at baka may Amnesia na. Nang
tseking na at pagkatapos ay kukonti lamang ang pumasa at sa di inaasahan ay
walo lang ang mali ko sa 20 na katanungan kaya napasali ako sa
pasado.
2C-Z. Di nagustuhan ni
Ma'am ang naging resulta ng pagsusulit kaya nagalit ito. Katwiran niya,
masyado niyang ng ibinuhos ang pagtuturo pero mababa naman ang nakuha. Naisip
ko kay Ma'am Mina ay labis siyang na-disappoint
dahil sa marami ang bumagsak. Talagang Perpectionist si
Ma'am at gawa ng matinding galit kaya nagawang punitin ang lahat ng papel,
nag-isip pa ko ng husto para may maisagot kung pupunitin naman pala.
Maya-maya’y recess na, balewala rin ang effort. Sa
halip na kumain ay nagbasa na lamang ng Dictionary at ilang minuto
pa ay dumating na si Ma'am Miranda. Nag-discuss siya about source of
information and after that all of us have group work.
2D-A. Sa oras ng naman
ng Math ay nag-discuss din si Sir Harren at
pagkatapos ay nagkaroon kami ng seatwork, yung nasa likuran ay
napakaingay at nangangalabit pa, parang walang naririnig ng pagsabihan at
nabibwisit na ko dahil kalabit sila ng kalabit. Sa oras ng Physics ay
nagkaroon kami ng quiz, sa dali ng quiz ay
kaagad ko naman itong natapos pero malapit ng mawala ang pagtitimpi ko kina Cynt at Poliquit.
Kanina pa nangangalabit at nangsusumpak pa ng pinilot na papel sa ulo, nasaktan
ako at sa sobrang yamot na kahit may Teacher ay napasigaw ako,
umiinit na kasi ang dugo at talagang pikon na pikon na ko. Naiwan kaming tatlo
ng uwian at kinausap ni Sir Martin. Napagalitan ang dalawa ng
ilahad ko ang pambu-bully nila sa akin at huminging naman sila ng
patawad sa akin.
2D-B. Dahil mapagmahal
ako ay maluwag kong tinanggap ang sorrynila pero huwag lang uulitin
dahil iba na ko sa inaasahan nila at baka magatungan na ng kamao. Kasabay ko
muli sa pag-uwi si Gwen at nagkwentuhan kami, sa dami ng
napag-usapan ay di namalayang nasa Taniman na. Kahit medyo niloloko
at inaasar ay umuwi pa rin akong masaya dahil kakampi ko ang batas laban
sa bullying. Kinahapunan ay bumuhos muli ang malakas na ulan na
sinabayan pa ng hangin, pagkarinig sa balita ay marami ng eskwela ang
nagsuspinde at mataas na raw ang baha sa kanila, pahirapan tuloy sa mga
estudyante ang umuwi dahil lulusong pa sa baha.
2D-C. Kinagabihan na man
ay biglang inatake ako ng hika, hirap akong huminga at panay pa ang pag-ubo, di
ako pahalata kila Mama pero hindi ko na naitago pa sapagkat hindi ko na kaya. Nasermunan
tuloy ako ng maraming at pawang mapupusok na salita ang aking narinig, di ako
makapagsalita ng tuwid gawa ng kinakapos sa paghinga. Patuloy akong sinusumpong ng hika at
tanging Diyos na lang ang magpapagaling sa karamdaman, marahil ay may pinangangapitan
ng kaukulang karamdaman kaya madalas ng sipunin at ubuhin. Kung sakaling Tuberculosis o Pneumonia ang
dinadalang sakit ay naisip ko munang isasakripisyo ang panggastos sa pag-aaral
sa kolehiyo para lang may pangtustos sa gamot. Sana ay mali ako sa aking
inaakala. Labag man sa kaloobang kailangan marahil huminto sa pag-aaral
pagkatapos ng High school at saka na lang ipapagpatuloy kapag
magaling na.
June
14, 2013
Friday
Year I-165
Friday
Year I-165
2D-D. Hindi na kasing
sama katulad ng nagdaang gabi ang aking kalagayan, maginhawa at maluwag na rin
ang paghinga ko na ipinagpapasalamat ko sa Diyos, tunay ngang napakabait niya
at hindi niya ko hinayaang magdusa sa ganong sakit subalit kahit hindi ako
sinisipon o inuubo ay di ako pakampanteng magaling na at baka bumalik nanaman
ito. Sa kabila ng may pinangangapitang karamdaman ay masigla pa rin akong
pumasok. Pagdating sa eskwela ay nadatnan kong may flag ceremony at
bilang paggalang sa watawat ng Pilipinas ay tumigil muna ako at
inilagay ang kanang kamay sa kaliwang dibdib habang inaawit ang Lupang Hinirang,
tumuloy lang ako at pumila pagkatapos ng awitin ang pambansang awit. Sa oras
ng AP ay
nagkaroon kami ng indibidwal na gawain, sa hilig ko tungkol sa Ekonomiks ay
kaagad kong natapos ang ipinapagawa.
2D-E. Maya-maya’y oras
na ng Values, nagtalakay lamang si Ma'am Fabiana
tungkol sa nakasulat sa bibliya at marami akong natutuhan sa kanya tungkol
kay God kaso lang ay maiingay ang katabi ko na bulong ng
bulong at may sariling pinag-uusapan. Sa oras naman ng MAPEH ay di na gasinong
masungit si Ma'am Mina at nagpapatawa pa nga sa amin, itinuro
niya sa amin ang tamang posture at galaw ng katawan sa PE,
lalo pang sumidhi ang tawanan ng may naglakas loob na nag-volunteer at
pabirong pinagtripan ni Ma'am.
Maya-maya'y Filipino na pero wala pa si Ma'am Elises kaya
nag-anunsyo muna ang Class President na si Mandy sa
harapan, kaming magkakagrupo ay puspusan na ang paghahanda at pagkakabisado ng
kanya-kanyang sasabihin para sa nalalapit na pag-uulat.
2D-F. Nang tumagal pa'y
dumating na si Ma'am Elises at may importante itong Announcement sa
amin, sinabing may hahalili ng guro sa Filipino sa Lunes at sa
ibang eskwela na raw siya magtuturo, nalungkot kami sa sinabi niya sapagkat
bagong guro nanaman ang kakaharapin at balik sa adjustment period.
Matapos niyang makapagpaalam sa amin ay nagsimula na ang pangkatang pag-uulat.
Habang di pa ako ang nakasalang sa pag-uulat ay pwersado akong nagkakabisado at
nilakasan ang loob ng ako na ang magsalita, laking sigla sa dibdib ng maayos
akong nakapag-ulat. Habang break time ay gumawa muna ako
ng assignment sa Math at ilang sandali pa
ay English time na, nagkaroon kami ng exam at
puro Reading comprehension ang coverage nun, medyo
mataas ang nakuha sa unang material pero ng sumunod pang
dalawang material ay di na aabot sa lima ang nakakamtan ko,
marahil ay mahina pa ang pang-intindi ko sa malalalim na English.
2D-G. Bago umalis
si Ma'am Miranda ay nagbigay muna ito ng Project pero
sa August pa ang deadline of passing.
Sa oras naman ng Physics ay nagtsek kami ng aming long
quiz kahapon at masaya nanaman ako sapagkat mataas ang nakuha ko,
napakabait talaga ni God at patuloy akong ginagabayan sa
pag-aaral at sana ay magpatuloy pa ang magandang nasimulan. Pagkauwi sa bahay
ay natulog muna ako at mga bandang Alas-tres na ko nagising, mahangin sa labas
at nagbabadya nanamang umulan hanggang sa umulan na nga subalit daglian lamang.
Kinagabihan ng dumating si ate na masama ang pakiramdam, sinabi niyang epekto
raw ng bakunang itinurok sa kanya at napagtanto kong bukas na pala kami ni mama
tutungo sa Makati kung saan nagtratrabaho ang ate upang
magpaturok ng bakuna, huwag sanang magaya sa kanya kapag naturukan. Matapos
manood ng Ina kapatid anak na sinubaybayan hanggang pagwawakas
nito ay natulog na ko.
June
15, 2013
Saturday
Year I-166
Saturday
Year I-166
2D-H. Maaliwalas na ang
umaga na kahapong may pagkasungit ang panahon at kumikinam na sinag ng araw ang
sumalubong sa muling pagbubukas ng aking mga mata. Alas-siete na pala ng umaga
at dahil walang makitang pagkaing nakahain sa mesa ay nagkape na lamang ako. Si
Mama naman ay maagang naligo at sinabihang sumunod ng maligo sa kanya dahil may
pupuntahan kami. Hindi namin alam kung paano pumunta sa Makati kaya
nagtanung kami kay ate. Sa malinaw na detalye na kanyang isinalaysay ay mukhang
di na kami maliligaw kahit walang dalang mapa. Matapos magkape ay naligo na ako
at nagbihis, mga Alas-nuebe na kami nakaalis. Pagdating sa MRT doon sa EDSA ay tila may litong-lito ang
isip ni Mama at hindi malaman kung saang stationsasakay kaya
nagtanong siya sa akin. Kahit di ako sigurado ay lakas loob kaming nagpatuloy
at sumunod sa mga sumasakay ng MRT hanggang
sa makarating ng Quezon Avenue station.
Daming mga pasahero kaya naging mahaba ang pila at dalawang tren na ang dumaan
subalit gawa ng madaming sumasakay ay di kami makasingit sa pagsakay.
2D-I. Pangatlong tren na
ng kami ay sumakay at halos di ako makahinga pagkat siksikan, naisip ko na
ganun pala ang mararanasan mo kapag sasakay sa MRT, kahit air
conditioner ay mainit, siksikan at halos di ka talaga makagalaw pero
mabilis naman ang takbo at ligtas pa sa traffic. Sa kada station na
madaanan ay takot na ang naramdaman ko sapagkat lalo pang nadaragdagan ang mgq
pasahero na nagreresulta ng lalo pang siksikan at sa aircon na
ko nakatingala makalanghap lang ng hangin. Nabawasan at lumuwag naman ito
pagdating ng Guadalupe hanggang sa Buendia kung
saan kami bumaba. Pagkababa ng Buendia station ay
nasa lugar na kami ng Makati. Kay tatayog ng mga gusali at
naglalakihang mga billboard rin ang makikitang nakatanghal
saanman ikaw lumingon, ang mga taong makasalubong ay disenteng tingnan at
walang ni isang pulubi o mga tambay na lango sa droga kang makikita, malinis rin
ang kapaligiran na animoy nasa ibang bansa ka.
2D-J.
Ganoon pala sila sa lungsod ng Makati, sarap tumira dun at
komportable ka.
Pagdating sa Petron Mega Plaza, kung saan nagtratrabaho ang
ate ay tahimik at bibihira lamang ang taong nalabas marahil ay Sabado at day-off ng
karamihan sa empleyado. First time lang makapunta sa ganoong
kasusyalinghotel kaya medyo nangangapangapa kami pagdating sa elevator dahil
automatic ito once na i-touch mo
ang button nito. Mabilis rin ang pag-andar nito at wala pa sa minuto
ay nasa tatlumpong palapag na kami. Pagkalabas ng Elevator ay ibang
tao na ang nakasalamuha namin at may pagkadungo pa ko kapag kinakausap sila,
mabait ang trato sa akin ng Nurse at pwede ko siyang maging
kaibigan pero yun na ang una't huling pagkikita namin.
2D-K. Di ko rin halos
ramdam ng maturukan ng injection at pagkatapos ay medyo
nag-aalangan pa kami kung paano bumaba kaya tanong sa gwardya. Paglabas sa hotel ay
nagtungo kami sa MCdonalds at doon na nananghalian. Sasakay
sana kami ng MRT pauwi
pero ayaw ko ng maranasan pa ang siksikan kaya sumakay na lamang ng Bus.
Hindi baleng matrapik o mabagal ang usad atlis nakakahinga ka ng maluwag at
makakaupo pa. Sa tindi ng traffic sa EDSA ay Ala-una na kami
nakauwi. Natulog muna ako at malapit ng dumilim ng gumising, kahit paano ay di
pa nararanasan ang epekto sa akin ng gamot na itinurok pero masakit na ang
braso ko, marahil ay tumatalab na.
June
16, 2013
Sunday
(Father’s day)
Year I-167
(Father’s day)
Year I-167
2D-L. Espesyal ang araw
na ito para sa lahat ng mabubuti at mapagmahal na tatay sa buong mundo,
pagkagising pa lamang at ng tiyempong makita si Papa ay binati ko kaagad siya.
May pagkailang pa siya sa aking sinabi at kahit hindi nagsabi ng thank
you ay kuntento pa rin ako dahil sa pamamagitan ng pagbati ay parang
tinumbasan ko na ang pagmamahal ni Papa. Mula Lunes hanggang Biyernes ay buong
tiyaga siyang nakayod para lang may makain sa pang-araw-araw at may
maipangtustos sa pangpaaral ko kahit suwail akong anak na kala mo kung sino
makaasta, kahit ganoon ang ipinapakita sa kanya, ni minsan ay di niya ko
nagawang saktan, di tulad ng ibang tatay na bubugbugin ang anak kapag ganon ang
ipinapakita nila.
2D-M. Maging kung anuman
ang kasarian ko ay tanggap niya basta huwag lamang daw lumandi at maging
seryoso sa pag-aaral, swerte ako na naging tatay ko siya. Kahit Father's
day ay abala pa rin si Papa tulad ng pag-aalaga ng manok at
pamamalengke, sipag talaga ng Papa ko at matapos mag-almusal ay nagbasa ako
ng Dictionary. Mga Alas-dyis ng tumigil ako sa pagbabasa ng pocket
dictionary dahil nanakit na ang braso ko marahil ay sanhi na ng
bumibisa na ang gamot na itinurok sa akin kahapon. Sumapit pa ang kasunod na
oras ay sumakit na rin ang ulo ko kaya matapos lumamon ay idinaan ko sa higa.
Nawawala kapag nakahiga pero kumikirot ng pagkasakit sakit kapag nakaupo o
nakatayo.
2D-N. Kinahapunan ay
nagising na lamang ako dahil sa dagundong ng kulog at ilang saglit pa ay
bumuhos na ang ulan na sinabayan pa ng hangin. Marami ang masayang naliligo sa
ulan samantalang nanood lamang ako sa may bintana. Nawala ng bahagya ang sakit
ng Alas-singko kaya nakagawa pa ko ng takdang-aralin. Dahil sa iniindang sakit
ng ulo ay maaga akong natulog. Di lang ako ang may nararamdam maging si Mama na
sumasakit ang kasu-kasuan niya at patuloy pa rin nilalagnat ang ate, puro na
kami may sakit at uso na siguro dahil panahon na ng Tag-ulan. Kaso sa ingay na
nanggaling sa labas na mukhang may nagkakagulo ay nasira ang tulog ko at
dumungaw ng saglit sa bintana, may lalaking lasenggero ang nagwawala at lahat
ng bagay na mahawakan ay ihahagis sa kagalit, natakot kami at panay tago kapag
nariyan siya. Humupa naman ang away ng awatin ng mga barangay tanod ang
lalaking lango sa alak.
June
17, 2013
Monday
Year I-168
Monday
Year I-168
2D-O. Alas-tres pa
lamang ng madaling araw ng magising ang katawang lupa ko subalit nasa kalahati
na ng ikatlong umaga ako bumangon, pananakit ng ulo na tila tinutusok ng
karayom ng paulit-ulit ang naramdaman ko subalit pinilit ko pa rin mag-almusal.
Bukod sa masakit ay masakit rin ang aking balikat na nagpahirap sa akin upang
magkikilos, matindi talaga ang pananakit ng ulo at halos dumaing na ko kaya
sinabi ni Papa na huwag muna akong pumasok at hayaang ipagpahinga ang sarili.
Bumalik ako sa kama at muling tumulog, si Mama naman ay hindi magampanan ang
obligasyon bilang ina sapagkat may karamdaman ito, talagang puro na kami may
sakit marahil ay gawa ng pabago-bagong panahon. Nabawasan naman ang sakit ng
ulo ng sumikat ang araw pero pumalit naman ang pagkakaroon ng sipon.
2D-P. Dahil may sakit
ang ilaw ng tahanan pati ang nakakatanda kong kapatid ay ako muna ang
umako sa gawaing bahay kahit may dinaramdam na sakit, kailangan kong kumilos
sapagkat malakas pa naman ako at makakayang gawin ang lahat. Ako na mismo ang
naghugas ng plato, nagwalis at nagsaing naman ng kinatanghalian. Matapos ang
gawaing tahanan ay nagbasa ako ng Dictionary upang mapawi ang
pagkabato, patuloy akong sinisipon at masakit pa rin ang ulo. Ilang saglit pa
ay bumangon ang Ate at binuksan ang telebisyon upang manood ng video. Tingin
ko sa kanya, magaling na ito. Itinigil ko ang pagbabasa nakinuod ng video. The
mistress at A secret affair ang pinanuod na pelikula
at iyon ang naging pampalipas oras ko.
Magaganda ang pelikula at tungkol iyon sa mga babaeng walang ibang inatupag
kundi kumabet.
2D-Q.
Matutulog na sana ako ng dumaing ang Mama ng pananakit ng katawan, bumili ako
ng gamot para sa kanya at mukhang bubuhos nanaman ang ulan dahil napakiitim
muli ng kalangitan at mukhang gabi na. Maya-maya ay gumuhit na ang nagtatalimang
kidlat sa kalawakan at sinundan ito ng malalakas na kulog na malabomba kung
dumagundong hanggang sa bumuhos na ang ulan. Sa sobrang lakas ng ulan ay
nagdulot ito ng pagbaha at malakas na agos sa sapa. Kasagsagan ng ulan ng
dumating ang Papa at may hatid itong pasalubong. Dahil KFC ang
dala niya ay mabilis pa sa Alas-kwatro ang aming pagsulpot at lumantak ng imported at
masarap na manok, sa sobrang dami ng kinain ay hindi na ko naghapunan pa.
Tumagal ang pag-ulan hanggang sa gabi at sinabi ng PAGASA na
dulot iyon ng Habagat na pinalalakas ng Bagyong Emong.
Maaga akong natulog pagkat dama pa rin ang masakit na ulo.
June
18, 2013
Tuesday
Year I-169
Tuesday
Year I-169
2D-R. Nawala na ang
sakit ng ulo ko paggising ng madaling araw subalit halakhak ng dibdib ang
gumising sa natutulog na diwa ko. Sumisipol nanaman ang aking dibdib marahil ay
gawa na ito ng plemang dumidigkit na sa baga. Bukod sa dinig ang pagsipol ng
dibdib ay inuubo din ako at sa dalas kong ubuhin o sipunin na at napapansin na
rin ng mga magulang ko ay minabuti ng marahil ang magpakunsulta sa Doctor mamaya.
Kahit inuubong parang kahol ng aso ay dumalo pa rin ako ng klase. Pagdating sa
eskwela, naging maingay angclassroom dahil sa ingay nina Jessa na
mukhang na-miss ako, sa totoo lang ay parang kapatid na ang
turing ko sa kanila pagkat sa tuwing nagkakaroon ng pagsusulit ay lihim kaming
nagbibigayan ng sagot at nagdadamayan kapag may problemang kinakaharap.
2D-S. Maya-maya pa,
pumasok na ang aming gurong tagapayo na si Sir Arnulfo. Naimbyerna
ito sa lahat ng nakatalagang officer dahil hindi pa nakakagawa
ng bulletin board, nagsitahimik ang mga kaklase ko at
hindi maalis ang takot subalit ng humupa ang galit ay saka pa lamang
nagsimulang mag-discuss si Sir Arnulfo. Nagkaroon
din ng Class recitation at isa-isa kaming tinatawag. Sa oras naman
ng MAPEH ay
naibsan ang kaninang takot na takot sapagkat bukod sa mahusay magturo ay
mahusay rin magpatawa si Ma'am Mina at tinalakay
niya sa amin ang tungkol sa Mental Disorder.
2D-T. Nang Filipino na,
ang inakalang mabait raw na si Sir Velarde na
humalili kay Ma'am Elises dahil sa mukha at
postura ay kabiligtaran sa ipinapakita nito sapagkat napakasungit niya at galit
sa lahat ng estudyanteng tamad magbasa, bukod pa dun ay may mga salitang
nakakasakit sa damdamin ang ibinato sa amin, talagang super na-badtrip si
Sir at nagsiulputan ang samu't saring komento ng aking kamag-aral paglisan
ni Sir Velarde. Sa oras ng English at
dahil nakaligtaang basahin ang kwentong pinamagatang The Diamond Necklace ay
sobrang pressure ako sa pagbabasa at pag-intindi at
kinakabahan na ng husto dahil isa-isa kaming tinatawag ni Ma'am Miranda pero
nakawala ako sa mahigpit na pagkakasakal ng kaba nung hindi ako natawag at
masaya ako dahil dalawang subject na lang bago ang uwian.
2D-U. Sa oras ng Math ay
nagkaroon kami ng long test at naging sisiw lamang sa akin ang
bawat katanungan. Nang Physics na ay kilig to the
bones ang malalandi kong kamag-aral dahil magtuturo nanaman ang Ser Chief ng
buhay nila, tiliin kami ng magsagot ang Mandy sa pisara at di
makatitig ng diretso kay Sir Martin dahil ay crush niya
ito. Magtatagal pa sana ako sa classroom hanggang hapon dahil
gagawa kami ng bulletin board subalit may check-up pa
kami mamaya. Dakong Alas-dos ng tumungo kami ni Papa sa hospital upang
magpa-check up, di ako gasinong pawisan gawa na mahangin ang panahon.
Sinabi ko sa doktora ang tunay na nararamdaman ko nitong nakalipas na araw at
sa kadahilanang madalas ubuhin sa aking statement ay
kinailangan kong isailalim sa X-ray, medyo may kamahalan pero sagot
pa rin ni Papa at sangkatutak na banig ng gamot ang inireseta sa akin.
2D-V. Matapos magpa-check up ay
nagpunta kami sa Ever gotesco mall upang bumili ng gamot,
nagtungo naman ako sa Expression upang bumili ng librong El Filibusterismo.
Matapos ay nagpunta naman kami sa Puregold at bumili ng mga
kakailanganin sa bahay at babaunin sa eskwela. Pagkauwi sa bahay ay nagkaroon
ng diskusyon ang magulang ko at sa pakiwari ko ay ako ang dahilan kung bakit
gumagastos na sila ng malaki, bakit pa kasi ako nagkakasakit? Upang may
maisagot sa Recitation bukas sa Filipino ay
binasa ko ang El filibusterismo. Pagsapit ng gabi ay bumuhos
nanaman ang napakalakas na ulan subalit panandalian lamang iyon. Bago mahimbing
sa pagkakatulog ay uminom muna ako ng gamot, parang di kagandahan ang timpla ko
nitong gabi.
June
19, 2013
Wednesday
Year I-170
Wednesday
Year I-170
2D-W. Sa kadahilanang
may kalakasan ang pagsipol ng aking dibdib ay Alas-dos ng madaling araw ay iyon
ang mistulang alarm clock upang magising, mukhang
dumadalas na talaga ang pag-atake ng hika ko at pigil muli ang aking
hininga. Maya-maya'y inubo na ko ng sunod-sunod at narinig ko ang walang
prenong sermon ni Mama na puro panunumbat na lang, maingay tuloy kami ngayong
umaga. Hindi naman sapat na dahilan ang sinusumbat niya sa akin kung bakit
nararanasan ko ito pero marahil ay may pagkukulang din naman ako. Ilang sandali
pa at kahit umaga ay bumuhos nanaman ang ulan, binuksan ko ang telebisyon upang
alamin kung suspendido ba ang klase subalit natuloy pa rin ang klase dahil
tumigil naman ang ulan.
2D-X. Pagdating sa
eskwela ay pansin kong kakaunti pa lang ang mga kaklase ko, saka pa lamang
nagsidatingan ang karamihan kung kailan magsisimula na ang klase. Kami naman ay
lihim na nagbabasa ng El filibusterismo sa takot
na mapagalitan ni Sir Velarde mamaya kapag di
nakasagot. Masama talaga ang
pakiramdam ko at sunod-sunod na inuubo kaya hindi ako makapag-concentrate sa
pag-aaral. Sa oras naman ng TLE at
matapos mag-discuss ni Sir Balbin ay
nagkaroon kami ng maikling pagsusulit, mahirap at parang hindi alam ang
isasagot pero dahil sa pananalig ay nakakuha pa ko ng lagpas sa sampu, up
to 20 kasi ang test. Nang MAPEH na, ang lahat ng
atensyon ay napupunta kay Ma'am Mina maliban sa katabi kong
may sariling pinag-uusapan, sinaway ko sila at sinabihang makinig sa guro pero
parang teyngang kawali.
2D-Y. Ang kaba sa dibdib
ay lalo pang lumalala habang papalapit ang Filipino. Habang di
pa pumapasok si Sir Velarde ay puspusan na kami sa
pagbabasa, dumilim ang kalangitan at bumuhos muli ang ulan kaya naiisip ng
marami sa amin na sana ay masuspinde na ang klase para makaligtas sa recitation. Maski si Sir Velarde ay
nais na ring masuspinde ang klase sapagkat tinatamad na raw magturo sa amin
kapag tinatamad naman magbasa ang estudyante niya pero mukhang goodvibes na
si sir. Natuwa ako sa kanyang sinabi hugis parisukat daw ang mukha ko at
maganda raw ang pagkakahubog, namalik mata marahil si Sir at parang di naman.
Sa oras naman ng English ay nagkaroon kami ng pangkatang
gawain at dahil may pagkakaisa ay nagawa namin iyon ng maayos.
2D-Z. Sa oras ng Math ay
nagkaroon muli kami ng long test at sa dali ng test ay
wala pa sa bente minutos ay tapos ka na pero yun nga lang ay gagamit ka pa
ng scratch paper sa pag-compute kung walang scientific
calculator. Maging sa Physics ay kailangan rin ang scientific
calculator at habang nagtuturo si Sir Martin ay
halos nakikinig ang lahat, ang ganda kasi ng Lesson na aming
kinaaaliwan. Maya-maya’y uwian na at pagdating sa bahay ay di kagandahan talaga
ang timpla ko kaya idinaan sa tulog. Alas-kwatro na ko nagising at talagang
inuubo ako ng sunod-sunod. Bukod pa roon namamaga rin ang aking lalamunan,
nahirapan tuloy akong lumunok ng kinakain nung hapunan. Sa halip na magtagal pa
sa panonood ng telebisyon ay ipinagpahinga ko na ang sarili.
June
20, 2013
Thursday
Year I-171
Thursday
Year I-171
2E-A. Sumisipol muli ang
aking dibdib at kaalinsabay nito ang pagkirot ng aking lalamunan na parang may
plemang nakadikit ng husto at di mailabas. Ayaw ko ng lumiban pa sa klase sa
takot na bumaba ang mga marka subalit napakasama ng aking pakiramdam at mukhang
di kakayaning pumasok. Sinabi ko kay Papa na di ako makakapasok sapagkat di ko
na kaya at upang makapagpahinga. Si mama naman, panay sermon pa rin sa akin na
para bang gustong palabasin na ako ang dahilan ng pagkakasakit ko, ayaw kong
maniwala sa panunumbat niyang napakarami at iinisip na ang pagbabago ng panahon
ang may pakana subalit siguro nga'y masyado akong nagpapagod sa bagay na walang
kabuluhan kaya ako nagkakasakit.
2E-B. Maraming nasasabi
ang Mama na parang pwet ng manok kung pumutak kaya sa halip na sumagot ay
tinakpan ko na lang ang teynga ko, kakasawa na kasing pakinggan ang sinasabi
niyang paulit-ulit at kapag magaling kang sumagot ay lalabas ka pang masama at
bastos. Sa kada paglunok ay
bugso ng kirot ng lalamunan ang aking nadarama at hirap ako sa paghinga,
sunod-sunod na rin ang aking pag-ubo. Matapos mag-almusal ay dinamihan ko ang
inom ng tubig kasama ang gamot. Dahil May karamdaman at sa halip na tumulong sa
gawaing bahay ay pagbabasa na lang ng El Filibusterismo ang
aking inatupag.
2E-C. Matapos ang ilang
araw na nag-uulan-ulan ay nagpakita na ang haring araw subalit mahangin naman
sa labas. Nanatili ako sa labas habang nagbabasa ng sa gayon ay makalanghap ng
sapat na Oxygen. Matapos basahin ang dalawang kabanata ay nahiga
ako saglit sa kama, parang gusto kong laging nakahiga. Bumangon lang ako ng
nakapagluto na si Mama at sinabi ko sa kanyang sinigang na karne ang ulam ng sa
gayon ay makahigop ako ng sabaw at mapunan ang kakulangan sa bitamina. Matapos kumain ay
uminom ako ng gamot saka natulog. Habang himbing sa tulog ay bigla naman akong
sinipon at sumasakit naman ang aking ilong kapag pinipigilang suminga, naupo
ako sa upuan upang lumabas ang sipon at pagkasinga ay sandamakmak na sipong
tubig ang lumalabas, binabahing pa ko ng sunod-sunod at sa oras na iyon ay lalo
pang sumama ang pakiramdam ko.
2E-D. Nang wala ng
maisinga ay natulog ako upang makapagpahinga. Maya-maya’y bumuhos muli ang ulan
na sinabayan pa ng hangin kaya isinara ko ang mga bintana. Kahit masakit ang
lalamunan, inuubo at sinisipon ay gumawa pa rin ako ng biswal sa Filipino sapagkat
may pag-uulat kami bukas. Sa sama ng pakiramdam ay di ko iyon natapos kaya
naupo ako at nanood ng telebisyon. Habang nakaupo ay bigla kong naramdaman ang
pagyanig ng aking inuupuan, akala ko ay may nang-uuga pero lumilindol na pala.
Segundo lang naramdaman ang lindol at mahina lamang ito. Maski si Mama ay
naramdaman rin ang pagyanig at sinabing lumindol raw, saka lang naming
nasiguradong lumindol ng ibalita sa TV patrol.
Sa sama ng pakiramdam ay hindi na ko nagtagal pa sa pagtutok ng telebisyon at
ako'y natulog na. Hindi naman makatulog sapagkat barado pa rin ang ilong at
sinisipon.
June 21, 2013
Friday
Year I-172
2E-E. Masakit pa rin ang
aking lalamunan at sa tuwing umaga ay nasipol pa rin ang aking dibdib. Bukod pa
diyan ay malutong pa rin ang aking pag-ubo subalit humupa na ang aking sipon.
Kahit di pa ko gumagaling ay bumangon pa rin ng maaga at pumasok alang-alang sa
aming pag-uulat. Matapos kumain at magsipilyo at habang may natitira pang oras
ay tinapos ko ang biswal. Di lang pagkain ang binaon ko kundi dalawang panyo
baka sakaling sipunin muli. Pagdating sa eskwela, lahat sa aking mga kaklase ay
nakasuot ng PE uniform
maliban sa akin na nakasuot ng school uniform, naisip kong ako
lang ang naiiba at ang awkward naman. Maya-maya at dahil flag
ceremony ay lumabas kami at saglit lamang iyon. Sa oras ng AP ay
nagkaroon kami ng pangkatang gawain at matapos ang activity ay
nagtsek kami, kasabay ng pananamlay ng katawan ko ang pananamlay rin ng markang
nakuha ko.
2E-F. Wala talaga ako
sa mood makinig sa guro at parang gusto ko laging naka-nap.
Sumigla lang ako ng patugtugin ni Ma'am Fabiana ang christian
song atenjoy siyang pakinggan, iba talaga ang mararamdaman
mo kapag awit para kayGod ang naririnig mo, bukod sa magandang
pakinggan ay pinapalakas nito ang loob mo at parang dama ko ang presensiya
niya, tunay ngang makapangyarihan ang Diyos at may Diyos. Nanamlay muli ako
ng MAPEH na at dahil PE nila ay lumabas
silang lahat maliban sa akin na naiwang mag-isa sa Classroom. Habang
sinasagawa nila ang PE ay sinamantala ko ang oras upang
magpalakas. Isang oras makalipas ng magsidatingan sila at kahit napakasama ng aking
pakiramdam ay nilabanan ko iyon upang maidikit ang biswal sa blackboard.
Dahil namamaos ako ay nakiusap ako kila Bacsal at Ibarra na
sila na ang mag-ulat, pumayag naman sila at maayos nilang nagampanan ang
pag-uulat.
2E-G. Sinabi ni Sir Velarde na
kami ng bahala kung tamad o masipag magbasa basta walang sisihan kapag kuhaan
na ng Card, sa kanyang nasambit ay mukhang napagod ng magalit at
anu ang magagawa niya kung tamad talaga ang mga estudyante. Sa sakit ng
lalamunan ay kakaunti lamang ang nakain ko. Sa oras ng English ay
nagkaroon kami ng verbal ability test at Plotting the
point sa Mathematics. Sa oras ng Physics ay
nagpunta kaming lahat sa Laboratory upang mag-experiment, exciting ang experiment sapagkat
sa bawatstation ay kailangang sagutan ang mga katanungan sa
pamamagitan ng pagsukat at pagtimbang sa loob lamang ng anim na minuto. Dahil
may Mathematical Ability ay ako ang nagtantiya ng
tamang sukat na papatak sa bawat numero at ako rin ang tagakompyut, parang
nabigyang halaga ako sa kanila. Ng matapos ang experimentation ay
uwian na. Umuwi akong hirap na hirap at hapong-hapo kaya pagdating sa bahay ay
hindi na ko nananghalian pa at kaagad ng natulog. Malapit ng sumapit ang Alas
kwatro ng ako'y magising at umuulan nanaman.
2E-H. Ngangatog ako sa
ginaw na tila nagbabadyang lagnatin, pasado Alas-kwatro ng dumating si Papa at
dala na rin niya ang result ng aking X-ray. Di
pa final ang resulta at sinabing isasailalim muli ako sa X-ray sa
Martes, ngayon pa lang ay kabado na ako kung may sakit ng nakakapit sa aking
baga at sana ay wala dahil kung mayroon ay mapipilitan akong isantabi ang
pagkokolehiyo upang magpagaling. Kinagabihan ay lalo pang sumama ang pakiramdam
ko na tila inaapoy na ng lagnat, segundo lang ang pagitan ng pag-ubo ko at
patuloy ang paglabas ng matubig na sipon sa aking ilong at masakit na rin ang
ulo. Sa puntong iyon ay gusto ko ng magpahinga at nawalan na ko ng ganang
manood. Dahil nilalagnat ako ay ibinalot ko ang buong katawan sa makapal na
kumot ng sa gayo'y pawisan.
June
22, 2013
Saturday
Year I-173
Saturday
Year I-173
2E-I. Humupa na ang
lagnat ko subalit masakit pa rin ang aking lalamunan kapag ako ay lumulunok.
Ang kahapong halos maglupasay na sa tindi ng sama ng pakiramdam ay nabawasan na
ngayon. Ang kahapong malatubig na sipon kung ilalabas ngayon ay malakondensada
na sa lapot at bibihira na lang akong ubuhin, siguro nga ganon kapag gumagaling
ka na. Sa dami ng sipong kusang nalabas ay wala akong ginawa sa umagang iyon
kundi suminga ng suminga. Kapag inubo ay mahahakot ang napakalapot na plema sa
kailaliman ng lalamunan at gumiginhawa ang paghinga ko kapag nailalabas. Sa
dami ng sipong nailabas ay wala ng mapagsidlan ng sipon ang panyong aking
sinisingahan. Kakapagod ang suminga ng walang humpay kaya kahit naiipon na sa ilong ay
tumigil muna ako, bawal naman sa akin ang gawaing bahay kaya nagbasa na lang
ako ng diksyonaryo.
2E-J. Sa sobrang abala
sa kakabasa ng diksyonaryo ay di ko namalayang sumapit na ang Alas-onse at oras
na ng tanghalian. Matapos mananghalian ay uminom ako ng gamot at nagpalipas ng
sandali bago matulog. Iba na talaga ang takbo ng buhay ko kapag may sakit
sapagkat lahat ng gustong gawin ay napakalimitado at bawal akong gumala o
magpagod, saka pasakit rin sa magulang ko ang sakit ko dahil gumagastos pa sila
ng malaki upang ipagamot lang ako at batid kong wala na silang pahinga sa
gastusin, bayarin sa tubig, kuryente at allowance ko pa sa
araw-araw tapos sumabay pa ang pagkakasakit ko.
2E-K. Mukhang guilty ako
sa nangyayari sa kanila at gusto ko ng gumaling at huwag ng magkasakit pa kaya
todo sikap ako sa pagpapagaling. Matapos matulog ay uminom ako ng maraming
tubig, kakabato kapag nasa loob ka lang ng bahay kaya nagkumpyuter ako. Matapos
magkumpyuter ay nanood ako ng telebisyon, medyo sinisipon pa rin pero di na
gasinong masama ang pakiramdam ko. Matapos kumain ng hapunan ay uminom ako ng
gamot. Dahil masamang magpuyat sa magdamag ay di na ko patumpik-tumpik
karakarakang natulog na.
June
23, 2013
Sunday
Year I-174
Sunday
Year I-174
2E-L. Gising na ang lahat
ng aking kasamahan sa bahay maliban sa akin na himbing pa sa pagtulog subalit
gising na ang diwa. Alas-siete na ko nagising at sa aking pagmulat ay liwanag
na nagmumula sa labas ang sumalubong sa akin at iyon ay kakasilaw. Kasabay ng
maaliwalas na panahon ang pagbuti ng aking pakiramdam, inuubo pa rin ng
malutong na kung idadahak ay malapot na plema ang nalabas at barado ang ilong
ko kung di naman isisinga subalit gumiginhawa naman ang paghinga ko kapag
nailabas. Hindi na gaya ng nakaraang araw ang pakiramdam ko subalit bawal pa
rin sa akin ang gawaing bahay o mapagod ng husto sapagkat ang sakit ay babalik.
naupo lamang ako at ako'y nagbasa ng El Filibusterismo, nang
magsawa at sa kadahilanang may takdang aralin sa Values ay tiyagaan
ko yun ginawa. Ginandahan ko ng husto at tiningkaran ang pagkukulay upang Impressive
itong tingnan. Matapos ang takdang aralin sa Values ay
nagkumpyuter ako, sa halip na mag-online sa social
network ay pag-research ng ire-report sa AP ang
inatupag ko.
2E-M. Kailangan ng
magseryoso sa pag-aaral ng sa gayon ay matagumpay akong makapagtapos kaso
malaki ang tiyansang isantabi ang pagkokolehiyo sapagkat kailangan ko pang
magpagaling ng lubusan. Kung di lang nagdurusa sa sakit ay hindi ako titigil. Matapos
magkumpyuter at kahit bawal sa akin ang lumabas pero kinakailangan upang
makapagpa-print ay napalitan ako. Sa John Martin sana
ako magpapalimbag subalit gawa ng maingay plus mabaho ay di na
ko nakatiis at sa taas na nagpa-print. Ng makapaglimbag ay bumili ako ng
Kartolina atcolored paper, ang kaninang kakulimliman ay sa isang iglap
ay umaraw at tumatagaktak ang pawis ko. Habang mag-isang naglalakad ay saktong
nakasalubong ang Pastora Anna, sa tinagal ng panahong di kami
nagkikita ay nagkamustahan kami.
2E-N. Todo yaya sa akin
ang Pastora na sumama sa Fellowship mamaya pero dahil may gagawin
pa ay tumanggi ako, tila bagang Panginoon na ang tinatanggihan ko kaya kahit
labag sa kalooban ay napaoo na ako. Tagaktak ang pawis ko ng umuwi sa bahay
kaya panay punas ako sapagkat bawal akong matuyuan ng pawis at maya-maya'y
natulog ako. Sa kasarapang matulog ay hindi na ko nakadalo sa Fellowship sapagkat
Alas-singko na ko nagising at di na patumpik tumpik karakarakang gumawa ng
biswal sa AP.
Nilagyang ko lamang ng palamuti subalit wala pang sulat at matapos gawin ang
biswal sa kartolina ay ipinagpatuloy ko ang pagbabasa ng El Filibusterismo,
sa haba ng kwento ng kabanata ay nakakadalawang kabanata pa lamang ako para sa
araw na ito. Sa kadahilanang may pasok nanaman kinabukasan ay kaagad na kong
natulog.
June
24, 2013
Monday
Year I-175
Monday
Year I-175
2E-O. Pumatak muli ang
araw ng Lunes, hudyat ng pagsisimula ng panibagong linggo na ating kakaharapin.
Mapalad ang taga Maynila at San Juan sapagkat
sa araw na ito ay Holiday sa kanila samantalang di pa nga
nakakabawi sa puyatan ay heto muli ang matang pilit nanamang ididilat.
Pupungas-pungas pa akong nakaupo sa mesa habang hinihintay ang nilulutong
almusal. Matapos lumamon sa mainit-init pang Cornbeef at sa
halip na maligo ay nagpunas lamang ako. Medyo may pag-ubo pa subalit manakanaka
na lamang at malapot na ang plema kapag nailabas. Pagdating sa eskwelahan ay nadatnan
kong sarado ang silid-aralan at may Flag ceremony, sumilip
ako sa bintana at nakitang may iilan akong kamag-aral na nagtatago. Ako,
si Patrick, si Jonalyn at si Jessa lamang
ang nasa classroom at upang di mabuko sa pagtatago sa flag
ceremony ay matahimik kaming nag-uusap at nakapatay rin ang ilaw.
2E-P. Umingay lamang
ang classroom ng magsidatingan ang iba pa naming kamag-aral na dumalo
sa Flag ceremony. Medyo natatanga nga naman sapagkat
nakalimutan kong dalhin ang assignment sa Values, wala
tuloy naipasa at upang makabawi ay nag-volunteer ako na iulat ang Lesson na
nakatoka sa amin. Sigawan at abot langit ang tuwa ang naramdaman ng aking
kamag-aral ng inanunsyo ni Ma'am Fabiana na may theatre
play na gaganapin sa SM North EDSA pero sa susunod na buwan
pa. Nag-aalinlangan na may halong saya sapagkat baka wala ng maibigay na pera
sa akin sila Mama pambayad sa play dahil napupunta lamang sa
gamot ko ang ginagastos nila.
2E-Q. Kung wala lamang
akong sakit di sana ay makakasama ako at sayang naman talaga. Sa oras ng TLE, sa halip sa silid-aralan
ganapin ang dicussionay doon kami sa computer laboratory nag-lesson.
Sa oras ng MAPEH, ang
mga kaklase ko na hindi gumawa ng assignment ay pinalabas at
pinaglinis ni Ma'am Mina sa koridor at hagdanan. Isa sana ako
sa kanila subalit dahil may karamdaman ako na bawal ang mapagod ay taimtim
akong humingi ng pabor kay Ma'am. Naintindihan naman niya ang kalagayan ko kaya
abswelto ako sa parusa at sumunod sa kanya sa pagpasok ng classroom.
Kahit masayang magturo si Ma'am Mina ay iba pa rin kapag
marami kami, paano kakaunti lang ang gumawa ng assignment kaya
kakaunti lamang kaming natira at kahit anong pilit tumawa ay parang nakabaon pa
rin ang kalungkutan, wala kasi ang mga kaibigan ko at hirap akong makisama sa
iba kong kamag-aral.
2E-R. Saka pa lamang
bumalik sa dating sigla ang classroom ng Filipino na
at nagbuod lamang kami ng kabanata batay sa binasang kabanatang aming
nauunawaan. Mukhang bumabait na si Sir Velarde at
kinakausap niyang parang kasing edad kung sino ang matawag sa attendance.
Sa oras ng English ay ibang Teacher ang
nagturo sa amin sapagkat may sakit si Ma'am Miranda,
nagpakilalang itong Ma'am Enriquez at mukhang mas
gugustuhin ko pang siya ang maging guro namin sapagkat napakalapit niya sa
amin. Sa oras ng Math,
nandiyan nanaman si sir feeling pogi at terror Teacher pa,
sa oras na ito wala kaming ginawa kundi mag-lesson at mag-seatwork.
Sa oras naman ng Physics, ayan ang tunay na sir pogi at si Sir Martin iyon
sapagkat mas litaw sa isipan ko ang kakisigan niya kaysa magaling magturo,
nagkaroon rin kami ng quiz sa kanya.
2E-S. Hindi gasinong
pinalad dahil hindi gasinong kataasan ang nakuha ko pero babawi na lang next
quiz at ilang sandali pa ay uwian na. Dahil tambak ang mgaassignment ay
kapos sa oras ang pagtulog ko at pagkatapos ay gumawa na ko ng assignment sa MAPEH at Physics.
nakaranas ng pananakit ang mga daliri ko sa dami ng words na
itina-type sa computer at ng masalba sa Yahoo ang
documents ng assignment ay tumungo na ko sa computer
shop. Nang makapaglimbag ng takdang aralin ay pagsusulat sa biswal sa AP ang sunod kong inatupag
sapagkat may pangkatang pag-uulat kami bukas. Sa dami ng sinulat ay inabot na
ko ng gabi. Sa dinami-rami ng kailangang tapusin ay nakaramdam na ko ng
pagkahapo at sa antok ay bumagsak na ko sa kama at napaaga ang aking pagtulog.
June
25, 2013
Tuesday
Year I-176
Tuesday
Year I-176
2E-T. Magigising muli ng
maaga na kahit hindi pa lubusang masigla ay kailangan ng bumangon, ayaw ko
kasing mahuli sa pagpasok at baka masita ng baklitang guro namin sa AP. Maliwaliwanag na ng makaalis sa
bahay at kasabay ko ang nanay ni Regine patungo ng eskwela.
Habang nasa loob ng tricycle ay tamang pag-uusap kami, naputol
ang masarap na pag-uusap namin ng makarating eskwelahan. Ngayon ang
pangkatang pag-uulat at habang di pa dumadating si Sir Arnulfo ay
puspusang pagbabasa sa pina-print na reference ang
aming inaatupag. Lalong sumidhi ang kaba sa dibdib ng dumating si Sir at habang
nagtatalakay ay pwersado na ko sa pagkakabisado ng sasabihin. Nakapag-ulat na
ang ilang pangkat at halos lahat sa nakapag-ulat ay binabasa lamang ang kanilang Reference.
Dahil lagpas na sa oras ay parang nabunutan ako ng tinik ng sabihin ni Sir Arnulfo na
bukas na kami mag-uulat. Sa oras naman ng TLE ay itinuro sa amin
ni Sir Balbin ang parts of mother board at
ng may natitira pang oras ay nagkaroon kami ng snap quiz.
2E-U. Kahit nakikinig ay
hirap pa rin ako sa pag-absorb ng information hinggil
satopic kaya kakaunti lamang ang nakuha ko subalit dahil marami
pang pagkakataon ay hindi ako dismayado sa natamong marka. Sa oras
ng MAPEH ay walang
pinalabas at pinaglinis dahil halos lahat sa amin ay gumawa ng assignment,
nag-discuss lamang si Ma'am Mina tungkol
sa Theories of aging. Kahit pangmatanda ang lesson ay
parang masarap matuto at todo kinig talaga ako lalo na ng magkwento si Ma'am
ukol sa kanyang buhay, tsismosa na siya ng ikwento ang buhay ng iba, may
pagkaloka talaga si Ma'am at bawit sabihin niya'y nakakatawa. Sa oras ng Filipino ay
muling nagpatuloy ang pangkatang pag-uulat, ang inakalang luklukan ng sungit at
strikto na si Sir Velarde ay tila umaamo na at
hindi na kakikitaan ng pagka-terror. Nang recess pa ay
lumabas ng halos lahat sa aking kamag-aral at kami lamang ni Jenny Mae ang
natira, habang ngumunguya ng snacks ay nagtsikahan kami. Nang
dumating si Ma'am Miranda ay humiwalay na kay Jenny mae at
umupo sa ibang upuan.
2E-V. Nang mag-discuss ay
hindi ako sang-ayon sa opinyon niya hinggil sa mgasuperstars sapagkat
nadawit ang idolo ko na si Vice Ganda at sinabing
dinadamay lang niya ang pangalan ng ibang tao upang makapagpatawa ngAudience,
ganon talaga sa larangan ng komedya, nasa kanila naman kung paano nila
tatanggapin ang mga joke o maiintindihan at sinabi iyon
ni Vice nung mag-apologize siya. Kung sa bagay ay
opinyon lang talaga ni Ma'am Miranda kay Vice Ganda at
walang intensyong siraan ito. Maya-maya ay Math na at nag-discuss lamang
si Sir Harren sa buong oras niya maging sa Physics.
Sa lahat ng teacher ko nitong Fourth year ay
kay Sir Martin talaga nakapokus ng husto ang
attensyon ko at nakatuon lagi sa kung anong hitsura ang mayroon siya, ang pogi
niya kasi at parang ang gaan niyang maging guro. Ilang saglit pa ay uwian na,
sa tindi ng init ay pinagpawisan ako pagdating sa bahay. Medyo inuubo pa rin at
sinisipon kaya matapos mananghalian ay tumulog ako.
2E-W. Masarap na ang
tulog ko subalit ginising ako ng Mama dakong Alas-tres dahil may follow
up check up pa ako. Ako lang mag-isa ang nagtungo sahospital.
Bago magpakunsulta sa doctor ay hinintay ko munang dumating si
Papa. Minuto ang nakalipas ng dumating si Papa at nagsimula na ko sa paglalahad
hinggil sa pagkakaroon ng ubo at sipon at gaano ito kadalas. Sinabi ng doctor na
kumplikado na ang baga ko ayon sa nakita niya sa X-ray resultsubalit
hindi pa iyon final kaya isinailalim muli sa X-ray.
Matapos ang X-ray ay kailangan ng gamutin sapagkat baka
maaring mauwi sa Tubercolusis kapag di naagapan at kinakatakot
ko iyon. Napagastos muli ang Papa sa dami ng gamot na kailangan kong inumin.
Pagdating sa bahay at matapos maghapunan ay sinimulan ko ng uminom ng gamot. Sa
dami ng gamot na may iba't ibang klase ay parang lumulunon ng maraming bato at
kinakatakot ko na baka naman sa susunod na araw ay magkaroon ng ibang sakit
dahil naman sa side effect. Matapos manood ng telebisyon ay agad ng
natulog.
June
26, 2013
Wednesday
Year I-177
Wednesday
Year I-177
2E-X. Medyo nakakaramdam
pa rin ng antok sa aking pagmulat at sa pakiwari ko ay nabitin ang pagtulog ko.
Dahil pang-umaga ang duty ni Papa ay siya na ang nagluluto ng
aalmusalin ko sa halip na si Mama. Matapos kumain ng almusal at dahil maaga pa
naman ay nagrepaso muna ako sa MAPEH sapagkat
mayroon muling Quiz. Maging sa eskwela habang wala pa si Sir Arnulfo ay
nagkabisado ako ng sasabihin para sa pag-uulat mamaya, ng dumating si sir ay
maanghang na sermon ang sinalubong sa amin ng umagang iyon ding iyon at bunsod
ng pagkagalit niya ang hindi pa natatapos na bulletin board at
maduming classroom. Mukhang mauubos ang oras niya sa pagtuturo dahil sa
walang katapusang sermon subalit kumalma naman si sir kinalaunan.
2E-Y. Natuloy pa rin ang
pag-uulat at ng ako na ang sumalang sa harapan ay lakas ng loob ang pinairal ko
at buong tapang na nagsalita, kapag nauutal ay binabasa ko ang kodigo. Dahil sa
pagtutulungan namin ni Kathy ay nasiayos namin ng husto ang
pag-uulat. Sa oras ng TLE ay
nagdiscuss lamang si SirBalbin, naging pagkakataon sa akin upang
magrepaso sa MAPEH at
palihim ko iyon ginawa. Kaba at may halong excitement ang
naramdaman ko ng MAPEH na at dahil nakapagrepaso ay may naisagot
naman naman sa test kahit paano. Nadismaya lamang sa aking
natamong marka sapagkat hindi pa umabot sa passing score,
bawi na lang next time. Matapos ang MAPEH ay Filipino na, sa oras na
ito ay nag-ulat ang pangkat nina Mary Joy at
isa-isa kaming tinanong. Kahit hindi sigurado sa mga sinasagot ay lakas loob pa
rin ako, atlis pala-recite.
2E-Z. Sa oras ng
naman English, matapos mag-discuss ni Ma'am Miranda ay
nagkaroon kami ng maikling pagsusulit pero bago yan ay binigyan kami ni Ma'am
Miranda ng ilang minuto upang magrepaso. Kahit anumang repasong gawin
ko ay mukhang nanamlay ang nakukuha kong marka at sobrangfrustration na
ko. Sana sa susunod na mga quizzes ay makatamo na ng magandang
marka at huwag sanang mabali iyon. Sa oras ng Math, my
favorite subject ay isa-isang pinag-recite ni Sir Harren ang
aking mga kamag-aral tungkol sa integers. Pangit lang sa sistema ni
Sir sa recitation na kahit gusto mo ng magtaas ng kamay kapag
may alam kang sagot ay hindi ka niya tatawagin sapagkat kung sino ang matamaan
ng mata sa attendance ay yun ang tatawagin niya, buti pa sa
ibang subject teacher na kapag gusto mong mag-recite ay
tatawagin ka nila.
2F-A. Sa oras ng Physics ay
muli ko nanaman nakita si sir pogi at lalo pang tumaas ang paghanga sa kanya
sapagkat galing niyang magturo at nakikinig ang lahat. Matapos ang discussion ay
nagkaroon kami ng seatwork, kahit ibinigay ko na ang lahat ng
atensyon kay Sir Martin ay parang walang pumasok sa utak ko at
hirap ako sa pagsagot. Di tuloy kataasan ang nakuha ko at umuwi akong
sobrang frustrated dahil sa mga nakukuha kong marka, ang
tatamlay at hindi ako makuntento kapag hindi highest, nagrerepaso
naman ako ng mabuti at isantabi din ang pakikipagdaldalan sa katabi upang
makinig sa guro, bakit gayon pa rin?
2F-B. Pagkatapos kumain
ay natulog ako at dahil may takdang aralin sa ibang subject ay inilaan
ko ang oras sa paggawa. Kahit medyo pinapawisan sa alinsangan ng panahon ay
talagang sunog-kilay ako. Sa takot na lumalala ang sakit na aking kinakapitan
ay matapos maghapunan ay di na patumpik tumpik karakarakang uminom ng gamot at
hindi nagpuyat matapos manood ng telebisyon. Hindi makatulog sa gabing madilim
sa kagat ng nagliliparang lamok. Sa takot na dapuan ng Dengue ay
pinagpapatay ko sila at saka pa lamang napanatag ang pagtulog ko ng ni isa sa
kanila ay di nakaligtas, pesteng lamok at sana ay mawala na sila sapagkat
matinding sakit lamang ang dulot nila.
June
27, 2013
Thursday
Year I-178
Thursday
Year I-178
2F-C. Alas-tres pa
lamang ng madaling araw na kahit di pa tumutunog ang alarm clock ay
nagising na ang katawang lupa ko. Sa sunod-sunod na natatamong di kagandahang
marka, pakiramdam ko ay bigo ako at sawing-sawi. Medyo tinatamad na akong
pumasok di dahil napupungas kundi frustrated ako ng husto.
Buti pa si Leonardo laging highest kahit
tahimik, sa likuran ko na kahit maloko at maingay ay mas mataas pa sa akin.
Masamang magkaroon ng inggit sa kapwa pero di rin tama na mangyari sa akin ang
mga ito. Malapit ng magbukangliwayway ng makarating ako sa eskwela at pagpasok
pa lamang sa silid ay pangongopyang talamak sa assignment ng
iba ang nadatnan ko at kahit assignment ko ay hindi nakaligtas.
Ihing ihi na ko at habang wala pa si Sir Arnulfo ay lumabas
ako at kasama si Jessa subalit walang ni isang palikuran ang
di naka-padlock, tuloy ay walang mapag-ihian at tiis-tiis sa masakit na
puson.
2F-D. Kahit saang lupalop
ng eskwelahan ay walang palikurang handang paihiin kami. Masarap sanang makinig
sa itinuturo ni Sir Arnulfo sapagkat hinggil iyon
sa Economics na aking kinakahiligan subalit di maiwasang
maghirap sa taong may kinikimkim na ihi. Kahit naiihi na ay todo pagpipigil pa
rin ang ginawa ko, huwag lang maihiin ang pantalon. Sa oras ng MAPEH lang ako nakaluwag luwag
ng makaihi at sa dami ng naipong ihi ay halos aabutin ng sampung buong baso ang
nailabas ko. Maya-maya’y sumapit na ang oras ng Physics, maayos na
sana ang pagtuturo ni Sir Martin ukol sa energy ng
mauwi sa di mapigilang tawa dahil kay Huelar.
2F-E. Tawanan kaming
mag-aaral at hindi makapagpatuloy si sir pagkat hindi siya maka-get-over sa
sinabi ni Huelar at tawa ng tawa, nauwi tuloy sa activity sa
halip na mag-lesson. Sa oras naman ng English at sa
hindi inaasahan ay pinagalitan kami ni Ma'am Miranda dahil
naapektuhan ang oras niya sa recess, kung tutuusin ay kulang talaga
sa oras ang recess namin. Nakapag-discuss naman
si Ma'am Miranda subalit naantala ang kanyang
pagtuturo ng may isang gurong may kasamang lalaking estudyante ang pumasok at
pinatawag sila Cynt. Doon ko nalaman na nakipagbasag-ulo sila dahil
lamang sa pustahan sa DOTA, mayabang at sa katunayan ay dapat na
silang patalsikin kung ang ipinasok lang ay pakikipag-away, tuloy ay muli
kaming nasermunan ni Ma'am Miranda hanggang sa maubos ang oras
niya, sila Cynt naman ay sakit talaga ng ulo sa klase.
2F-F. Sa oras ng Math ay class recitation pa
rin at kung sino ang natawag ay sasagot sa pisara, may bagong lesson rin
naman kaming natutunan kay Sir Harren. Sa oras muli
ng Physics ay binigyan kami ni Sir Martin ng
pagkakataong kumopya ng lecture na nakapaskil sa pisara.
Habang kumokopya ay mukhang di na makasulat ang iba dahil sa palakwento si sir,
ang iba ko namang kamag-aral at dahil interesadong malaman ang buhay ni sir, sa
halip na komopya ay nakinig na lamang. Sa sarap ng usapan nila at ni Sir Martin,
nakaligtaang oras na ng uwian.
Habang naghihintay umalis ang tricycle ay may isang
manong na tinatawag ako na kung ano-anong pangalan, sinakyan ko na lamang ang
bawat pahirit niyang salita sapagkat nasa katinuan ako at kung ako ay tinutopak
tiyak na nasagot-sagot ko na siya, paano kay lakas mang-trip at
naimbyerna ako ng labis pagkauwi ng bahay.
2F-G. Nawala ang
pagkamuhi sa aking dibdib ng malasakitan ako ni Mama na punasan ang likod kong
hitik sa pawis kahit hindi ko gusto atlis appreciate kong may
pagmamahal na umiiral sa kanya. Nagpahinga ako matapos kumain at dahil
may long test kami bukas sa Physics, wala akong ginawa
sa maghapon kundi magrepaso subalit nakakatanggal ng sipag ang init ng panahon,
maya-maya ay biglang kumulog ng malakas at bumuhos na nga ang malakas na ulan.
Malakas nga ang buhos ng ulan subalit di pa rin mapawi ang alinsangan pagsapit
ng gabi. Bago matulog ay uminom ako ng bato-batong gamot.
June
28, 2013
Friday
Year I-179
Friday
Year I-179
2F-H. Saya ang una kong
naramdaman sa aking paggising sapagkat Biyernes na at sa malamang tuwing
Biyernes ay masaya ang iba dahil walang pasok kinabukasan at magagawang
maglakwatsa sa maghapon, gawain iyon ng iilan at bawal sa akin iyon dahil may
sakit ako. Nakasuot ako nung ng PE uniform
pagtungo sa eskwela subalit binilinan ako ni Mama na huwag sumali sa
anumang aktibidad sa PE sapagkat mahahapo lamang daw. Medyo
inuubo pa nga ako at halos mag-iisang Linggo ng ganito ang pakiramdam. Habang
di pa dumadating si Sir Arnulfo ay naging pagkakataon sa akin
upang makapagrepaso sa Physics. Kaso sa ingay ng kasamahan ko ay
nahirapan akong mag-concentrate. Nang AP na ay
nagkaroon kami ng maikling pagsusulit, kahit di ako nakapagrepaso ay sisiw sa
akin ang bawat katanungan subalit di ako kampanteng mape-perfect iyon.
2F-I. Sa oras naman
ng Values ay pahinga muna si Ma'am Fabiana sa
pagdi-discuss sapagkat ang aking kamag-aral ang nasa pisara upang
mag-ulat. Madaming pumapasok sa aking utak kaya naging aktibo ako sa pag-recite.
Nang oras na ng MAPEH,
nag-Physical education sila maliban sa akin na
nakatungangang nakaupo habang pinagmamasdan silang nageehersiso, naiingit ako
sapagkat enjoy ang sumali sa PE at kung wala lang sakit, sasali talaga ako. Sa
oras naman ng English ay laking gulat pagkat si Ma'am Templanza muli
ang guro namin subalit pansamantala lamang siya at sinabing naisugod raw sa hospital si Ma'am Miranda dahil
sa masama ang pakiramdam nito, kawawa naman si Ma’am Miranda at
sana ay gumaling na siya. Sa oras ng Math ay walang
kamatayang recitation muli at magso-solve sa blackboard kung
sino ang matawag, lalo pang naging excitement ang Math nang
magkaroon ng competition sa pagitan ng babae at lalaki.
2F-J.
Hiyawan ang magkabilang grupo o kami kapag nakakahigit sa katungali subalit ang
paghihiyawan ay nauwi sa panghihinayang sapagkat may nanakawang naganap at
nagkakahalaga ng limang daan ang nawala sa kanya. Iniisip kong baka na-misplace lang
niya subalit pagkabalik raw nito sa upuan ay di na makita sa kalupi ang kwarta.
Isa-isa kaming kinakapkapan at magingbag ay ininspeksyon rin
subalit di pa rin matagpuan ang pera. Nauwi sa mabagsik na
panenermon at pangmamaliit ni Sir Harren ang masaya sanang
kompetisyon at naputol na raw ang tiwala niya sa amin. Sa oras naman ng Physics ay
todo paghahanda na para sa nalalapit na long test, binigyan pa kami
ni Sir Martin ng pagkakataon upang magrepaso.
Ilang saglit pa'y nagsimula na ang pagsusulit. Hindi naging madali sa akin
ang test pero hindi rin naman mahirap at sana ay makakuha
ako ng mataas na marka.
2F-K. Dahil sa nanyaring
insidente ng nakawan ay hindi muna kami pinayagan ni Sir Arnulfo na
umuwi at sinermunan pa. Natapos ang panenermon ni sir pasado Ala-una na at
makonsensiya na kung sinuman ang nagnakaw. Hindi pa natatapos ang pangyayari
sapagkat pagkalabas ay nagkaroon rin ng rambulan sa labas ng silid, mukhang di
na marahil maganda ang nangyayari sa eskwela at ang tatapang na ng mga
estudyante ngayon na kulang na lang ay pumatay ng tao. Pagkagaling sa eskwela
at matapos kumain ay natulog ako.
2F-L. Hindi pa man
nakakalapit ang Bagyo ay naging malakas na ang ulan subalit saglit lamang at
nagpakita muli ang haring araw. Sa halip na lumabas at gumala dahil may sakit
ay nagkumpyuter lamang sa loob ng bahay. Maya-maya’y hapunan na at dahil hindi
pa kumakain sila Mama at gawa na gutom na ko ay ako na mismo ang naghain at
nagpakain sa alagang hayop. Matapos kaming dalawa ng kuya kumain ay naghugas
ako ng Plato, bago matulog ay naghilamos muna ako upang tanggal stress sa
mukha at young looking pa rin tingnan. Naging kalmado ang gabi
sa kabila na may paparating na Bagyo kaya naging panatag ang aming pagtulog.
June 29, 2013
Saturday
Year I-180
2F-M. Alas-singko ng
umaga ng ako'y nagising. Hindi na ko inaantok pa subalit ayaw ko pang bumangon.
Binuksan ko kaagad. Pagkakinig ay laking gulat ko sapagkat Under storm
signal number one na dito sa Metro Manila dahil
sa paparating na Bagyo subalit kung titingnan ang kapaligiran ay kalmado at
naging maaliwalas din ang panahon, mukhang di darating ang bagyo. Matapos
mag-almusal at sa kadahilanang may Project sa MAPEH ay inumpisahan ko na. Sinamantala
ko ang magandang panahon upang makabili ng materials. Naging abala
ako sa paggawa ng crossworld puzzle gamit ang Computer at
dakong Alas-dyis ko na iyon natapos. May pinuntahan pa si Mama kasama ang
kumare niyang si Aling Aying kaya si Papa ang naglaba
at nagluto.
2F-N. Habang mag-isang
nagmumukmok sa upuan ay biglang dumaan sila Sister Marlene at Sister
Nancy, kinamusta nila ako at sa sobrang tagal ng panahong hindi
nakakapagsimba, sinabi nilang marami raw ang nami-miss ako. Matagal
na rin hindi nakakapagsimba kaya nangako akong susubukan bukas kung hindi
babagayo. Bukod pa dun ay may bagay pa kaming napag-usapan at sa sarap ng
usapan ay hindi ko namalayang sumapit na ang tanghaling tapat. Ang kaninang
masiglang panahon ay tila nalulumbay na at nagbabadya na ang pag-ulan, hudyat
na epekto na ng Bagyong Gorio. Napanood ko sa balita
kung paano hagupitin ng Bagyo ang lugar ng Samar at Leyte.
Kitang-kita ang bagsik nito. Sa taas ng baha ay halos bubong na lang ng bahay
ang natira dahil sa malakas na ulan, mukha ngang mapaminsala ang bagyo kahit
mababa lamang ang Maximum sustainwinds nito dahil sa dami ng
ulan.
2F-O. Maya-maya’y umulan
na pero daglian lamang. Kasagsagan ng ulan ng dumating si Mama at may dala
itong bagong foam, mukhang-relax ang pagtulog ko
mamayang gabi at goodbye sa dati kong foam na
gutay-gutay na sa tagal na nahihigaan. Matapos mananghalian ay natulog ako at
dinamhin ko ang makinis at malambot na bagong foam. Pagkagising ay
ipinagpatuloy ko ang paggawa ng project sa MAPEH. Kinagabihan ng magsimulang
umulan ng malakas at sinabayan pa ng hangin subalit di pa naman kalakasan. Sa
lakas ng pagbuhos ng ulan ay halos hindi na marinig ang pinapanood kaya
minabuting patayin na lamang. Sinabi kasi ng PAGASA na bukas
ng umaga maaring dumaan ang bagyo dito at nakataas na ang Signal number
2. Naging maulan sa magdamag at sa takot na mabahaan ay hindi ako makatulog
ng masarap kahit komportable ang pakiramdam ko sa malambot na foam.
June
30, 2013
Sunday
Year I-181
Sunday
Year I-181
2F-P. Alas-tres ng madaling
araw ng muli akong magising, humina na ang ulan subalit dinig ko sa kapaligiran
ang malakas na ihip ng hangin. Dumungaw ako sa bintana at kitang-kitang
sumasayaw ang mga puno sa lakas ng hampas ng hangin na halos mabuwal na rin.
Inakala ko na hindi malakas ang paparating na bagyo ngunit nabulaga ako sa dala
nitong napakalakas na hangin. Maya-maya’y bumuhos nanaman ang ulan at halos
mag-zero visibility na ang kapaligiran sa sungit ng panahon. Sa
lakas ng hangin, maraming mga prutas namin ang naglaglagan at isa na dun ang
maladambuhalang langka. Nagkalat rin ang mga dahon-dahon. Tumagal ang pagbayo
ng bagyo hanggang sa sumapit ang liwanag. Humina ng bahagya ang hangin at ulan
kinaumagahan subalit kita naman ang bakas ng pinsalang dulot ng bagyo.
2F-Q. Buti na lamang at
kaagad umalis ang bagyo kaya di naman gaano kalaki ang pinsala at wala man lang
puno ang nakitang napadaoa. Hindi rin naapektuhan ang linya ng kuryente kaya
may ilaw pa rin at sinabi sa radyo na bukas ng umaga pa raw lalabas ang bagyo.
Dahil sa masungit na panahon ay hindi ko na natupad ang pangako kila Sister Nancy na
magsimba sa kanila at medyo may katagalan na rin akong hindi nakakadalo. Hindi
naman pwedeng lumabas ng bahay sapagkat baka dapuanng kung ano-anong sakit kaya
nanatili lamang ako sa loob at gumawa ng Portfolio sa Physics.
Saktong habang gumagawa ng portfolio ang pagbuti ng panahon at
sumilip na rin ang haring araw kinatanghalian. Dala ng antok kaya itinigil ko
muna ang paggawa at ako'y natulog.
2F-R. Pagkagising ay tumungo
ako sa Taas upang ilimbag ang ginawang proyekto sa MAPEH. Kahit na dumaan ang bagyo ay
tila walang nangyari sapagkat naging mainit talaga ang hapon at tagaktak ang
pawis ko pagdating sacomputer shop. Matapos maglimbag ay bumili ako
ng colored paper na panglagay bilang palamuti sa aking Portfolio.
Dahil bawal sa akin ang mapawisan ng sobra-sobra ay naisipan ko ng sumakay
sa tricycle. Pagdating sa bahay ay ipinagpatuloy ko ang
pagpapaganda ng porfolio at inabot na ng gabi ng matapos ko
iyon. Buti na lamang at nakaluto na ng hapunan si Mama kaya hindi na nagtiis pa
sa kumakalam na sikmura. Dala ng matinding puyat sa dami ng kailangang tapusin
ay napaaga ang tulog ko. Naging kalmado ang gabi subalit dinig ko ang pag-ugong
ng nagliliparang pesteng lamok.
2F-S. Hayan nanaman at
nangbibiktima muli ng nilalang na maaring tamaan ng nakakamatay na sakit dahil
sa kagat nila, panahon ng tag-ulan kaya uso na ang sakit na Dengue at
iyong sakit ang kinakatakutan kong magkaroon sapagkat mas doble sakripisyo ang dadanasin
kaysa dinadanas ko ngayon at isa pa baka ikamatay ko pa. Puro kasamaan lamang
ang maidudulot ng Dengue sa buhay natin kaya kailangan ng
ibayong pag-iingat. Bilang pag-iingat ay pinaslang ko ang mga lamok at ng
masiguradong wala ng lamok ay saka pa lamang ako nahimlay, masarap matulog
kapag walang pesteng lamok.
Walang komento:
Mag-post ng isang Komento