05. May 2013 Journal (Day 121-151)

May 01, 2013
Wednesday
(Labor Day)
Year I-121

^V-J. Espesyal na araw para sa lahat ng manggagawang walang sawang gumagawa ng produkto upang iangkat sa ibang bahagi ng Pilipinas at maging sa ibang bansa. Holiday ngayon at day off ng ate ko sa opisina, may di pagkikibuan pa rin kami subalit wala ng samaan ng loob, may oras na nakakausap ako subalit matitipid ang bawat tinutugon ko. Tinanghali muli ako ng gising kaya rush ako sa gawaing bahay. Ng makapaglinis at sa pamamagitan ng I wantv sa Internet, nanood kami ng missing you. Nakakaiyak ang palabas na iyon pagkat naghiwalay na ang matalik na kaibigan dahil sa isang aksidente. Matapos ang Missing you, nagtungo ako sa bahay ni Aling Jojit, ngayon ko kasi tuturuan magbasa si Lauren Jay. Sa una'y nag-iinarte ang bata pero nagawa ko pa rin turuan sa pagbasa. Sa halip na isang oras, naging isa't kalahati kaya nakatrenta ako. Saya ang nadama ko ng dumampi sa palad ko ang pera at agarang inilagay sa pitaka. Nagkakainan na sila ng makauwi ako kaya nakisabay na rin.

^V-K. Kinatanghalian, matinding init ang naramdaman namin kaya kanya-kanyang paraan upang maiwasan iyon. Si ate na nagrerepaso at binuksan ang Electric fan, si Mama na nagputong ng basang damit sa ulo at sa duyan naman ako nanatili upang magpahangin. Kahit mainit ay nakatulog pa rin ako at dakong Alas-tres na ko nagising. Tirik pa rin ang sikat ng araw kaya tinatamad akong lumabas. Ng bahagyang kumulimlim, nagtungo ako kila Arianna. Nasayang lang pagpunta ko dun pagkat wala silang pambayad at dahil malapit lang, kina Regine (Miano) ako sunod na nagtungo. Saktong nandun ang Shielang sakbit ang anak maging si Ate Bing at Kuya Jun. Inaliw ko sila at tawa sila ng tawa. Kahit mukha na kong loka-loka sa harapan nila ay binalewala ko iyon basta't nagkakasiyahan kami.

^V-L. Maya-maya’y pinagaya ko sa kanila ang Spirit of Black and White lady, mangha sila ng di mapigilang tumaas ang kamay habang nag-oorasyon. Maya-maya’y kila Angelica naman ako nagtungo at nakipagkwentuhan sa matatandang babae. Habang nasakalagitnaan ng pag-uusap, tinawag ako ni Ate Bing at nagpapasama sa 'kin. Di naging kagandahan ang pagkakataon pagkat nadaanan namin si Cathy na nagbabasa ng dyaryo. Di ko sana siya papansinin ng inudyok ni Ate Bing. Hi at hello lamang kami tapos tuloy-tuloy na kami ni Ate Bing. Sa puntong iyon ay wala na kong balak kaibiganin ang ganong tao. Ayaw ko ng makipag-ugnayan sa kanila. Bago pa man ako tumulak pauwi, dumaan muna ako kila Regine (Cebrero). Sinabihan ko siyang agahan angpagpunta namin sa eskwela bukas pagkat batid kong mahaba ang pila. Naglalaba nun si Regine ng kinausap ko.

^V-M. Pagdating sa bahay nadatnan kong nagkukumpyuter ang ate. Papatayin na niya sana subalit pinigilan ko at nag-Google at Facebook ang inatupag ko. May balak pa sana akong magtungo muli kina Regine subalit gabi na at baka kung anong mangyari sa 'kin. Nakapagpatanggal sa pagkabato ko ang pag-compose ng sariling kanta at nilapatanko ng tono. Iyon ang pinagkaabalahan ko bago mahimlay sa kama. May na kaya lapit na rin ang kaarawan ko.

May 02, 2013
Thursday
Year I-122

   ^V-N. Kakatamad pang bumangod at sarap pang humilata sa kama subalit pinilit ko pa rin bumangon. Inagahan ko sa pagbangon at dinamihan na rin ang almusal upang di magutom sa eskwela. Matapos kumain ay nagtungo na ako sa likod ng bahay. Di pa nun nakakaligo si Regine (Cebrero) ng muli kaming mag-usap at bagong gising pa. Inumpisahan kong maligo matapos iyon at nagsuot ng School Uniform. Tawa ako sa sarili pagkat walay na naisuot ang pantalon ng ate, nagtawanan tuloy sila Mama at sinabing nagladlad na raw ako. Wala sa akin kung suot ko iyon subalit sa takot na baka pagtsismisan, hinubad ko iyon at isinuot ang bago. Sa katunayan ay feel ko talagang suutin iyon. Dahil magpapakuha pa ako ng litrato para sa ID, nagpapogi nagkakamaling nagpapaganda pala. Hati ang kasarian ko kaya lito ang isip ko kung nagpapaganda ba o papogi.

^V-O. Sa wakas at bihis na si Regine ng makalabas ako. Agad kaming dumeretso sa school. Daming estudyanteng nakapila kasama ang mga magulang at lahat sila'y pawang mga First Year. Ako lang marahil ang Senior ang nakasuot ng uniform kaya nangangambang pagkamalang Freshmen. Maya-maya’y umusad muli ang pila hanggang sa makapasok kami. Di ako pinalad makapasok pagkat di Available ang pa-ID. Sinabing sa pasukan na raw ang ID picture. Naghiwalay kami ni Regine at matiyaga akong naghintay sa labas. Ang mga nanay na di matanggap na mawalay ang anak sa enrollment, di na mapigilang maglabas ng hinaing sa gwardiya. Sa dami ng nagrereklamo at galit ng mga nanay, mukhang world war na ang nagaganap sa labas ng eskwela. Todo paliwanag ang gwardiya. Lumayo na lamang ako sa gulo at naupo sa Garden.

^V-P. Habang matiyagang hinihintay si Regine, saktong nagkita kami ni Aling Catherine, nag-usap kami at habang nag-uusap kami, bigla kong nakita si Regine na papalabas kasama ang kaeskwelang nasa Gate. Pinutol ko muna ang pag-uusap namin at tumungo dun subalit bigla siyang naglaho. Hinanap ko siya saan-saan. nandun rin si Letty at nakipayong sa'kin. Nang una'y deadma kami sa isa't isa subalit ng madaming tanong ay nagkaroon na kami ng conversation. Sarap niya kausap at siya ang nag-alis ng aking pagkainip. sahinaba haba ng aming pinag-usapan na kasing haba ng EDSA, di ko namalayang nandun na si Regine sa aming harapan. Nakapag-enroll na siya subalit babalik pa raw ng Ala-una upang alamin ang seksyon na kanyang papasukan. Sa halip na maglakad at matindi na ang init, sumakay na kami.

^V-Q. Ikwinento ni Regine sa akin ang tungkol sa karanasan niya habang nag-enroll, mukhang nahirapan siya. Pagkauwi’y napagod ako at wala akong napala sa pagpunta sa eskwela. Matapos kumain at dala ng matinding pagod ay natulog ako. Alas-tres na ng nagising ako. Mag-tutor sana ako subalit sama ng pakiramdam ang pumigil sa 'kin. Naupo ako at uminom ng tubig, ilang saglit ay guminhawa ang pakiramdam ko. Wala nun si Mama pagkat may binayaran kaya nangutang ako kina Ate Angelyn ng pang meryenda. Mainit sa loob ng bahay kaya nanatili pa ko sa tindahan niya at nakipagkwentuhan. Ang mga paslit, walang humpay sa pagpakyaw ng kanyang Street food at mangga. Di ko namalayang takip silim na sa dami ngnapag usapan namin.

^V-R. Balak kong tumungo kina Regine (Miano) ng nasulyapan kong pinapabasa si Jimboy ng Kuya Christian niya. Tumigil ako sandali at maayos na ngang nakakabasa, nagkakamali lang minsan pero di sing gaya ng dati. Ang taimtim na pagbabasa, nauwi sa pag-aasaran. Umalis ako pagkat batid kong mawawasak ang konsentrasyon ni Jimboy sa pagbabasa. Pagkatawid sa tulay, nakita ko dun si Ate Bing kasama ang anak na si Aira na pinapanood na nagba-basketball ang asawa. Maya-maya’y umuwi na ang dalawa at sinamahan ko sila. Maghahapunan na sila nun at sa hiya kaya di na ako nagtagal. Pagkauwi’y ipinagpatuloy ko ang pag-compose ng kanta. Pinagpuyatan ko iyon hanggang sa makaramdam ng antok.

May 03, 2013
Friday
Year I-123

^V-S. Sampung araw na lang at halalan na, puspusang pangangampanya na sa pamamagitan ng komeryal sa telebisyon, radyo at maging sa pagkuha ng simpatya ng taong bayan sa iba't ibang bayan. Ang mga campaign Paraphernalia ng may mukha ng iba't ibang tumatakbo, lipana na sa daan at saan ka man lumingon, iyon ang makikita mo. nakakainis pagkat tinanghali nanaman ako ng gising. Napapansin kong nitong huling dalawang araw ay di pumapasok sa opisina ang ate. Di ko batid ang tunay na dahilan at baka nag-leave upang matutukan ng husto ang pagrerepaso niya. Isang linggo na lang kasi at Board exam na niya. Panong di siya papasa kung di gaanong nagrerepaso at panay pa ang pag i-internet. Katulad ngayong inunahan ako sa pagbukas ng computer.

^V-T. Nanood kami ng Missing you sa pamamagitan ng I WantTV. Di gaanong marinig ang pinapanood sa lakas ng pinapatugtog ng kapit-bahay namin si Ate Melon na kanina pang umaga. Maingay at sakit sa teynga. Matapos angpinapanood ay tumungo na ko kina Lauren Jay. Bagsak pa ang mata at mukhang tinatamad pero nagawa pa rin namin magbasa. Ng makaramdam na ko ng gutom, iyon at kinailangan ko ng magpaalam. May pera nanaman ako at inilagay sa pitaka. Nadatnan ko silang nanonood ng Be careful with my heart, matinding kilig ulit ang naramdaman ko habang pinapanood iyon at nawala ang atensyon ko sa kain. nghapong iyon, narinig kong may nagkakagulo. Dumungaw ako sa bintana at may pulis pala, di ko alam kung sinong dinampot. Nag-usap-usap na parang bubuyog ang kapit-bahay namin samantalang inosente ang utak namin sa tunay na nagaganap. Ilang saglit ay nagsiuwian na sila at bahagyang tumahimik. Di na importante sa akin angmalaman ang balita ngayon basta't di ako sangkot. Upang lalo pang lumago ang ipon, nagbenta ako ng bote at bakal sa Junkshop, tinulungan ako ni Amor at Robert sa pagsasako nun.

^V-U. Nang ibigay ang kaukulang halaga at bilang gantingpala, binahagian ko ang dalawa. Nagtungo naman ako sa bahay ni Ate Angelyn pagkat may usapan kami kahapon na ngayon ko tuturuan ang anak niya. Tulog ito at sinabing mamaya na lamang. Nagmeryanda ako ng Macapuno na ginawa ni mama at kila arianna naman ako nagtungo. Sayang nanaman ang naipunta ko pagkat tulog rin ito. Dumeretso na lang ako kila Regine. Nadatnan kong naglalaba sa aling gina at tinanong kung pwede ba si James. Hapon na raw kasi at di kami magtatagal pag tinuruan ko siya pagkat aantukin raw iyon. Naunawaan ko ang dahilan ni Aling Gina at nag-usap kami. Abala ito sa paglalaba kaya di ako nagtagal.

^V-V. Aalis sana ako ng tawagin ni Shiela, nagkwentuhan kami. Gusto ko pasanang kausapin siya subalit may tutor pa ko sa anak ni Ate Angelyn at sayang ang pagkakataong magkapera. Gising na nun si Yahaira ng bumalik ako kay Ate Angelyn. Sa labas sana ako magtuturo sa kanya subalit may mga kalalakihang nakatambay at disturbo lang sa amin. Nakapag-umpisa lang ako ng sa loob kami at dahil apat na taon pa langito, hirap akong turuan siya. Puro pagsasaway lang ginawa ko kasama ang mama niya. Ng kinalaunan ay nakinig naman ito subalit saan-saan ito nagpupunta. Sa labas na kami ng umalis ang mga tambay. Ipinagpatuloy ko ang pag-train sa kanya at ginagawa naman nito. Sa katunayan ay marunong ng kumilala ng bawat shape at letters.

^V-W. Matapos ang oras ng pag-tutor, nanatili pa ko sa kanila at nakipagkwentuhan, andun rin ang mga paslit kaya naging masaya na rin ako. Tinulungan ko na rin si Ate Angelyn sa pagtitinda. Maya-maya’y pumasok ako sa bahay ni Rachel at binawi angballpen kay Regine (Cebrero). Maloko ang Regine kaya tinapatan ko ng kalokohan. Tawanan kami at May isang lalaking papansin. Kaninapa tinatawag ang pangalan ko at ang lakas mang-trip. Umasang magugustuhan ko atdi siya pasado sa taste ko. Ng di kopinansin ay tinigilan niya ko at panira sa usapan namin ni ate angie at Ate Edith. Yung dalawa, nakatawa lang sa mga pabanat kong lines sa lalaking iyon. Madilim na ng umuwi ako at saka pa lamang naghapunan. Matapos manood ng telebisyon ay kaagad ng natulog.

May 04, 2013
Saturday
Year I-124

^V-X. Madaling araw ng Ala-una ng magising ako dahik sa ingay ng tahol ng aming aso. Nakakabingi at nakakairita ang tahol nila. Lumabas ako at sinaway ang aso subalit tumatapang pag nagalit at sa takot na malapa o makagat, hinayaan ko na lang at nagtakip ng teynga. Nilagyan ko ng alarm ang Cellphone bago matulog, kaya Alas-sais pa lamang ay gising na ko. Nag-almusal ako at matapos ay naghugas ng Plato. May tutor pa ako kay James (Miano) at inagahan kongtumungo sa kanila. Hinahanap pa nun si James kaya naghintay muna ako, upang di mainip ay nag-usap kami ni Regine (Miano). Maya-maya’y andiyan na si James at inumpisahan ko ng mag-tutor sa kanya. Hirap na hirap ako kay James at nasasayang ang oras sa kakasalita pagkat ito'y di nakikinig. Tinulungan na nga lang ako nina Shiela na pakiusapan siya subalit di ito patinag. Sa di inaasahang pangyayari'y nagpuyos ng galit si Aling Gina sa dalawa niyang anak pagkat ang mga ito'y nag-aaway sa text. Sunod-sunod niyang hinataw ng pamalo ang dalawa at pinagsisigawan pa. Matindi pa lang magalit si Aling Gina at natakot na si James ng sigawan rin ito kaya nagseryoso na siya.

^V-Y. Matapos magbasa'y nagbilang kami. Mga Alas-dyis ng matapos ang tutor ko kay James at tumungo naman ako sa bahay ni Arianna. Nakikinig naman ito pag pinagbabasa at di saan-saan lumingon subalit madaldal ang batang iyon kaya laging napuputol ang pagtuturo ko sa kanya. Ng matapos ang tutor ko kay Arianna, tinawag ako ng Lola Norma niya at ako'y kinausap. Iibahin na raw niya ang pagbabayad sa akin pagkat lingguhan na, mabuti na rin iyon para isang bayaran na lang ng diretso at araw-araw kong matuturuan si Arianna. Matapos ang masinsinang pag-uusap ay kay Lauren Jay naman ako nagtungo subalit kakain pa raw ito. Umuwi muna ako at lumipas ang ilang sandali'y bumalik ako sa kanila. Saka ko pa lamang inumpisahang tutoran si Lauren Jay. Ganyan talaga pag Teacher ka, matinding stress ang makukuha mo sa kakasaway plushalos maubusan ka ng boses sa kakasalita. Kailangan ko na lang pagtiyagaan at baka mawala ang pagkakataong kumita.

^V-Z. Bahagyang kumilimlim ang kapaligiran at may pag-ambon ng matapos ako kay Lauren Jay kaya di ako pinawisan. Sa kakasalita ng walang humpay, napagod ako at nagpahinga. Pagkagising tila gabi na sa dilim ng kalangitan at nagbabadyang bumuhos ang ulan. Maya-maya’y humangin ng malakas at gumuhit ang talim ng kidlat sa langit. Sa takot makarinig ng nakakabinging kulog, nagtakip ako ng teynga hanggang sa bumuhos na ang ulan. Lumabas ako at hinayaang magpabasa sa ulan subalit dagliang tumigil. Naliligo rin sila Regine (Cebrero) at Poypoy kaya nakisabay ako. Kasabay ng malakas na hangin ang kantiyawan namin sa isat isa, di pa man ako gaanong nababasa at parang na-blower ako sa lakas ng hangin. Ilang saglit pa'y bumuhos muli ang ulan, mas malakas pa sa kanina. Party-party kami sa pagliliwaliw sa ulan.

^W-A. Habang sinasagupa namin ang malakas na ulan, ang baklang si Julius kita naming malanding rumarampa subalit niloloko ito ng mga tambay, sumaglit kami at grabe ang pang-ibaba niya, ang maikli at kita ang likod dahil naka-tube siya. Feeling babae talaga si Julius. Natawa ako sa sinabi ni Poypoy na bakla rin na "Anu ba yan at mas tukmol pa siya sa akin". Sa lakas ng halakhak namin, halos mabulabog ang buong Taniman. Maya-maya pa'y tumila ang ulan at saka pa ko nagbanlaw. Alas-kwatro ng muling sumilip ang araw kasama ang makulay na bahaghari. Tumitig ako sa bahaghari at talaga ba namang mahalina ka. Nagtungo ako kila Ate Angelyn subalit di muna raw ipapa-tutor ang anak niya. Nagtsikahan na lang kami, ang dalawang batang si Trisha at Trixie, naisipang bunutan ako ng uban.

^W-B. Maya-maya’y binalak kong tumungo kila Regine (Miano) at pagdating sa kanila, si Regine na nagbabantay ng baby ang nadatnan ko. Nagtsikahan kami. Nandoon rin si Gelyn subalit di ito namamansin, mabigat ang mukha at magagalitin pa. Di ko alam kung anong problema ng babaeng iyon. Di na ko nagtagal pa at agad na umalis sa kanila. Naubutan ko naman sila Ate Bing at Aira na namamasyal. Sinabi sa akin ni Ate Bing na may nanira kay Gelyn kaya ganon na lamang ang ugali niya. Habang naglalakad kami, may kakaiba akong naramdaman sa likod. May dalawang lalaki na pala ang dumakma sa pwet ko, pabiro itong nag-sorry subalit nabwisit ako at napagsalitaan sila. Ang lilibog nila at nilabag nila ang pagkatao ko. Umuwi akong badtrip. Madilim na at mas piniling manatili sa bahay. Alas-onse na ko natulog pagkat tinapos ko pa ang pag-compose ng kanta.

May 05, 2013
Sunday
Year I-125

^W-C. Umpisa nanaman ng panibagong linggo, sa bilis ng takbo ng panahon na parang kidlat, di namalayang isang linggo na lamang at eleksyon na. Di kagandahan ang gising ko pagkat ako'y sinisipon. Wala akong ginawa kundi suminga. Guminhawa naman ang pakiramdam ng magpahinga. Bawal muna sa akin ang magwalis kaya paghuhugas ng plato ang inatupag ko. Pagkatapos ay gumawa muli ako ng panibagong kanta. Hirap talaga gumawa ng love song kung di ka inlove at parati akong nagkakamali. Maya-maya’y kapansin-pansin sa labas ang mga nakahandang mga upuan at sound system. May mga supporters rin ang may suot ng T-shirt ni Precious Castelo. May Meeting de avance palang magaganap.

^W-D. Nang dumami na ang tagapakinig, saka pa lamang nag-umpisa ang speech na pinangunahan ni Ramona. Hinihintaypa nun dumating ang mag-asawang Castelo kaya sinabi muna nila ang plataporma ng dalawa. Ang mga bagong dating, nililista upang mabunot mamaya sa raffle at isa sa sumali ang Mama ko. Nakadungaw lang ako sa bintana ng maganap ang pulong nila. Nang dumating na si Precious Castelo, saka pa lamang ako lumabas at naghiyawan at palakpakan ang lahat. Saksakan ang kaputian ni Precious na aakalaing di dumanas ng matinding hirap at balingkinitan pa. Kahit inuubo'y nagawa pa rin magsalita upang ihayag ang kanyang plataporma kapag naluklok.

^W-E. Isa-isa rin niya inihayag ang kanyang proyekto.  Matapos ang kanyang mahabang talumpati, isa-isa niyang kinamayan ang mga residente samantalang namimigay naman ng kanyang souvenir ang mga tauhan nito. Umalis siya at sunod namang dumating ang may bahay niyang si Representative Winnie Castelo. Palakpakan nanaman ang lahat at inihayag rin ang kanyang plataporma. Matapos rin ang mahaba niyang talumpati, isa-isa niyang kinamayan ang mga residente at binigyan ng kanyang souvenir. Nang makaalis si Winnie Castelo, nag-umpisa na ang raffle. Ang mga nakaupong nag-aabang matawag ang pangalan, di inalintana ang sikat ng araw at hinayaang magpabilad. Madaming natawag subalit ni pangalan ni Mama ay hindi pa. mukhang di siya papalarin hanggang sa matapos ang raffle.

^W-F. Nalungkot ako pagkat walang napalanunan si Mama. Nagsiuwian na ang lahat. Sa gutom ay nananghalian na kami. Ang Papa naman, tutok ang mata sa kakanuod ng boksing. Sa tindi ng init, naligo na ko. Kinahapunan, wala muna akong balak mag-tutor pagkat masama ang pakiramdam ko. Sa halip na gumawi sa bahay-bahay ng mga kaibigan ko, nag-soundtrip na lamang ako sa Radio. Maya-maya’y panonood ng telebisyon ang inatupag ko hanggang sumapit ang dilim. Pinatay ng Alas-siete at nag-compose muli ng kanta. Ng Alas-nuebe na ng muling buksan ang telebisyon at nanood kami ng Gandang Gabi Vice. Dami namin tawa kay Vice Ganda lalo na ng guest niya sila Toni at Cathy Gonzaga. Palong palo ang magkapatid sa kwento at talaga namang nakakatuwa ang kanilang pinagdaanan. Matapos iyan ay pinatay na namin at ipinagpatuloy ko ang pag-compose ng kanta. Alas dose na ng maisipang matulog.

May 06, 2013
Monday
Year I-126

^W-G. Maliwanag na ng muling dumilat ang mata ko. Inaantok pa subalit kailangan ng bumangon at baka masayang ang oras ng wala pang nagagawa. Matapos mag-almusal ay ang nakatambak na hugasin ang pinag-ukulan ko ng oras. Sa gabundok na hugasin, inabot ng 20 minutos ang paghuhugas ko at nagbalat na nga ang aking palad. Ng matapos, nagpahinga muna ako.  Makulimlim ang panahon pero tinatamad naman ako mag-tutor, nag-compose na lang ako ng kanta. Di ko alam kung bakit iyon ang hilig ko, di naman ako inlove. Ang inakalang makulimlim sa maghapon ay nakakainis at umaraw nanaman. Mainit nanaman tuloy. Ni hindi ako makatulog ng hapong iyon kundi mag-compose ng kanta ang inatupag. Mga Alas-tres ng pumunta muli ako kina Arianna. Nang nandun pa ang kanyang nanay, nakikinig ito sa akin subalit panay kwento ang batang iyon kapag umalis ang kanyang nanay.

^W-H. Pilit kong sinasaway subalit pa maya-maya ang kwento't ang daldal niya. Natapos ang oras na kaunti pa lamang ang napapabasa ko sa kanya. Sa Linggo pa ang bayaran kaya sa ngayon ay di ko matatanggap ang kikitain. Nandun ang nanay ni Berna ng masalubong at kinamusta ko ang anak niya. Maya-maya’y si Aling Catherine ang nakita ko. Kinamusta ko si Jimboy kung nakakabasa na ba iyon ng tuwid. May pagyayabang sinabi sa akin ni Aling Catherine na nakakabasa na ito ng walang pagkakamali. Hiniling ko kay Aling Catherine na pagbasahin si Jimboy upang may mapatunayan siya. Di pa ito gaanong marunong bumasa at madalas ay nahihirap sapagbigkas.

^W-I. Nagulat si Aling Catherine nang malamang di pa bihasa ang anak kaya nagatungan niya ng kamay ang ulo ni Christian (Libuna). Umalis ang nagtuturo kay Jimboy ay ako muna ang humalili. Ang pagbabasa namin ni Jimboy, nauwi sa kwentuhan. Alas-sais na nun kaya sa kanila na ko nanuod ng Little Champ. Ng matapos ang programa, saka pa lamang ako umuwi. TV Patrol na kaya naghapunan na kami. Matapos kumain at ng madilim-dilim na, tumungo naman ako kila Regine (Miano). Si Ate Bing at iba pa niyang kapatid ang nadatnan ko sa kanila. Nagtsikahan kami ni kumareng Ate Bing at ng saglit ito umalis, ako muna ang nagbantay kay Aira. Hinarot-harot niya ko kaya hinarot ko na rin siya't saya ng oras ko sa kanila.

^W-J. Maya-maya’y biglang dumating si Kaka at Jomer kaya lalo pa kaming umingay. Maharot pa naman si Aira kapag nakikita ako. Nang bumalik si Ate Bing, sinabi niyang tigilan na iyan at matutulog na si Aira. Upang madaling makatulog ang batang iyon, nagpaalam na ko kay Ate Bing. Paglabas sa Recrap, narinig kong may nagaganap palang speech sa may basketball court, dali-dali akong nagtungo dun. May meeting de avance pa lang magaganap para sa pagkandidatura ni JV Ejercito sa senador. Hinihintay pa nun si JV Ejercito kaya pinangaralan muna ni Bantaya ang mga batang pasaway at maingay. Maya-maya’y nagkaroon ng intermission number. Wala pa naman si JV Ejercito at nakakapagod tumayo kaya umuwi muna ako at nanood ng telebisyon. Kami lang dalawa ni ate ang nasa bahay.

^W-K. Ilang saglit, pinatay ko na ang telebisyon at bumalik sa basketball court. Wala pa rin si JV Ejercito at biglang nagpakita ang tatlong naggagadanhang dilag at kumanta sa stage. Akalaing may concert nanagaganap. Sa halip na si JV Ejercito ang maghayag ng kanyang plataporma at maghikayat na iboto siya, ang kapatid nitong si Jojo Ejercito ang nagtalumpati. Matapos ang talumpati, nagpahagis siya ng T-shirt, Calendar at Souvenir sa madlang people. Nakipag-agawan kami. Sa dami ng nag-aagawan, bigo akong makuha ang T-shirt. Umuwi na lang ako, saktong naabutan ko sila Poypoy at nakisabay sa kanila. Kakauwi lamang din nila Mama ng makadating sa bahay. Alas-onse na pala pagkatingin sa wall clock kaya tumulog na kami.

May 07, 2013
Tuesday
Year I-127

^W-L. Maginhawa't mapayapang umaga sa aking paggising, nawa'y magpatuloy ang magandang nasimulan at di mapurnada. Maaliwas na ang panahon ng ako'y bumangon. Katulad ng nakagawian nitong nakaraang araw, ako'y nag-almusal at nagkape muna. Nang makapag-almusal na ay naglinis muli ako sa loob ng bahay. Andiyan ang ate ko na halos isang linggo ng di pumapasok sa opisina ang nakatulong ko sa gawaing bahay. Ng masiguradong wala ng kalat na naiwan, nanood kami ng Missing you sa Iwantv. Ang ganda talaga ng Missing You pagkat ang inakalang patay na si Joy Lee, buhay pa pala at patuloy siyang hinahanap ni Julius Han. Super napukaw ang damdamin ko sa palabas na iyon. Matapos ang Missing you ay ako muna ang gumamit ng Internet. Matapos ay si Mama naman, inutusan niya ko bumili ng niyog.

^W-M. Sa tindi ng init, nagpayong ako. Walang mabiling niyog sa Taniman kaya sa Ison site pa ko nagtungo. Habang naghihintay makayod ang niyog, nakita ko ang nanay ni Gwen. Kinamusta ko si Gwen at nag-usap kami. Nang makayod ang niyog ay saka lamang umuwi. Nagpahinga muna saglit at maya-maya'y tumungo na ako sa bahay nina Lauren Jay. Sa oras ng tutor ko'y wala kaming ibang inintindi kundi basahin ang bawat salita. Dahil ingles, hirap kay Lauren jay ang bumigkas at katulad rin ni Jimboy. Patak patak Alas-dose ng makauwi ako. Nakita kong naiigib si Olah, wala namang magawa kaya tinulungan ko ito. Nang makadating sa bahay ay saka pa lamang ako nananghalian. Habang natsibog ng Tilapia, may biglang tumatawag sa pangalan ko. Lumabas ako at yun pala'y ang mag-inang Gwen at kinausap ako. Tinanong nila kung pwede pa raw mapakiusapan ang school napapasukan ni Gwen. Wala akong kinalaman diyan kaya iniba ko ang usapan.

^W-N. Sa tagal ng panahong di kami nagkikita ni Gwen, nagkamustahan kami. Grade 4 pa ng huli kaming magkita at ang laki ng kanyang pinagbago ngayon na halos di ko makilala. Wala pa sa trenta minutos ay agad na silang umalis.  Di pa man nauubos ang ulam, mukhang di na ko gutom subalit inubos ko pa rin. Maya-maya’y nanood na kami ng Baliwan Cinema, sobrang natawa ako ng husto sa ipinakitang pagpapatawa ng bawatcast. Pagkatapos ay natulog ako. Mga Alas-tres na ko nagising at kahit mainit ay tumungo pa rin ako sa Recrap. Si Che-che ang tinuruan kong magbasa. Matapos ni Che-che ay si Arianna naman subalit di na natuloy pagkat may pupuntahan pa sila, umuwi na lamang ako. Saktong paglabas ng Recrap ay madaming taong nakasuot ng kahel. Nangangampanya pala si Rannie Ludovica. Sinundan ko ang kanyang mga tauhan na bawat madaanan ay nagbibigay ng kanyang slip at hinihikayat na iboto siya.

^W-O. Kung ako lang botante at kahit isigaw nila ng paulit-ulit ang pangalan ni Rannie, Precious Castelo pa rin ang sigaw ng loob ko. Sa halip na ipagpatuloy ko ang sumunod sa kanila, umuwi na lamang ako. Nanatili ako saglit sa bahay at lumabas. Ipinabatid ko kay Ate Angelyn ginawan ko siya ng Facebook account. Maya-maya’y niyaya ko si Regine (Cebrero) na mag-internet. Sayang-saya si Regine nang malaman niyang ililibre ko siya. Matapos kumain at nang Alas-siete na, lihim akong umalis ng bahay at pinuntahan muli si Regine. Wala pa ito kaya kina Cristy muna ako tumungo. Sinabi niyang susunod na lang siya at ng makita si Regine, dumeretso na kami sa computer shop. Kung kailan na magta-time, saka pa lamang dumating ang Cristy. Sabay kaming tatlo sa pag-uwi, ang harot ng dalawa at ang lakas pa ng loob ni Regine mangutang sa akin muli. Nangako itong magbabayad bukas kaya pinautang ko na. Pag-uwi, nanood ako ng telebisyon. Mgaalas-onse na ko natulog pagkat nag-compose pa ko ng songs.

May 08, 2013
Wednesday
Year I-128

^W-P. Dakong Alas-siete na ako nagising subalit Alas-otso na ng magpasyang bumangon. Napakaganda ng naging umaga at di pa nakakasunog ng balat ang sinag ng araw. Ang kalangitan, namumutiktik sa kabughawan na walang makitang kaulapan. Bago pa man ako mag-almusal, may naulinig muling tila nagtatambol, May nangangampanya nanaman pala. Dahil di naman ako botante, balewala sa akin kung sinuman ang nangangampanya. Matapos mag-almusal, ipinagpatuloy ko ang pag-compose ng kanta. Samantalang ang ate na kakagising pa lamang, binuksan agad ang Computer at nanood ng Missing you.

^W-Q. Nagagandahan ako Sa palabas na iyon kaya nakinuodmuna ako. Matapos ang programa, ipinagpatuloy kong muli ang paglikha ng kanta. Sa sobrang abala ko na halos di matapos-tapos, alanganin na ang oras upang ilaan ko sa pag-tutor kay Lauren Jay. Iniisip ko na ipagpabukas na lang. Nakakatamad ang kumilos sapagkat ubod sa init ang panahon. Matapos namin kumain, lahat ng miyembro sa pamilya ay nagsitulugan. Di pa ko inaantok subalit tumulog parin ako. Kahit nakabukas ang ceiling fan, mainit na hangin lang ang dala nito. Sa halip na Alas-tres pa magising, Alas-dos pa lang ay bumangon na ko. Kinain ko ang desert na ginawa ni Mama at ate. Sa sarap, mukhang di na ibig ang magtira. Maya-maya’y habang nagkukumpyuter, narinig ko ang usap usapan ng kapitbahay na magkakaroon raw ng black-out mamayang gabi. Di sana ako maniniwala subalit ng sa radyo ko na nalaman, saka ako naniwala. Mga Alas-tres ko na pinatay ang computer. Tutuloy sana ako sa bahay ng estudyante ko ng biglang makita ni Ate Bing.

^W-R. Ngayon lang niya nakita ang bahay namin at todo puri ito. Nagpakumbaba naman ako. Bukod pa dun ay may mga bagay rin ang aming pinag-usapan. Sa dinamidami na halos di na mabilang, nahuli ako ng isang oras sa pagpunta kila Che-che. Dahil kapwa di marunong magbasa si Che-che at Arianna, pinagsabay ko na ang dalawa sa aking tutor. Sa bahay nila Che-che namin ginanap ang tutor. Sa kalagitnaan ng pagtuturo ko sa kanila kung paano magbasa, may isang batang salbahe at nangugulo pa. Sinaway ko ito at tinakot. Di na muli pang nanggulo nang ginawa ko iyon. Bago pa man matapos ang tutor ko sa dalawa, biglang nakarinig kami ng dagundong ng kulog. Inisip kong mukhang uulan na hanggang sa bumuhos na nga ito. Kasabay ng malakas na buhos ng ulan ang malakas ring ihip ng hangin. Parang bumabagyo nanaman sa kapaligiran. Nanatili muna ako sa bahay nila Che-che. Si Arianna at Che-che naman, nagsiliguan na sa ulan. ng bahagyang humina, dali-dali akong tumakbo papauwi.

^W-S. Pagdating sa bahay nanibago ako pagkat iba na ang aming pintuan. Di hamak na mas madaling isara at di agad makakapasok ang alaga naming hayop kaysa sa dating pintuan. Nanatili ako sa bahay at nanoodng Little champ. Nang makapaghapunan, nahiga ako sa duyan at maya-maya'y tumungo kila Regine (Miano). Dahil walang kuryente, madilim na. Tulog na si Aira kaya di na ko tumuloy kay Ate Bing. Si Regine naman, todo bantay kay Baby Gian at pinapadede pa. Mahina hina lamang ang aming pag-uusap upang di magising ang baby. Nakakatuwa lang sa bata pagkat di ito naiyak. Ilang saglit ay dumating na sila Aling Gina galing Rizal. Tinanong ko sa kanya kung magpapa-tutor ba si James (Miano) bukas. Sa kawalan ng pambayad, tumanggi na ito at malugod ko iyong narerespeto.

^W-T. Malugod rin ang pasasalamat ko kay Aling Gina sapagkat bigla niya kong binigyan ng Mangga. Madilim na sa Sitio Recrap kaya nagpasama na ko kay Annie. Dumeretso agad ako sa bahay ni Rachel upang singilin si Regine (Cebrero) subalit wala ito. Ayaw ko pang umuwi at nagpunta muna ako sa bahay ni Cristy. Pasyonable at supistikadang manamit si Cristy na mariing kong pinuri. Masayang kausap si Cristy kaya nagtagal ako. Bago pa man ako umuwi, tiyempong nakita si Regine na kausap ang Ate Rachel niya at ng paparating ako, biglang pumasok si Regine. Tinataguan yata ako pagkat batid niyang sisingilin ko siya. Naisip kong huwag ng singilin si Regine at sa kanya na iyon, basta't huwag na siyang makautang sa akin. Badtrip na badtrip na umuwi ako. Masakit din ang ulo ko nun kaya di na ko nagpaabot pa ng madaling araw na dilat ang mata.

May 09, 2013
Thursday
Year I-129

^W-U. Alas-tres pa lamang ng madaling araw, ginulantang ang masarap kong tulog dahil sa matinding sipon. Bumangon ako at hinanap ang mabisang gamot laban sa sipon subalit di ko ito masumpungan. Lumanghap na lang ako ng Yee Tin at suminga-singa. Naupo ako sa sopa ng pasinga-singa at binahing rin ng sunod-sunod. Mga pasado Alas-kwatro ng humiga ako hanggang sa makatulog. Alas-otso ng magising ako, medyo sinisipon pa rin subalit di na kasing sama ng kagabi. Sipon pala ang nagpasakit sa ulo ko kagabi at di ko iyon sinabi kila mama pagkat batid ng isip na sesermonan lamang ng katakot-takot. Nag-Water therapy ako. Nang dumating si Papa galing duty, humingi ako sa kanya ng kwarta pambili ng Neozep.

^W-V. Nang makabili ng Neozep, nilunok ko ang buong tableta nito at sinabayan din ng tubig. Guminhawa naman pakiramdam ko matapos uminom ng gamot. Pagsapit ng Alas-dyis, tumungo ako kila Lauren Jay. Nadatnan kong naliligo pa lamang ito, bumalik muna ako ng bahay. Naligo muna ako at mga Alas-onse ng tumungo muli sa kanila. Hinayaan ko munang kumain si Lauren Jay upang di gutumin kapag pinagbabasa. Habang kumakain si Lauren Jay, nakipagkwentuhan muna ako kay Aling Flor. Maya-maya’ysini mulanko na angtutor kay Lauren Jay. Nandun rin sila Allyson at Ezekiel kaya nakisabay sila kay Lauren Jay. Grade 2 pa lang si Ezekiel sa pasukan subalit aakalaing nasa Grade 6 na sa laki ng katawan. Naging masaya ang bahayni Aling Jojit pagkat puro patawa si Ezekiel, pati ako'y napatawa. Umuwi ako ng kumakalam na ang sikmura at napatsibog ako ng bonggang-bongga.

^W-W. Nahinlaki ang tiyan matapos kong kumain. Kinahapunan ay biglang nanakit ang tiyan ko, dala sigurong naparami ang kain. Napasugod tuloy ako sa banyo. Nagmistulan na kong banyo king pagkat ilang ulit na kong pabalik-balik sa banyo. Anong nangyari sa akin at mukhang nausog marahil ako. Kahit masama ang tiyan, nagawa ko pa rin mag-tutor kilaArianna at Cheche, sayang kasi ang kikitain. Bago sumapit ang dilim, di na sumasakit ang tiyan ko. Di ko malaman kung anong pumasok sa isip ni Mama at biglang tinanong kung anong kurso ang balak kuhain ko. Lakas loob kong inamin kay Mama ang naiibigang kurso at iyon ay Education.

^W-X. Nang marinig ni Mama at ate, tutol silang dalawa at sinabing mapapagod ka lang raw. Bukod pa dun, di ko rawikakayaman ang pagiging Teacher pagkat maliit ang sahod. Kahit ano pang sabihin nila tungkol diyan, wala silang magagawa pagkat iyon na ang nais ko na dapat nilang irespeto at suportahan. Dapat pa nga silang matuwa pagkat may kamag-anak silang makakatulong Sa kapwa mangmang. Para sa akin, kung ano ang nasa puso ko, susundin ko, listen to your heart. Sa halip na tumungo kina Regine (Miano), nanatili na lamang ako sa bahay at baka sipunin muli. Himala pagkat ang tahimik sa lugar namin at kumikinam din ang kalangitan sa dami ng bituin.

May 10, 2013
Friday
Year I-130

^W-Y. Biyernes na, tatlong araw na lang bago mag Eleksyon. Ang kapaligiran ng buong Taniman o saanman panig ng lugar, kaliwa't kanang campaignpharaphernalia na ang makikita na halos matadtad na. Sa telebisyon at radyo, kung magkakomersyal man ay puro pag-eendorso sa bawat kandidato ang mapapanood o mapapakinggan. Kaliwa’t kanan rin ang pangangampanya upang makuha ang simpatya ng taong bayan na iboto sila. Hindi bale at babalik rin sa dati pagkatapos ng eleksyon. Nakakainis pagkat malapit ng mag Alas-nuebe ng magising ako. Kukonti tuloy ang magagawa ko. Matapos ng saglitang pagwawalis, binuksan ko na ang computer.

^W-Z. Malapit na pala ang Mother's day kaya nag-post ako sa Facebook ng Message para sa lahat ng mga mother with picture. Dedicated ko rin iyon para kay Mama na walang sawang minamahal ako kahit na nagawa niya na kong saktan sa salita. Hindi bale na iyon at kalilimutan ko na. Sumunod ay si Mama naman. Maya-maya’y sinipon muli ako at iyon ang pumigil sa akin upang magtungo kina Lauren Jay. Sa halip na maligo at sa takot na lumala ang sipon, nagpunas na lamang ako. Hinayaan kong ipagpahinga ang sarili matapos mananghalian at ininom ang Neozep. Kinalaunan ay gumaling naman ako. Matapos magmeryenda ay tumungo naman ako kila Cheche. Katulad ng nakaraang araw ay ipinagsabay ko ang dalawa sa aking tutor. Di sana papayagan si Arianna ng Mama Kristal niya subalit sinabi ko sa kanya ang napag-usapan namin ni Lola Norma at ipinaalala na masasayang ang isang araw ng walang matutuhan si Arianna.

^X-A. Biglang nagbago ang isip ni Aling Kristal sa mga sinabi ko. sa oras naiyon na malapit ng masayang, inumpisahan ko ng turuan ang dalawa. Nakikinig naman ang dalawa at sumusunod kapag pinapabasa ko, yung nga lamang ay sadyang madaldal si Arianna. Nasasayang lamang ang oras pag tsinitsika niya ko, todo saway naman ako sa kanya. Di pa ko ganap na Teacher subalit dama ko na ang tungkulin nito. Matapos ang tutor ko sa dalawa, binayaran ako ni Ate Rowena. Tapos na nga ang oras ko sa dalawa subalit patuloy ang sunod nito sa aking pag-uwi at inaalam talaga ang aking bahay. Sa sobrang kulit ng dalawa, di ko na ipinaalam kung saan ang bahay ko at walang hiyang pumasok sa bahay nila Kim upang mapaniwala sila na doon akonakatira. Ng umalis ang dalawa, humingi na lamang ako ng paumanhin sa tindera, lubos naman niya iyon nauunawaan.

^X-B. Habang naglalakad ako, sinundan pa rin ako ng dalawa. Pilit man pagsabihang umuwi na pagkat uulan na subalit katitigas ng ulo. Naisipan kong magtungo kilaJaypee. Nang maisipan nilang nakakalayo na, saka pa lamang ang mga ito umuwi. Sarado ang bahay nila Jaypee ng datnan ko kaya umuwi na ko. Pagdaan sa bahay nila Aldrian, may pag aatubiling tinanong ako. Magtatagal pa sana ako sa kanila subalit papatak-patak na ang ulan. Dali-dali akong tumakbo papauwi. Maliligo Sana ako sa ulan subalit baka sipunin nanaman ako. Maya-maya’y nagliwanag ang kalangitan sa talim ng kidlat at kumulog ng malakas. Sa phobia ko sa dalawang elemento, tumungo ako sa kusina at nagtago. Sunod-sunod ang malalakas na kidlat at kulog habang bumubuhos ang ulan. Di na kami nakanood pa ng telebisyon dahil kumikidlat.

^X-C. Matagal rin ang ulan na halos umabot ng dalawang oras. Tumila naman ang ulan pagsapit ng Alas-siete. Wala noon si Mama pagkat dumalo ito sa Meeting de avance kay Rannie Ludovica kaya si Papa ang nagluto. Maya-maya’y nagkainan na kami. Alas-nuebe na ng gabi at habang nanonood ng Ina kapatid anak, dumating si Mama na may dalang Lechon manok. Pinagpyestahan namin ang kanyang pasalubong. Sobrang nabusog ako ng gabing iyon sa dami ng nalantakan. Sa takot na baka mabangungot kapag natulog ng busog, hinintay ko munang matunawan ang kinain. Maya-maya pa, natulog na ko.

May 11, 2013
Saturday
Year I-131

^X-D. Nagising ako sa lakas ng kulog, umiral muli ang takot kaya nagtaklob ako gamit ang unan. Nasundan pa ng mga pagkulog subalit mahihina na lamang. Maya-maya’y bumuhos muli ang ulan. Mga pasado Alas-dos na ko nakatulog. Di naging maaliwalas ang umaga at nagbabadya pa nga ang pag-ulan. Ang kapit-bahay naming si Ate Melon, sobra-sobra kung magpatugtug at halos mabingi na kami, di niya inintindi sina Ate Aying na katabi lamang nila na nabibingi na rin. Ang gugulo ng tugtog ni Ate Melon at sakit pa sa teynga. Para di ko marinig ang nakakasakit na tugtog ay nagpatugtog rin ako. Atlis sa akin kahit malakas, masarap naman pakinggan at banayad din, nakakakilig pa kapag pinakinggan lalo ng “Pusong Bato” na at “Buko”. Nanahimik naman ang bahay nila Ate Melon kinalaunan.

 ^X-E. Kasabay nito ang pagbuhos ng ulan subalit saglit lamang. Ayaw kong nakaupo lamang kaya pinag-ukulan ko ng oras ang paghuhugas ng plato at pagwawalis. Ng masiguradong malinis na ang sahig, ini-map ko ito. Matapos ang gawaing bahay ay binuksan ko na ang Computer at nag-Facebook at Google. Ilang minuto ang lumipas ay pumalit naman si Mama. Tiwala kay Mama na alam na kung pano i-shut-down kaya hinayaan ko siya. Bago magtungo kina Lauren Jay, naligo muna ako. pagkadating ay nadatnan ko si Aling Jojit na abala sa paglalaba, di ko pa makita si Lauren Jay at tinawag ko ito, lumabas naman ito mula sa kwarto at doon pa lamang kami nakapag-umpisa. Pinag-Speling ko muna siya bago ipabasa ang textbook. May ilang words na Correct subalit karamihan ay puro mintis. Mahina pa nga si Lauren Jay sa spelling at ibayong pagsasanay pa. Sa kalagitnaan ng aming pagbabasa, bigla itong nag-inarte at sinabing nagugutom. Hinayaan ko muna siya kumain ng Bisquit.

^X-F. Sa halip na isang oras, sinabihan ako ni Aling Jojit na gawing dalawang oras upang may mas matutunan pa ito. Bago umuwi ay pinagbaybay ko muli siya ng numbers. May tama subalit karamihan ay mali. Umuwi akong kumakalam ang sikmura kaya di ko maiwasang kumain ng marami. Matapos kumain, naupo ako saglit at maya-maya'y natulog. Uminit nanaman kinahapunan kaya Alas-dos pa lang ay gising na ko. Nadatnan kongnanonood si Papa ng Juan Dela cruz sa Iwantv. Nakinuod rin ako at matapos ang programa ay saglit akong nag-internet. Maya-maya’y tumungo na ko kila Che-che. Tulog si Arianna sabi ng kanyang kapatid kaya si Che-che lang ang naturuan ko.

^X-G. Ang mga batang pakalat-kalat sa kanilang balay, pinaalis ko. Ng malamang gising na si Arianna, saka ko pa lamang sila pinagsabay subalit matatapos na ang oras ko kay Che-che. Nawawala ang Abakada Book ni Che-che kaya sa bahay nila Arianna namin ginanap ang tutorial. Tinuruan ko sila kung paano bumasa. Ng matapos kay Che-che, naiwan si Arianna at pinagpatuloy ang pagbabasa. Kakikitaang malapit ng matuto si Cheche sa pagbabasa subalit di pa makilala ni Arianna ang bawat baybayin ng salita. Nang matapos ang tutor ko sa dalawa at sa halip na umuwi na, nilambing lambing ko pa ang anak ni Ate Len-len.

^X-H. Ang palambing-lambing ko sa sanggol niyang anak, nauwi sa tsikahan at katuwaan. Kahit ganto ang kasarian, tanggap pa rin niya ko bilangkaibigan. Maya-maya’y kina Regine (Miano) ako nagtungo, nadatnan kong todo alaga si Regine sa kanyang uniko iho at pinapadede pa niya ito ng maayos. Pinaypayan ko ang Baby Gian at kinausap usap. Sa puntong iyon, kahit may gatas pa sa labi ay nararamdaman ko na kung paano maging magulang. Sunod na aking pinuntuhan ay si Ate Bing. Nagbibihis silang dalawa ni Aira pagkat magsisimba sila sa Saksi ni Jehova. Si Aira naman, mukulit nanaman ng makita ako. Nilaro laro ko ang batang iyon at harot niya. Nanatili ako sa kanila ng isang oras at ng mapansing dumidilim na, nagpaalam na ko sa kanila. Gusto ko pa sanang lumabas subalit sa ganda kong ito, baka may mangahas na mang-rape sa akin kaya nanatili na lamang ako sa loob. Habang masarap na nanonood ng telebisyon, bigla na lamang kumidlat kaya agad namin pinatay.

^X-I. Nagpunta ako sa Basketball court, nagbabakasakaling may Disco party subalit tahimik ng madatnan ko. Narinig ko si Aling Laura habang may kausap sa telepono na bawal ang kasiyahan at alak ngayon pagkat umiiral na ang Liquor Ban para sa darating na Eleksyon sa Lunes, umuwi na lamang ako. Anumang oras ay magkakaroon muli ng Thunderstorm kaya takot muli ang naramdaman ko. Habang nagte-text, kumidlat muli at mas maliwanag pa kaysa kanina. Nagtakip ako ng teynga at kasabay ng pagkulog na malabomba ang lakas hanggang sa bumuhos na nga ang ulan. Ng tumila ang Thunderstorm, saka paclamang napanatag ang aking pagtulog. Mother’s day na bukas.

May 12, 2013
Sunday 
(Mother’s Day)
Year I-132

^X-J. Bisperas ng Halalan at ngayong araw ang espesyal para sa lahat ng mga nanay sa buong mundong walang sawang nakakaantabay sa kanilang anak at di matatawaran ang kanilang pagmamahal. Pagkagising at ng makita si Mama, binati ko siya agad ng happy Mother’s day. Natuwa siya ng binati ko at nagpasalamat, kahit kaarawan niya, abala pa rin siya sa paglalaba. Matapos mag-almusal, naghugas ako ng plato at nagwalis, gusto ko kasing bawasan ang gawain na nakaatang kay Mama. Ng matapos ang gawaing bahay, binuksan ko muli ang Computer at dahil Mother's day, si Mama ang pinauna kong gumamit. Habang nagkukumpyuter kami, biglang dumating si Auntie Kaling at nangungumbidang pumunta sa kanila pagkat may binyag raw. Nahihiya si Mama kaya di ito pumayag at kahit kumbisihin ni Auntie, kagustuhan pa rin ni Mama ang masusunod.

^X-K. Kinumbida rin ako subalit pag-iisipan ko pa kung makakadalo. Ng matapos si Mama, ako naman ang gumamit. Umalis si Auntie Caling at bumalik na may dalang salad na naka-bowl, ipinapalagay niya ito sa aming Refrigerator. Maya-maya’y naligo ako pagkat may tutor pa kay Lauren Jay. Pagdating sa kanila, nadatnan kong sarado ang bahay nila. Ayaw ko pang umuwi kaya nagtungo muna ako sa bahay ng kamag-anak ko. Kina Tita Jean sana ako pupunta subalit sinabing kanilang kapit-bahay na nasa Cagayan pa sila. Dumeretso na lang ako kina Jaypee, nandun si Auntie Arlene kaya siya ang nakakwentuhan ko. Inuudyok ko sila na dumalo sa handaan kila Auntie Kaling upang may kasama ako at di nahihiya. Maski sila'y hiya ang pinairal at di raw sila makakapunta. Tinanggap ko na lang kung ano ang desisyon nila.

^X-L. Habang nag-uusap kami ni Auntie Arlene, biglang dumating si Uncle Boy, naantala ang aming pag-uusap at di ko lubos maunawaan ang pinag-uusapan nila pagkat Ilocano. Ng matapos ang kanilang pag-uusap, nagulat ako sa tanong ni Uncle Boy kung sasama raw ba ako patungong Cagayan. Tinanong ko si Uncle Boy kung kailan ang tulak niya at sinabing nitong araw. Sa sobrang sabik ay di na ko nag-dalawang isip pa na sumama subalit hihingin ko muna ang pahintulot ng aking magulang. Tuwang-tuwa akong tumungo sa aming bahay at ipinag-paalam ko kay Mama ang aming pag-alis. Napalitan ng panlulumo ang kaninang nakangiti ng tumanggi si Mama, kay Papa ako nagpaalam at maski ito'y di pumayag. Wala raw silang maibibigay na pamasahe sa akin at mahal daw ang papunta dun. Batid kong may panggastos si Uncle Boy para sa akin subalit nahihiya naman ako. Naghimutok ako sa kanila subalit wala akong magagawa kundi tanggapin na di ako pinayagan.

^X-M. Sayang ang pagkakataong makita at makapiling ang kamag-anak ko dun sa Cagayan, nagtungo muli ako kila Jaypee at ipinabatid kay Uncle Boy na hindi ako sasama. Nagtungo ako kila Auntie Kaling at sa kanila na ko kumain, matapos kumain sa kanila'y di na ko nagtagal. Pagkauwi at sa antok, natulog ako. Alas-tres ng hapon na ako dumilat. Matapos magmeryenda'y agad akong tumungo kila Cheche. Tulog Nanaman si Arianna kaya si Cheche lang ang naturuan ko. Matapos ang tutor kay Cheche, napansin kong may binabalak sa kanya ang mga kapatid pati ang nanay, kunwaring may iuutos para lumabas ito. Nang lumabas si Cheche, nakita kong babasagan siya ng itlog pagkat kaarawan pala niya ngayon. Pilit itong nagpupumiglas subalit itinuloy pa rin, sa halip na masaya, nalungkot kami pagkat nagmaktol ang bata ng basagan ng itlog. Binati ko si Cheche at maya-maya'y tumungo naman ako kina Lola Norma upang maningil.

^X-N. Sinabi niyang mamaya niya ako babayaran, kinunsidera ko ang aming pinag-usapan basta't hanggang gabi lamang. Kinagabihan, walang magawa sa bahay kaya inumit ko ang perang inipon at para maiba'y nagkumpyuter ako sa labas. Mabaho, maingay, tiniis ko iyon. Maya-maya’y dumating si Rhea. Sabay kaming umuwi at ng makarating sa Taniman, kita ko sina Julius na malanding pasayaw-sayaw at may isa ring Beki na baguhan lamang sa aking paningin. Nagulat ako ng biglang tinawag ang pangalan ko, napagtanto kong guni-guni lamang pero ng inulit, doon ako nagtanong kung sino siya. Si Jherome pala iyon at bumigay na rin na dati nag-aalangan pa kung bakla ba siya ng magkaklase pa kami. Sa halip na magkamustahan, may pagtataray na inukray ang katauhan ko. Tinapatan ko ang kanyang sinabi sa wikang Beki at basag siya. Humirit pa siya subalit di ko na pinatulan pa at mas piniling umuwi na lamang. Mga alas-onse na ko natulog pagkat nanood pa ko ng Gandang Gabi Vice. Bwisit na baklang iyan at naisipan pang bumalik samantalang nasa probinsya na siya.

May 13, 2013
Monday 
(Senatorial Election) 
Year I-133

^X-O. Sino-sino kaya sa mga kandidatong tumatakbo sa iba't ibang posisyon ang papalarin sa kamay ng taong bayan upang mahalal at sino ang mabibigo? Eleksyon na ngayon, sana walang karahasang maganap at maging perpekto ang pagdaraos nito. Pagkagising ay balita agad ang sumalubong sa akin ukol sa halalan. Pagkamumug ay sumali ako sa panonood nila ng balita upang malaman kung ano-ano ang kaganapan sa buongbansa. Di pa man nagsisimula ang botohan, may mga ilang patayan na ang naganap dahil sa Ambush, marahil ay puro may kinalaman ito sa politika. Alas-siete ng opisiyal na magsimula ang botohan. Makalipas ang isang oras, samu't sari ng problema ang nagsulputan dahil sa pagpalya ng ilang PCOS Machine. Ang mga balotang ipinapasok, isusuka at may ilang PCOS Machine ang di gumagana.

^X-P. Nagpatuloy kami sa panonood ng balita at kita na sa telebisyon ang dagsa ng milyong-milyong botante sa iba't ibang presinto. May mga ilang artista rin ako nakitang bumoboto din tulad nila Susan Roces. Mga Alas-nuebe ng pinatay namin ang telebisyon. Naghugas muna ako ng plato at matapos ay ginampanan ang gawaing bahay. Gusto kong maging shiny ang sahig kaya bumili ako ng Floorwax. Nang makabili'y ikinalat ko sa sahig ang Wax nito at pinunasan upang kumintab ang numingning ang sahig. Makintab na sana ang kalalabasan subalit walang bunot kaya di ako nakapaglampaso. Matapos magpakapagod sa pagpapakintab ng sahig, ang mga kagamitan at eskaparate sa bahay naman ang pinunanasan ko. Di pa man sumasapit ang tanghali, nadagdagan pa ang mga reklamo at problema ukol sa PCOS Machine.

^X-Q. Buti na lamang at naging makulimlim ang halalan at di maiinitan ang mga botante sa pagpila. Maya-maya’y dumilim ang kapaligiran hanggang sa bumuhos ang malakas naculan. Nagkakainan na kami nun ng umulan. Pagkatapos kumain, binuksan muli ang telebisyon at kitang-kitang nagkakagulo na sa eskwelehan dahil ayaw silang papasukan ng pulis. Ang Baguio at Compostella Valley, nagdeklara na ng Election Failure dahil maling balota ang naibigay sa kanila. Mukhang palpak ang pagdaraos ng automated election at mauuwi sa manualang bilangan mamaya. Nanood kami ng telebisyon ng biglang kumidlat at sa takot masira, pinatay namin ito. Umaraw ng bahagya subalit sumama nanaman ang panahon. Natulog kaming lahat pagkat wala namang gagawin. Alas-dos ng magising ako, nadatnan kong nagbibihis na si Mama at Ate pagkat boboto na sila. Sunod na umalis si Papa at bago pa man ay binilinan niyakong bantayan ang kuya at huwag pababayaan.

^X-R. Mukhang may tiwala sa akin si Papa kaya iniwanan na kaming dalaw. Kami na lang dalawa ang nasa bahay at dahil nababato ako, naisipan kong magkumpyuter. Ng makaramdam ng gutom, pinatay ko ang Computer at nagpainit ng tubig. Makalat sa kusina dahil sa kagagawan ng amin aso at inimis ko ito. Ng kumukulo na ang tubig sa takure, isinalok sa Thermos. Ang natirang tubig ay ibinuhos ko sa naka handang Instant noodles. Abala ako sa paglalagay ng seasoning ng biglang dumating si Mama, tinanong ko siya kung kamusta ang kanyang pagboto at sino-sino angkanyang binoto. Nagkwento naman siya subalit matipid. Malambot na ang Noodles kaya kinain na namin ni Kuya Al. sunod na dumating si Papa subalit wala pa si Ate, nag-usap sila kung sino ang kanilang binoto.

^X-S. Malapit ng dumilim ng dumating si Ate. Nang buksan ni Papa ang telebisyon, samu't saring kaguluhan at problema ang nangyari nitong halalan. May nagbalyahan at patayan pa nga, Alas-siete ng gabi ng matapos ang botohan. Sumunod ay canvassing subalit di muna agad isinapubliko ang resulta ng botohan. Mga Alas-nuebe na ng malaman namin kung sino ang lamang at kulelat. Nangunguna sa bilangan para sa pagkasenador si Grace Poe at sumunod naman sa kanya sila Loren Legarda at Chiz Escudero, dikit ang bilang ng boto at malaki ang tiyansang mabago pa. Kapansin-pansing puro nanalo ng 2007 sa Senatorial Election ang nakapasok sa Magic 12 subalit may baguhan rin naman. Sa kakanood ng balita na buong araw ginawa, Alas-onse na ko natulog at kay tahimik ng gabi na nawa'y parating gayun.

May 14, 2013
Tuesday
Year I-134

^X-T. Pagkagising ay kaagad kong binuksan ang telebisyon upang malaman kung may nagbago ba sa ranking sa Senatorial race at nangunguna pa rin sa bilangan ang anak ni Fernando Poe na si Grace Poe at malaki na ang lamang niya sa mga sumunod pang kandidato. Kakatapos lang ng eleksyon kaya ngayon pa lang nag uulputan ang iba't ibang balitang naganap kahapon. Mga Alas-otso ng pinatay ko ang telebisyon at sunod na inatupag ang gawaing bahay. Matapos ang gawaing bahay ay nag-online muli ako. Di naging mainit ang lagay ng panahon at madalas pa ang pag-ulan, marahil ay simula na ngRainy Season. Maya-maya sa radyo, Ibinalita na ang tungkol sa pagproklama sa mga nanalong kandidato sa iba't ibang lugar na tumakbo. Kukonti pa lamang ang naiproklama pagkat di pa lubos natatapos ang bilangan subalit inaasahang madadagdagan pa. Maaga akong nananghalian pagkat may tutor pa ko kay Lauren Jay.

^X-U Mga Alas-onse ng magtungo ako kina Lauren Jay, ang inakalang makulimlim sa maghapon ay nagkakamali pagkat sumilip pa ang bukangliwayway, mainit nanaman muli. Hinintay ko munang matapos kumain si Lauren Jay at ilang saglit pa ay nag-umpisa na kami. Aalis sila Aling Jojit kaya binilinan niya si Lauren Jay na siya ang magbayad sa akin. Tumatawa lamang at nanloloko si Lauren Jay habang pinapabasa ko, sinaway ko pero parang wagas ng tumawa. Si Aling Flor naman, kapansin-pansing mag-isang nagsasalita at di maintindihan ang turan. Araw-araw ko iyon napapansin sa kanya at may pagkasinto talaga siya, sinabi sa akin ni Lauren Jay na na-depress raw ito dahil iniwan ng asawa. Sa halip na pagtawanan, naaw aako sa kalagayan ni Aling Flor.

^X-V. Nagpatuloy kami ni Lauren Jay sa pagbabasa at makalipas ang isang oras ay umuwi na ko. Naidlip pagdating at mga Alas-tres na ko nagising. Tinatamad akong magturo kila Cheche at di ako nagtungo dun. Nakita ko si Mama na may pupuntahan at sinundan ko nga. Ibinigay niya pala kay Ate Cheche ang bill ng kuryente at habang nag-uusap sila, tiyempo ko silang binulaga. Tinanong ako ni Mama at maya-maya ang alis nito. Nandun ang Angelie na Junakis ni Ate Cheche at palambing na kinakusap. Sumasagot ang bata pero Bulol pa. Ilang saglit ay pumatak muli ang ulan, sa kadahilanang di pa naliligo ay nagpabasa na ko sa ulan.

^X-W. Malakas ang resistensya ni Angelie kaya pinayagan itong maligo sa ulan, kasama rin namin si Olah sa pagliliwaliw. Ang kulit ng batang iyon at masaya kaming naglalaro. Nang papasukin na si Angelie ng nanay, umalis na ko sa kanila at nagbanlaw na si Olah.

Kinalaunan at ng humina ang ulan ay saka pa lamang pumasok sa aming bakuran. Magbabanlaw na sana ako ng tawagin ni Rona, parang basang sisiw siya at nangangatog na, nagawa pa rin namin magkwentuhan. Habang masarap ang aming usapan, biglang nasigawan ako ni Mama pagkat di pa raw ako nagbabanlaw. Pinutol ko na ang aming pag-uusap at dumeretso sa banyo. Presko sa pakiramdam ng makapagbanlaw at makalipas ang isang oras, kami'y naghapunan na at sinumpong nanaman ng hyper-activity si Kuya. Sa huling resulta ng bilangan ay di pa rin nagbabago ang ranking.

^X-X. Nang hustong kumagat na ang dilim, nagtungo ako kina Regine (Miano). Nadatnan kong abala sila sa paghiwa ng bawat sangkap at sinabing may magaganap na binyag bukas. Dahil malapit kami sa isa't isa ay inimbitahan ako ni Shiela, nanay ng batang bibinyagan bukas. Pumayag ako sa kanilang alok, sa kagustuhan makatulong sa kanila, tinuruan ako ni Shiela kung pano maghiwa ng Carrots, stream beans at sayote at madali ko naman iyon natutunan. Nagpatuloy ako sa paghihiwa hanggang sa matapos. Ng matapos mahiwa ang lahat ng sangkap, nagtungo naman ako kay Ate Bing, nandun si Annie at Kaka kaya naging maingay kami. Nang maubusan ng lakas ay nanahimik sila at nagkwentuhan kami ni Ate Bing. Ng mapansing umaambon na, naisipan ko ng umuwi na. Pagdating sa bahay ay binuksan ko ang telebisyon subalit panandalian lamang pagkat kumikidlat muli. Walang maisipang matinong gawin at ayaw ko pang matulog kaya pag-composeng kanta ang aking inatupag. Naging maulan ang buong magdamag kaya naging malamig at masarap ang aming tulog.

May 15, 2013
Wednesday
Year I-135

^X-Y. Medyo di kagandahan ang umaga ko pagkat umatake nanaman ang sipon ko. Alas-siete na ko bumangon at pinagsabay ang almusal. Matapos uminom ng mainit na kape, naupo ako sandali upang magpagaling at ng makaramdam ng konting ginhawa, sinimulan ko na ang gawaing bahay. Nagwalis ako at nag-floorwax ng sahig, dahil walang bunot na mailampaso ay ginastos ko ang naipong pera pambili ng bunot. Sa Lovely Joy store ako sana bibili subalit out of sell, napilitan akong lumayo pa. Ng makarating sa taas ay saktong nakasalubong sila Kaka na papauwi na rin at sinamahan ako. Ng makabili ng bunot, ang natirang sukli ay ibinigay ko sa kanila at binilinang maghati. Sabay na kaming umuwi at bago pa man tumuloy sa Taniman ay bumili muna ako ng gamot para sa sipon. Si Kaka ay todo yaya sa akin na magtungo kila Shiela dahil binyag, pupunta naman ako kahit di niya yayain.

^X-Z. Pagdating sa bahay ay inumpisahan ko ng maglampaso ng sahig. Bago pa man sumipot sa binyag, naligo muna ako at nagpabango kasunod ay nagbihis. Di man ako ninong sa binyag kaya simple lang ang kasuotan ko. Pagdating sa kanila ay nadatnan kong wala pa sila Shiela, ipinabatid sa akin ni Aling Gina na nasa simbahan pa raw sila. Hinintay ko sila. Habang naroroon sa kanila ay inaya ako ni Aling Gina na makikanta sa Videooke subalit hiya ang pumigil sa akin pagkat duda ako sa aking tinig. Si Annie naman, todo pangungulit sa akin na kumanta na subalit nahihiya talaga ako. Inirekomenda sa akin ni Annie ang kantang aking kakantahin at di ko na siya napigilan ng i-post sa videooke ang number code ng kanta. Sa puntong iyon ay kinakabahan na ko pagkat first time ko lang bibirit sa videooke.

^Y-A. Nang malapit ng ma-play ang number code ng kanta, lalo pang lumakas ang kaba sa dibdib, si Annie naman ay todo kantiyaw sa akin at masaya kaming nagkulitan hanggang sa ma-play ang na-insert na number. Hiyawan sila Kuya Eric ng kumanta ako at para di piyok na parang basag ay nagboses babae na lamang ako, iyon kasi komportable sa akin at nakakanta ako ng maayos. Parang malaking tinik ang nabunot sa akin ng makakanta at tumingin pa ko sa songbook. Nang makapili ng kakantahin ay ini-insert ko ito. Maya-maya ay napakanta nanaman ako at habang kumakanta, ang pagdating naman nina Berna at Shiela galing simbahan. Inaya na kami ni Aling Gina pagkat magkakainan na at bago kami kumain ay nagkuhaan muna ng litrato. Talagang picture trip lamang kami upang ma-i-upload sa Facebook at walang hiyang nag-waki o pumowsing. Ilang saglit ay salo-salo na ang lahat ng bisita sa handaan.

^Y-B. Todo ingat ako sa bawat kinikilos at baka makabasag. Nabusog ako ng husto sa dami ng handang kinain at pagkatapos niyan ay nagkuhaan muli ng litrato. Buti pa sila Aling Gina kahit dukha lamang sila ay masaya ang kanilang pamumuhay, mas masaya pa sa amin. Nandon rin sila Ate Ajhing at iba pang kamag anak. Maya-maya’y bumalik ako sa videoke, si Berna naman kahit maitim ay murunong pa rin manamit at parang gintong kumikinam sa ganda ng boses. Tamang tingin lang ako sa songbook. Mukhang nasarapan na ko sa pagkanta at Nakadalawa pa ko bago umuwi. Alas-dos na pala ng makarating sa bahay at nadatnang tulog silang lahat. Natulog muna ako at Alas-kwatro ng magising, upang di masermunan ng walang humpay ay naghugas muna ako ng plato bago umalis. 

^Y-C. Nang matapos ang hugasin ay nagtungo muli ako sa binyagan. dami ng bisitang nag-uumpukan sa videoke at may inuman na rin, dahil malapit ako sa videooke at di makapunta ang nasa dulo sa sakit ng daanan ay ako na mismo ang taga-post ng number code ng kantang kanilang napili, ini-insert ko rin ang number natinandaan ko. Malapit na kong kumanta subalit nautusan si Annie at nagpapasama sa akin. Nang makabili ng ipinapabili ni Aling Gina ay dali-dali kami ng naglakad. Pagkabalik ay di ko na nakanta pa ang aking ini-insert pagkat ini-stop nila ng wala ako.

^Y-D. Kinagabihan, ang mga nag-inuman talaga ay lasing na at kung ano-ano ng sinasabi, may lasing na gustong tabihan ko siya pero di ako tumabi at baka anu pang gawin sa akin. Si Kuya Putot naman ayun at nagiging bayolente na at kung ano-ano na rin sinasabi, umalis na ko. Uuwi na sana ako ng makitang nagkukuhaan ng litrato sila Berna, itong Berna porket hawak ang camera ay kung sino sino ang pinipityuran. Nag-picture taking kami kung saan saan. Maya-maya ng makarami ng litrato ay kinailangan ko ng umuwi. Haggard ako ng labis at busog na busog sa kinaing handaan sa kanila.

May 16, 2013
Thursday
Year I-136

^Y-E. Tinanghali ulit ng gising at pagkabangon ay nakabukas ang Computer na may litrato ng isang Desert. Si Mama at Ate na dati walang kibuan ay mukhang nakaligtaan na at abala silang nag-uusap tungkol sa gagawing desert. Mas inuna ko munang mag-almusal kaysa itutok ang mata sa Computer. Nang makapag-almusal ay naupo ako sa sopa at hinihintay na magsawa ang ate sa Internet. Nang ipaubaya ay ako naman ang siyang sabik. Maingay ang tugtog ng kapit-bahay at upang di marindi ay nag-soundtrip ako sa pamamagitan ng Speaker subalit panay ang paninita sa akin ni Ate. Sa araw-araw na ginawa ng Diyos na nagpapatugtog ako, lagi siyang pakilamera at di ko ma-enjoy ang tugtog.

^Y-F. Mabuti pa kung wala siya at walang mangingialam sa akin, isa pa'y wala akong ginagawang masama. Mahina na nga ang tugtog ko subalit pilit pang pinahihinaan na parang nambubwisit na. Di ko na nga marinig ang aking tugtog sa lakas ng tugtog ng kapitbahay pagkat mahina, sa puntong iyon ay di ko napigilan ang emosyon at nagalit na sa kanya. Pag siya naman magpatugtog ay hinahayaan ko lamang pero kapag ako ang lakas ng loob mangialam. Muli ay nagsagutan kami at mukhang pinapalabas na ako pa ang masama. Di pa nakuntento ang bruha at nagparinig pa sa kapitbahay kung gaano raw ako kabastos, mas bastos siya kaysa inaakala sa akin at pati pagiging layas ko ay idinawit niya! Sinabihan pa ngang lumalandi raw ako kaya madalas ay nasa layasan, bagay na ikinapuyos ng aking damdamin. Makapagsalita’y kala siyang banal, mas daig pa si Lucifer kung umasta.

^Y-G. Para di lumaki ang gulo ay nanahimik na lamang ako. Simula ng nag-away kami nitong huling buwan, nag-iba na ang tingin ko sa kanya at di na ko komportable kapag kasama siya. Nagagalit ako pagkat ang hilig niyang mangialam at manghusga. Para makahinga sa sama ng loob, naisipan kong lumabas at nag-tutor kay Lauren Jay. Sa puntong iyon habang nandon ako kila Lauren Jay parang gumagaan ang loob ko pero nandoon nakatira ang kasamaan ng loob at di naman maaring paalisin. Pagkatapos ng tutor ay saka pa lamang ako nananghalian, sa lalim ng iniisip tungkol sa alitan naming dalawa, di ako ganadong kumain. Mabait akong tao pero huwag abusado pagkat masama ako magalit.

^Y-H. Kinahapunan ay nagtungo ako kina Regine (Miano), ibabahagi ko sana sa kanila ang hinanakit sa kapatid subalit nanghina ang loob ko at ibang Topic ang pinag-usapan namin. Para mabawasan ang bigat ng loob ay nilambing lambing ko ang kanilang anak. Maya-maya ay kila Angelica ako nagtungo, di ko na napigilan pa ang sarili at heto na nga at bumigay na ko, nasabi ko na kina Angelica ang tungkol sa sama ng loob kay Ate at maging tungkol sa sinabi niya. Maski sila di makapaniwala na ganon pala ang ugali ng kapatid ko pagkat mabait raw ito, kung sa bagay wala akong balak na siraan siya pagkat totoo iyon at pinaalalahanan na huwag ng ikalat. Si Aling Leleng na nanay ni Angelica, pinayuhan ako at salamat sa kanya pagkat pinagaan niya ang loob ko. Kahit hikahos sila sa buhay ay nagagawa pa rin nilang tumawa. Nabawasan man ang sama ng loob subalit andiyan pa rin at tulala akong naupo.

^Y-I. Iniisip ko na kapag dik o kinayang makisama sa kanya, naku at lalayas ako subalit ayaw kong padalos dalos pagkat masisira ang kinabukasan.  Naglalaro ang isip ko at di malaman ang hakbang na gagawin ko. Marahil ay lilipas rin iyan. Ngayong gabi rin ang proklamasyon ng anim na nanalong senador na sila Grace Poe, Loren Legarda, Allan Peter Cayetano, Chiz Escudero, Nancy Binay at Sonny Angara. Si Sonny Angara, ang lakas raw ng sex appeal sabi ni Miriam at totoo naman, maski ako'y bighani sa kanya at isa pa'y maganda ang pagmumukha niya at matangos ang ilong. Super I like him na as our Philippine Senator. Nang Alas-dyis na ay biglang bumuhos muli ang napakalas na ulan na sinabahan pa ng ihip ng hangin. Makakatulog sana kaming masarap subalit on duty ang mga mata namin sa takot na mabahaan. Dalawang oras lumipas ng tumigil ang ulan.

May 17, 2013
Friday
Year I-137

^Y-J. Hindi ko maunawaan na sa kabila ng pagiging mabuting anak o kapatid sa kanila'y parang ibang tao ang tingin sa akin. Masama at parang kriminal, aywan at nagalit lamang ate ko kaya nasabi ang ganung salawikain. Kahit malakas ang kutob na bugso lamang ng damdamin ay ayaw ko pa rin ikonsidera iyon at nakulo ng husto ang dugo kapag nakita siya. Ayaw ko rin lumaki pa ang gulo at minabuting manahimik na lamang. Tinanghali muli ng gising at pagkadungaw sa bintana ay kitang kitang abala ang mga Metro Aid sa pagtanggal ng mga Campaign Poster at slip na bakas ng nagdaang Eleksyon. Tapos na ang paghahanda sa Eleksyon at malapit nanaman pala ang pasukan. Matapos mag-almusal ay nagwalis ako at nagpunas. Tiningnan ko ang laman ng aking pitaka at marami na nga akong kwartang naipon, naisip kong na magtungo sa Ever mamayang hapon upang ipangbili ng fast Charger ng Cellphone. Goodbye na sa de-tanggal na bateryang Universal Charger.

^Y-K. Magtutungo sana ako kina Lauren Jay subalit bumalik nanaman ang init at iyon ang nagpatamad sa akin. Matapos mananghalian ay kaagad akong natulog pagkat may pupuntahan pa mamaya. Nagising ako sa lakas ng dagundong ng kulog at maitim na ang kalangitan. Kahit mukhang uulan ay tuloy pa rin ang balak kong mag-Ever at upang di maabutan ay may pagmamadali na ako sa pagkilos. Nagtanong si Mama kung saan ang punta ko at di ako nagsabi ng totoo, sa takot na baka di payagan. Nang makapagbihis ay nagmamadali na ko at sobrang natataranta na pagkat natatakot maabutan ng ulan. Salamat sa maykapal at agad nakaalis ang Tricycle. Nang makarating sa Sandigan, ang inakalang uulan ay tila nagbago ang panahon pagkat umaliwalas muli.

^Y-L. Panatag akong naglakad mula Sandigan hanggang Ever Gotesco Mall. Ng makarating sa Ever at kahit kinakabahan sa akin ginagawa'y lakas loob pa rin pumasok. Sa dami ng tao ay dahan-dahan akong tumuloy at di inintinding walang kasama. Nang makarating kung saan bilihan ng Charger ay nagtanong ako. Buti na lamang at may Charger na kasya sa unit ng cellphone ko, duda akong baka hindi gumagana kaya pina-testing ko at ng gumana'y binili ko na sa halagang dalawang daan. Sunod ay nagpunta ako sa Toms World, di sapat ang perang dala-dala kaya nagtingin tingin lang ako. Ilang minuto lang ako sa Toms world at kahit di makapaglaro'y Enjoy pa rin ako.

^Y-M. Naglibot-libot sa Ever at ng mapagod ay saglit na naupo. Naiingit ako sa ibang taong may kasama pagkat may kausap sila at upang di lamunin ng pagkabato'y nagtingin tingin ako ng pocket book sa Expression. Gustuhin man bilhin dahil magaganda ang kwento subalit di kaya ng bulsa. Bukod sa mga Pocket book ay marami pa kong makikita tulad ng mga Chart at mapa. Sa hilig magbasa ng mapa'y nagtingin-tingin ako at pumili. Tumagal rin ng isang oras ang pagpili ko ng mapa at ng makapili ay tumungo na ko sa Cashier. By region of country ang nabili ko kaya maraming mapa ang nabitbit ko.

^Y-N. Gumala pa ko sa Ever at ng mapansing dumidilim na ay kinailangan ko ng umuwi. Sa halip na maglakad ay namasahe na lamang ako para iwas-pagod. Pagdating sa bahay ay agad ko ng ginamit ang Charger at gumagana naman ito. Ang mga mapang pinamili, binasa kong husto at pinag-aralan. Di ko na nga namalayang hapunan na sa kakabasa. Nahiga ako saglit katabi si Mama at nagkwentuhan kami, na-appreciate ko na kahit napapagalitan ay mahal niya pa rin ako ng masahiin ako. Ngayong gabi na rin iproproklama ang tatlong nanalong senator. Matapos manood ng telebisyon, pagbabasa ng mapa muli ang inatupag ko. .

May 18, 2013
Saturday
Year I-138

^Y-O. Dahil sa malakas na pag-ulan kagabi ay hindi naging maaliwalas ang panahon ng umaga at nagbabadya pa nga ang pag-ulan. Magaan sa pakiramdam ang gising ko na wari'y nalampasan na ang lahat ng problemang napagdaanan, ang sugat na nilikha sa pag-aaway namin ni ate ay tila naghilom na rin at parang wala ng peklat na naiwan. Dakong Alas-otso na ko bumangon at agad na nag-almusal. Matapos ang agahan ay gatambak muli ang hugasin sa lababo at iyona ng pinag-ukulan ko ng oras. Maya-maya’y pagwawalis at pagpupunas ng sahig ang sunod kong inatupag, samantalang si Ate pagkatapos linisan ang sariling kwarto ay binuksan ang computer at kami'y nanood ng Missing You.

^Y-P. Kakatapos lamang ng gawaing bahay kaya nakinuod ako. Mga dakong Alas-dyis ng tumulak ang sariling paa patungo kila Lauren Jay. Saktong nandoon si Rona at sinabing kamag-anak niya sila Lauren Jay, binati ko siya at kinamusta. Si Lauren Jay, malungkot na nagbabasa at pilit man pinapaupo kung nasaan ako subalit nag-iinarte pa rin. Sinabi sa akin ni Aling Jojit na pinalo niya si Lauren Jay pagkat tamad itong magbasa. Naisip ko ang pakiramdam ni Lauren Jay ang ginawa sa kanya ng nanay at baka di makapag-concentrate sa pagbabasa kaya sinabi kong sa Lunes na lamang. Pauwi na sana ako ng biglangtawagin ako ng matandang babae pagkat may sasabihin sa akin. Curiosako sa matandang iyon kaya inalamko ang Personal Background niya. Nagpakilalang siya si Aling Ruby at dahil sa mahaba niyang salaysay ay napasarap ang aming usapan.

^Y-Q. Nang umalis siya kasama ang apo, ang anak naman niya ang nakausap ko at nagpakilalang Mang Robin, matagal na niya raw kakilala ang Mama ko pagkat magkakabayan sila. Gusto ko pa sanang kilalanin ang tunay nitong pagkatao subalit kinailangan ko ng umuwi. Nananghalian muna at matapos ay natulog. Nagising ako dahil sa kulog. Ang akalang uulan na, nagkakamali pagkat sumilip muli ang araw. Ang init tuloy sa paligid at dahil walang magawa ay nagkumpyuter muli ako. Habang nagkukumpyuter ang biglang pagpasok ni Ate Aying at nakipagtsikahan kay Mama.

^Y-R. Maya-maya’y si Mama naman ang gumamit at pinatingin niya kay Ate Aying ang kanyang mga photos. Nang maayos ni Papa ang Antenna ay pinatay na namin ang Computer at binuksan naman ang telebisyon upang matingnan kung may nagbago ba sa Reception nito. Nang sa una'y malabo ang program subalit ng maikot ang Antenna ay doon pa lang luminaw. Kabato sa loob ng bahay kaya naisipan kong lumabas, tutungo sana ako kina Regine subalit di natuloy ng ako'y tawagin ni Ate Angelyn. Nag-usap kami ni Ate Angelyn at nagpapasuyong i-upload ang kanilang photo sa Facebook. Wala naman akong maisip na masamang mangyayari kaya pumayag ako. Tuwang-tuwa siya ng pagbigyan ko. Habang nag-uusap kami, biglang tinawag ako ng Ate. Kahit may sama pa ng loob ay nagawa ko pa rin sundin ang kanyang ipinag-uutos, mahirap na at baka sumiklab muli ang gulo at saka di siya papaawat. Ng makapagpa-load para kay ate, nanatili muna ako kila Ate Sheryl at kami'y nagtsikahan. Dahil maraming kostumer ang bumibili sa kanya, paputol-putol ang aming pag-uusap.

^Y-S. Pagkauwi sa bahay, nanibago ako sa sala pagkat ang dating sopa na inuupuan, napalitan ng kahoy ng upuan at mas komportable pa. Dahil bagong bili, amoy na amoy ko ang humahalimuyak na varnish. Nadatnan kong naghahapunan sila kaya nakisabay na rin. Nagpalipas ng ilang sandali na matunawan at maya-maya'y ako'y lumabas. Piyesta bukas sa Taniman kaya naman may Coronation Night doon sa covered court. Sila Precious Jane, naka-gown at sinabing kasali ang pinsan niya sa Coronation. Di panagsisimula ang gabi ng kokoronahan at naisipang bumalik ng bahay. Habang naglalakad ay nagkita kami ni kumareng Rona kasama rin si Babylyn. Porket ako'y matangkad ay todo pang-ookray ang ginawa sa 'kin subalit iyon ay katuwaan lamang para sa akin. Ilang sandali pa'y nagtungo kami ni Rona kila Regine (MIano), kahit madilim na'y di kami patinag.

^Y-T. Pagdating sa kanila ay si Kuya Putot ang nadatnan namin. Kahit di magkakitaan sa isa't isa'y nagkwentuhan pa rin kama. Magkasintahan ang dalawa at hinayaan ko muna ang moments nila. Puro pangangantiyaw lang ang ginawa ko pero di sila napipikon. Pumasok ako sa bahay at nadatnang tulog na ang lahat ng kanyang mga kapatid maliban sa kanya na gising pa at binabantayan ang anak. Ng marinig na pumapatak ang ulan, kinailangan ko ng umuwi. Habang mag-isang naglalakad, nakasalubong ko sila Ate Bing, sinamahan ko sila hanggang bahay. Tumila ang ulan kaya nakapunta pa ko sa Basketball court. Tapos na ang coronation night at nadatnang puro mga Performers na sumasayaw ang nandun. Saglit akong nanood at maya-maya'y umuwi na. Alas-dyis na pala ng makita ko sa orasan at natulog.

May 19, 2013
Sunday
Year I-139

^Y-U. Piyesta ng San Isidro de Labrador na ngayong inaganap sa halip noong isang araw pa dahil sa halalan. Dahil piyesta ngayon, ingay ng tugtog ng aming kapitbahay ang nagpagising sa akin. Maaraw na subalit matamlay ang pakiramdam ko. Ang mga kasali kagabi sa Coronation Night, abala na sa paglalagay ng desenyo sa kanya-kanyang Parade float. Nakiusyoso ako at ang gagandang tingnan ang mga kalahok ng Taniman. Hapon sana gaganapin ang bonggang Santacruzan subalit ginawa itong maaga sa takot na di matuloy dahil sa ulan. Ilang saglit pa'y nagsimula na ang Santacruzan. Sa halip na sumama sa Parade, binalak ko na lang maglaba. Hinayaan ko munang matapos si Mama sa paglalaba at ng makapagsampay, sinimulan ko ng maglaba. Kahit piyesta, Busy day pa rin ako sa gawaing bahay at sa hirap ng buhay, di namin nagawa pang maghanda.

^Y-V. Makalipas ang halos tatlong oras na paglalaba, sa wakas at natapos rin kaso ubos na ang aking lakas. Sa pagod, nakaramdam ako ng matinding gutom. Buti na lamang at nakaluto na si Mama kaya todo banat ako sa pagkain. Dinig ko ang nakakabinging tugtog ng kapitbahay kaya nag-soundtrip ako. Makalipas ang ilang minuto, bigla akong nakaramdam ng pananakit ng tiyan at dali-daling sumugod sa banyo.  Maya-maya’y pinatay ko ang Computer at natulog. Bahagyang tumindiang init kinahapunan kaya naisipan kong magsorbetes ng sa ganon mabawasan anginit at naligo. Dahil walang magawa kaya binuksan ko muli ang computer at malaya akong gawin angnaisin pagkat nagteteyk ng Board Exam ang ate, makapasakanya kaya sa pagiging CPA. Habang abala sa pakikipag-chat, saktong dumating si Mama galing Grocery at may dalang pasalubong. Iyon ang meryenda namin ng kuya at talagang naumay ako sa Jumbo Hamburger.

^Y-W. Medyo bwinebwenas nga naman sa pagkain pagkat pagdating naman ng Ate galing sa Board exam, Pizza naman ang pasalubong niya at pinagpyestahan namin iyon. Kahit di naghanda si Mama para sa piyesta, nabusog pa rin ako dahil sa Pizza at hamburger. Kinagabihan, sa mga nagdaang piyesta ng Taniman na puro Santacruzan at coronation lang ang ginaganap para sa mga babae, ngayon first time na magkakaroon ng Miss gay. Pagkakataon na ng mga bakla ibandera sa naghihiwayang madlang people ang natatanging ganda nila. Curious ako kung sino-sino ang mga kandidata kaya pagkatapos maghapunan ay lumabas ako. Saktong tutungo rin dun si Poypoy at nakisabay ako sa kanya. Di pa naman nagsisimula ang gabi ng patimpalak para sa naggagandahang binabae kaya naisipan namin magtungo sa taas, nagbabakasakaling nag-remit na sila Regine (Cebrero) at Rachel.

^Y-X. Pagdating sa Remittance Center, di namin nadatnan ang magkapatid kaya umuwi na lang kami. Kaagad kaming nagtungo sa BasketballCourt upang subaybayan ang Miss Gay Pageant. Kalat kalat na ang mga baklang nakikita ko subalit di sila kasali at mga audience lang pala. Nang makita si Regine at iba pa niyang kasama, nakigrupo kami sa kanila. Dahil parehas kaming bulaklak, todo udyok sa amin si Regine at Berna na dapat ay sumali kami. Inaamin ko na nais ko rin sumal idiyan kaso baka tutol ang mga magulang ko para diyan. Ayaw kong idaan sa ganda lang at kailangan may utak ka rin kung lalaban ka sa ganyang contest. Maya-maya’y nagsimula na ang pageant, ang mga audience, tiliin ng makitang malanding rumarampa ang bakla at halatang tunay na babae dahil sa kasuotan.

^Y-Y. Sa puntong iyon, naiisip ko na ang mga bakla, ayusan mo lang sila ay magmumukha ng babae at pupwede iyon sa isang katulad kong binabae. Nang sumunod pang kandidata, lalong lumakas ang hiyawan ng manonood pagkat ang baklang rumarampa ay si Jolius. Tawanan lahat at nagbubunyi naman ang mga bakla ng sabihing kaming mga bakla ang titikim sa mapaklang saging ng lalaki at iyon ang tumatak sa utak ko sa lahat ng sinabi niya. Nang swimsuit competition na, patalbugan ang mga bakla sa suot nilang Two Piece. Ang pangangatawan ni Jolius, sexy at flawless ang legs at saka matangkad siya kaso dry pa rin tingnan. Nang ianunsyo na ni Ramona kung sino ang Miss gay 2013, kanya kanyang sabi ng pambato ang mga audience and the winner is Jolius aka Maria theresa Akira Regina, ang habang pangalan. Di pa kami umuwi pagkat may intermission number pa, nagulantang ang lahat ng may maskuladong lalaki ang sumayaw at ang lulupit ng mga Moves niya. Sa lahat ng nag-perform, siya lang ang bukod tanging Havey and the rest is Waley na. Pagkauwi, Alas-onse na pala kaya minabuting matulog na.

May 20, 2013
Monday
Year I-140

^Y-Z. Nagising ako dahil sa alarm ng aking telepono. Pilit ko pa rin idinilat ang mga mata subalit nauuwi pa rin sa pagkahimbing at nagising muli ang diwa ng mag-alarm muli ang aking telepono. Matindi talaga ang aking antok kaya pinatay ko at umidlip. Sa katakawan ng tulog, halos mga Alas-otso na ko nagising. Naupo saglit habang humihigop ng mainit na kape. Matapos uminom ng kape ay agad ko ng inatupag ang paghuhugas ng plato. Naging makulimlim ang panahon at nagbabadya pa ng pag-ulan, nanaisin na ganito ngayon ang kalagayan ng panahon kaysa tagaktak ang pawis sa tindi ng init. Pagkatapos maghugas ay pagwawalis naman ang sunod inatupag ko. Wala si Ate pagkat may Exam pa sila, walang maninita at mang-uutos sa akin. Ang mga Metro Aid naman, ipinagpatuloy ang pagtatangal sa mga Campaign Poster at isang tonelada na ang nahakot.

^Z-A. Matapos ang gawaing bahay, ako'y nagkumpyuter. Nakakainis lamang pagkat mabagal ang Internet Connection, di tuloy makapag-acess sa ibang Social network. Makalipas ang tatlumpong minuto, si Mama naman ang gumamit at binilinan ko siya na i-shutdown ng maigi ang Computer pagkatapos gamitin pagkat may tutorial pa ko kay Lauren Jay. Bahagyang sumilip ang bukangliwayway kaya napiliting magpayong patungo sa kanila. Kumakain pa lang si Lauren Jay kasama si Princess at saglit akong nag-abang. Maya-maya’y nagsimula nackaming magbasa. Gayun pa rin, may konting improvements subalit kailangan paniyang i-enhance ang paraan ng pagbigkasin every word that we have encountered while reading. Inabot kami ng dalawang oras sa pagbabasa at ng matapos, agad siyang dumeretso sa kama at natulog. May pera nanaman ako at isinuksok ito sa Kalupi.

^Z-B. Pagkatapos kumain ay umidlip ako. Mga Alas-dos na ko nagising at dama ng husto ang init subalit may pagkulog muling nauulinig. Pagpunta kila Che-che, nadatnan kong nanonood sila ng telebisyon. Nagsi-alisan lahat ng nag-uumpukan sa sala matapos ang pinapanood at saka lamang nakapagsimula sa tutor. Si Isay ang panibago kong estudyante kapalit ni Arianna at pinagsabay ko sila sa tutor. Medyo bulol si Isay at mahirap talagang ituwid kahit ilang ulit pagbigkasin. Ang mga bata, saksakan ng kulit at puspusang saway ang ginawa ko, ng di makuha sa santong usapan ay sinigawan ko na. Sabi ni Ate Rowenna at nanay ni Isay, sa linggo ko matatanggap ang kanilang bayad. Pumayag naman ako ng sa gayo'y isahang bayad na lamang raw. matapos sa dalawa ay tumungo ako kina Regine subalit nasa Tandang Sora ang mga ito.

^Z-C. Kina Angelica ako gumawi at nakipagtsikahan sa matatandang paistambay sa tabi ng sapa. Si Baby Christian na ang Cute, pinisilpisil ko ang pagmumukha bilang paglalambing. Nang makita si Angelica, ay saka lamang nagsimula ang kwentuhan. Abala ito sa pagpapaningas ng kalan. Nang mapansing kumakagat na ang dilim, kinailangan ko ng magpaalam sa kanila. May ngiting nagpaalam sa akin at sinabihang bumalik pa raw. Pagkauwi at dahil walang magawa, nagtunaw ako ng krayola at inilagay ang Melting wax sa canister upang mamuo. Pinagkaabalahan ko iyon hanggang sa mawala ang init ng kalan. Nagkakainan na sila ng matapos ko iyon kaya sumabay na rin. Nanood ng telebisyon at ng matapos panoorin ang paboritong programa ay nahimlay na sa kama. Di ako makatulog ng komportable dahil Sa init ng panahon subalit nakakabingi ang katahimikan sa lugar namin.

May 21, 2013
Tuesday
Year I-141

^Z-D. Dalawang linggo na lamang pala ang nalalabi bago ang pagbabalik eskwela at bilang na rin ang mga araw bago ang aking kaarawan. Ang takbo talaga ng panahon, napakabilis at madadagdagan nanaman ng isa ang edad ko. Ang kagabing saksakan ng kalmado, kasalungat ng umaga pagkat maingay na dahil sa mga Metro Aid na naglilinis sa aming baryo. Nagmumug at matapos ay nag-almusal, iyan ang madalas kong gawin sa pang araw-araw. Matapos mag-almusal ay iniligpit ko ang higaan at naghugas ng plato. Si Mama naman, abala sa paglalaba at appreciate ko ang pagiging masipag na ina niya sa amin. Siya ang naglalaba at sa tanghali't hapon, nagluluto. Talagang mahal kami ni Mama at ipagmamalaki ko iyon. Matapos ang gawaing bahay, binuksan ko ang Computer. Habang abala sa pagkukumpyuter, biglang dumilim ang kapaligiran hanggang sa bumuhos ang ulan.

^Z-E. Basa pa ang sinampay kaya hinayaang maulanan. Ang mga batang uhaw sa haplos ng ulan, iyon at masayang naliligo at nagtatampisaw sa rumaragasang tubig. Marahil nga'y simula na ng Rainy Season. Nang tumila ang ulan, dumeretso ako kila Lauren Jay. Maski silang magkapatid ay kakaligo lamang sa ulan. Si Princess lang nadatnan ko at di mahagilap si Lauren Jay. Todo hanap si Aling Jojit kay Lauren Jay at habang hinahanap ito, kinausap ko muna si Angelie na nakadungaw sa bintana kasama si Ate Che-che. Maya-maya ng makita si Lauren Jay ay saka pa lamang nagsimula angtutor ko sa kanya. Isang oras na pagbabasa at para maiba'y itinuro ko na rin sa kanya kung paano mag-solve ng times at divide. Maski sa Mathematics ay mahina ito at ang bagal sumagot.

^Z-F. Nang Ala-una na ay sinabi ko na kay Aling Jojit na tapos na ang tutor ko kay Lauren Jay. Binayaran niya ko at sabay umuwi, saka pa lamang ako nananghalian pagdating ng bahay. Matapos lumamon ay saglit akong nagpahinga. Madilim-dilim nanaman ang kalangitan ang sumalubongcsa akin na may kasamang kulog, hinuhudyat na babagsak muli ang ulan. Mukhang di ako makakatuloy sa bahay nila Cheche dahil sa nagbabanta ng pag-ulan subalit ng lumipas ang ilang sandali'y bahagyang lumiwanag at nagpakita pa ang makulay na bahaghari. Tuloy ang Tutor ko kay Isay at Cheche. Pagdating sa kanila, nadatnan kong nanonood muli sila ng telebisyon kaya ako'y naghintay. Nang matapos ang kanilang pinapanood ay saka pa lamang ako nagsimulang mag-tutor sa dalawa.

^Z-G. Alas-singko na ng matapos ang tutor ko sa dalawa at humihirit pa hanggang Alas-sais subalit di na kayang bayaran ng kanilang nanay. Dideretso sana ako kila Shiela subalit ako'y tinatamad. Pagkauwi, kalunos-lunos na balita ang aking napanood na ngayon lamang nangyari sa kasaysayan pagkat nagkaroon ng malaking buhawi sa America na ikinapinsala ng maraming ari-arian. Sa sinapit ng kanilang lugar, mukhang mahihirapan silang makabangon at napakatindi talaga ng pinsalang iniwan ng dambuhalang buhawi. Nagpapasalamat ako sa maykapal pagkat hindi dito tumama ang ganitong delubyo at kung nagkataon ay paano na kaya tayo. Sa Ina Kapatid Anak naman, ang ganda-ganda ng eksena pagkat nagkaayos na sila Margaux at Celyn at sana di na sila mag-away pang muli. Matapos manood ay saglit na nagbasa at ng dalawin ng antok ay natulog na ko. Naging kalmado muli ang gabi na nagpasarap sa tulog ko.

May 22, 2013
Wednesday
Year I-142

^Z-H. Alas-singko pa lamang ng umaga ay dilat na ang dalawang mata at nawala na rin ang antok kaya bumangon na ako mula sa kama. Ang kahapong maulan at makulimlim ay kasalungat ng ngayon pagkat malinis ang kalangitan at mukhang maaliwalas sa buong maghapon. Matapos mag-almusal ay naghugas ako ng plato at sunod na aking ginawa ay maglaba. Mukhang ang taas ng energy ko kaya ako'y sinisipag. Upang di mabato habang naglalaba, ako'y pakanta-kanta hanggang sa magbanlawan. Mistulang Karaoke Queen na ko sa kakabirit at keri pa ang maraming awitin. Sa huling banlaw ay doon ako napabirit ng todo-todo at halos mabulabog na ang buong Universe sa mala-Songbird kong tinig. Si mama ang nagsampay at saglit akong umupo upang mag-ipon ng lakas.

^Z-I. Maya-maya’y nagkumpyuter muli ako. Matapos magkumpyuter ay nananghalian muna ako bago mag-tutor kay Lauren Jay. Tinolang manok ang ulam namin at sa lagkit ng kanin, mistulang Aruzcaldo ang ulam ko at nilagyan pa ng Patis. Sa sarap ay nakatatlong plato ako kaya sobrang nabusog ako. Pagkatapos ay nagtungo na ko kila Lauren Jay. Pinabasa ko sa kanya ang textbook at mukhang bumibilis na ito. Pansamantalang natigil ang tutor kay Lauren Jay sapagkat kakain sila ng pancit na inuluto ni Aling Jojit. Sa kabusugan ay todo tanggi ako ng aluking kumain subalit ayaw kong isipin nila na matapobre ako kaya napasubo na rin.  Nagpasalamat ako kay Aling Jojit. Birthday pala ng kanyang kapatid kaya siya naghanda ng pansit.

^Z-J. Instead of taking 2 hours in tutorial for Lauren Jay, it has been one any half hour only because I feel stomachache and I cannot teach him anymore. Marahil ay napadami ang kain kaya nanakit na ang tiyan at di ko na matiis ito. Pagkaalis ay dumeretso agad sa banyo at inilabas ang masamang laman. Hayahay ang moda pagkatapos magbawas at ako'y natulog. Kahit mainit ang panahon ay naging masarap pa rin ang tulog ko at sa kasarapan ay Alas-kwatro na nagising. Muntik ng di matuloy ang tutor ko kila Che-che at Isay pagkat Alas-kwatro na nagising subalit tumungo pa rin ako. Nakakabasa naman ng ilang baybayin si Cheche subalit pagdating kay Isay, ngongo sa kabululan at dahil siyam na taong gulang na, pinapatuwid ko ng husto ang kanyang pagbigkas.

^Z-K. Matapos ang tutor ay nagpagupit ako. Si Kuya Putot sana ako magpapagupit subalit di niya kaya ang Style ng gupit ko. Umakyat pa ko at kay Mang Usman pa nagpagupit. New look nang magupitan at may pagmamadali ako sa pag-uwi pagkat nagbabadya nanamang umulan. Di kami nakanood ng telebisyon pagkat kumikidlat at kumukulog. Kidlat at kulog lang, di pa umulan at kitang-kita sa kalawakan ang pagguhit ng matatalim na kidlat. Habang nasa duyanan, nakita ko si Melanie kasama sila Junjie. Tinanong ko siya kung tuloy ba ang bible study nila at “Oo” ang tugon. Dahil wala akong kakilala sa Bible study, sinamahan ko si Melanie sa pag-akay sa mga kakilala ko. Inakay namin sila Poypoy, Regine, Rachel at Ate Angie. Nag-akay rin si Melanie ng iba pang kakilala at ng kumpleto na kami, nagsimula na ang bible study.

^Z-L. Pareho kaming lalaki ni Poypoy pero pusong babae kaya sa Bible Study ng girls kami belong. Because the girls are separated from boys as well as Adult separated from Youth. Ang topic ay di ka aksidenteng ginawa ng maykapal. Parang si Pastora Anna kung mangaral si Melanie at dami namin natutunan sa kanya. Sinabi niya na once papasukin si God sa puso mo, sa kanya mo mahahanap ang ligaya na hinahanap mo sa iba at na-realize ko iyon. Sa kalagitnaan ng kanyang pagtuturo ay dumating si Babylyn kasama ang mgakatropa nito. Mukhang dumadami kami at matapos ang Bible Study, ang mga baguhan ay pinagsagot sa slip at isa ako dun. Dami namin tawa kay Babylyn pagkat lakas mang-trip at puro kabalbalan ang sinasabi. Pagkalabas ng kapilya, humupa na ang pagkidlat kaya nakanood pa ko ng Ina Kapatid Anak. Nakakainis ang kapatid ko pagkat gabi-gabi na lang sa tuwing nanonood kami, sigaw ng sigaw. Madalas ay nasasaktan namin siya. Matapos manood at dahil di pa inaantok ay nakipagtiktikan muna ako kay textmate.

May 23, 2013
Thursday
Year I-143

^Z-M. Madaling araw ng magkamalay ako dahil sa ingay ng alaga naming aso. Si Jayson, tahol ng tahol at di malaman kung sino ang tinatahulan. Pinabayaan ko na lang sila at muling natulog subalit nawala na ang antok ko. Maya-maya’y nagising si Mama at sinaway ang dalawang aso, nakakairita na ang ingay nila. Tumigil sa pagtahol ang dalawa subalit di naman ako makatulog. Alas-kwatro na ng umaga at di pa rin ako inaantok, umidlip pa rin hanggang sa makaramdam ng antok. Tumunog ang alarm ng aking Cellphone subalit sa kakulangan ng tulog, pinatay ko iyon at pumikit. Mga Alas-otso ng muling magising. Kalmado na ang kapaligiran, malayo sa napakaingay kagabi dahil sa tahol ng mga aso. Inaantok pa rin na siyang nilabanan ko upang kaharapin ang responsibilidad na nakaatang sa akin. Humigop lamang ng mainit na kape at matapos ay naghugas ng plato.

^Z-N. Para sumigla-sigla ang nararamdaman ay nagpatugtog ako. Di man lang napagod ang katawan matapos magwalis at magpunas. Naupo pansamantala sa upuan at maya-maya dahil di makatiis ay binuksan ko ang Computer. Nanood ako ng Missing You sa Iwantv, nakakikilig ang bawat eksena ng sundan ni Julius si Zooey at pinapaaming siya si Joy Lee. Tatlong episode ang pinanood ko kaya inabot ako ng isang oras. Nanood rin si Papa ng paborito niyang programang Juan Dela Cruz at grabe pagkat ang kisig ni Coco Martin. Sa pagsapit ng tanghali pa lang namin naisipang patayin ang Computer. Alas-dose na at di na ko nakapag-tutor kay Lauren Jay. Nakakabato sa bahay kapag walang magawa kaya nagtunaw muli ako ng colors at inilagay sa Canister.

^Z-O. Matapos ang antukin ay nahiga ako sa matigas na kama at natulog, di inalintana ang init na hatid ng haring araw. Pagkagising ay dumeretso ako sa bahay ni Cheche upang mag-tutor. Dinala ko ang Text Book at ballpen upang gamitin sa oras ng pagtuturo ko sa kanila. Nakakabasana ng tagalog si Cheche kahit di senyasan at lubos ko iyong kinakatuwa subalit nabubulol pa rin si Isay. Matapos ang tutorial sa dalawa, nagtungo ako kila Regine (Miano). May kuryente na sila kaya tutok ang mga mata nila sa kakanood ng pelikula, si Regine naman ay abala sa paghehele sa anak at maaga rin silang naghapunan. Maya-maya’y sa bahay ni Kumareng Shiela na di kalayuan kila Regine naman ako nagtungo. Nagtsikahan kami at nakakakilig pagkat pinag-usapan namin ang tungkol sa lovelife ni Shiela.

^Z-P. Nagkatotoong naging sila na ngayong asawa niya. Kung tutuusin ay may hitsura si Kuya Eric at di siya magagalit kung magka-crush ako dun. Bukod sa pogi, swerte si Shiela pagkat magalang, mabait at responsable ang asawa niya. Sa dinami-dami ng aming pinagtsikahan magkumare, inabutan na ko ng dilim kaya naisipan ko ng umuwi. Bago pa man umuwi ay nagpapagawa sa akin si Shiela ng Facebook account. Pumayag naman ako at ng maibigay ang E-mail at Password ay umuwi na ko. Matapos maghapunan at dahil nanonood sila ng telebisyon ay lihim akong lumayas patungong Computer Shop. Naging mahirap sa akin ang gawan siya ng Facebook account pagkat mabagal ang net. Bumilis ito kinalaunan kaya success ang paggawa ko ng account sa kanya. Alas-otso na ng makauwi ako, manood sana ako ng palabas subalit sa ingay ng kapatid ko nasumisigaw, di natuloy at naisipang manood sa iwantv bukas. Nagbasa lamang ako ng mapa at nag-compose din ng kanta, ng makaramdam ng antok ay natulog na ko.

May 24, 2013
Friday
Year I-144

^Z-Q. Kaarawan ng pinakamamahal at paborito kong tiyahin na si Tita Susan. Ipinapagsalamat ko sa Diyos pagkat nakaabot pa sa ganong edad ang aking tiyahin at sana ay mabuhay pa siya sa mahabang panahon. Sayang at di ako makakapunta, di ko tuloy siya mabati-bati. Malapit na rin ang aking kaarawan, ano kayang handa ko sa aking kaarawan? Alas-singko pa lang ng umaga ay gising na ko, di na nakakaramdam ng antok kaya bumangon na rin. katulad ng nakagawian tuwing umaga, nag-almusal ako at matapos ay naghugas ng Plato. Sunod na gumising sina Ate Leslie at Kuya Al, marami na kong nagagawa ng gumising sila. Ang ate talagang kabado na pagkat lagumang pagsusulit nanaman sa Linggo at Lunes. Kahit na masama pa ang loob ay nagawa ko ng kalimutan iyon at nag-usap kami.

^Z-R. Parang gumaan ang loob ko sa kanya at iniisip na magkakaayos na kami, katulad lang ng nangyari sa buhay nila Celyn at Margaux na mortal na magkaaway pero nagkaayos sa huli. Matagal na panahon na rin di kami nag-uusap at nagkikibuan. Maya-maya matapos magwalis at magpunas ng sahig ay binuksan namin ang Computer at pinanood ang Missing You at Ina Kapatid Anak. Dalawang programa ang pinanood namin na itinagal ng isang oras. Sa puntong iyon ay mukhang close na kami sa isa'tisa subalit mahirap pang ipangako na di na muling mag-aaway. Matapos ang Ate ay ako namanvang nagkumpyuter. Pumasok ito ng kwarto at tulad ng ginagawa niya sa loob ng ilang buwan ay puro repaso siya. Iyon ang ikinakahanga ko sa kanya na kahit maytrabaho, nagagawa pa rin mag-aral at pursigidong makapasa sa Exam.

^Z-S. Habang nagkukumpyuter, dumating si Lauren Jay at sinabing di muna magpapa-tutor pagkat wala silang pambayad. Naiintindihan ko kung wala talaga sila ngayon at kausapin na lang ako kapag handa na muling magpa-tutor pagkat di ako mapilit. Nakaluto na si Mama ng ulam ng pinatay ang Computer. Matapos kumain ay dumeretso ako sa kusina at nagtunaw muli ng krayola. Maya-maya pa, nakaramdam na ng antok kaya natulog ako subalit inatake nanaman ako ng Insomia at di makatulog. Bumuhos ang ulan ng ako'y dumilat at sinabayan pa ng pagkulog, nadatnan ko rin na papaalis si Mama. Sa takot sa napakalakas na kulog, nagtakip muli ng teynga.

^Z-T. Sandali lang ang ulan at puro kulog kidlat lamang ang nangyari. Bumangon ako at nagmeryenda, maya-maya ay dumating na si Mama at may dalang pasalubong. Busog na ko kaya kukonti lang nakain ko. Matapos magmeryenda'y gora na ko sa bahay nila Cheche. Sa dalawa kong estudyante, si Isay ang napakakulit kaya naman nasumbong ko siya kanyang nanay. Tumino naman ng pagalitan at makalipas ang isang oras, natapos rin ang aking tutorial sa dalawa at agad na dumeretso kila Shiela upang ipabatid nanagawan ko na ng Facebook account. Laking tuwa niya ng sabihin iyon at saglit lamang ako sa kanila pagkat may lakad pa ako. Balak kong tumungo sa bahay nila Tita Jean upang manghingi ng plastic cups, ng nasa Ison Site ay saktong nakita ko sila Tita Jean na namamalengke at kasama niya rin si Mama at Kuya.

^Z-U. Sinamahan ko sila hanggang sa bahay at kasama rin sila Mama. Nagtsikahan si Mama at Tita Jean samantalang abala sa pagluluto si Itang. Dahil kasing edad ay siya ang nakausap ko. Si Amihan naman ay mistulang uling na sa kaitiman at nag-iba rin ang boses, marahil ay dahil nagbakasyon sila sa probinsyang saksakan sa init subalit lutang pa rin sa kaputian si Tita Jean. Saglit lang sila Mama at kaagad na umalis, nagpaiwan ako at nanatili sa kanila. Nagkwentuhan at kamustahan ang ginawa namin ng Tita. Balot na sa kadiliman ang buong kapaligiran ng umuwi ako at ilaw lamang mula sa street light ang siyang nagbigay liwanag. Saka pa lamang ako naghapunan pagdating ng bahay. Habang nanood ng telebisyon, biglang may narinig kaming sigawan. Dahil kalmado ang kapaligiran, boses ni Ate Lorlie at Kuya Junior ang maaulig na nangingibabaw sa pakikipagtalo. Sa dalas mag-away ng mag-asawa, sanay na kami sa ingay nila. Tumagal pa ng isang oras ang pag-aaway nila at nasundan pa ng batuhan at pagwawala. Humupa ito kinalaunan at nasira tuloy ang panonood ng telebisyon. Intidihin na lang sila siguro pagkat may pinagdadaanan ang dalawa at di sa amin nakasalalay kung sila magkakaayos, wala kaming pake.

May 25, 2013
Saturday
Year I-145

^Z-V. Naging malamig ang umaga na nagpaginhawa sa gising ko. Alas-siete ng umaga ng ako'y magising at agad ng bumangon. Humigop ng mainit na kape upang maibsan ang lamig na nadarama. Maingay na sa kapaligiran at samu't saring boses na ang maririnig. Apat na tulog na lamang ang nalalabi at bukas ay kaarawan ko na. Di ko hangad ang maraming handa at ang mahalaga ay makakaabot ako sa ganong edad. May balak sanang maglaba subalit naunahan na ni Mama na nagkukusot na. Naghugas na lamang ako ng plato at habang naghuhugas ay nakaramdam ako ng pananakit ngs ikmura, napasugod tuloy ako sa banyo ng wala sa oras. Bahagyang guminhawa kaya naipagpatuloy pa ang gawaing bahay subalit sumakit nanaman ang aking tiyan. Ilang beses na kong pabalik-balik sa banyo at malatubig na dumi lang ang nailalabas. Naupo ako at nakaramdam ng panghihina, marahil ay nausog ko ang anak ni Tita Jean kahapon ng di namamalayan. Bumalik naman ang dati kong lakas ng makapagpahinga.

^Z-W. Maya-maya’y tumungo na ako kina Aldrian upang manghingi ng patapong plastic cup. Marami sila nun kaya nakarami ako sa pangongolekta ng Cups, nagtsikahan pa kami saglit at maya-maya ay nagpaalam na ko. Kulang pa ang nakukolekta ko at nagbahay-bahay pa. Kakarampot lamang ang ibinibigay sa akin kaya napilitang magtungo sa Taas. Hindi ko inalintana ang init sa pagpunta doon at ng makarating, thank God sapagkat limpak limpak na plastic cups ang naipon ko na halos di na magkasya sa bulsa, Pagdating sa Taniman ay may tumawag sa akin, si Rhea pala iyon kasama si Ate Rochelle at Ate Ruby Ann. Tsinika nila ako ng husto at nakipagtsikahan na rin ako sa kanila, grabe pagkat nakakatuwa silang kausap. Sa dami ng napag-usapan ay nalipasan nang gutom kaya kinailangan ko ng umuwi. Ako na lang pala ang hindi nakakapananghalian kaya kaagad akong bumanat.

^Z-X. Nang matapos kumain at dahil walang magawa'y naisipan muling magkumpyuter at nang magsawa'y saglit akong natulog. Hindi kasarapan ang tulog ko dala ng init. Bahagyang namab kumulimlim at mukhang uulan na pagsapit ng hapon. Kakabato talagang manatili sa bahay kaya lumamyerda muli ako sa Recrap. Saktong nakita ko sina Aicelle at Angelica na nakatambay sa tabing sapa at nakipagdaldalan ako. Dami nilang tanong sa akin kaya nawala sa preno ang aking pananalita. Si Ate Lenlen naman, abala sa pagsisilong ng mga sinampay pagkat uulan na. Dahil kakilala ko siya ay walang hiyang pumasok sa kanyang bahay. Nagbigay aliw sa akin ang mga maliliit niyang anak. Kahit nasa hustong gulang na ay nagawa ko pa rin makipagharutan sa kanila at ng mapagod ay umuwi na rin ako.

^Z-Y. Madilim-dilim na ang kalangitan at hinahampas na ng malakas na hangin ang mga puno subalit hindi pa umuulan. Habang kumain ng hapunan ay biglaan na lamang kumidlat, di tuloy kami makanuod. Habang nakaupo ay saktong nakita ko si Ate Nene at tinawag ko siya. Inuudyok niya ko na sumali sa pinapasukan niya at katwiran nitong yayaman daw ako. Di ako basta pasilaw at malay ko sa business na sinasabi niya at wala akong alam hinggil diyan. Ilang ulit niya kong kinukumbinsi subalit ayaw ko talaga at baka Pyramid scam iyon. Di ako nakasisigurado sa hinala ko subalit malakas ang kutob ko. Maya-maya’y inutusan ako ni Mama na bumili ng ulam para sa mga alagang hayop.

^Z-Z. Habang naglalakad, may isang lalaki ang humarang sa dinadaanan ko at pangiting tinananong kung anong pangalan ng kausap ko kanina. Sinabi ko ang pangalan at may pakantiyaw na sinabing may gusto raw siya dun.  Sa mgap angiti-ngiti niya at sa maamong mukha ay mukhang biningwit niya ang kalooban ko. Matagal ko na siyang nakikita pero bakit parang umiinit ako? Ng makabili at pabalik sa bahay, nagkita nanaman kami at todo pangungulit ito. Sa halip na mapikon ay nasisiyahan pa nga ako. Iniwas ko ang lingon sa kanya at direderetsong umuwi. Maski sa aking pagtulog ay di ko maintindihan kung bakit ganon ang naramdaman ko sa kanya. Batid kong bakla ako na normal umibig sa lalaki subalit parang may mali pagkat di ko pa siya lubusang kilala, ni pangalan nga'y di ko pa alam.

May 26, 2013
Sunday
Year I-146

 ^2A-A. Nang madaling araw ay maaga akong nagising dahil sa ingay ng sipol ng aking dibdib. Mukhang inaatake nanaman ako ng hika at bumabalik ito. Sila Mama at Ate na nasa kabilang katre, dinig ang pagsipol ng aking dibdib. Hirap rin ako sa paghingacna parang hinahabol at nagsimula na kong ubuhin. Marahil ay dahil sa weather condition anytime will change kaya ako hinika o dili kaya dahil sa stress, simula pa kasi pagkabata ay hikain na talaga ako subalit guminhawa naman ng ako'y lumaki. Natatakot ako na baka bumalik nanaman ang sakit na dinanas ko sa loob ng apat na taon at iyon ay Tuberculosis. Nawala naman ang pagsipol ng aking dibdib kinalaunan kaya nakatulog pa ko.

^2A-B. Sumikat na ang haring araw ng magising muli at himala pagkat ang kaninang hirap sa paghinga'y guminhawa na ngayon, di na rin ako inuubo subalit nag-iingat pa rin at baka bumalik. Habang humihigop ng mainit na kape, kapansin-pansing maraming mga matatanda ang mayhawak ng walis-tambo. Maglilinis pala sila ng kalsada habang abala sa paghahakot ng basura ang iba, maingay tuloy sa aming lugar dahil sa kanila. Matapos magkape ay nagtungo ako kina Rhea upang alamin kung anong unibersidad ang nag-aalok ng kursong Education at alam nila iyon. Sinabi ng nanay ni Rhea na sa Philippine Normal University ang unibersidad para sa Teacher at doon rin mag-aaral ang anak niya pagtungtong ng kolehiyo. Ipinaalam rin niya na exam na sa November at ikukuha raw ako ng form, ngayon pa lamang ay umiiral na ang kaba ko pagkat hati ang pananaw ko kung papasa ba o hindi. Sa sobrang kaba'y kinausap ko na si God at hiniling na tulungan sa darating na exam. Sinabi ko kay Mama ang school na aking papasukan at di naman ito tutol basta't huwag pakatanga.

^2A-C. Masaya na rin ako sa naging reaksyon ni Mama at matapos ang pag-uusap ay sinimulan ko na ang gawaing bahay at sunod ay nagkumpyuter. Isang linggo na lamang ang bakasyon kaya dapat ng sulitin sa pagta-tag at chat. Ng sumunod ay si Mama naman ang gumamit. Naging mainit kinatanghalian kaya kami'y todo paypay at di din nakakabigay lamig kahitelectric fan, matapos kumain ay natulog muna ako. Pagkagising ay umuulan na subalit panandalian lamang ito. Nagtungo ako kay Ate Rowenna upang singilin siya sa tutor. Nagbayad naman ito subalit kulang at sinabing bumalik na lang mamaya, wala raw kasi itong panukli. Pagkauwi’y saktong dumating si Papa galing Batangas at may dalang maraming pasalubong, pinagpyestahan-namin ito at ng maumay ay sabay lagok ng tubig. Kakabato sa loob ng bahay kaya naisipan kong magtungo kila Shiela. Nadatnan kong nagkakantahan sina Kuya Eric at nandun rin sila Ate Ajhing. inuudyokcnila akong kumanta subalit ako'y nahihiya.

^2A-D. Si Annie naman, panay pang-aasar sa akin at kami'y nagkatuwaan sa labas. Ilang saglit pa'y narinig ang pagdagundong ng kulog at madilim na ang kalangitan. Si Berna na nagla-laptop sa labas ay walan gpasubali sa kidlat na maaring tumama sa kinauupuan niya kasama sina Gelyn at Ate Ajhing. Sa takot na baka madamay pagtinamaan ng kidlat ay lumayo ako at nagtungo kina Angelica. Liblib kina Angelica kaya doon ako nanatili hanggang sa bumuhos ang ulan. Niyaya nila akong sumali sa larong unggoy-unggoyan at kahit mga bata ang kalaro'y nakisama pa rin ako at naaliw naman. Tumila ang ulan subalit matatalim pa rin ang guhit ng kidlat at malabomba ang lakas ng kulog, sa takot na abutan ng nagbabadyang bagyo ay umuwi na ko. Habang nasa kama'y may tumawag sa akin at si Isay iyon na ipinapaabot ang natirang bayad. Kinagabihan habang nagpapatugtog sa telepono'y nagkita kami ni Ate Ging at tinanong kung bakit di na raw ako nagsisimba sa kanila.

^2A-E. Hindi ko sinabi na si Cathy at Merry Grace ang dahilan at idinahilan na kina Melanie na ko dumadalo. Maya-maya’y naghapunan na kami at dahil nakulog nakidlat ay di kami makanuod ng telebisyon. Mga Alas-nuebe na ng tumigil ang Thunderstorm kaya binuksan namin ang telebisyon. Gandang Gabi Vice na pala at halos kabagan ang tiyan sa kakatawa. Habang nanunood ay dinig namin na may nagsisigawan at iyon ay mag-asawa. Nakiusyoso kami at nakita kung paano hiwalayan ng lalaki si babae kasama ang mga anak. Grabe at sa harap pa ng bahay sila nag-iskandalo. Hindi pa ko natulog nang patayin ang telebisyon at ako'y nagbasa, mga Alas-onse ng maisipang matulog.  

May 27, 2013
Monday
Year I-147

^2A-F. Sumisipol muli ang aking dibdib na labis kong ipinangamba. Kahit rinding rindi na sa sipol ng dibdib ay nagawa pa rin matulog. Dakong Alas-sais ako nagising subalit Alas-siete na bumangon. Maluwag na ang aking paghinga at sa katunayan ay parang ang sigla ko. Walang makaing pagkain kaya humigop na lamang ako ng kape. Matapos magkape'y naghugas ako ng plato. Mukhang sinisipag ako kaya lahat ng gawaing bahay ay nagampananvko ng maayos at di man lang nahahapo. Hindi ko maintindihan sa sarili kung bakit ang lakas ko pa rin sa kabila na ako'y hinihika na. Di pa ko nakuntento sa papunas-punas lamang at naisipan pang lagyan ng floorwax ang sahig.

^2A-G. Habang papalabas ng gate ay biglang tinawag ako ni Ate Aying na kausap si Ate Nene. Sinabi sa akin ng Ate Nene na may seminar sa darating na Sabado at kasama dun si Ate Aying, panay ang kanyang panghihikayat sa akin subalit gawa na di ako interesado sa alok niya, di ako pumapayag. Matapos ang napag-usapan ay dumeretso na sa tindahan upang bumili ng floorwax. Nang makabili'y sinimulan ko ng i-polish ang sahig to make it shiner and clean. Doon pa lamang ako napagod matapos maglampaso ng sahig at saglit na nagpahinga. Maya-maya’y sa kadahilanang ayaw kong kainin ng pagkabato'y naisipan muling mag-Computer. Nanood ako ng Missing you sa Iwantv.

^2A-H. Mga Alas-onse ko na pinatay ang Computer at sabay nananghalian. Naging mainit pa rin sa tanghali kaya naman pagsapit ng hapon ay nagbadya muli ang pag-ulan. Nagising ako sa lakas ng kulog na nakakabingi subalit hindi pa naulan. Puro kulog-kidlat lamang ang naganap at ambon lamang. Nakakainis at hindi pa umulan ng malakas ng sa gayo'y matanggal ang alikabok. Alas-kwatro pa lang ng hapon subalit mistulang gabi na dahil sa napakaitim na ulap na umiiral sa kapaligiran. Habang pinagmamasdan ang kapaligiran ay saktong dumating ang Ate Leslie galing Maynila at may dala itong cake. Di muna namin ito kinain at napag-isipang sa mismong kaarawan ko ng sa gayo'y may panghanda.

^2A-I. Maya-maya’y bumuhos na ang ulan subalit tikatik lamang ito at hindi nakakapawi ng init. Katakot-takot na'pagkulog at pagkidlat pa rin ang nagaganap. Lumabas ako at naupo sa may harapan. Wala akong makukot nun kaya naisipan kung bumili ng tsitserya. Habang sarap sa kakakutkot na halos di maawat ang sarili ay may dalawang batang dumaan at may balak pa kong paltikin ng sumpak. Sinigawan ko sila pero itinuloy angcpamamaltik at buti na lang at ako'y nakailag. Kahit mga bata'y nagawa kong mainis at pinagbabato sila, takbo sila pabalik ng batuhin. Ipinagpatuloy ko ang pagkutkot hanggang sa maubos. Matapos ay nag-soundtrip ako hanggang sa kumagat na ang dilim. Tumigil na ang pagkulog at kidlat kaya nanood kami ng telebisyon. Habang naghahapunan, kitang kita ang taas ng baha bunsod ng malakas na ulan at umulan pa raw ng yelo sa ibang lugar. Bakit dito tikatik lamang ang ulan na di nagdulot ng pagtaas ng sapa. Matapos mapanood ang paboritong programa tulad ng Ina kapatid anak at Juan Dela Cruz ay nagbasa muna ako ng Dictionary hanggang sa antukin.

May 28, 2013
Tuesday
Year I-148

^2A-J. Sumisipol muli ang aking dibdib na nagpapahirap sa aking paghinga. Tatlong beses na ito nangyayari sa akin tuwing umaga at kailangan na ng ibayong pag-iingat upang di lumala. Marahil nga'y bumalik nanaman ang aking hika na sinapit noong musmus pa lamang at ayaw ko ng muling maranasan pa iyon sapagkat gastos muli. Sinabi sa akin ng ate na kaya ako di tumataba kahit malakas ako kumain ay dahil may pinangangapitan. Ayaw ko sanang maniwala sa kanya subalit napapansin ko ngang parang ang payat ko at mukhang dahilan iyon ng Asthma. Ipinagpasadiyos ko kung anuman ang aking karamdaman ay pagalingin niya ko. Di ko natapos ang panalangin dahil sinigawan ako ni Mama at sinabing pupungas-pungas raw ako. Sinabi ko ang totoo at ipinagpatuloy ang paghigop ng kape. Medyo inuubo pa rin ako na may kasamang sipon kaya minabuti ko ng magtungo sa botika ng gamot. Ayaw ko ng problemahin pa nila Mama ang pampagamot sa sakit kaya mag-self-medication na lamang ako. Nang makabili ng gamot ay kaagad ko ito nilunok kasama ang maraming tubig. Pahinga muna at isasantabi muna ang gawaing bahay ng sa gayo'y gumaling.

^2A-K. Si Ate at Mama ay abala sa paggawa ng Salad, handa siguro sa aking kaarawan bukas subalit sinabing walang kinalaman ang kaarawan ko kung bakit sila gumagawa. Maya-maya’y nananghalian na kami at kahit masama ang pakiramdam ay nagawa ko pa rin lumabas upang bumili ng softdrinks. Nang makabili'y ipinagpatuloy ko ang paglamon at sinadyang damihan. Napakarami namin tawa kay Ryzza mae pagkat makulit ito at maraming tanong, si Kean Cipriano naman parang tahimik kung manalita at walang Energy subalit mapormado siya. Kilig to the bones naman ang naramdaman ko sa Be careful with my heart sapagkat boyfriend na ni Maya si Ser Chief. Matapos manood ng telebisyon ay daglian akong umidlip. Pagkagaling mula sa Dreamland at dahil walang magawa ay nagkumpyuter ako subalit sa labas sapagkat nanonood ng Video si Papa. Ayaw basahin ng Computer ang aking card reader kaya naisipang palitan ito ng panibago.

^2A-L. Mabibili ko na sana ang Card Reader sa may Area B subalit di kaya ng aking budget at naisipang sa Consti bumili. Buti na lang at nakabili ako na swak sa budget at matibay pa. Habang naglalakad ng tulin ay sa kamalasang pangyayari ay nakaapak ako ng dirty cake, Birthday ko kasi. Dinalian ko sa paglakad at ng makarating kilaTita Jean ay tumigil ako. Nakihugas ako sa kanila ng paa. Nagbatian kami niTita Jean at dali-dali itong umalis. Si Itang, Amihan at Habagat lamang ang naiwan dun. Napansin nila ang hawak kong card reader kaya di na ko patumpiktumpik karakarang ipina-testing sa kanilang DVD kung gumagana ba. Gumagana nga at enjoy kami sa tugtugan. Si Amihan naman ay walang kapaguran sa kakasayaw lalo na nung Gentleman at Kiyomi, palong-palo at kabog ako sa batang iyon, daig pa si Vice Ganda. Nanatili ako sa kanila hanggang sa sumapit ang dilim.

^2A-M. Maya-maya’y kinailangan ko ng umuwi. Pagdating sa bahay ay nadatnan kong nagkakainan na sila at nakisabay na rin. Nang mabusog sa dami ng nilamon ay saglit akong naupo upang matunawan at nag-soundtrip sa duyan. Ng Alas-nuebe na, binuksan ko ang telebisyon at nanood ng Ina Kapatid Anak. Ang kapatid kong may kapansanan, napakaingay at rinding-rindi na kami kaya naman napipilitan kaming pagbuhatan ito ng kamay kahit labag sa kalooban. Kahit paulit-ulit ng paluin, walang kadala-dala at patuloy pa rin nasigaw. Hindi namin alam kungp aano mapapatahimik ang Kuya Al. Kahit di pa tapos ang pinapanood ay napilitan na akong patayin ang telebisyon at nag-soundtrip na lamang. Maya-maya'y tumulog na ko at bukas, sa wakas at kaarawan ko na.

May 29, 2013
Wednesday
Year I-149

^2A-N. Today is my Precious day because it’s my bornday and my age turns 17. Kahit na walang handa o anumang salo-salo na karaniwang ginagawa kapag may kaarawan ay nagpapasalamat pa rin ako sapagkat nakaabot ako sa ganong edad at sa loob ng 17 years na puro pasakit at pagsubok ay nagawa pa rin lampasan dahil kay God na walang sawang tinutulungan ako at pinatibay niya ang loob ko. Sa aking paggising ay pagbati ni Mama agad ang sumalubong sa akin. Sinabi niya sa akinna mamasyal kami mamaya sa SM na labis kong ikinagalak. Bukod kay Mama ay binati rin ako ni ate at maging kapitbahay na makakakita sa akin. May iba pa ngang kinakantiyawan ako subalit natatawa na lamang ako.

^2A-O. Maging sa Facebook ay marami rin ang bumati na aking kamag-anak maski hindi kakilala, labis ko iyon ipinagpapasalamat. Talagang naramdaman ko na hindi ordinaryo ang araw na ito sa dami ng hindi nakalimot sa aking kaarawan. May handa naman kami at iyon ay Fried Chicken na ulam namin sa tanghalian at pinagsalu-saluhan ang cake. Dakong Alas-dos ng kami ay magbihis-bihis at tumungo sa SM North EDSA. Ang perang nalikom mula sa tutor, ipinatago ko kay mama upang di mawala at may pamblili nang gusto kong bilhin at iyon ay Philippine Atlas, mahilig kasi akong magbasa ng mapa. Isang oras kaming naghintay sa traysikelan kaya minabuti na ni Mama na bayaran ang kulang ng sagayo'y makaalis na. Madilim nanaman ang kalangitan at mukhang uulanin pa ang kaarawan ko.

^2A-P. Paglampas ng Tandang Sora ay kitang-kitang basa ang kalsada maging mga sasakyan at kapunuan dahil umulan sa lugar na iyon. Nakapagpabigat sa daloy ng trapiko ang mabasang kalsada kaya inabot kami ng isang oras bago makarating sa SM. Pagdating sa SM North EDSA ay kaagad kaming dumeretso sa National bookstore upang mamili ng school supply. Nahirapan kaming kumilos sapagkat napakaraming mga mamimili ang dumagsa, last minute back to school shopping na kasi. Nang mabili ang lahatngschool supply ay nagpunta naman kami sa pabilihan ng mga mapa.

Ilang minuto rin ako nagtingin-tingin at ng makapili kahit may kamahalan ay isinuko na namin lahat ng pinamili sa cashier. Binati pa nga ako ng babaengcashier at pangiti akong nagpasalamat sa kanya.

^2A-Q. Maya-maya’y namasyal kami ni Mama at nagtingintingin na rin ng mga kagamitan hanggang makarating sa SM North EDSA Annex. Mas malamig subalit kukonti lamang ang mga taong namamasyal kung ikukumpara sa Main. Wala kaming ginawa ni Mama kundi mamasyal, magkuhaan ng litrato at magtingingin. Pagdating namin sa may Skydome, doon talaga namin nakita ang kapal ng mga tao at may nagla-launch pala sila ng bagong Star Mobile Android, tumigil kami at nanood. Maya-maya’y sa di inaasahang pangyayari ay takbuhan ang mga tao at nagsigawan. Hindi namin alam kung ano ang pinagkakaguluhan at sumunod na lang kami. Mukhang ito na marahil ang pinakamasayang birthday sa kasaysayan ng buhay ko sapagkat nandoon si Unkabogable Queen Vice Ganda. Dinumog talaga ng husto ng maraming fans si Vice Ganda at sapalaran lahat sa pagkuha ng litrato niya. Nang malapitan ay binalak kong hawakan ang kamay niya subalit may mga gwardiya at tiling-tili ang lahat sa tuwa lalo na ang mga kabaro niya. Kahit na bigo akong maki-picture together with Vice Ganda ay kuntento na rin ako sapagkat nakita ko siya ng personal, malapitan at matagalan ang idolo ko. Sana kung anuman achievements ang tinatamasa niya ay matamasa ko rin balang araw. Sa kakatili ng walang humpay, sumakit ang lalamunan at nagutom ako kaya kumain na kami.

^2A-R. Pagkatapos ay nagtungo pa kami sa Skygarden at kanyang kanyang kuhaan ng litrato. Mga Alas-otso na kami umuwi at sa halip sa bahay tumuloy, sa bahay nila Ate Melon ako tumuloy sapagkat may Bible study pa kami. Nadatnan ko sila Melanie na nagkakatuwaan sa kanilang games at hindi pa pala nagsisimula ang bible study. Habang taimtim na nagdarasal ay nagpasalamat ako kay God sapagkat bukod sa nabili ko ang gusto ko at kahit na di ko hiniling makita ang idolo dahil imposible ay nangyari pa rin at naniniwala na ko na basta kay God ay walang imposible. Matapos ang bible study ay binasa ko muna ang atlas na binili at ng antukin ay natulog na ko. Sana sa susunod na birthday ko ay makasama ko na si Vice Ganda sa pityuran at gagawing profile picture o dili kaya iba pang artista na makita sa personal like AiAi Delas, Paulo Avelino, Coco Martin, Daniel Padilla and many more. Superduper saya talaga ng birthday ko.

May 30, 2013
Thursday
Year I-150

^2A-S. Bandang Alas-sais pa lamang ng umaga'y gising na ang katawang lupa ko subalit ay nananatiling nakapikit ang mga matad ala ng matinding puyat kahapon. Alas-siete na ko bumangon at salamat pagkat masaya kong nairaos ang aking kaarawan. Ang saya ko pa rin at maituturing ko na iyon unforgettable and unbelievable experience as I ever seen sapagkat nakita ko sa personal ang Idolo ko at sa mismong birthday ko pa yun naganap. Iniisip ko na si Vice Ganda na sa kabila ng kontrobersyal niyang biro tungkol sa gang rape at na-offend si Jessica Soho dahil sinali niya sa usapin sa kanyang comedy concert, marami pa rin siyang mga fans at napatunayan iyon kahapon ng dagsain ito ng husto. Kahit na maraming bumabatikos sa kanyang mga Joke, sigurado akong kaya niya iyon i-handle at malalampasan ang lahat ng iyon.

^2A-T. Kung gaano man siya ka-Success ay sana ganon rin ang maging kinabukasan ko kahit alam ko na hindi ko siya magiging katulad na isang sikat na komedyante sapagkat magkaiba kami ng pangarap at hilig. Sa halip na umaninag ang araw ay biglang dumilim ang kalangitan at naghuhudyat ng pagbuhos ng ulan. Maya-maya’y bumuhos na ang malakas na ulan, nanatili lamang ako sa loob ng bahay sa takot na magkasakit. Mukhang nagsimula na ang tag-ulan subalit kasabay nun ang pagbubukas ng klase, masusupende nanaman kung nagkataong masungit ang panahon. Habang nagkukumpyuter ay siyang pagdating naman ni Papa galing trabaho, lalo pa ko sumaya pagkat nakabili pa si Papa ng bala ng Concert ni Vice Ganda at mapapanuod ko na iyon. Kinatanghalian ng panoorin namin sa Video ang i-Vice Ganda mo ko sa Araneta at maski si papaay tawang tawa.

^2A-U. Dami kasing alam na joke ni Vice Ganda na ikinatawa ng maraming manunuod sa Araneta at hindi mahulugang karayom ang mga nanuod. Sa kakatawa'y parang nawala ang gutom ko at kakaiba talaga kung magpatawa si Vice ganda, palong-palo. Parang siya na ang sunod sa yapak nila Dolphy at Ai Ai Delas Alas na kilalang comedy queen and king. Sa tagal ng concert ni Vice Ganda na halos abutin ng limang oras, Alas-kwatro na namin natapos ito. Laking kilig ko sagad hanggang sa kailaliman ng buto ng maki-jamming si CocoMartin kay Vice Ganda pero sa huling sandali na iyon konsyerto naganap. Nakatulog pa ko at Alas-singko na nagising, nag-soundtrip at pagsapit ng Alas-sais ay binuksan ko muli ang telebisyon. Ng matapos manood ng paboritong programa ay agad ng natulog. Hindi gaanong mainit ang gabi o maingay kaya may kapanatagan akong natulog.

May 31, 2013
Friday
Year I-151

^2A-V. Huling araw na para sa buwan ng Flores de mayo at Santacruzan o Sagala man yan, malapit na rin ang pasukan, excited na ko sa darating na pasukan sapagkat bagong Teacher, bagong classmate ang makikilala at madadagdagan muli ang aking mga kaibigan. Maski sa paggising ay sinasanay ng gumising ng maaga at kakabato ang umaga ko. Para tanggal bato ay naisipang magpatugtog ng OPM hits. Si Papa naman, abala sa pag-iimpake ng bagahe sapagkat tutulak muli ito patungong Batangas. Ng umalis ang Papa ay kaming tatlo na lamang ang naiwan at sinimulan ko na ang gawaing bahay. Nagwalis, nagpunas at naglampaso ng sahig, iyon ang pinagkaabalahan ko sa buong umagang iyon at matapos ang lahat-lahat ay naglaba naman ako.

^2A-W. Pakiramdam ko ay parang biniyayaan ako ng energy dahilan kung bakit nagagampanan lahat ng gawaing bahay. Alas-dyis ng matapos ang labahin at ubos na ang natitira kong lakas. Nagbihis at naupo saglit at ng mangawit ay nagkumpyuter naman ako. Tawa much nanaman ng mapanood sa Youtube ang nakakatawang star cinema spoof. Maya-maya ay naisipan kong panoorin sa Youtube ang mga joke ni Vice Ganda tungkol sa Gang Rape sapagkat naka-cut iyon sa aming bala. Napanood ko rin ang paghingi ng tawad ni Vice Ganda kay Jessica Soho at sa lahat ng di natuwa sa kanyang biro. Sa kanyang mga joke ay umani ito ng samu't saring pambabatikos at panlalait sa mga komento subalit may mga nagtanggol din naman sa kanya at isa na ko dun sapagkat number 1 fan niya ko.

^2A-X. May mga nagsabing di sila natuwa at may mga nagsabing si Vice Ganda ay baklang salot sa lipunan. Naiinis ako sa lahat ng nag-comment sa kanya ng ganon at hindi nila alam ang mga sinasabi nila palebhasa mga sawsawerang inggitera!  Nag-apologize na nga siya at anu pa ba ang pinuputok ng mga butsi nila, past is past and be move on na. Mga dakong Alas-dos ko pinatay ang Computer at saglit na tumulog. Hindi pa nga ako nakakarating sa Dreamland ay napurnada iyon dahil sa malakas na kulog. Nabulabog ako kaya naman maikling oras lang nakatulog. Maya-maya’y bumuhos na ang malakas na ulan at dahil walang magawa'y ang mga nakatambak na hugasin ang pinag-ukulan ko ng panahon. Matapos ang hugasin ay nagmeryenda ako at iyon ay mainit nanoodles. Hindi ako makanguya ng komportable dahil sa masakit kong singaw. Dahil sa kakulangan sa tulog ay nakaranas ako ng antok at natulog muli.

^2A-Y. Madilim-dilim na ng magising ako at naghahapunan na sila Mama. Kakaunti lamang ang kinain ko sapagkat busog pa ko at nanakit talaga ng husto ang aking singaw. Mga Alas-nuebe ng gabi, maganda na sana ang pinapanood ko sa Ina Kapatid Anak sapagkat umaatikabo na ang eksena ng malaman ni Mio ang pinaplano nila Celyn na makakalap ng ebidensya para sa hustisya ay sa di inaasahan ay biglaang nag-brownout. Hindi lang kami nawalan maging ang mga kapit-bahay at dumilim ang kapaligiran na halos di magkakitaan dahil sa dilim ng kapaligiran. Sa halip na tumahimik ay bigla pa ngang umingay ng magsilabasan sa kanya-kanyang mga bahay ang mga tao at nagtatakbuhan ang mga tsikiting. Lumabas ako at nagbabakasakaling may kuryente sa ilang lugar subalit napakalawak talaga ng blackout. Sa dami ng mga taong may hawak ng mga pampailaw na nagbibigay liwanag sa dilim na umiiral ay hindi mahirap sa akin ang maglakad. Ang ingay talaga sa kapaligiran na halos ikabingi ko na.

^2A-Z. Pagdaan kina Aldrian ay saglit akong nanatili sa kanila at nakipagkwentuhan. Maya-maya’y nauwi sa pagpapakwela ang ginawa ko at masaya ako sapagkat napasaya ko sila kahit mukhang tanga na. Parang Vice Ganda lang ako sa harapan nila at hindi ko inasahan na kaya ko rin magpatawa maski mga nag-iinuman ay napalabas ko rin ang ngipin. Kahit mag-isa lang ako sa paglalakad sa kalagitnaan ng dilim ay hindi ako natakot sa anuman pwedeng mangyari sa akin at napapanatag pa nga ang loob ko. Sana ganon na lamang palagi at hindi napanghihinaan ng loob sa kabila ng mga problemang dumaraan. Mga bandang Alas-onse na ng bumalik ang kuryente, nagbunyi ang lahat ng madlang people ng magkakuryente na. Maya-maya pa, natulog na ko.