January 01, 2014
Wednesday
(New Year’s Day)
Year II-001
3i-f. Pumatak na ang
Alas-dose ng hating-gabi kaya lalo pang umingay ang kapaligiran dahil sa iba’t
ibang uri ng mga paputok na sabay-sabay ng sinisindihan. Naging napakaliwanag
ng kalawakan dahil sa makulay at mailaw na fireworks display at
kahit saan ka lumingon, iyon talaga ang makikita. Sinindihan ko na rin ang
pinamiling mga Luces at Fountain subalit
hindi ako nasiyahan sa Fountain sapagkat di gaanong
nagpasiklab at puro buhangin lamang ang laman. Halos lahat sa amin ay naging
napakasaya sa pagsalubong sa Bagong taon at sana'y huwag maulit yung nangyari
nung nakaraang Bagong taon na bumagsak ang Sky lantern at
nagresulta ng sunog. Habang nanonood ng fireworks display ay
bigla akong nakarinig ng malakas na pagsabog at halos mayanig ang buong
kapaligiran, marahil ay Super Yolanda o Napoles ang
sinindihan.
3i-g. Sa dami ng paputok
ng mga mayayaman ay labis kaming namangha. Matapos manood ng paputok ay saka pa
lamang kami nagsikainan at nag-Selfie. Matapos ang pagsasaya, natulog na
kami. Kinaumagahan at
pagkagising ay nakakaramdam muli ako na giniginaw at napansin iyon ni Mama kaya
di na ako nagpanggap pa na ayos lang. Hindi maganda ang unang araw ng 2014 para
sa akin sapagkat nilalagnat ako subalit umaasa pa rin ako na puro magaganda at
punong-puno ng kasaganahan sa taong ito. Nang bahagyang guminhawa ay saka pa
lamang ako kumain subalit kaunti lamang. Matapos mag-almusal ay nahiga ako.
Magpapahilot sana ako kay Aling Betty sapagkat
masakit rin ang katawan ko subalit di ko siya nadatnan at nasa Caloocan raw.
Kinatanghalian ng inapoy muli ako ng lagnat at nakadagdag pa sa pagtaas ng
temperatura ko ang mainit na panahon.
3i-h. Kahit nilalagnat
ay kumain pa rin ako ng tanghalian at pagkatapos ay umidlip. Hindi naman ako
makatulog sapagkat masakit din ang ulo ko, ano nanaman kaya nangyari sa akin?
Si Mama at ate na magkakampe, pinagtulungan akong sermunan at pinapalabas na
kasalanan ko raw. Sa totoo lang ay di ko ginustong mangyari ito lalo na't New
Year at walang sinuman ang iibigin na magkasakit. Maya-maya pa'y
nakaramdam ako na tila naduduwal kaya sumuka ako sa banyo. Wala ring nangyari
sa kinain ko at maghapon akong nakahiga. Dalawang beses akong nagsuka at
talagang nahihilo ako subalit di ko ipinaalam kila Mama. Kinagabihan, kahit
masagana at masigabo nating sinalubong ang Bagong taon ay marami-rami na ang
bilang ng mga naputukan at tinamaan ng ligaw na bala.
3i-i. Mga daliring na
nagkalasublasub at nagkulang kulang, iyan ang sinapit ng mga biktima ng
paputok. Mayroon pa ngang tatlong buwang gulang na sanggol ang tinamaan ng
ligaw na bala sa ulo at sa kasamaang palad ay binawian siya ng buhay. Habang
kami'y nanonood ng telebisyon ay saktong dumating na si Papa galing Batangas.
Makikikain sana ako sa dala niyang masarap na pasalubong subalit wala akong
gana at baka magsuka nanaman. Kahit na may sakit ako, mapalad pa rin ako
sapagkat di nabawasan ang aking daliri sa pagsalubong sa Bagong Taon. Happy
New Year!
January 02, 2014
Thursday
Year II-002
3i-j. Ang kahapong
masaya sana sapagkat Bagong taon subalit labis kong ininda ang
karamdaman. First time kong maranasan magkasakit
sa mismong araw ng Bagong taon, pero ngayon ay mukhang maayos na at hindi na
nilalagnat pa. Mga ikaanim pa lang ng umaga ako nagising. Dahil di kumain
kagabi'y kaagad akong kumain ng agahan subalit di ko gasinong dinamihan,
mahirap na at baka magsuka muli. Matapos mag-almusal ay nagkape ako para may
pangtulak naman ang tiyan paibaba. Kahapon, ibig kong uminom ng malalamig na tubig
at lagyan pa ng juice, ngayon gusto ko mamayang tanghalian ay
maaasim at maaalat ang ulam namin, naglilihi marahil ako? Kagaling lang sa
sakit kaya bawal pa akong magpagod. Nahiga at maya-maya'y nilibang ko ang
sarili sa paglalaro ng Tablet. Halos ikayamot ko na ang sarili
sapagkat lagi na lang ako bigo sa laro, frustrated na tuloy
ako.
3i-k. Matapos maglaro
ng Tablet, panonood ng telebisyon ang sunod kong inatupag. Grabe
ang sinapit ng mga batang naputukan, may isa pa ngang bata, kaawa-awa at
kalunos lunos ang sinapit sapagkat lapnos ang mukha at halos lumuwa na ang
mata, mayroon na rin ang napaulat na namatay dahil sa mga paputok kaya naman
balak na ng Malacañang palace na i-total ban na
ang firecrackerspara sa kaligtasan ng lahat, pero umaalma naman ang
nagnenegosyo nito. Kakapasok pa lang ng 2014 ay may panibagong pagsubok muling
kakaharapin at iyon ay pagkalat ng Measles virus sa iba't
ibang bahagi ng bansa, nakakabahala lang sapagkat tumataas na ang tinatamaan
nito at trumiple pa.
3i-l. Pasalamat ako at
hindi ako nagkaroon ng ganong uri ng sakit sapagkat nakakamatay raw iyon. Ilang
saglit pa'y tanghalian na at kahit di nasusuka, hindi ko pa rin dinamihan sa
pagkain at hinayhinay lang. Walang magawa ngayong bakasyong grande kaya nag-siyesta na
lamang ako subalit hindi naman makatulog sapagkat ang ingay nila mama.
Nagkumpyuter na lang ako upang tanggal bato. Maya-maya pa'y pinatay ko na at
nanonood naman ng Galema. Habang nanonood ng telebisyon ay nandoon
pala si Tita Jasmin, wala ako samood kaya
di ko siya nakausap.
3i-m. Kinagabihan, bago
matulog ay naglaro muna ako ng Tablet. Enero na ngayon at dalawang
buwan na lamang ang nalalabi at magtatapos na ako sa Sekondarya, hindi ko pa
alam kung saang unibersidad ako papasok at mukhang hindi na ako makakapagkolehiyo,
subalit be positive at huwag mawalan ng pag-asa
sapagkat God always be here at siya na ang bahala sa
akin, lord sana'ymakatungtong ako sa kolehiyo at iyon
ang christmas wish ko kahit di na christmas.
Habang di pa makatulog at nakahiga'y bigla ko na lamang naisipan kung anong
kurso ang kukunin ko at iyon ay Chemical Engineer, last
decision na iyon at interesado akong malaman kung paano gawin ang
gamot, pabango at paputok, lahat ng may kinalaman sa Chemistry ay
gusto kong matutuhan kaya iyon na lang ang kukunin kong kurso, goodluck to
me.
January 03, 2014
Friday
Year II-003
3i-n. Malakas na tinig
tao ang gumising at sumira sa masarap kong tulog, nag-uusap pala sila Mama at
Papa at ang lakas ng boses kaya sinabihan kong hinaan. Simula ng magising ako'y
nawala na ang antok ko at bumangon na. Masarap at manamis-namis na French
toast ang naging agahan namin. Matapos kumain ng agahan ay sinabi ko
na kay Mama kung anong kurso ang napagdesisyunang kuhain. Nang una'y
nag-aalinlangan si Mama sa kursong aking kukunin sapagkat baka raw magastos
subalit dahil ako'y mapilit, wala na siyang magawa. Iyun nga lang ay hindi ko
pa batid kung saang eskwelahan ako papasok at bahala na talaga, marami pang
oras upang makapaghanda at isip at hindi ko na iyon sasayangin. Hindi pa man
panahon ng tag-init ay naging matindi na ang sikat ng araw sa labas.
3i-o. Wala nanamang
maisipang gawin kaya nagwalis ako at nagpunas. Matapos ang gawaing bahay ay
nagbasa ako ng textbook ng Chemistry upang may
matutuhan ako. Tigil muna ang pagbabasa ng tanghalian na at pagkatapos ay
naligo na rin ako. Ipinagpatuloy ko ang pagbabasa ng makaligo at kahit di
ko ma-gets ang bawat detalye ay buong tiyaga pa rin ako sa
pagbabasa at pag-intindi. Sa kakabasa ng pagkahaba-haba'y inantok ako at
natulog, sa aking pagtulog ang mga bagong aral na aking natutuhan. Mga
Alas-tres na ako nagising at nakakatamad magbasa at mag-isip ng malalim kapag
mainit ang panahon, nanood na lamang ako ng telebisyon.
3i-p. Matapos ang
panonood ng telebisyon ay pagbabasa naman ng World atlas ang
aking inatupag. Kahit naging napakainit sa maghapon ay naging napakalamig naman
pagsapit ng gabi at animo'y ngayon pa lang magpapasko. Hindi pa ko makatulog
kaya nagbasa muna ako. Dakong Alas-dyis ng
mahiga ako sa kama at talagang hindi ako makatulog. Ang kwartong nababalutan ng
dilim ay lumiwanag na sapagkat may bago na kaming LED lights na
pwedeng gamitin gabi-gabi. Maya-maya pa'y
nakatulog na rin ako.
January 04, 2014
Saturday
Year II-004
3i-q. Naging napakalamig
ng umaga kaya naman ibinalot ko nanaman ang buong katawan sa makapal na kumot.
May pasok na sa Lunes at maaga nanaman magigising, paano iyan, sasabay pa yata
itong malamig na panahon sa paggising namin kaya mukhang mahihirapan. Sumikat na
ang bukangliwayliway ng ako'y bumangon. Walang maalmusal kaya binigyan ako ni
Mama ng kwarta at ipinambili ng pang-almusal. Maya-maya at dahil nakakapa kong
mahaba na ang aking buhok ay humingi ako kay Papa ng pera pampagupit, hangga't
nag-aaral ako sa high school ay buwan buwan na
lang gunugupitan ang buhok. Hindi bale at malapit na kong makapagtapos sa
pag-aaral kaya malaya ko ng pahabain ang buhok ko ng bongang-bongga at kapag
ito'y mahaba, siyempre pakukulutin ko ito sabay lalagyan ng matitingkad na kulay.
3i-r. Pagdating sa Barbershop,
aba at mukhang new look ngayon si Mang Usman pagkat
naka-high light ang hair niya, tinanong ko
kung nagkukulay ba siya at sinabing ang kasamahang matandang babae ang
nagkukulay. Dahil mura at abot kaya naman ang presyo'y sa kanilang barber
shop na lang ako magpapakulay kapag summer vacation. Matapos
magpagupit at sa halip na umuwi, nagtungo pa ako sa computer shop.
Nag-research ako kung anong Unibersidad ang nag-o-offer ng
kursong Chemical Engineer. Marami pa palang eskwelahan ang
pwede pang pasukan at ang ilan doon ay sa Marso o sa Abril pa magbubukas para
sa pasahan ng application form kaya napakalaki pa ng
tiyansang makapagkolehiyo ako. Sa ngayon ay wala pa talaga akong mapili kung
anong eskwelahang papasukan.
3i-s. Matapos mag-research,
nanood naman ako ng pelikulang My Brother Romance. Sa
ingay ng mga kabataang nagkukumpyuter at sa hina ng headset ay di
ko mapakinggan ng maayos ang pinapanood ko. Magtatagal sana ako at may balak
pang tapusin ang pelikula subalit sa kabagalan ng internet ay
umuwi na ako. Habang naglalakad, halos tumagaktak ang pawis ko sa tindi ng
init. Pagdating sa bahay, sumapit na ang Alas-dose ng tanghali at ako'y
nananghalian na. Sila Mama at Papa, abala na sa pagbibihis sapagkat tutungo
sila sa Quiapo upang bumili ng bagong sound system.
Hinintay ko munang umalis sila Mama bago ako matulog. Ilang saglit pa'y
umalis na sila Mama kaya natulog na ako. Malapit ng sumapit ang Alas-singko ng
makarating sila Mama bitbit ang malaking sound systemkaya
naman kahit sa malayo ka, dinig mo ang tugtog at halos mabingi ako sa lakas at
dagundong nito.
3i-t. Pwede ng
magpatugtog ng malakas tuwing may okasyon ng hindi pangit at basag pakinggan.
Upang di ako marindi, nag-soundtrip ako gamit ang Tablet.
Maya-maya’y oras na ng hapunan kaya itinigil ko muna ang pagsa-soundtrip.
Matapos kumain, panonood ng telebisyon ang sunod namin inatupag. Naging maganda
muli at makabuluhan pa ang kwento sa MMK sapagkat kahit
binabae siya at hindi niya tunay na anak ang mga batang pinabayaan ng tunay
nilang ina, inalagaan niya pa rin ito at itinuring na parang tunay na anak,
kaya naman siya na ang itinuring nilang ina at siya na rin ang nagpalaki sa
kanila at nagpaaral. Patunay ngang ang pagiging ina'y wala sa kasarian kundi
kung paano niya ito pahalagahan ang responsibilidad niya sa kanyang anak at
kung paano niya ipapakita ang pagmamahal. Matapos manood ng telebisyon, ako'y
natulog na.
January 05, 2014
Sunday
Year II-005
3i-u. Naging napakalamig
muli ng panahon sa umaga, kaya naman nasarapan ako sa pagtulog at mga ikawalo
na ako nagising. Pagkagising ay kaagad akong nag-almusal, ayaw ko man uminom ng
kapeng barakong pantulak sa aking kinain sapagkat mapait at mapakla pa
pero no choice ako kundi iyon. Matapos kumain ng
agahan, naglinis na ako sa loob ng bahay. May pasok na kinabukasan at sa
dalawang Linggong bakasyon, dalawang linggo rin naka-stock ang bag ko
kaya nilabhan ko ito. Naging napakaaliwalas ng panahon kaya magandang
pagkakataon upang makapagpatuyo ng sinampay. May balak sanang lagyan ng shoe polish ang
aking sapatos upang magmukhang bago at makintab subalit hindi ko itinuloy
sapagkat walang shoe polisher.
3i-v. Batong-bato
nanaman ang umaga ko kaya naisipan kong magtungo sa computer shop.
Ipinagpatuloy kong panooring ang My Brother Romance,
grabe at halos kabagin ako sa kakatawa. Ang mga batang patambay-tambay
sa shop, naku at nakiusyoso kaya more tiis ako sa
taglay nilang amoy. Matapos kong panoorin ang My Brother Romance,
sumunod ay Bakit Hindi ka crush ng crush mo. May halong
kilig at tawa ang pelikula nina Kim Chiu at mukha siyang taong
grasa sa kanyang hitsura kaya di siya magawang mahalin ng naging kasintahan
nito, pero ng makikila niya si Zian Lim, doon nagbago ang buhay niya at
sa kalaunan ay naging gandang hindi inakala siya. Gandang-ganda sana ako sa
kanilang pelikula na halos ikawindang ko na pero patigiltigil ang Video kaya
nagpasya na akong mag-log out at ipagpatuloy na lamang
panoorin next time. Gumawi pa ako sa bahay nina Regine (Miano).
3i-w. Nadatnan kong
masyado silang abala sa pagkukumpuni ng bubungan ng kanilang palikuran kaya sa
harap ako napadaan at dumeretso sa kwarto ni Ate Bing.
Nag-usap kami at habang masinsinang pag-uusap ay di maiwasang magsaway ni Ate Bing sapagkat
sadyang napakaharot ni Aira, isa pa'y may sanggol pa siyang
inaalagaan kaya doble hirap ang pagiging ina. Ayaw ko ng maisturbo pa siya lalo
kaya sa kwarto nila Shiela naman ako gumawi. Nadatnan
kong tutok ang mata ni Annie sa kakanood ng pelikula kasama
ang mga nakakabatang kapatid at bilang pampalipas oras ay nakinuod na rin ako
sa kanila at tinapos. Sa sarap manood ng pelikula, hindi ko namalayang
Alas-dose na pala at kailangan ko ng umuwi. Pagkauwi’y kumakain na sila Mama at
inihaw na bangos ang aming tanghalian, kaya naman takam na takam ako at
napadami sa tsibugan.
3i-x. May kasama
pang Sprike kaya labis akong nabusog? Matapos kumain ng
pagkarami-rami'y saglit akong nahiga sa duyan. Habang naka-relax sa
duyan, nakita kong may mga Barangay tanod na dumating at may inirereklamo pala,
hindi ko batid kong sino ang inirereklamo at nagtungo ang mga barangay tanod
sa Recrap. Maya-maya’y may nadakip silang isang matandang lalaki at
babae, hindi ko alam kung ano ang mga kasalanan nila sa lipunan. Dahil
kinumbida ako ni Ate Ging na dumalo sa kaarawan ng kanyang
anak na si Cathy, pagkagising ay kaagad na akong naligo at
nagbihis. Pagkabihis at pagkalagay ng pabango ay tumungo na ako sa bahay
nila Cathy.
3i-y. Ako pa lamang ang
bisita ng magtungo sa kanila at abala na sa pagluluto si Ate Ging ng
panghanda. Si Birthday celebrant naman, Panay
kumbida sa mga kaibigan at ng magkita at magkausap ay karakaraka ko siyang
binati. Dalawang oras pa bago ang kainan sa kanila at sa inip, nagtungo muna
ako sa bahay nina Regine. Saktong nakatambay ito sa labas sakbit ang
anak kaya sa labas na kami nagkwentuhan, maya-maya pa'y dumating pa si Shiela kasama
si Valerie (Ocampo) kaya lalo pang sumigla ang usapan namin at
habang nag-uusap ay saktong nakita ko na sila Thalia at
nagpaalam na ako kila Regine. Sa muling pagkakataon ngayong 2014,
muli ko nanaman makakasalamuha ang kasamahan ko sa JOLIA Church dahil
sa kaarawan ni Cathy.
3i-z. Nagkaroon muna
kami ng fellowship at bible study bago
ang kainan, kahit di na ako isa sa kanila at bilang pakikisama'y nakinig pa rin
ako sa kanilang biblestudy. Si Ate Ging naman,
naku at Panay stolen shut sa amin. Masayang kasama
sila Ate Gemma subalit dahil iba ang relihiyon ko
sa kanila, hanggang ngayon na lang kami magkikita at magsasama kahit hikayatin
pa nila ako. Matapos ang bible study, siyempre kainan na at sa
dami ng handa kina Cathy, talagang nabusog ako at di na
maghahapunan mamaya. Maya-maya’y picture taking kami at natuwa
ako sa sinabi ni Ate Ging na mga anak niya raw
kami. Sumabay na ako kila Ate Gemma pauwi at sa
aking pakiwari, mukhang na-miss nila akong lahat at na-miss ko
rin naman sila. Pagkapasok sa bahay, bumibirit pala sa karaoke ang Ate at kahit
di kagandahan ang boses, napabirit pa rin ako. Matapos kumanta ng walang
puknat, pansamantala akong nagpahinga. May pasok na kinabukasan kaya naman ay
maaga ang aking pagtulog.
January 06, 2014
Monday
Year II-006
3j-a. Kapanibago lamang
sapagkat matapos ang mahigit sa dalawang linggong bakasyon, heto muli at balik
eskwela nanaman kaya makakasalumaha ko nanaman ang mga kamag-aral ko at
makikita kahit sawang-sawa na sa pagmumukha nila. Dalawang buwan na lamang ang
nalalabi kaya tiis-tiis muna sa ugali nila. Ikatlo pa lamang, dilat na ang mga
mata ko subalit ikaapat ng umaga na ako bumangon. Kanina pa gising si Papa at
nakaluto na kaya may pang-agahan na ako. Kahit malapit ng mag-ikaanim ng umalis
ako at pagkadating, wala pa rin pagbabago sa aking mga kamag-aral pagkat di pa
rin mapigilan ang bibig at ang iingay pa. Marami rin ang wala at kahit kailan,
di pa rin maiwasan sa kanilang mahuli sa klase. 2014 na at kailangang magbago
na sila. Kahit may guro na sa harapan, sige pa rin sa kwentuhan kaya walang
natututuhan. Tama si Ma'am Fabiana, wala kaming
pagkukusa sapagkat kikilos lamang kapag inutusan o pinagsabihan.
3j-b. Maya-maya’y bigla
akong ipinatawag ni Ma'am Fabiana, may ipapagawa pala
sa akin si Ma'am Ruth at habang kami'y nag-uusap
ay saktong papasok na si Sir Balbin at Ma'am Sandra kaya
ipinagpaalam niya ako sa dalawa. Nang pumayag sila, kasama si Ma'am Ruth ay
dali-dali kaming nagtungo sa guidance office at
inutusan akong tawagin ang lahat ng enrollee na mga estudyante
mula sa Tacloban, lugar na labis na binayo ng bagyo. Kahit may
hiyang nadarama'y lakas loob akong naglibot sa buong SB building at
inisa-isa ang mga silid. Sa buong oras na paglilibot at pagtatawag ay limang
estudyante lamang ang napababa ko at halos kapusin ako sa paghinga sa
paulit-ulit na pag-anunsyo. Hindi baleng kinakapos basta't nakatulong ako sa
mga nasalanta ng bagyo sa ganong paraan. May isa pa ngang estudyante na
galing naman ng Samar, halos mapayuko ako sa tindi ng awa pagkat
grabe ang kanilang sinapit nung manalasa ang Bagyong Yolanda at
pasalamat na lamang ako sapagkat di ko dinanas ang dinanas nila. Pagbalik sa
silid, TLE time pa
rin at nadatnan kong kumpulan ang mga kaklase ko, yun pala'y pinag-uusapan na
ang tungkol sa gagawing proyekto at iyon ay pagbu-burn ng CD.
3j-c. Ilang saglit
pa'y MAPEH na.
Wala pa rin pagbabago si Ma'am Mina sapagkat teacher kengkay
pa rin siya sa amin, sinabihan ba naman naputukan raw ang utak kaya di
makasagot sa tanong at nalagyan ng pulbura. Patawa man si Ma'am Mina na
nagpaalis sa kalungkutan, nagturo rin ito. Sa oras naman ng English,
si Sir Buenaventura ulit ang guro namin at pinaggawa niya
lamang kami ng sanaysay tungkol sa aming New year's resolution. Maya-maya’y Math time na at dahil buwan
ng Mathematics ngayon ay inanunsyo sa amin ni Sir
Harren ang mga aktibidad na maaring salihan. Sa kagustuhang pumasa,
sumali ako sa isa mga aktibidad at iyon ay gagawa kami ng games na
may kaugnayan sa Math.
3j-d. Sina Jobil, Jenny Mae, Jessa
(Bohol), Jayvie Ann at Noemi ang
naging kagrupo ko sa pagsali sa aktibidad at as usual, I'm still leader.
Nag-usap-usap kami kung ano ang gagawin at sa ngayon ay wala pang maisip na
laro para sa entry. Hirap maging pinuno subalit kakayanin ko. Ilang saglit
pa'y Physics na, nagtsek lamang kami ng quiz booklet at
pagkatapos ay sinuma na namin ang markang nakuha sa bawat quiz.
Iyon lamang ang inatupag namin sa buong oras ng Physics at
maya-maya'y uwian na. Pagdating sa bahay ay kaagad akong nag-siyesta at
sa kasarapang matulog, dapit-hapon na nagising.
3j-e. May naisip na
akong entry sa Math gamekaya dali-dali
akong nagtungo sa bahay nila Auntie Cleng at
hiniram ang laruan nina Adie na Chinese checker.
May pagkakahawig sa card na aming gagawin subalit iibahin ko
ang Mechanics at pinag-isipan ko hanggang sa lumagom ang
kadiliman. Buti na lamang at kaagad gumana ang utak kaya ang kailangan na
lamang ay gawin at trabahuin ng maayos. Batong bato nanaman ako kaya nanood ako
ng telebisyon. Mga ikawalo pa lamang ng maisipan ko ng matulog.
January 07, 2014
Tuesday
Year II-007
3j-f. Sa lamig ng
panahon bitbit ng Hanging Amihan, mukhang tinatamad pa akong
bumangon at masarap pang matulog. Medyo inaantok pa at sa sarap matulog, si
Mama na mismo ang gumising sa akin. Alas-kwatro y medya na pala at kailangan ko
ng magmadali. Malapit ng sumapit ang ikaanim ng umaga ng makaalis sa bahay subalit
pagdating sa eskwela, ang dalang pa lamang ng pagdating ng estudyante. Naupo
lamang ako at gumawa ng takdang-aralin sa Math. Sabay tago ng dumating
si Sir Arnulfo at nag-discuss lamang siya tungkol
sa Market basket. Sa oras naman ng TLE, lahat ng may kulang ay pinapunta ni Ma'am Sandra sa computer room.
3j-g. Dalawang quizzes and activities
ang kulang sa akin kaya napasama rin ako subalit hanggang quiz number
1 to 4 lang ang pwedeng mag-take, wala tuloy akong napala. Nandoon
na si Ma'am Mina pagkabalik at inanunsyo ni Ma'am ang tungkol
sa mga proyektong dapat ipasa upang pumasa, sa pagkakaalam ko'y mukhang dami
kong kulang pero gagawan na lang ng paraan. Habang malalim ang isip ay bigla
akong inalok ni Jayvie ann na sumali sa
kanilang film making, nakasalalay ang mataas na marka kaya sumige
ako at sinamantala namin ang oras na wala si Sir Velarde sa
pag-uusap.
3j-h. Sa oras naman
ng Filipino, nagkaroon lamang ng pag-uulat at pagkatapos ay quiz.
Sa oras naman ng English ay nagkaroon kami ng pagpapangkat at
kahit ayaw ko man, ako pa rin ang napiling pinuno at nag-activity kami.
Sa oras naman ng Physics ay nagkaroon kami ng mahabang pagsusulit,
halos lumuwa na ang utak sa kakaisip ng tamang sagot at sana'y maging maganda
pa rin ang makukuhang marka. Bago pa man umuwi, kasama ang iba ko pang
kamag-aral ay nagtungo pa kami sa computer laboratory upang
i-complie ang kulang na quizzes. Nang mapunan ang lahat ng kulang ay
nagmadali na akong umuwi sapagkat maghahanap pa ng costume para
sa film.
3j-i. Matapos kumain at
ng makapagbihis ay nagtungo na ako sa bahay nila Jayvie ann.
Pagkatungo'y saka pa lamang kami nagsimulang magpraktis. Dahil bakla ang role ko
sa film at ang nakakatuwa pa, si Leonardo ang daddy ko,
nagbihis pambakla ako with headband but no need to put a lipstick because
I am still look pretty. Kahit na di beteranang artista at first
timer lang ay hinusayan ko talaga sa pag-akting lalo na nung nag-away
kami ni Leonardo at Jayvie ann, palong
palo ang eksena. Ang seryoso at maladramang pelikula, nauwi sa komedya pagkat
para kaming tanga kung umakto at nagkakamali pa sa lines kahit
adlib.
3j-j. Tuloy ay inabot na
kami ng magtatakipsilim pero natapos rin naman namin ang paggawa ng film at
kailangan na lang i-burn. Picture taking muna
sabay Whacky at look-up bago magkanya-kanyang
uwi at grabe sapagkat ginabi na ko ng uwi, para tuloy akong naglayas pagkat
bitbit ko ang bag habang nakapambahay. Siyempre balik sa bihis panlalaki bago
umuwi pagkat baka pagkamalang babae at sa ganda kong, ito baka may bumaboy sa
pagkatao ko. Hindi na ako kumain ng hapunan pagdating sa bahay pagkat busog
ako, sa tindi ng pagod, matapos manood ng Honesto, kaagad na akong
natulog. Goodluck sa Dreamland mamaya andhave
a good dream.
January 08, 2014
Wednesday
Year II-008
3j-k. Lalo pang lumala
ang nararanasang lamig kaya naman nahirapan ako sa pagbangon at tinamatamad
ring maligo. Upang maibsan ang lamig ay humigop ako ng mainit na kape.
Alas-singko na pero madilim pa rin sa labas kaya nagtagal pa ako sa bahay at
ayaw kong pumasok ng maaga. Kahit ikaanim na ako pumasok, kakaunti pa lamang
ang kamag-aral ko at wala pa si Sir. Ilang saglit pa'y dumating na si Sir Arnulfo at
bago magturo, nagkaroon kami ng maikling pagsusulit. Ganon pa rin ang lesson namin
na katulad kahapon. Sa oras naman ng TLE,
dahil kulang ako sa ilang activity, nagtungo muli ako at sila
sa computer laboratory. Lakas nila Britannica mang-trip pagkat
inilagay ba naman sa likuran ko ang poster, kaya pala
pinagtatawanan ako ng mga kaklase kanina pa pero di ko na sila pinatulan pa
pagkat masasayang lang ang panahon ko at kapalaran na ang bahala sa kanila.
3j-l. Nag-hands on kami
sa computer. Sinubukan ko pa rin mag-install kahit na
di ko alam ang tamang paraan at sa di inaasahan, nagawa ko kaya may grade na
ako sa kulang na activity.
Sa oras naman ng MAPEH,
masaya nanaman ang klase dahil kay Ma'am Mina at may
balak pang i-discuss ang pang fourth grading kahit
na di pa nagaganap ang Periodical test. Naku yung
mga classmate ko, naglulundag sa tuwa at galak na kalang
nakawala ang bait ng ianunsyo ni Ma'am Mina na may Junior Senior
Prom. Ayos lamang sa akin kahit walang ganyan, ang mahalaga'y may graduation at
makakagradweyt. Walang guro sa oras ng Filipino kaya ang
ginawa ko'y nagbasa ng lecture sa MAPEH sa halip na ibuka ang
bibig na wala naman kakwenta-kwenta ang lumalabas.
3j-m. Ilang saglit pa'y
biglang dumating siSir Velarde at pinagawa niya lang
kami ng sanaysay. Sa halip na gumawa, sumali ako sa laro nila Jessa na PANTS. Lalo pa kaming dumami kaya
lalo pang sumaya ang laro at tawanan kami kapag mali-mali ang baybayin na
naisusulat halos ikapunit na ng bibig ko sa laki ng buka at naging maingay ang
silid dahil sa amin, grabe at ang saya-saya. Biglang tahimik ng pumasok si Sir Velarde,
pasahan na pala ng sanaysay at diyos ko pagkat wala kaming gawa. Sa oras naman
ng Recess, tiyaga ang pinairal ko kahit di kasarapan ang baon,
tipid-tipid muna. Ilang saglit pa'y dumating na si Sir Buenaventura at
nagkaroon kami ng games. Medyo pinapalad nga naman ako ngayong araw
pagkat di akalaing tumutumpak ang mga sagot ko, sayang at walang premyo
pero plus 5 naman sa test.
3j-n. Sa oras naman
ng Mathematics, seatwork lamang kami. Halos di
makapag-concentrate pagkat ang ingay ng nasa likuran ko, ganun rin
sa Physics na halos ikabwisit ko na at gusto ko na silang
pagsasampigahin. Nagtsek lamang kami ng long test at kahit di
kataasan, dama ko pa rin ang kagalakang walang hanggan, masiyahing tao kung
baga kahit may mga bagay na di magaganda. Bago umuwi, kasama ang mga kagrupo ko
sa Math ay nagtungo muna kami sa Park upang mag-meeting.
Itinuro ko sa kanila kung anong gagawin at mga materyales na dadalhin, kaso
si Noemi lamang ang nakikinig at interesado, yung tatlong
kasama namin, mga walang binatbat at panay chitchat.
3j-o. Nagsiuwian na kami
matapos ang meeting at si Jobil lamang ang
kasabay ko. Pagdating sa bahay kaagad akong kumain at natulog. Pagkagising ay
nagtungo ako sa computer shop. Himala at ang tahimik pagkat
dalawa lang kami ang gumagamit. Nabasag ang katahimikang nalalasap ng dumating
ang napakaingay na babae, grabe pagkat walang preno ang bibig subalit nanahimik
naman ng ilibre ng kaibigan. Habang sarap magkumpyuter ay may kumalabit sa
akin, si Ate Sheryl pala iyon kasama si Clarisse at
sila ang nakasabay ko pauwi. Kinagabihan, bukas na pala ang pista ng Poong Nazareno kaya
naman marami ng mga deboto ang matiyagang pumipila, makahalik lang sa paa
ng Nazareno. Naku at mabigat nanaman ang Buong Quiapo sa
dami ng deboto. Matapos manood, siyempre ay natulog ako.
January 09, 2014
Thursday
Year II-009
Thursday
Year II-009
3j-p. Mapalad ang
taga Maynila ngayon sapagkat walang pasok ang mga estudyante
maging ang mga empleyado dahil sa pista ng Nazareno. Bago pumasok
ay nanood muna ako ng telebisyon, hindi pa man nagsisimula ang traslasyon ay
kitang kita na ang dami ng debotong namamata sa Nazareno, may
balyahan at tulakan, makahalik lang sa Poon. Kung ako ay nasa sitwasyon nila,
di ko na kakayanin pa at baka mahimatay pa ako. Pagdating sa eskwela, thank
God pagkat di ako late. Nagturo lamang si Sir Arnulfo tungkol
sa Market basket at Consumer price index.
Maya-maya’y nagkaroon kami ng aktibidad at kinumpyot ang given
quantities sa bawat Market Basket upang
makuha ang CPI.
Matapos ang AP, TLE na subalit mukhang badvibes sa
amin si Ma'am Sandra pagkat kaunti lang ang nagpasa ng CD burn.
3j-q. Dahil isa kami sa
walang project, puspusan ang aming pag-iisip kung anong
klaseng performance ang maari naming ipakita sa video subalit
mukhang ako lang ang nag-iisip samantalang tsikahan lamang ang mga kagrupo ko,
palebhasa'y mga Tsola. Maya-maya’y MAPEH time na at
nag-discuss lamang si Ma'am Mina tungkol
sadrugs. Ang kaninang pagtuturo tungkol sa drugs, biglang
napunta ang usapan tungkol sa nakawan at holdapan na naranasan ni Ma'am noong
kolehiyo pa raw siya. Parang ayaw ko na tuloy magkolehiyo dahil sa sinabi ni
Ma'am. Sa oras naman ng English, kakagulat na may halong tuwa
pagkat si Ma'am Pascual muli ang guro namin. Nagkaroon lamang kami
ng Mock test. Sa oras naman ng Math, walang guro
kaya may pagkakataon akong mag-compose ng lyrics para
sa aming Performance sa TLE.
3j-r. Ako itong hirap sa
pag-iisip ng liriko at paglalapat ng tamang tono samantalang sayang saya ang
mga kagrupo ko sa kwentuhan, akala masarap magkadyowa pero ang di nila alam,
kapag sumobra'y baka maaga silang mag-asawa at magkaanak, panay pantasiya ba
naman kay boyfriend, sweetheart o beyb, ang
lalanding nilalang nila. Kahit Physics na'y palihim akong gumawa ng
liriko hanggang sa matapos. Maya-maya’y labasan na at dahil may praktis
kami, di kaagad ako nakauwi. Sa totoo lamang ay iba ang kutob ko sa mga kagrupo
ko sapagkat sa ipinapakita nila, mukhang di sila magpa-participate at
mahihirapan lang akong mag-coachsa kanila subalit pinakitunguhan ko pa
rin sila, nagbabakasakaling mali ang kutob ko.
3j-s. Nagtungo muna kami
sa bahay nila Noemi, sa tagal ba naman niyang magbihis ay nagpasya
na silang magtungo muna sa bahay ng magpinsang Bohol upang
ipagpaalam sila sa kanilang magulang. Batid kong malayo ang bahay nila kaya di
ako pumayag pero sila ang makulit at mapilit kaya sumama na ako sa kanila.
Diyos ko itong mga kasama ko, parang nakawala sa Mental pagkat ang
lalakas mang-trip at kung sinong makasalubong na lalaki lalo na't
may hitsura, naku at loloko lokohin nila, ako naman sige sa tawa at mukha
silang mga baliw. Dahil may pagka-crazy ang kasamahan ko, di na ako
sumabay sa kanila at sumakay na lamang ako. Pagdating sa bahay nila Jenny
Mae, saktong nakasalubong ko ang Mama niya at ipinagpaalam ko siya. Ilang
saglit pa'y dumating na sina Jobil. Nagkwentuhan muna kami habang
hinihintay magbihis si Jenny mae.
3j-t. Pagbalik namin
kila Noemi, ipinabatid sa amin ng kaanak niya na umalis ito kaya
kami-kami na lamang ang magpapraktis. Pagdating sa bahay nila Jobil,
kahit kailan ay napakatapang talaga ng nanay niya at napagsalitaan ng di
magaganda si Jobil. Magsisimula na sana kami sa pag-eensayo pero
mas inuuna nila Jessa at Jenny mae ang
manood ng telebisyon. Sa inis ko, nag-walk out na ako pero pinigilan
nila ako at panay kumbinsi si Jobil sa dalawa subalit habang
nagpapraktis, ayan na nga ang sabi ko at di sila nagseseryoso lalo na ito
si Jessa, wala naman akong mapapala sa kanila at hanggang bukas na
lang ang pasahan ng CD kaya
nagpasyang umuwi na lang ako. Sa layo ng nilakad, napagod ako at natulog.
Takip-silim na ako nagising at binuksan ang telebisyon. Kahit gabi na'y di pa
rin mahulugang karayom ang Plaza Miranda at sa mga
oras na iyon ay di pa nakakapasok sa simbahan ang Poong Nazareno.
Talagang siksikan sila at marami rami na rin ang nasugatan at nahimatay sa
prusisyon.
January 10, 2014
Friday
Year II-010
3j-u. Sa lamig ng
panahon, mukhang kakatamad ang pumasok subalit ayaw kong simulan ngayong taon
ang lumiban sa klase kaya bumangon pa rin ako. Kahit na minsan ay napapagalitan
at hindi napagsasalitaan ng maganda ay masuwerte pa rin ako na naging magulang
ko sila sapagkat hindi naman ako pinagmamalupitan o sinasaktan samantalang
kila Jenny mae, Jobil at Jessa,
gaano man sila kasaya ay grabe kung magalit ang magulang nila at sinasaktan pa
nga bukod sa pinagsasalitaan, marahil ay dapat lang sa kanila iyon para
magtanda sila. Sa aming limang magkakaibigan, si Noemi at ako
lamang ang masuwerte sa mga magulang pagkat yung nanay ni Noemi ay
masiyahin at pwede na ngang maging komedyante pagkat magaling itong magpatawa.
3j-v. Bago pumasok,
siyempre binuksan ko muna ang telebisyon upang alamin kung nakapasok na ba sa
simbahan ang Poong Nazereno, mga Alas-dos na pala ito
nakapasok at maraming mga deboto pa rin ang matiyagang hinintay ang pagpasok
ng Nazareno. Kahit saktong ikaanim na ako pumasok ay hindi pa rin
ako nahuli sa pagpasok. Sa yamot ko kina Jessa dahil sa
kahapon ay di ako tumabi sa kanila at naupo malapit kila Patrick.
Sa takot na masita ni Sir Arnulfo dahil wala ako
sa tamang upuan, di ako pahalata at di nagre-recite. Ilang saglit
pa'y Values time na at nagturo lamang si Ma'am Fabiana,
habang di pa MAPEH, masakit man sa loob ko na di makinig kay Ma'am
ay nagawa ko pa rin at palihim akong nagrepaso, recite-recite din
pag natatawag. Nang oras na ng MAPEH, long test na
at dahil saglit lang nakapagrepaso'y halos mangamote ako sa pagsagot, kaya ang
resulta'y matamlay na grado ang nakamit ko.
3j-w. Sa oras naman
ng Filipino, inanunsyo sa amin ni Sir na may long test kami
sa Lunes kaya nag-group study kami pero sa halip na
magrepaso'y puro kami kwentuhan, kahit kalalaking tao at mukhang tigasin ay
napakadaldal ni Reynald at dami niyang kwento. Sa oras naman
ng English ay si Ma'am Pascual muli ang guro
namin at nagtsek kami ng Mock test paper,
di ko batid kung magkano ang nakuha ko. Matapos magtsek, nagrepaso kami at
itinuro sa amin ni Ma'am ang proper usage of tenses. Sa oras
ng Mathematics, as usual pagkat wala si Sir Harren,
itong sila Cynt at Britannica na kahit maloko
ay dami kong tawa sa kanila pagkat lakas ng tama nila. Sina Cynelyn naman
ay daming alam na biro kaya labis ang aming tawa, puro kabastusan naman ang
lumalabas sa bibig. Iyon ang ginawa namin habang walang guro at labis akong
nalibang. Balik sa kanya-kanyang upuan ng dumating si Sir Martin at
itinuro niya ang tungkol sa Thermodynamics.
3j-x. Ilang saglit pa'y
uwian na. Pagdating sa house, sa tindi ng gutom ay naparami ako ng
kain, sarap kasi ng ulam at ang ulam ay piniritong manok. Siyempre bago matulog
ay hinayaan ko munang matunaw ang kinain ko. Ilang saglit pa'y tumulog na
ako. Kinagabihan at matapos manood ng telebisyon ay di muna ako tumulog
pagkat di pa inaantok. Nag-Tablet muna ako upang libangin ang
sarili subalit mukhang malabo ng makatulog ng maayos mamaya sapagkat ang ingay
ng mga kabataan sa labas at panay ang tili, kala ang gaganda at mabibingwit ang
puso ng lalaking kinababaliwan nila. Tumahimik naman ng umalis sila. Mga
Alas-onse na ng maisipan kong matulog.
January 11, 2014
Saturday
Year II-011
3j-y. Nagising na lamang
ang katawang lupa ko dahil sa napakalakas na tugtog, nagpapatugtog pala si Papa
gamit ang sound system kaya halos magulantang at
marindi na. Kahit dilat na ang mata'y di pa rin ako bumangon. Kinukutuban ako
ngayong araw pagkat mukhang may mangyayaring di maganda sa buhay ko, hindi ko
alam kung kanino o kailan basta ramdam kong may masamang mangyayari. Kahit na ganito
ang isip ko, ipinagsawalang bahala na lamang at nag-almusal. Labis akong nag-enjoy sa
tugtog kaya ganadong-ganado sa gawaing bahay. Matapos ang gawaing bahay ay
naisipan ko nanaman magkumpyuter. Sa sarap mag-chatmate, halos kinulang
ako sa bayarin sa renta ng computer pero pumayag naman
ang in-charge sa shop na mangutang
ako. Pagbalik sa bahay ay nadatnan kong kumakanta ang ate at panay ang kanyang
pagbirit, kahit batid kong hindi pinagpala ang boses ko sa ganda, kumanta pa
rin ako.
3j-z. Sa kakakanta ng
walang humpay ay mukhang nasarapan ako pero napapansin ko lang sa aking boses,
parang palaging kapos at laging pinipilit sa biritan, marahil ay hindi ako
biniyayaan ng magandang tinig. Sa sarap ng aming kantahan sa karaooke, di
namalayang tanghaling tapat na at oras na ng tanghalian. Matapos mananghlian,
nagtungo ako sa kwarto at saglit na nag-soundtrip gamit ang Tablet upang
tanggal bato. Ilang saglit pa'y nakaramdam na ako ng antok hanggang sa
makatulog. Pagkagising ay nagtungo ako sa Taas upang bumili
ng materials na gagamitin sa paggawa ng project sa Math.
Napakatindi ng sikat ng araw na halos ikapawis ko ng todo-todo at pahirapan pa
ang paglalakad pero pagiging matiyaga ang pinairal upang may makarating sa
bahay. Saka ko pa pala mang sinimulan gawin ang project sa Math pagdating
sa bahay subalit bigo ko itong tapusin pagkat kailangan pang pagandahin ng
bonggang-bongga.
3k-a. Pagkatingin sa
malaking orasan, sadyan kay tulin ng takbo pagkat sumapit na ang ikaanim ng
gabi. May balak pa sanang lumabas upang bumili pa ng materyales pampaganda
sa project kaso'y kulang ang pera ko, nanatili na lamang ako
sa bahay at nanood ng telebisyon. Matapos manood ng telebisyon at sa
kadahilanang di pa makatulog ay naisipan kong libangin ang sarili sa paglalaro
ng Tablet. Hayan muli ang mga tambay na kagabi pa at muling umingay
ang gabi namin dahil sa kanila kaya labis kaming nadisturbo, paano mag-uusap na
lamang ay matunog at parang nagpaparininig, may kasabay pang patugtog ng
kantang kararahas na kala nakikipaglaban sa balagtasan, kay papangit pakinggan
at sakit sa pandinig kaya dagdag ingay tuloy. Wala kaming nagawa kundi magtiis.
Saka pa lamang ako natulog ng tumahimik ang kapaligiran.
January
12, 2014
Sunday
Year II-012
Sunday
Year II-012
3k-b. Kung anuman ang pakiramdam
ko kahapon ng umaga, kaparehas pa rin ngayon kaya labis na akong nababahala sa
anumang mangyayari sa panghinaharap at sana'y mali ang kutob ko, dahil sa
masamang kutob ay hindi kagandahan ang gising ko. Idinaan ko na lamang sa
pag-inom ng kape ang kabang nararamdaman at pagkatapos ay naghugas ng plato at
naglinis sa loob ng bahay. Sa tagal ba namang hindi napupunasan ang sahig,
halos pwede munang masulat ang pangalan mo sapagkat labis na itong nanggigitata
sa dumi, ginamitan ko nga ng bright solution para
luminis at mamuti. Matapos ang gawaing bahay ay tumingin ako sa songbook upang
mamili ng kakantahin. Nang makapili na ng kakantahin ay saglit akong naupo at
may mga bagay na iniisip, Enero na ngayon at malamang ay dalawang buwan na
lamang bago ang Graduation, anu kayang kapalaran ang naghihintay sa akin
pagkatapos ko sa high school, magkapagkolehiyo pa kaya ako?
3k-c. Samantalang wala
pa akong napipiling eskwelahan na pwedeng pasukan, ayos lang para sa akin kung
hindi muna ako makakagkolehiyo ngayon pero magulang ko ang mapilit at isa pa'y
mahihirapan na akong mag-enroll kapag naipagpaliban pa. Sa lalim ng
iniisip na kasing lalim ng balon ay hindi ko namalayang kainan time na
at oras na upang malamanan ang sikmura, si Lord na ang bahala
sa akin sa Future.
Matapos kumain, siyempre ay magsi-siyesta ako. Pati pa naman
sa panaginip ay mukhang hinuhudyat sa akin na may hindi magandang mangyayari sa
buhay ko, naging napakasama ng napaginipan ko at parang gusto kong makawala sa
isang sitwasyon na aking kinakaharap pero di ko magawa sapagkat sadyang napakahina
ng loob ko. May paparating sigurong matinding unos sa buhay ko, di ko alam kung
bukas o baka sa mga susunod na araw.
3k-d. Pasalamat ako at
panaginip lamang iyon at kaagad akong nagising. Kinahapunan, heto muli kami at
kantahan sa karaooke, inihanda ko na ang listahan ng mga kantang pinili at
lakas loob kong inawit, wala akong pake kung marinig ng kapit-bahay o makabuo
sila ng komentaryo tungkol sa boses ko basta't kaligayahan kong kumanta at alam
sa sarili na wala akong damdaming sinusugatan. Ang boses naman ng Ate, kahit
anong kantahin ay bagay sa kanya at pwede na siya sumali sa the Voice
of the Philippines pagkat maganda ang tinig nito. Kahit ako'y
sintunado pwede rin naman ako sumali sa Music show,
sa Singing bee nga lang pupwede. Pati si Mama at
Papa, hala sa pagbirit ng old songs. Natawa ako sa
sinabi ng Mama pagkat boses puke raw ako, kahit boses puke pa ako, di ko
kinakahiya ang boses ko.
3k-e Alam kong lahat ng
bagay na wala ka at gusto mong makamit, makakamit mo basta't pinagsusumikapan.
Sa sarap ng aming kantahang magpapamilya, ikapito na namin pinatay ang Karaooke
at saka pa lamang naghapunan. Naging maingay muli sa labas dahil sa mga
kabataang saksakan ng ligalig, may balak sanang pagsabihan pero ng makitang
naglalaro sila at nasiyahan, nagbago ang isip namin, takot akong maging KJ sa
kanila. Dahil maaga pa ako magigising bukas, ako'y natulog na pero ang ingay
talaga sa labas kaya hirap akong tumulog. Pasalamat ako kay Ate at sinaway niya
sila, tumahimik ang kapaligiran ng magsialisan ang mga ito.
January 13, 2014
Monday
Year II-013
3k-f. Sumapit nanaman
ang araw ng Lunes, kaya naman kahit may kalamigan ang panahon ay tuloy pa rin
ang aking paggising. Kahit Lunes na Lunes ay di ako naligo at nagpunas lamang
pagkat sobrang lamig talaga. Malapit ng sumapit ang Alas-sais ng ako'y umalis
subalit pagdating sa eskwelahan, matumal pa lang ang pagdating ng estudyante.
Ngayong oras pa lang magsisimula ang Flag Ceremony at
pagkatapos ay bumalik na kami sa kanya-kanyang silid. Mukhang madaming late o
baka naman absent pagkat kakaunti lang kami. Ilang saglit pa'y
dumating na si Ma'am Fabiana, mayroon pala kaming long test at
sa bait ni Ma'am Fabiana, binigyan niya kami ng ilang minuto upang
makapagrepaso. Naging madali lang sa akin ang pagsusulit pero hindi kataasan
ang nakuha ko. Maski sa oras ng TLE ay may long test rin
kami, may mga ilang aytem lang akong hirap sagutan pero sa pangkalahatan ay
naging madali rin ang pagsusulit, sana'y magandang marka ang makuha ko, kasing
ganda ni Ma'am Sandra.
3k-g. Dahil may long test rin
sa MAPEH at habang di pa dumarating si Ma'am Mina, todo
repaso ako kaso hirap akong mag-concentrate pagkat nuknukan ng
ingay sa silid. Maya-maya pa'y dumating na si Ma'am Mina at
nagsimula na ang pagsusulit. Sa PE lamang ako nadalian
samantala sa Arts, hirap ako pagkat di lumabas sa test ang
aking nirepaso.
Sa oras naman ng Filipino, magkakaroon sana kami ng test subalit
di natuloy, ako ang inatasan ni Sir Velarde na
mangolekta ng pera pambayad sa Long test. Ilang saglit pa'y breaktime na
at kahit may pera, di pa rin ako kumain pagkat di naman ako nagugutom. Sa oras
naman ng English, si Sir Buenaventura muli ang
naging guro namin, nag-discuss lamang siya about Technology.
3k-h. Ang ingay talaga
ng magpinsang Bohol pati si Jobil na panay
tsikahan kahit may guro kaya lumipat ako ng upuan. Habang nakikinig sa guro,
bigla akong tinawag ni Jessa, yun pala'y ininom na pala niya ang tubig
ko ng walang paalam at siya pang may ganang tanungin kung malinis raw ba? Ang
kapal ng mukha at sa inis ay namura ko siya. Pagkabalik ko sa pinag-alisan,
takang taka ako ng biglang gumaan ang bag na nakabukas at
nawawala ang mga kwaderno ko, iyon pala'y sinusulatan na pala nila Jessa ng
kung ano-ano, nabwisit na ako sa kanila at sa yamot ay napagsalitaan ko sila ng
di magaganda, labis talaga akong naimbyerna sa mga Tsolang iyon.
Itinuring ko silang mga kaibigan pero sinasabutahe nila ang gamit ko, ang kakapal talaga ng mukha! Lumipat na ako ng ibang upuan kasama ang bag, baka kasi may mawala pa at babuyin.
3k-i. Sa oras ng Math,
wala muli si Sir Harren kaya naging Maingay muli ang
silid. Tumahimik lang ng dumating si Sir Martin at nag-discuss lamang
siya tungkol sa Thermodynamics, matapos ang discussion ay
binigyan niya kami ng time para komopya ng lecture.
Ilang saglit pa'y uwian na, lumabas akong napupuno ng galit dahil sa nangyari
kanina. Habang naglalakad pauwi'y saktong may nakita akong isang binatilyong
pilit inaagaw ng barangay tanod ang hawak nitong Cellphone, di ko
alam kung anong mayroon sa telepono at baka ninakaw niya. Sadyang napakatibay
niya at kahit dalawang tanod na ang sapiliting agawin ang telepono'y ayaw pa
rin ibigay. Heto naman mga papauwi'y nakiusyoso pa at isa ako roon. Kawawa yung
binatilyo ng kaladkarin siya patungong presinto pero dapat lamang iyon sa mga
taong masasama ang loob katulad niya. Nagsialisan lang kami ng paalisin ng iba
pang barangay tanod na nagpapatrolya.
Pagdating sa bahay at pagkatapos kumain ay ipinagpatuloy kong gawin ang
proyekto sa Math pero sa kaantukan ay di ko natapos.
3k-j. Saka ko muli
ipinagpatuloy ng gumising at naging abala ako sa maghapon na inabot na rin
hanggang gabi, grabe labis akong na-stress sa paggawa ng project pero
ayos lang basta may grade. Habang abala sa paggawa ng project ang
walang humpay na pagkahol ng aso namin na labis namin ikinabubulahaw. Iyon
pala'y may mga adik palang nanloloko sa kanila, sinuway ko nga pero sadyang
katatalas ng pananalita nila at puro pangkanto ang mga kataga, pinagsisigawan
ko nga hanggang sa umalis, ano sila dito, hari? Maya-maya pa'y umingay muli ang
kapaligiran dahilan kung bakit di nanaman makatulog, pinagsabihan ko nga sila
subalit di man lang ako pinansin, pinabayaan ko na lang sila at bukas ay huwag
na silang tumambay pa sa harapan ng bahay namin kung mag-iingay lang.
January 14, 2014
Tuesday
Year II-014
3k-k. Dala ng malamig na
panahon, lalo pang napasarap ang tulog ko dahilan kung bakit malapit ng
mag-ikalima ng kami'y magising ni Mama, maaga pa naman kaya hindi ako
nagmamadaling kumilos. Kahit maliwanag na ng umalis, hindi pa rin ako nahuli at
habang wala pang guro, naningil ako sa iba ko pang kamag-aral na di nagbayad
kahapon para sa long test sa Filipino. Maya-maya'y
inanunsyo ni Mandy na di raw makakapasok si Sir Arnulfo subalit
may aktibidad siyang iniwan sa amin. May Assignment rin pala
sa English at sa halip na makipag-usap, iyon ang inatupag kong
tapusin. Tumahimik lang ang mundo ng kamag-aral ko ng dumating si Ma'am
Sandra at nagtsek lamang kami ng Long test. Galak na may kasamang
kalubagan ng loob ang umiral sa dibdib pagkat sa wakas, nakapasa ako sa Long
test. Sa oras naman ng MAPEH, may ilan akong kamag-aral ang
nag-ulat sa may pisara subalit nagalit si Ma'am Mina sapagkat
ni isa sa amin ay walang gawang Assignment. Matapos ang
napakahabang sermon, nakapag-discuss naman siya tungkol sa droga at
talagang tutok na tutok kami sa kanya.
3k-l. Maya-maya pa'y
tawanan nanaman kami sapagkat sadyang palabiro si Ma'am, ang saya muli ng
klase. Habang wala pa si Sir Velarde ay ipinagpatuloy
ko ang paniningil. Nagsimula lamang kaming sumagot sa mahabang pagsusulit
pagkadating ni Sir Velarde at labis akong
nahihirapan dahil di ako nakapaghanda. Sana'y may makuha naman ako kahit paano.
Umingay muli ang silid pagkaalis ni Sir Velarde. Itong sila Jessa na
kahapong ikinabwisit ko, pinakelaman muli ang aking kwaderno, magagalit nanaman
sana ako sa kanila subalit ng basahin kung anong nakasulat, napukaw ako sa
sinabi nila na tila bagang gusto na nilang bumalik ang aming pakikipagkaibigan
at sinabi pang "Sorry and I love you Friend", parang inutakan
nila ako para lang di ako magalit pero pinatawad ko na sana kung anuman ang
atrasong nagawa nila sa akin. Nakaka-touch ang sinabi nila.
3k-m. Sa oras naman
ng English, nag-discuss lamang si Ma'am
Templanza. Sa kadahilanang lalaban ang seksyon namin para sa Human Damath,
saglit lamang nagturo si Ma'am Templanza at kaagad kaming
nagtungo sa covered court, ibang seksyon pa lang ang naglalaban
kaya todo paghahanda ang ginawa ng ilang kamag-aral na kalahok sa naturang
laro. Si Jobil naman ay di mapagsidlan ang mukha pagkat kanina
pa siya kinakabahan. Habang di pa sumasalang ang seksyon namin, Panay trip kami
sa mga naglalaban sa pamamagitan ng pagsigaw, ang ingay tuloy namin at para
kaming tanga. Lalo pang sumaya ng magpakita sa amin si Ma'am Pascual,
sa sobrang pagka-missay nakipagtsikahan kami sa kanya.
3k-n. Nagkaroon naman
ako ng pagkakataon kami lang ni Ma'am Pascual ang mag-usap,
kahit di na Teacher ang kukunin ko'y sinabi niya sa akin na masaya
raw maging guro sa kabila ng hirap at stress na kinakaharap nila
araw-araw. Maya-maya'y bumalik kami sa silid upang kunin ang
kanya-kanyang bag. Sa lakas mang-trip nila Britannica at
dahil nakakatuwa sila kakwentuhan, napatagal ako. Pagkabalik muli sa Covered court
at kahit di pa kami ang lumalaban, di na maiwasang kabahan, kaya itong si President Mandy,
sinabihan niya kaming magdasal bago lumaban. Matapos ang isang kompetisyon sa
pagitan ng dalawang seksyon, ang seksyon naman namin ang nakasalang. Wala na
kaming ginawa kundi mag-cheer at paulit-ulit na sinsigaw ang
pangalan ng seksyon bilang pagsuporta.
3k-o. Hinintay ko munang
matapos ang laban bago umuwi at ng matapos, ang saya at parang nabuhayan kami
ng loob ng ideklarang ang seksyon namin ang nagwagi, nagbunyi kami sa
pagkapanalo at umuwi akong sobrang saya. Pagkatapos kumain at dahil wala namang
gagawin ay natulog ako. Kinagabihan, matindi talaga ang sinapit ng mga taga-Mindanao sapagkat
binaha sila bunsod na walang tigil na pag-ulan bitbit ng Low pressure
area. May mga daanan na di na madaanan sa kapal ng putik, nawasak rin ang
ilang tulay at may nawalhan ng tirahan. Mapalad kami pagkat di sa amin nangyari
iyon at kung mangyari man, tibay ng loob ang pairalin. Naging malamig muli ang
gabi kaya naman balot na balot ang sarili ko sa makapal na kumot.
January 15, 2014
Wednesday
Year II-015
3k-p. I feel the cold
air breeze again because of existing the Northeast monsoon continuously
came from the land that experience snow weather, thus I covered my whole body and
probably by the use of blanket. Sa kadahilanang may isang bagay akong
aasikasuhin at iyon ay paggawa ng project sa Math,
nagpasya muna akong huwag pumasok upang magkaroon ng sapat na panahon sa
paggawa, kahit ilang ulit gisingin ni Mudra, di talaga ako bumangon
at dakong Alas-otso na ako nagsing sapagkat nagpapatugtog muli si Papa. Sa
ganda ng tugtog ay talagang sumigla ang araw ko at nakakatangal siya ng bad
energy na nanalaytay sa buong pagkatao dahilan kung bakit laging wala
sa mood.
3k-q. Matapos kumain ng
agahan, naghugas ako ng plato at nagwalis-walis kahit paano. Maya-maya'y
nagtungo na ako sa Palengke upang bumili muli ng materials na
gagamitin sa paggawa ng project sa Math, sa
sobrang abala ko na halos ikasakit na ng likod sa kakayuko, hindi namalayang
sumapit na ang Alas-onse. Tanghalian na pala kaya itinigil ko muna ang paggawa.
Upang lalo pangenjoy ang paggawa ng project at
pagkatapos lumamon ay binuksan ko ang telebisyon, medyo matagal ko na rin hindi
napapanood ang Be Careful With My Heart kaya na-miss
ko ito. Laking kilig ko kina Maya at Ser Chief pagkat ang sweet nilang mag-asawa at pinagsisilbihan pa ni Ser Chief si Maya na dati ay katulong lamang nila. Mga Alas-dos ko na natapos ang Project sa Math at sa ganda ay di ko maalis ang tingin at iniisip kong kapag may tiyaga may nilaga, nagsipag ako kaya nararapat lang na ganito ako kasaya. Cause I feel sleepy then I would sleep even I don’t like to sleep.
ko ito. Laking kilig ko kina Maya at Ser Chief pagkat ang sweet nilang mag-asawa at pinagsisilbihan pa ni Ser Chief si Maya na dati ay katulong lamang nila. Mga Alas-dos ko na natapos ang Project sa Math at sa ganda ay di ko maalis ang tingin at iniisip kong kapag may tiyaga may nilaga, nagsipag ako kaya nararapat lang na ganito ako kasaya. Cause I feel sleepy then I would sleep even I don’t like to sleep.
3k-r. Pagkagising,
binuksan ko muli ang telebisyon upang manood ng Galema. Naging malakas
ang hangin sa labas kaya matapos manood, naupo ako at nagpahangin. Tinamaan
muli ako ng pagkabato kaya naisipan kong lumabas at magtungo sa bahay ng
kamag-anak. Kina Tita Cleng ako gumawi at nadatnan
kong tutok ang mata nila sa panonood ng English Movie,
ang mga anak niya hala at kagugulo at laging napuputol ang aming pag-uusap pero
gusto ko sina Adie at Samantha pagkat
nag-aaral sila ng mabuti.
Maya-maya'y inalok ako ni Tita Cleng na
kumain, nakita kong bahaw ang kanin at ang mga ulam nila'y kanina pang tanghali
kaya halos umayaw na ako. Sa hiya at ayaw ko naman isipin ni Tita na maarte ako
kaya napasubo na pa rin at kahit di tipo ng sikmura.
3k-s. Napakarami nilang
ulam at imperness ang sarap ng niluto niyang laeng subalit sa
siningang na isda, halos di ko na maubos ang kinakain sapagkat ang lansa at isa
pa'y malamig, gusto ko sanang magpakatoo pero sinasaalang-alang ko ang
magiging damdamin ng Tita kaya tinikom ko ang bibig. Salamat pa rin kay Tita Cleng pagkat
labis akong nabusog, iyon nga lang pagdating sa bahay, kumain pa ako ng
hapunan. Parehas masarap magluto si Tita Cleng at
Mama pero ang problema, dapat pinainit niya yung kaninang tanghalian nila to
make their health safe cause health is Wealth. Tamang nood muli ng
Telebisyon when I got home at pagkatapos ay higa sa kama upang
makatulog.
January 16, 2014
Thursday
Year II-016
Thursday
Year II-016
3k-t. Kahit na malamig
ang panahon, nilabanan ko pa rin ang katamaran upang makapasok sa eskwela.
Maaga pa naman kaya naisipan kong manood ng Telebisyon matapos mag-agahan.
Maya-maya'y nagpunas ako. Buti na lamang at kasabay ko si Regine
(Cebrero) sa pagpasok kaya tsika-minute muli ng walang
puknat. Wala pa si Sir Arnulfo ng dumating sa eskwelahan at
dahil ngayong araw ang Periodical test ay nagrepaso
muna ako. Ilang saglit pa'y dumating na si Sir Arnulfo at
nagkaroon ng mahabang pagsusulit. Hindi ako nagagalak sa naging resulta ng
aking Long test pagkat kakaunti lang ang nakuha.
Sa oras naman ng TLE, isinagawa na pala nila ang Periodical
test kahapon lang at dahil hindi nakapag-eksam, pinakiusapan ko
si Ma'am Sandra.
3k-u. Sa bait ni Ma'am ay pumayag naman ito at
hindi lang ako ang nakapag-eksam marami kami kaya may kasama ako sa Computer
Laboratory. Kahit di nakapagrepaso, bast't nakikinig sa guro'y alam na alam
ko ang isasagot. Maging sa oras ng MAPEH ay nagkaroon din kami
ng Periodical Test at naging sisiw lamang sa akin ang katanungan,
iyon nga lang ay medyo istrikto si Ma'am Mina pagdating sa
makukuhang marka pagkat ibabagsak na niya ang hindi makakuha ng Line of
4, sana'y makakuha ako ng ganong marka. Sa oras naman ng Physics,
nag-discuss lamang si Sir Martin ng Pressure,
mangha at nganga kami sa itinuro ni Sir Martin pagkat once na
may bagyo, kailangang buksan ang mga bintana at pintuan pagkat mas magiging
mataas raw ang pressure sa ibaba kaysa sa itaas na siyang
makakatulong upang di raw liparin ang bubong, ganon pala iyon at ibig sabihin
kapag bumabagyo, kailangang bukas ang bahay para di liparin ang bubong?
3k-v. Mababasa naman ang
kagamitan nun. Buti sana kung hangin lang at walang ulan. May iba pang
ikwinento si Sir na labis naming ikinamangha kaya hiyawan kami. Gustuhin pa man
manatili si Sir Martin dahil nakakatuwa ito
magturo pero kapos na sa oras. Sa oras naman ng English, nagkaroon
rin kami ng Periodical test, halos lumuwa ang utak ko sa hirap ng
mga sentence, very broad and it’s hard to get,
goodluck na lamang sa magiging marka. Sa oras ng Mathematics,
sa wakas at pumasok na rin si Sir Harren. Another mangha
nanaman ng ituro niya sa amin ang Trigonometry and that lesson
is very interesting, yun nga lang ay kailangan isapuso raw. Sa oras muli
ng Physics, nagkaroon rin kami ngPeriodical test.
3k-w. Mahigit sa isang taon
na akong galit kay Charlotte dahil pinagdamutan niya ako pero
ng kami'y mag-usap at pahiramin pa ng Calculator, mukhang nawala na
at marahil ay kailangan ko na siyang patawarin. Maya-maya'y uwian na at saka
lamang ako naligo, nagpatuyo ng buhok at ng masiguradong tuyo na, ako'y nag-siyesta.
Pagkagising ay nanood naman ako ng Galema at makamandag talaga
sa ganda ng programa, honest 'to promise. Tamang
kinig lamang ng OPM love song matapos manood at kahit
wala pang taong nagpapatibok ng puso ko, mukhang nakaka-relate ako
sa kanta, kailan kaya ako magkakaroon ng kalaguyo? Huwag muna siguro. Maging
gabi ay iyon ang libangan ko ang makinig ng OPM hits at
ng antukin, syempre ako'y matutulog na.
January 17, 2014
Friday
Year II-017
3k-x. Kahit kalamigan
ang panahon ay maaga pa rin ako nagising upang di mahuli sa klase. Katamad
muling maligo kaya nagbanlaw lamang ako. Ikalima na ng umaga subalit madilim pa
rin ang kalangitan at labis akong giniginaw. Pagdating sa labas ng eskwelahan
ay saktong nakita ko sina Jessa, Lovely Ruth at
Bacsal na mukhang may inaabangan. Kaarawan pala ngayon ni Bacsal kaya
masigabo ko itong binati, sinasama nila ako sa kanilang balakin subalit di ako
sumama at pumasok na sa Classroom. Habang wala pang guro'y
nagrepaso muna ako sa AP at Values, hirap akong
mag-concentrate sapagkat naging napakaingay ng silid. Kaasar lang
pagkat di pumasok si Sir Arnulfo, wala nanaman akong
panibagong kaalaman na matutuhan. Maya-maya pa'y dumating na si Ma'am
Fabiana at nagsimula na ang pagsusulit, naging madali lang sa akin ang
pagsusulit subalit di kataasan ang nakuha ko, marahil ay kailangan pa ng
ibayong pag-aaral.
3k-y. Sa oras naman
ng MAPEH ay nagtsek kami ng Periodical test,
sayang lang ako sapagkat dalawa na lang at pasado na subalit di nanaman ako
pinalad. Sa oras naman
ng Filipino'y nagkaroon
din kami ng exam, kahit Tagalog basta't malalalim ay
naging mahirap sa akin ang umunawa ng talata na nagbigay ng stress sa
akin ng husto, masyadong matatalinghaga. Sa oras naman ng English ay
nagwasto lamang kami ng test paper at pagkatapos
ay isinagawa namin ang aytem analisis. Hindi nanaman ako nagagalak sa nakuha ko
sapagkat wala pa sa trenta ang marka. Buti pa si Leonardo,
laging highestkaya nag-atubiling tinanong ko siya, nagbabasakaling
may sikreto ito subalit sinabi niyang kailangan ko lang i-analyze ang
binabasa upang makapili ng tamang sagot.
3k-z. Habang nag-uusap
kami ni Leonardo, itong si Cynt ay masyadong
papansin sa akin at pa-cute, lalo namang tsumaka kung titingnan. Habang
wala pa si Sir Harren, naku at mistulan muling palengke ang silid,
si Cynt naman ay panay pakitang gilas sa mahika pero puro kalokohan
naman at walang kadating-dating, iyong ilan kong kamg-aral makatawa'y parang
wala ng bukas. Tumahimik lang ang silid ng dumating si Sir Harren at
nagkaroon rin kami ng Periodical test, iyon nga lang at kalahati
lang ang sasagutan at sa Lunes pa ang kalahati. Umingay muli ang silid ng wala
muling guro at itong si Cynt at Huelar, walang sawang
pinagtitripan ako at inuulol pero di ako pauto sa kanila at manigas sila.
Tawanan yung mga kamag-aral ko ng ipagawa ko sa kanila ang Spirit of Black
and White lady at para silang tanga at uto-uto pa.
3l-a. Sa sarap ng
tawanan, di namalayang nasa harapan na si Sir Martin at
nagtsek lamang kami ng test paper, ang kaninang
sayang-saya naging malungkot pagkat ang baba ng nakuha ko. Umuwi akong lugmok
ang mukhang binudburan ng pulbo at habang naglalakad ay may naramdaman akong
tila may humihimas sa pwetan ko. Lumingon ako patalikod at sinigawan ang humipo
sa akin na animo'y baguhan lang sa paningin at kumarpas siya ng takbo. Laking
kaba ko pagkat muntik-muntikan na akong madukutan ng pitaka at Cellphone pero
pasalamat na lamang at hindi nangyari iyon.
3l-b. Pagdating sa bahay
ay ikwinento ko kay Mama ang nangyari sa akin at maski siya'y nag-aalala.
Kinagabihan at dahil walang pasok kinabukasan ay nagpuyat ako sa pagbabasa pero
iyan muli ang mga tambay at naghahasik nanaman ng kaingayan. Ikasampo na ng
gabi pero maingay pa rin sa labas dahil sa kanila, pinagsabihan ko nga pero
parang may tutuli sa teynga at parang walang naririnig. Buti pa nung si MS Bantaya
ang purok namin, kapag may mga kabataang pakalat-kalat sa lansagan ng
dis-oras ng gabi, hinuhuli niya pero yung bago naming purok parang walang
pakialam sa nangyayari. Ibalik na ang curfew para iwas gulo at
ingay sa lansangan.
January 18, 2014
Saturday
Year II-018
3l-c. Mga madaling araw
ng ako'y magising at grabe, para akong nasa freezer ng
pridyider pagkat sobrang lamig. Dahil giniginaw ay ibinalot ko ang buong
katawan sa makapal na kumot. Maliwanag na sa labas ng ako'y dumilat at mukhang
matamlay ang panahon, marahil ay may Bagyo. Bukod sa makulimlim ang panahon at
malamig ay naging mahangin rin. Wala akong maisipang pagkaabalahan kaya gawaing
bahay muli ang aking inatupag. Matapos ang gawaing bahay ay nanood ako ng Video.
Mangha-mangha ako sa aking pinanood na Video sapagkat parang
totoo yung pagtubo ng maladambuhalang Bean stalk, maging ang higante'y
kikilabutan ka sa hitsura nila, iba talaga kapag foreign movie ang
mapanood mo, wala kang makikitang mintis, lahat detelyado maging sa Effects at
pag-e-edit at di
dapat mahalata at kailangang magmukhang totoo. Pero ipinagmamalaki ko pa rin
ang pelikulang Pilipino sapagkat pumapatok ito kahit sa ibang
bansa.
3l-d. Nang kalagitnaan
na ng movie, ang mata ko'y talagang tutok na tutok sapagkat very
suspense na ang eksena ng maglaban ang mga Higante at mga nakatira sa
palasyo, para totoong binalutan ng tutumutubong beans ang
buong palasyo at nawasak ito.
Matapos manood ng Jack and the Giant slayer, ako'y
nananghalian na. Dahil kakabato kapag walang mapaglibangan ay nanood muli ako
ng telebisyon. Ang ganda ng bagong programa sa Showtime at
iyon ay I am Pogay na ang mga kalahok ay mga bakla pero kung
titingnan, parang hindi naman dahil ang popogi nila na maski babae at kabaro
nila'y abot langit ang kilig.
3l-e. Maya-maya pa't
dala ng antok ay natulog na ako. Nagising na lamang ako dahil naging
napakaingay sa labas, nawala na ang antok ko kaya bumangon na at naghugas ng
plato. Medyo mahangin sa labas na nagbibigay lamig sa pakiramdam kaya katamad
ang lumabas. Lumabas lang ako ng gabi na nung utusang bumili ng softdrinks,
walang kasing lamig ang nararanasan ko pero tiniis ko iyon. Pagdating sa bahay,
saka pa lamang lumamon ng hapunan kasama ang softdrinks. Maya-maya'y
naisipan ko muling manood ng Video at parang nawiwili na akong
manood ng Foreign movies, natututo na rin akong
magsalita ng English. Habang sarap kami ni Papa sa panonood ay may
sigawan akong narinig mula sa kapitbahay, may pinagagalitan pala at naging
malupit siya sa panenermon.
3l-f. Ang ate naman,
kanina pa tulog at di pa nagigising, ano na kayang nangyari sa kanya at sana'y
di binangungot. Maya-maya pa'y sa wakas at nagising na rin ang ate, nagkainan
kaming magpapamilya ng manamis namis at masarap na Doughnut. Sana'y
ganito kami palagi na nagsasama at nagkakasiyahan kahit sa simpleng bagay
lamang, di pa nakutento at hala sige pa sa pagbanat hanggang sa maubos. Matapos
manood ng Video at gawa na di pa inaantok, naisipan kong mag-compose muli
ng panibagong kanta at nilapatan ko rin ng sariling tono. Kilig much ako
ng basahin ang liriko ng ginawang kanta at di akalaing pwede na ako
maging songwriter na sana kung papalarin. Mga Alas-dose na ako
natulog at ramdam namin ang ginaw.
January 19, 2014
Sunday
Year II-019
3l-g. Hindi muli
kagandahan ang taya ng panahon at mukhang uulan pa subalit ang lamig na aming
naranasan nitong lumipas na mga araw ay dama pa rin at lalo pang lumala kaya
naman mainit na kape ang naging agahan ko kasama ang malutong na tinapay.
Matapos mag-almusal, balik muli sa gawaing bahay at dahil mag-iisang buwan ng
di umuulan ay maraming alikabok akong nawalisan. Matapos ang gawaing bahay,
nagpatuloy ako sa pag-compose ng mga kanta at iyon ang inatupag ko
hanggang sa sumapit ang tanghali, wala naman akong inspirasyon at lalong lalong
walang minamahal o crush pero nahihiligan kong lumikha ng
awiting pag-ibig. Maya-maya pa'y oras nanaman ng tanghalian at kami'y tsumibog
na ng sarap at saya kaya pagkatapos, halos wala ng mapaglagyan ang tiyan, paano
ang takaw kasi. Kahit may kalamigan pa rin ang panahon kahit tanghaling tapat
na, gawa na amoy anghit na ang pangangatawan ay buong tapang kong ibinuhos ang
napakalamig na tubig sa katawan, salamat at napreskuhan ako pagkatapos.
3l-h. Maya-maya pa'y
nagtungo muli ako sa bahay ng Tita Cleng upang
isauli ang hiniram na bala, hindi na ako nagtagal pa sa kanila pagkat
napakatapang ng alaga nilang aso at mukhang susunggabin ka pa kapag tinangkang
pumasok. Habang naglalakad pauwi'y biglang pumasok sa isipang magkumpyuter at
nagtungo na nga ako sa Computer shop. Malapit ng
sumapit ang Pebrero at dalawang buwan na lang ang nalalabi bago ang Graduation pero
wala pa kong napipiling Unibersidad na papasukan, paano naman at malaginto
ang tuition fee sa eskwelahang ibig pasukan. Sa ngayon
na malapit ng tumungtong sa kolehiyo'y tiwala na lang ang panghahawakan ko.
Matapos magkumpyuter, nagtungo ako sa bahay nila Amihan subalit
wala ang mga ito at si Itang lamang ang nadatnan ko,
kanya-kanya kaming kwentuhan at habang nag-uusap ang siyang dating ni Amihan.
3l-i. Lumipas pa ang
ilang saglit ay dumating na rin si Tita Jean bitbit si Baby Habagat at
kamustahan kami.
Umalis na ako sa bahay nila ng lumagom ang kadiliman at habang
naglalakad ay di ko mapigilang ginawin at ang hangin pa. Pagdating sa bahay,
nadatnan kong nakikinig ng Old song sila Mama at kahit
sabihing old song, maganda naman pakinggan. Sa tindi talaga ng
lamig, nagmedyas na ako. Maya-maya pa'y naghapunan kami at pagkatapos ay nanood
ng telebisyon. Naging napakasaya ng gabi ko at halos ikamatay ko na ang tawa
dahil sa Wow Mali Pa rin, ang lalakas mang-trip ng
mga tauhan ni Joey kay Juan Dela Cruz, kaya
nawiwili akong panoorin at walang ginawa kundi humagikhik ng labis. Matapos
manood ng telebisyon at dahil may pasok nanaman kinabukasan, maaga akong
natulog.
January 20, 2014
Monday
Year II-020
3l-j. Medyo nabitin
lamang sa bakasyon pero ayos lang kung kapalit naman nito ang maginhawa't
marangyang buhay na naghihintay sa hinaharap kaya kahit katamad bumangon gawa
ng napakalamig ng panahon ay sige pa rin ako. Pumasok ako bitbit ang
pinaghirapang Project sa Math at pagdating sa
eskwelahan, napakatumal ng pagdating ng mag-aaral. Siyempre habang wala pang
guro'y itinuro ko sa kanila ang mechanics ng naisip na games sa Math
project, kahit itodo ang boses kung sadyang maingay ang paligid ay
di pa rin ako madinig kaya nanahimik na lamang muna. Maya-maya pa'y laking tuwa
namin ng libreng mabigyan ng sabon ng Vaseline at kaadik
amuyin sa bango. Hindi pumasok si Ma'am Fabiana kaya sa halip
na ituon sa pagbabasa, walang ginawa ang mga kamag-aral ko kung hindi ibuka ng
ibuka ang bibig, di ko sila masisi kung Hobby na nila iyon.
3l-k. Sa oras naman
ng TLE ay sa Computer laboratory kami
nagklase at isa-isa kami tinawag ni Ma'am Sandra upang ipakita
ang grade namin. Sa kasamaang palad, bagsak ako at dahilan ng pagbagsak
ko ang di pagpapasa ng project at iyon ay CD burning. Marami-rami rin ang
lumagapak ang grado kaya binigyan kaming muli ni Ma'am Sandra ng
pagkakataon upang makagawa ng project at pinag-pangkat pangkat
niya kami, sa kasamaang palad muli ay kina Ibarra ako
napabilang pero ayos lamang, sanayan lang sa pakikisama sa kanila. Wala muling
guro sa oras ng MAPEH kaya What is new in our room? Sa
halip na makipagdaldalan ay sinamantala ko ang oras sa pag-compose ng Music.
Sabay tago ng dumating si Sir Velarde at nagkaroon kami
ng Mock test. Kahit wikang pambansa ang gamit kung
sadyang kalalalim ay naging mahirap sa akin ang pag-unawa at halos sumakit na
ang ulo ko. Hula-hula na lang sa pagpili ng Choices.
3l-l. Ipinagpatuloy ko ang pag-compose ng
kanta sa oras ng Recess. Sa oras ng Math ay
ipinagpatuloy namin ang pagsagot sa Periodical Test, ipapakita ko
sana kay Sir Harren ang ginawang proyekto pero bigo ako pagkat
kaagad itong nawala, si Mandy ang namahala sa aming answer
sheet. Sa oras ng Physics, nagkaroon kami ng panibagong sitting
arrangement. Nagkataong nakatabi ko si Kristel kaya may
katsikahan ako.
Maya-maya pa'y uwian na at sa halip na dumeretso sa kanya-kanyang bahay
ay nagtungo pa kami sa bahay nila Villaresis pagkat doon kami
gagawa ng Jingle para sa CD burning. Halos
di ko ka-close ang mga kasamahan lalo na si Ibarra na
banas na banas kasama pero pasalamat na lang pagkat nandoon si Patrick at
siya lang ang malapit sa loob ko.
3l-m. Kalagitnaan ng
aming paggawa ng Jingle ang siyang biglaang pagsakit ng ngipin ko
na halos mamilipit na. Buti na lamang at kaagad kaming natapos sa paggawa
ng Jingle kaya kaagad kaming nakauwi. Habang nakasakay
sa tricycle ay nakita kong maraming taong nagkukumpulan sa
gitna ng kalsada at may mga pulis pa, iyon pala'y may binaril at kita ko ang
duguang bangkay na nakabulagta. Kakaawa naman siya't labis ang aking sindak.
Pagdating sa bahay ay labis kong ininda ang pananakit ng ngipin dahilan kung
bakit di makakain. Itinulog ko na lamang pero dama ko pa rin ang pananakit pagkagising
at parang damay maging ulo ko. Kinagabihan naman, ang ganda ng eksena sa Got
to believe kaso naimbyerna naman ako pagkat daming Commercial,
pinatay ko na lamang at natulog, sayang at kilig much pa naman
ako sa palabas na iyon.
January 21, 2014
Tuesday
Year II-021
3l-n. Alas kwatro y
medya na ng madaling araw ng gisingin ako ni Mama at di na gasinong sumasakit
ang ngipin pero ng pagkanguya ng agahan ay biglaan na lamang itong sumakit at
halos nahirapan na sa pagnguya, bukod sa pananakit ng ngipin ay apektado rin
maging ulo ko kaya minabuting huwag ng pumasok. Absent muli ako
pero ayos lang kung may nararamdaman namang di karapatdapat. Si Papa naman,
kanina pa dumadaing sa kanyang rayuma at maski siya'y di rin makakapagtrabaho,
parehas na kaming absent. Nahiga ako sa kama hanggang sa makatulog.
Malapit ng sumapit ang Alas-nuebe ng ako'y magising at di pa rin naiibsan ang
pananakit ng ngipin at parang sumisidhi pa nga na halos paiyakin na ako.
3l-o. Mas masakit pa ang
nararanasan ko ngayong taon kaysa nung nakaraan at parang iba ang sakit pagkat
napakahapdi na animoy patuloy na tinutusok ng walang humpay hanggang sa
kailaliman at ganon ang aking nararamdaman. Nilibang ko na lang ang sarili sa
pamamagitan ng paglalaro ng Tablet upang makalimutan ang sakit.
Kahit nagmumug na ng maligamgam na tubig at uminom ng pain reliever ay wa
effect pa rin at patuloy sa pagsakit. Sinilip ko sa salamin ang ngipin at
laking gulat ko ng makitang nabubutas na at unti-unti ng nabubulok ang ibabaw,
sa puntong iyon ay doon na ako nabahala at minabuting magpakonsulta na sa
Dentista mamaya.
3l-p. Maya-maya'y oras
na upang kumain subalit dala ng walang humpay na pananakit ng ngipin, nawalan
ako ng ganang kumain. Idinaan ko na lamang sa panonood ng telebisyon ang gutom
at super sweet nila Maya at Ser
Chief. Matapos manood ng telebisyon at kahit ayaw kumain sa takot na
lalo pang sumakit pinilit ko pa rin. Wala nun si Mama at Kuya Al ng
hapong ding iyon kaya nagpasyang ako na lamang mag-isang magpakonsulta sa
dentista. First time ko lang magpa-check up ng
mag-isa kaya labis akong kinakabahan sa aking gagawin. Natuwa naman ako pagkat
mura lang ang bayad at sinabi ng Dentista na kailangan ko lang uminom ng Antibiotic at Mefenamic
acid upang mamatay ang mikrobyong sumisira sa ngipin. May balak sanang
ipa-Root canal upang mamanhid ang sakit subalit sadyang
napakamahal.
3l-q. Ang bait ng
Dentista at sa halip na 150 ay 100 na lamang ang siningil sa akin. Matapos iyan
ay nagtungo naman ako sa Drugstore at bumili ng iniresetang
gamot. Malapit ng dumilim ng ako'y umuwi subalit di pa dumadating sila Mama
kaya naman wala kaming makain sa hapunan, ang ate naman ay panay na ang
reklamo. Sa halip na magsalita'y gumawa na lang ako ng paraan upang may makain.
Kahit di pa bihasang magluto, nagluto pa rin ako at Pancit canton ang
ulam namin. Di ko akalaing masarap ang luto ko kaya lalo pang nahuhumaling sa
pagluluto. Habang ako'y naghahain ay siyang dating naman nila Mama at mukhang
kinulang yata sa niluto, paano'y nasa layasan kaya iyan at binitin sila pero
ayos lang sa kanila. Dahil sa iniinom na gamot ay bahagya namang nawala ang
sakit kaya naging masarap pa rin ang tulog ko.
January 22, 2014
Wednesday
Year II-022
Wednesday
Year II-022
3l-r. Sumasakit muli ang
ngipin ng ako'y nagising kinamadaling araw kaya naman todo pagtitiis ang ginawa
ko, idagdag pa ang napakalamig na panahon kaya lalo pa akong tinatamad
bumangon, pansamantala akong umidlip subalit ng gisingin ni Mama, saka pa
lamang nagkaroon ng lakas loob na bumangon at sagupain ang mantinding ginaw na
namamayani sa kapaligiran. Nagawa ko pa rin pumasok sa kabila ng iniindang
sakit sa ngipin. Sa tindi ng lamig ay mistulang nasa Baguio ako
sa kapal ng hamog. Wala pang guro ng ako'y dumating kaya pinagkaabalahan kong
gawin ang piyesa para sa Math project. Ilang sandali
pa'y may guro na sa harapan subalit hindi si Sir Arnulfo kundi
si Ma'am Janet at ipinagpatuloy nilang sagutan ang Periodical test.
Dahil wala kahapon ay pinakiusapan ko si Ma'am Janet na bigyan
ng Special Exam.
3l-s. Sa bait ni Ma'am
ay pumayag naman ito at pwede ko raw ipasa bago mag-uwian. Tapos na sila sa
pagsagot maliban sa akin na patuloy sa pagbabasa at pagsagot. Sa oras naman
ng TLE ay si Sir Balbin muli ang guro namin
at may inanunsyo lamang siya. Matapos ang Announcement ay
nagkaroon rin kami ng Groupings. Sa oras ng MAPEH,
nagpraktis lamang kami ng sayaw na Swing. Si Jessa ang
naging ka-partner ko at kuha ko sa una't pangalawang step pero
ng sumunod pa'y di ko na makuha, madalas ay nagkakamali kami at mukhang mauubos
na ang pasensiya ng ka-partner ko. Pagdating siguro sa mga ganyang
sayaw, wala akong maibubuga at di maiwasang maging kaliwa ang paa. Sa oras
ng Filipino, nagkaroon kami ng Pre-test, walang
pinagkaiba sa naunang pagsusulit pagkat napakahirap ng katanungan at malalalim
pa ang bawat salita.
3l-t. Sina Cynt na
sisiga siga at walang magawa, ako muli ang pinagtripan na labis kong ikinayamot
subalit pinigil
ko ito at lumayo sa kanila. Lintik lang ang walang ganti at kinakarma ang mga taong mapamintas katulad nila. Hindi na rin ako kumain ng snacks at nag-compose ng kanta. Sa oras naman ng English ay nag-discuss lamang si Sir Buenaventura at pagkatapos ay nagkaroon kami ng Quiz. Sa oras ng Math ay ipinamudmod naman ng ilan kong kamag-aral ang MATHO cards, sinabi sa amin ni Sir Harren na bukas na ang launching ng ginawang project sa Math doon sa AVR, kaya naman doble na ang kaba ko. Muli nanamang sumakit ang ngipin ko na halos ikangisay ko na.
ko ito at lumayo sa kanila. Lintik lang ang walang ganti at kinakarma ang mga taong mapamintas katulad nila. Hindi na rin ako kumain ng snacks at nag-compose ng kanta. Sa oras naman ng English ay nag-discuss lamang si Sir Buenaventura at pagkatapos ay nagkaroon kami ng Quiz. Sa oras ng Math ay ipinamudmod naman ng ilan kong kamag-aral ang MATHO cards, sinabi sa amin ni Sir Harren na bukas na ang launching ng ginawang project sa Math doon sa AVR, kaya naman doble na ang kaba ko. Muli nanamang sumakit ang ngipin ko na halos ikangisay ko na.
3l-u. Dadalo sana ako
sa birthday party ni Jenny mae subalit
gawa ng sumasakit ang ngipin ay di ako makakapunta, babawi na lang ako sa
kanya. Kasabay ko si Gangang sa pag-uwi at may balak sanang
maglakad pero nilibre ko na siya sa pamasahe. Diretso tulog pagdating sa bahay
at sa kasarapang matulog, Alas-singko na ako nagising at di na nakanood
ng Galema. Naging abala ako sa paggawa ng piyesa hanggang sa
sumapit ang gabi at sana'y mapili ang Math project namin
bukaa para sa Math exhibition. Goodluck!
January 23, 2014
Thursday
Year II-023
3l-v. Wala pa ring bago
sa umaga pagkat dama pa rin malamig na panahon ang sumalubong sa aking
paggising kaya heto tinatamaan muli ng pagkatamad at pansamantalang naidlip
ngunit ng gisingin naman ni Papa, saka pa lamang bumangon at kumain ng
piniritong itlog, ang aga pala magising ng Papa kaya nakapagluto ito. Habang
nakasakay sa tricycle ay pinagmamasdan ko ang buwan sa
kalangitan at tila naalala ko ang aking pagkabata dahil madalas kong
sinusubaybayan ang pagsikat ng buwan sa kalawakan lalo na kapag Full moon
at masaya ako kapag nakakakita ng buwan, pero ngayon ay di ko nahihiligin
iyon. Sa tindi ng lamig ng panahon at upang di kapitan ng sakit, nagpasya na
akong magsuot ng Jacket ngunit sa aking pagpasok ay katakot
takot na pangungutya ang sumaubong mula kina Cynt na walang
pasubali sa pang-aasar. Ayaw kong masira ang pinakaiingatang araw kaya di ko
sila pinapansin.
Nagpatuloy ako sa paggawa ng piyesa. Kahit na walang guro'y nagtsek pa
rin kami sa pamamagitan ni Mandy.
3l-w. Hindi pa sila
nakuntento't pinagkatuwaan pa ang suot kong Jacket, tao lang ako at
may damdamin kaya di ko napigilan ang sarili at ipinamalas ko sa kanila ang
inipong galit na kahapon pa. Namumuro na sila at punong puno na ko. Tumigil
naman sila at labis na nasindak. May tapang lang si Cynt kung
may alipores pero kung wala, malamang ay walang lakas loob na dustahin ako, di
naman kalakihan ang katawan at isa pa'y manalamin muna siya bago mamintas ng
kapwa. Habang nagpapamalas ng galit ay siyang dating ni Ma'am Janet.
Laking tuwa ko pagkat sa halip na ako ang pagalitin ay si Cynt pa
at tinarayan talaga ng husto. Tila nakamit ko ang hustisya at butinga sa kanya.
Sa kakasermon ni Ma'am Janet ay naubos na ang oras para sa
aytem analisis at kaagad na humalili ang butihing guro na si Sir Balbin. Itinuro
niya sa amin ang tamang pag-shade sa pagsagot sa NAT test at
dahil walang dalang lapis ay lumabas kami. Ng tiyempong nakita si Sir Jeff ay
kinapalan ko ang mukha sa paghiram ng lapis.
3l-x. Ang bait talaga
ni Sir Jeff at di lang pinahiram kundi ipinaubaya
na sa akin ang lapis at may ballpen pa na remembrance raw
niya sa akin. God bless Sir Jeff. Sa oras
naman ng MAPEH, dibdibang pag-eensayo muli para sa Swing at
parang kandilang nauupos na ang pasensiya ng katuwang ko pagkat hirap kong
makuha at lalo pang humirap ang mga sumunod na steps. Sa oras naman ngPhysics, nagrepaso kami. Dahil di ako nakadalo
sa Birthday party ni Jenny Mae,
nilibre ko siya ng pang-recess at tuwang tuwa naman siya, si Noemi
naman hala at panay hingi ng pera sa akin. Hindi naman ako mapera kaya
kakarampot lamang ang naiambag ko sa kanya. Sa oras ng Math ay
ipinakita ko na kay Sir Harren ang gawa
naming project at sinabi ang mechanics ng
naisip na laro.
3l-y. Nagustuhan naman
niya ang konsepto kung paano laruin pero masyado raw mahirap ang expression na
nailagay sa piyesa, goodluck na lang sa amin mamaya. Sa oras
naman ng Physics ay nagpatuloy kami sa pagrerepaso at
pagkatapos ay pre-test. Sa halip na umuwi, kasama ang ilan kong
kagrupo ay nagtungo muna kami sa may AVR subalit di pa
nagsisimula ang launching ng project. Bukod sa
amin ay kasali rin sila Pradez sa naturang contest at
talagang naghintay pa kami ng isang oras. Makalipas ang isang oras ay nagsimula
na ang launching at isa-isa nilang tiningnan ang mga project at
sabay huhusgahan. Isa si Sir Rombo sa mga hurado
na nagpagalit sa akin noong last year kaya doble kaba ang
nadama ko at baka laitin pa.
3l-z. Nang kami na'y
nilakasan ko ang loob sa pagpapaliwanag at sinabing maganda raw ang konsepto ng
laro pero sadyang mahihirap raw yung nasa piyesa, sayang at kinulang pa.
Nakahinga lang kami ng maluwag matapos anglaunching at maya-maya'y
umuwi na kami at sinabing bukas pa malalaman kung alin sa gawa namin ang
mapaasali sa exhibition. Kasabay ko si Jayvie Ann sa
pag-uwi at naglakad lamang ako. Pagkauwi'y diretso kain ako at pagkatapos ay
natulog. Madilim-dilim na rin ako nagising at nanood ng telebisyon. Mga
ikasampo na ng gabi ng ako'y muling matulog.
January 24, 2014
Friday
Year II-024
3m-a. Ang takbo ng
panahon ay sadyang napakalibis at di namalayang Biyernes na at wala muling
pasok bukas, lalo pang naging malamig ang panahon kaya nagsuot muli ako
ng Jacket sa pagpasok. Pagkapasok sa eskwela'y nadatnan kong
isa-isang pinapamudmod ni Mandy ang NAT reviewer.
Kaasar lang sapagkat di ko pala dala ang MATHO card at
ngayon pala ang tseking nun. Maya-maya'y isa-isa rin kami binigyan ng ticket para
sa Math Fair, hindi pa man nakakalayo ang oras na kung
kailan pupunta kami sa Math fair ay biglang
nawawala ang ticket ko, di tuloy ako nakapasok at nanatili na
lamang sa classroom. Ang malas naman ng araw na ito para sa akin,
nakalimutan ko na ngang dalhin ang MATHO cards tapos
naiwala ko pa ang ticket. Lumipas ang ilang saglit ng bumalik ang
mga kamag-aral ko galing Math Fair, kainggit lang
pagkat labis silang nag-enjoy sa mga palaro. Maya-maya'y pumasok na
si Ma'am Fabiana at nagturo lamang siya ng panibagong lesson.
3m-b. Sa oras naman
ng MAPEH ay practice muli ng sayaw ng Swing pero
sa labas namin ginanap, pangit ka-partner si Jessa at
alam kong wala sa akin ang diperensiya kundi sa kanya kaya si Pammit na
lang ang naging ka-partner ko. Kay Pammit ay ayos
lang at nakakasunod kami sa steps pero ng maglaon ay doon na
kami nahihirapan at madalas na ang pagkakamali. Sana'y Filipino na
para di na kami magdusa pa sa napakahirap na sayaw. Sa oras ng Filipino'y
nagkaroon kami ng Pre-test at ang NAT reviewer ang
naging test questionernamin. Medyo natagalan lamang ako
sa pagsagot pagkat labis kong inintindi ang bawat talata, makakuha lang ng
mataas na marka. Sa panahon ngayon ay dibdibang pagrerepaso ang kailangan ko ng
magseryoso upang makapasa.
3m-c. Maging sa oras
ng English ay nagkaroon rin kami ng Pre-test,
sila Cynt naman naku at muling umingay sa oras na lumalabas
si Sir Buenaventura, di tuloy ako makapag-concentrate at
kahit pagsabihan ay di naman sila makikinig kaya walang mangahas na magsaway sa
kanila. Sa oras naman
ng Math ay wala si Sir Harren at
karamihan sa aking mga kamag-aral ko ay nagtungo muli sa Math Fair,
kami-kami na lang ang naiwan pero naging maingay pa rin ang silid dahil sa
pagdating ni Crislyn na pawang buntis, lumabas muna ako kasama
sila Jessa. Papasok sana sa Entrance ng Math fair pero
nag-aalangan naman ako pagkat walang ticket, buti na lang at
nandiyan sina Jessa kaya madali akong nakapasok ng walang
kahirap-hirap at nagtungo kami sa iba't ibang station ng
palaro. Sayang at di naman ako pwede maglaro pagkat wala akong ticket.
Nakakalungkot pang isipin sapagkat di napili ang aming project para
sa exhibition pero ayos lang at may Grade din
naman, bawi next time at baka palarin.
3m-d. Ang sayang kasama
nila Jobil at Jessa at kahit walang
dalang ticket ay nakapaglaro pa rin ako, iyon nga lang ticket nila
ang ginamit ko pero enjoy naman. Sa sobrang enganyo namin sa
paglalaro'y di namalayang Physics time na at
nandoon na si Sir Martin pagkabalik sa silid, malas malas
lamang pagkat di kami pinayagang papasukin. Wala tuloy kaming Pre-test sa Physics,
ang saya-saya. Di lang kami ang di pinapasok maging sina Perfecto kaya
naging masaya pa rin kami sa pamamagitan ng kwentuhan at lokohan. Pumasok
lanang kami kung kailang uwian na. Pagdating sa bahay, hindi ko gasinong
naibigan ang luto ni Inay kaya nagluto pa ako. Sarap na sarap sa paglamon
pagkaluto at sa katakawan ay halos maumay na ako.
3m-e. Maya-maya pa'y
nag-siyesta ako at pagkadilat ng mata, nagtungo ako sa Computer
shop at nanood ng Movie hits na Girl, Boy,
Bakla, Tomboy. Napakarami kong tawa sa pelikulang iyon pagkat
masyadong akward ang action dun ni Vice Ganda lalo
na yung Gay Character niya na ang lakas mambara at
comatose na nga, kailangan pang nakapowsing. Yung Girl character naman
ay ang arte-arte at ang landi-landi pa. Halos kinabagan ako sa kakatawa at
maganda ang pelikula niya, basta kay Vice, sasaya ang araw mo.
Dahil opentime naman at di pa ko nakuntento pagkat nanood rin ng My
Little Bossing subalit di ko tinapos dahil gabi na. Diretso lamon nanaman
pagkauwi ng bahay kaya nalintikan ako kay inay at kahit kailan talaga,
napakarami niyang sinasabi. Sabado muli kinabukasan kaya gumawa muna ako ng
kanta bago matulog. Naging napakalamig ng gabi.
January 25, 2014
Saturday
Year II-025
3m-f. Tila lalo pang
lumamig ang lagay ng panahon ngayon, mas malamig pa kung ikukumpara nitong mga
nakalipas na araw kaya naman giniginaw pa rin kahit balot na ng makapal na
kumot. Nagising na lamang ako dahil sa lakas ng tugtog ng aking Papa at kumabog
ang dibdib ko sa pag-ugong nito. Sa halip na mayamot ay naging masigla pa nga
ang araw ko at iyong ang nagsilbing ehersiso ko. Parang ginaganahan ako ngayong
araw kaya todo ang aking pagsayaw at paggiling ng walang kapuguran, kahit di
marunong sumayaw alam kong matututo rin basta't magsanay lang. Di pa ako
napagod at nagwalis pa sa loob ng bahay habang pasayaw-sayaw. Huwag muna sanang
dumating ang ate galing trabaho sapagkat tapos ang kasiyahan at di na pwedeng
mag-ingay pagkat matutulog na ito.
3m-g. Sayang-saya na
sana ako sa pakikinig ng RNB songs ng dumating na nga
ang Ate. Di ko naman siya masisisi kung pahinaan niya sapagkat batid kong pagod
iyon. Nag-enjoy pa rin naman ako pero di na kasing saya ng kanina
pagkat mahina at weird ng pakinggan hanggang sa pinatay ko na
lamang. Ipinagpatuloy ko ang pagwawalis. Maya-maya'y nagtungo ako sa taas
upang magpa-burn ng CD para sa kanta. Kahit tirik
na ang araw ay di ko dama ang init nito kundi lamig pa rin ang naghahari.
Nagtungo ako sa isang Computer shop at ng malamang
may kamahalan ay sinubukan ko sa iba kaso'y mahal rin. Minabuting bumili na
lang ng blank CD at sa bahay na lang ipa-burn.
Laking tuwa ko pagkat mura lang at apat pa nga ang binili.
3m-h. Di ko alam sa
sarili kung bakit nahihiligan ko ngayong magpa-burn. Hindi ko alam ang
tamang paraan ng pa-burn kaya nanood muna ako sa Youtube ng tutorial at
ng matutuhan, dali-dali na akong umuwi kaso ng subukan sa sariling computer ay
parati na lang palpak, pagkabwisit tuloy ang nadama ko pero ayos lang at ipapa-burn ko
na lang kay Sir Balbin. Dahil walang maisipang
importanteng gagawin ay pagko-compose na lang ng anta ang inatupag
ko. Sumasakit na rin ang tiyan ko, dala na rin siguro ng gutom kaya sumabay na
ako sa kanila sa tanghalian. Inaantok naman ako pagkatapos kumain na kahit
anong paraan ng pagpipigil ay inaantok pa rin kaya natulog muna ako. Kinahapunan
ay sinumulan ko ng sagutan ang Pre-test sa AP at
labis kong inaanalisa ang mga katanungan bago sumagot kaya sa anim na pu't
aytem na katanungan ay inabot ako ng gabi.
3m-i. Diretso nood ng
telebisyon matapos sagutan ang pagsusulit at parang narebyu na rin ako. Ang
ganda ng istorya sa MMK, isang nanay na at may anak na
magiging textmate at Callmate ng isang
binatilyong di hamak na mas bata pa sa panganay niya, ang taray ng lola mo at
bata pa ang tinutuhog pero sa huli, nagawa naman niya iyon pagkat di siya
pinapansin ng kapamilya at parang wala siyang halaga sa kanila. Minsan talaga
na kahit kadugo mo pa'y di ka magawang pansinin at kausapin at iyon ang masakit
sa damdamin kahit mababaw sapagkat may damdamin at isip naman tayo. Kahit
sabihing pinapakain ka pa o pinapag-aral kung wala ka namang puwang sa puso
nila at di ka pa pinapahalagahan, di mo talaga mararamdaman ang pagmamahal.
Bago matulog ay ipinagpatuloy ko ang aking libangan at iyon ay pagko-compose ng
kanta, mga Alas-dose na ako natulog.
January 26, 2014
Sunday
Year II-026
3m-j. Wala pa ring
pagbabago sa temperatura ng panahon sapagkat dama pa rin namin anglamig nito.
Eksaktong Alas-otso na ng umaga ako nagising at nag-almusal. Ngayong araw rin
ang MATHO games subalit mukhang malabong
makakapunta sapagkat hindi ko pa nasasagutan ang MATHO cards,
pero di bale't may grade din naman ako. Naglinis sa loob ng
bahay at pagkatapos ay muli akong nag-compose ng kanta. Maya-maya'y
nagtungo ako sa bahay nina Regine (Miano). Abala si Regine sa
pagsasampay habang may nag-iinuman, halos kasing edad ko lang siya pero nanay
na at sayang ang pagkakataon niyang makapag-aral. Nagtulo-tuloy ako at kinausap
si Aling Gina na abala naman sa pagluluto. Gusto
kong matutong magluto pagkat malapit na akong magdisi-otso kaya nagpaturo ako
sa kanya at marami akong natutuhan kahit papano.
3m-k. Nang sumunod na
oras matapos namin mag-usap ay nagtungo naman ako sa bahay ni Ate Bing at
masaya silang mag-asawang nanonood ng Borrowed Wife. Dahil
naenganyong manood ng Borrowed Wife ay nakinuod na
rin ako. Si Aira naman, walang kapaguran sa kakulitan at panay
harot sa akin. Ilang sandali pa'y naantala ang panonood namin ng Borrowed
wife dahil biglang dumating ang kaanib ng Saksi ni Jehova subalit
di naman sila nagtagal. Hinintay ko munang matapos ang Borrowed wife at
ng matapos ay nagpaalam na ako sa kanila. Inanyayahan pa nga nila akong sumali
sa karaoke subalit hiya ang nangingibabaw sa aking dibdib. Habang naglalakad ay
saktong nakita ang pamilya ni Cathy na kakagaling lang
sa Church.
3m-l. Tagal ko na rin
hindi nakakapagsimba sa relihiyon nila kaya kinamusta ko ang mga kasamahan ko
dun at sinabing nami-miss na raw ako, bagay na tumutulak sa akin na
magsimba muli sa kanila kahit napagdesisyunan ko ng bumalik sa pagiging Katoliko,
hindi naman raw masama kung makikinig ka sa turo ng ibang relihiyon at may
punto naman sila. Ang masinsisinang pag-uusap ay nauwi sa tawanan at ang saya
nilang kakwentuhan lalo na si Ate Ging, si Jaka naman
ang cute-cute kapag tinatamaan ng pagkakulit. Gustuhin ko pa
man sanang manatili sa kanila subalit kailangan ko ng magpaalam. Pagdating sa
bahay, Ala-una na pala at saka pa lamang kumain ng tanghalian. Matapos kumain
ng tanghalian ay nanood ako ng My Little Bossing. Sa totoo lang
ay I expect more in My Little Bossing than Girl,
Boy, Bakla, Tomboy pero hindi at mas enjoy panoorin
yung movie ni Vice Ganda kaysa kina Vic
Sotto at Kris Aquino, hindi ako gaanong natawa.
3m-m. Marahil ay kaya
humataw ng ganon sa takilya ang My Little Bossing dahil
sa full trailer nila pero kung sa full movie,
waley naman pala at gusto ko sa pelikula yung mapapabuka ng laki ang ngalangala
ko sa kakatawa. Matapos manood ng My Little Bossing ay natulog
ako. Bago sumapit ang gabi at dahil Linggo ngayon at Family day ay
naisipan naming ng magkaraoke. Kahit basag at boses puke raw ay darating ang
araw na magiging sing ganda ng boses ng mga naglalakihang singers ang
boses ko, magtiwala lang. Habang kumakanta'y bigla na lamang kami nakarinig ng
pagputok sa kalawakan, yun pala'y may fireworks display,
marahil ay hinuhudyat na malapit na ang Chinese new year.
3m-n. Maya-maya at dala
na nagugutom na'y kumain muna ako ng hapunan. Matapos kumain at kahit tirik na
ang gabi'y nagtungo muli ako sa bahay nila Cathy. Gabi na pero
nadatnan kong naglalaba si Cathy. IIang sandali pa'y nanood kami
ng Wow mali pa rin at wala kaming
ibang ginawa kundi ang tumawa at iba pala ang saya kapag di ka lang mag-isang
tumatawa kundi may kasama ka pa. Sa kasarapang manood ng Wow mali ay
di ko namalayang sumapit na pala ang Alas-nuebe at kinailangan ko ng umuwi.
Pagdating sa bahay, pagkayamot ang naramdaman ko sapagkat sinaraduhan ba naman
ng pintuan. Binuksan rin naman pero huli na at nakapagsalita na ako, tuloy ay
nabuo ang aming bangayan pero di naman nagtagal. May pasok nanaman bukas kaya
kaagad na akong natulog.
January 27, 2014
Monday
Year II-027
3m-o. Malakas na tunog
mula sa alarma ng aking telepono ang gumising sa akin, Alas-kwatro y medya na
pala't kinailangan ko ng bumangon. Medyo maaga pa kaya nanood muna ng
telebisyon at laman ng balita ngayon ang tungkol sa pagkakabugbog kay Vhong Navarro,
kawawa naman siya at puro galos at pasang itim sa gilid ng mata ang tinamo niya
na halos ikamatay na nga. Sayang at ang gwapo pa naman niya, bawas pogi points lang
iyong black eye. Mga ikaanim na ako umalis at pagdating sa labas ng
eskwela'y ang daming estudyanteng nagsisiksikan at halos di na makahinga.
Nagtataka lang pagkat hindi naman ganon karami ang estudyante kapag pumapasok
ako, iyon pala'y naipon na at ilang sandali'y pinapasok na kami. Habang wala
pang guro'y gumawa muna ako ng takdang-aralin sa English. Maya-maya
pa'y dumating na si Ma'am Fabiana at nagkaroon ng
pag-uulat, recitation kami matapos ang pag-uulat at lakas loob
pa ring sumasagot kahit di siguradong tama.
3m-p. Sa oras naman
ng TLE, si Sir Balbin na muli ang
naging guro namin at itinuro niya ang tungkol sa networking. Sa
oras ng MAPEH, Cha-cha naman ang itinuro sa amin
ni Ma'am Mina. Pagkatapos ay itinuro niya sa amin ang steps kaya
sasayaw muli ako ng Folkdance, sa katunayan ay mas madaling sayawin
ang Chacha kaysa sa Swing, masyadong kumplikado
ang steps. Maya-maya'y Filipino na at nagtsek
lamang kami ng test paper sa pre-test, maya-maya
pa'y nag-aytem analisis kami. Sa oras ng English ay wala
kaming guro, dahil walang maisipang matinong gawin ay nakipagkwentuhan ako kina Jayvie Ann at Patrick,
ang sarap nilang kausap at para bagang lahat ng gusto kong sabihin ay nasasabi
ko at nakikinig talaga sila, si Leonardo naman kapag kausap mo
ay parang ang dami niyang alam sa mundo na hindi namin alam, para tuloy
siyang Genius at ang talino talaga niya.
3m-q. Maya-maya'y
nagtungo kami ni Jayvie ann sa Computer laboratory upang
magpapa-burn ng CD, kaso nga lang ay hanggang 18 songs lang
ang pwede at di pwedeng MP3, sayang lang ang pinambili ko sa CD at
nadismaya ng husto.
Sa oras naman ng Math ay di pa rin pumapasok si Sir Harren at
kahit wala kaming guro'y nagkaroon pa rin kami ng pre-test sa
pamamagitan ni Mandy. Hirap akong mag-concentrate at
umintindi sa aking binabasa sapagkat saksakan ng ingay sa silid lalo na yung
tropa ni Cynt. Nang maramdamang malapit na ang Physics ay
naghula-hula na lamang ako.
3m-r. Sa oras ng Physics
ay nagkaroon muli kami ng pre-test, naging mahirap sa akin ang
naturang pagsusulit sapagkat di namin napag-aralan ang coverage ng exam at
ang hihirap pa ng katanungan, nanghula-hula na lamang ako. Ilang sandali pa'y
uwian na at kahit tirik na ang araw ay di ko dama ang init. Di ako kumain ngrecess time kaya
naman napalamon ako ng dami at nabusog ng husto. May balak pa sanang magtungo
sa Taas upang isauli ang pinamiling CD subalit
antok ang pumigil sa akin hanggang sa makatulog na. Pagkagising ay panonood
kaagad ng telebisyon ang inatupag ko at sinubaybayan ang paboritong programa
ng Galema.
3m-s. Matapos manood ay
tumungo na ako sa Taas at isunauli ko nga ang CD.
Makaka-jackpot na sana ako sa ontsenta peso ng magkamali ang manong
sa pagbalik ng pera pero konsensiya ang namayani sa aking kalooban at isinauli
ko ang sobra sa kanya. Hindi baleng kaunti na lang ang pera na nasa palad ko,
huwag lang manloko dahil masama iyon. Magpapa-burn sana ako ng
kanta sa ibang computer shop pero sadyang kay
mahal kapag MP3, naisip ko, bibili na lang ako ng Memory card kaso
tagos sa bulsa ang presyo at naisipang pag-ipunan na lamang bago bilhin. Sa
layo ng aking nilakad ay inabot na ako ng gabi at sobrang napagod ako. Wala na
akong iba pang ginawa sa buong gabi kundi humiga at mag-relax hanggang
sa makatulog.
January 28, 2014
Tuesday
Year II-028
3m-t. Hindi na gasinong
malamig ang panahon kaya naman hindi naging mahirap sa akin ang bumangon.
Sinadya kong umalis ng Alas-sais dahil batid kong di ako mahuhuli. Wala pang
guro ng ako'y dumating at gumawa ako ng assignment sa Physics.
Sa di inaasaha'y pumasok na si Sir Arnulfo matapos
ang ilang araw na di nakakadalo sa aming klase sapagkat inatake raw sa puso ang
nanay niya. Nagtsek lamang kami ng Pre-test at pagkatapos ay
nakapag-discuss pa siya subalit saglit lamang pagkat kinapos sa
oras. Ngayon pala ang reporting namin sa TLE kaya
di ko na maiwasang kabahan. Sa Computer laboratory kami
nagklase't isinagawa ang aming presentation.
3m-u. Kahit hindi ako
nakapaghanda sa aking sasabihin ay lakas loob pa rin akong nag-ulat. Nakahinga
lang ng maluwag ng matapos ang aming report presentation.
Sa oras ng MAPEH ay practice muli ng sayaw
ng Cha-cha at medyo madadali lang talaga ang steps.
Humirap na ng sumunod pang steps. Sa oras naman ng Filipino'y
nag-aytem analisis kami. Saktong nakatabi ko si Kathy kaya naglakas
loob akong kausapin siya. Ang gandang kakwentuhan talaga ni Kathy at
may matutuhan ka pa sa kanya sapagkat tungkol sa bibliya ang ikwinento niya.
May nalalaman rin ako tungkol sa mga kwento sa bibliya kaya ibabahagi ko sana
sa kanya kaso naudlot lang ng biglang nagpakita sa amin ang Punong Guro na
si Diego Amid at tumahimik ang napakaingay na silid. Hindi
nanaman ako kumain ng snacks sa oras ng Recess at
upang di gutumin ay nilibang ang sarili sa pakikipagkwentuhan kay Patrick.
3m-v. Basta talaga
kay Patrick ay walang hiyang naisisiwalat ang nasa loob ko di
katulad ng iba na kakailang kausap. Tumigil lang ang aming pag-uusap ng
dumating si Ma'am Templanza at nag-discuss lamang
siya. Maya-maya'y isa-isa niya kaming binigyan ng Group presentation at
nagpulong-pulong kami. Sa kakulangan ng oras ay bukas na lang kami magpe-perform kaya
may timepa para makapagpraktis. Wala muling guro sa Oras ng Math kaya
naging maingay muli ang silid. Sa halip na makipagdaldalan ay nag-compose na
lamang ako ng panibagong kanta. Sa oras ng Physics ay nag-discuss lamang
si Sir Martin about Sound. Medyo interesting ang lesson sa sound kaya
todo pakinig ako sa kanya.
3m-w. Pasimpleng kopya
ng lecture kinalaunan at makalipas ang ilang sandali'y tumunog
na ang bell hudyat na uwian na. Grabe yung manong tsuper na
nasakyan ko pagkat walang pakundangan kung magmaneho at aksidente niyang
nabangga ang aso pati yung ginang na naglalakad, labis yung galit ng babae pero
di na makagante pagkat nakalayo na kami, sabi ng manong na kaaway niya raw
iyon. Pagkababa ay may isang aleng nagtanong sa akin kung may kuryente ba sa
amin, laking gulat ko pagkat Brownout pala pero di bale at di
naman mainit. Gawa na nalalagkitan na sa sarili, matapos kumain ay naisipan
kong maligo upang presko kaso pagdating ng hapon ay bigla na lamang ako sinipon
subalit ang maganda sapagkat nagkaroon na ng kuryente. Nakadagdag pa sa pagsama
ng pakiramdam ko ang malamig na panahon. Habang lumalalim ang gabi ang siyang
pagsama pa lalo ng pakiramdam at parang lalagnatin ako, ipinagpahinga ko muna
ang sarili.
January 29, 2014
Wednesday
Year II-029
3m-x. Hindi na ako
sinisipon pa subalit pumalit naman ang pananakit ng ulo dahilan kung bakit
nahirapan ako sa pagbangon subalit pinilit ko pa rin at isa pa'y ayaw ko ng
lumiban pa sa klase. Pagdating sa eskwelahan ay nag-nap lang ako.
Hindi muling pumasok si Sir Arnulfo kaya may
pagkakataon muli ang mga kamag-aral ko na kating-kati na ang dila sa pagdaldal.
Tumahimik lang ng pumasok si Sir Balbin at Ma'am
Sandra at sa di inaasahan ay nagkaroon muli kami ng Periodical
Test sapagkat puro raw mababa ang nairerekord nila at sa bait ni Sir Balbin ay
mukhang gusto niyang lahat kami'y pumasa. Kahit iniinda ko ang pananakit ng
ulo'y naging madali pa rin sa akin ang pagsusulit sapagkat ilang ulit ng nabasa
ang mga tanong at isa pa'y alam ko na ang mga sagot.
3m-y. Laking tuwa ko ng
tseking na sapagkat mataas ang nakuha. Mayroon muling practice ng Swing sa
oras ng MAPEH kaya lumabas muli ang mga kamag-aral ko na maliban
sa akin na piniling manatili sa silid at magpahinga. Hindi naman ako
makapagpahinga ng maayos dahil ang ingay nila Britannica. Maya-maya pa'y may
isang di kilalang guro ang pumunta sa aming Silid. Laking gulat namin ng
ibalitang pumanaw na ang nanay ni Sir Arnulfo at
kahit di kaano-ano'y nakaramdam ako ng lungkot. Alam ko ang sakit kapag
namatayan ka ng mahal sa buhay. Muling nanumbalik ang nakakasakit sa teyngang
ingay pagdating ng mga kamag-aral ko.
3m-z. Ilang sagit pa'y
pumasok na sa amin si Sir Velarde at nagkaroon kami ng Pre-test.
Masakit pa rin ang ulo ko kaya naging mahirap sa akin ang umunawa ng babasahing
sadyang napakalalim, kaya ang resulta'y di kataasan ang nakuha ko. Bahagyang
naibsan naman ang sakit ng ulo sa Oras ng English at dahil
may presentation kami, wala kaming ibang inatupag kundi ang
mag-ensayo at pwersado kong kinabisado ang aking linya. Ng kami na ang magpe-perfom ay
hinusayan ko talaga kaso ng ako ang mag-e-explain ng aming
ipinakitang situation ay dumugo ang ilong ko, mahina pa ako
pagsasalita ng English. Maging sina Denzel at Mandy ay
ma-nosebleed na rin pero sige pa rin sa pagsasalita. Sa oras naman
ng Math, sa wakas at pumasok na si Sir Harren at
inanunsyo niya sa amin na magkakaroon raw kami ng Math review sa next week pero
pagkatapos pa raw iyon ng klase at hanggang Alas-tres raw ang itatagal ng session.
3n-a. Nagkaroon rin kami
ng class recitation at habang kami'y may recitation
at di pa umaalis si Sir Harren ang siyang biglang pagpasok
ni Sir Martin na dire-diretso at halos mayanig ang
buong silid sapagkat tawa kami ng tawa sa kanya, minuto lang ang lumipas
at Physics time na. Ipinagpatuloy ni Sir ang
pagtuturo tungkol sa sound at pagkatapos ay nagkaroon kami ng
pangkatang upuan. Ang saya ng araw ko dahil sa nangyari kanina at kapag
inaalala'y tawa pa rin ng tawa. Grabe talaga si Sir Martin, di ako
maka-move on. Pagkauwi'y tila guminhawa na nga ng tuluyan ang pakiramdam
ko pero di pa rin pakigurado at matapos kumain ay natulog ako pansamantala. Sa
sarap ng tulog, mga ikalima na ng hapon ako nagising. Wala ng iba pang ginawa
kundi mag-soundtrip at pagkatapos ay manonood ng telebisyon.
Sinubaybayan ko pang panoorin ang The Legal wife,
matapos panoorin ang naturang palabas ay natulog muli ako. Hindi naman ako
makatulog at mukhang inatake marahil ng Insomnia.
January 30, 2014
Thursday
Year II-030
3n-b. Sa kasarapan muli
ng tulog ay malapit ng mag-ikalima ng ako'y magising. Wala naman kaming guro sa
ikaunang period kaya ayos lang kahit mga ikaanim na ako makapasok.
Naging napakaingay ng silid pagdating ko at kahit wala kaming guro'y nagkaroon
pa rin kami ng aktibidad na pinangunahan ng aming presidente. Ilang sandaling
lumipas, TLE na at nag-ulat ang grupo nila Mandy.
Kahit may nagtuturo sa harapan ay di pa rin mapigilan ng ilan kong kamag-aral
sa pagbuka ng bibig, kaya ang naging resulta'y maingay at di ko marinig ang
sinasabi ng mga mag-uulat. Sa oras naman ng MAPEH, kaasar lang
isipin sapagkat may practice muli ng Swing at
may Tango pa, minamalas lang ang lagay dahil wala akong ka-partner kaya
pinili ko na lang manatili sa silid hanggang sa sumapit ang Physics.
3n-c. Maya-maya'y Physics na,
sa buong oras na ito'y wala kaming ibang ginawa kundi ang komopya ng lecture sa
pisara. Kaagad rin akong natapos sapagkat kamay ang ginagamit ko sa halip na
bibig. Dahil nagtitipid para makapag-impok ng malaki'y hindi na ako kumain
kundi nag-compose muli ako ng panibagong kanta. Sabay tago ng
dumating si Ma'am Temlanza at nagkaroon kami ng Activity sa
kanya. Kahit kailan at madalas ay di makita ang galak sa dibdib sapagkat
kakaunti lang ang nakuha ko, nakakainis. Wala muling guro sa oras ng Math
kaya may pagkakataon muli ang mga kamag-aral ko na gawin kung anong ibig
nilang gawin. Kahit High school level ay di rin naman
masamang magpaka-isip bata at naglaro pa kami nila Jessa ng Cherry
the Apple at Do Re Mi, si Jessa na ang lakas
mang-trip kaya halos lamunin na kami ng saya sa kakatawa.
3n-d. Ang masayang
paglalaro magkabarkada'y nauwi sa lampungan. Hindi ko alam kay Jessa kung
bakit palagi niyang kinukuha ang panyo ko kahit na pinagsingahan ko na.
Kanya-kanya kaming gusto ng gawain dahilan kung bakit mistulan ng Playground ang
silid, ang tropa naman nina Cynt ay di mapigil ang sariling
mang-trip sa isa't isa at kahit sino-sino pa, kutong ang abot kapag
ako ang pagtripan. Biglang natigil ang kasiyahan sa silid ng dumating si Sir Martin,
mayroon pala kaming maikling pagsusulit at patay, hindi ako nakapagrepaso. Ang ilan kong
kamag-aral lalo na sila Jobil, kasing haba na ng leeg ng Giraffe
sapagkat lingon ng lingon sa sagot ng katabi at nagsesenyasan pa, rinig
naman at iyan ang madalas gawin ng karamihan sa mga kamag-aral ko tuwing mayexam.
3n-e. Hindi baleng
mababa ang makuha huwag lang mangopya. Habang nagte-take ng Quiz ang
siyang dating naman ni Sir Balbin at inanunsyo
niya kung sino ang tagilid ang grade, nag-uumapaw ang tuwa at
pumalakpak ang teynga ko sapagkat di nabanggit ang pangalan ko, thank
you Lord. Ilang sandali pa'y uwian na. Habang nasa tricycle ay
bigla na lang kami nakarinig ng sirena ng track ng Bombero.
Pagkabagtas sa kahabaan ng Sinagtala, may nagaganap pa lang sunog.
Buti na lamang at di nadamay ang katabing mga kabahayan. Diretso lantak at
lamon ng tanghalian pagkauwi. Matapos kumain ay nagtungo ako sa Taas upang
bumili ng Memory Card. Naubos ang naipong kwarta sa
paggasta ng Memory card at ng kaninang hirap sa paglalakad
dahil sa bigat ng bulsang lulan ay sangkatutak na barya, gumaan.
3n-f. Sabay salpak
ng Memory Card with Card reader sa Unit ng Computer at save ng
mga kanta. Soundtrip rin ako kapag may time.
Kinagabihan, ngayong gabi pala sasalubungin ng mga Tsinoy ang ang
pagpasok ng Year of the Wooden horse kaya naman nonstop na
ang saya sa Binondo at naglipana na rin sa merkado ang mga
pampaswerteng prutas at kagamitan.
Hindi naman masamang maniwala minsan sa pamahiin pero laging isaisip na
tayo ang gumagawa ng kapalaran, walang ipinanganak na swerte at malas sapagkat
lahat tayo ay pantay-pantay. Kahit hindi ako Chinese nagtiyaga
pa rin akong nag-abang, baka sakaling makakita ng makulay na Fireworks display
mamayang hating-gabi para salubungin ang Bagong taon.
January 31, 2014
Friday
Year II-031
3n-g. Sa pagsapit ng
Alas-dose at habang tutok ang mata sa panonood ng telebisyon ang mauulinig na
sunod-sunod na putok na animo'y may nagaganap na pagsabog sa kalawakan subalit
iyon ay may Fireworks display, hudyat na pumasok na
ang Year of the Wood horse. Maya-maya pa'y natulog na ako gawa na
magdamag na nag-abang sa pagsalubong sa Chinese New year kahit
di Tsino. Dahil Chinese New Year, walang pasok kaming
ngayon kaya maliwa-liwanag na sa labas ng ako'y gumising at manamis-namis at
malagkit na Tikoy ang naging agahan. Sa sarap at tamis ay naparami
ko ng subo na di na inisip pa na may kakain pa ngunit nagtira pa rin naman.
Mukhang hindi kagandahan ang pasok ng Chinese New year pagkat
nasira ang tubo ng tubig namin kagabi, wala tuloy kaming magamit at tiis-tiis
sa pag-iigib sa balon.
3n-h. Ni hindi na nga
ako naligo pero ayos lang pagkat wala naman pasok kinabukasan maging sa
ikalawa. Matapos magwalis at magpunas ng sahig, paglikha ng kanta muli ang
sunod kong inatupag hanggang sa sumapit ang tanghali, maya-maya pa'y panonood
na ng telebisyon ang naging libangan ko matapos lumamon ng tanghalian. Halos di
na mahulugang karayom ang dagsa ng mga tao doon sa Binondo at
sa tingin ko'y mukhang napakasaya ng Selebrasyon nila ng Bagong taon. May Dragon
dance pa na sinabayan ng mga paputok at kaliwa't kanan na rin, saan ka
lumingon ang mga ibinebentang Lucky Charm. Matapos manood ng
balita'y Baliwan Cinema naman, kahit amoy anghit na ang
katawan at amoy imburnal na ang bibig dahil sa kawalan ng tubig ay masaya pa
rin ang araw ko dahil ang lalakas nilang magpatawa.
3n-i. Sa kakatawa'y
nakaramdam ako ng antok at anumang pilit idilat ang mata, pumipikit pa rin,
natulog na lamang ako. Kasiglahan sa kalooban kaagad ang namutawi pagdilat ng
mata. Sa kadahilanag wala nanamang maisip gawin, nilibang ko na lang sarili sa
paglalaro ng Tablet. Kinagabihan, matapos panoorin ang paboritong
programa'y nag-compose ako ng kanta. May balak na sana akong
matulog ng biglang dumating si Papa at may dalang piniritong manok. Kahit ako'y
bundat na sa dami ng kinain, nilantakan ko pa rin ang manok. Sa takot na
bangungutin, hinintay ko munang matunawan bago mahimbing ng matagal at
managinip nawa ng maganda!
