March 01, 2013
Friday
Year I-060
Friday
Year I-060
K-H. Marso na at simula na ng pag-iingat
upang di masunugan pagkat sa buwang ito ang fire prevention month at
tatlong linggo pa bago magtapos ang panunurang paaralan, sana'y mairaos ko
ang third year at kaunting panahon na lamang ang nalalabi na
magkakasama kami, ako, mga kaibigan kong nanganganib na mapasali sa home
study at yung mga teacher ko, mamimis ko sila kahit
si Sir Sellona na kahapong na-badtrip ako sa
kanya. Nang makapag-almusal, dumeretso na agad ako sa bahay ni Gelyn upang
mag-tutor. Mukhang nasa mood siya't nakikinig sa mga
tinuturo ko, nakakagalak na estudyante. Nang matapos akong mag-tutor,
ang kinita ko sa pag-tutor ang pinanggastos sa pampa-print subalit
kinulang, nanghingi pa ko kay Mama ng pera upang sumapat ang gastusin.
Nangmakahingi ay tumungo na ko sa Computer shop ay nagpa-print. Nang matapos magpa-print,
bumili naman ako ng Clearbook at isa-isang inilagay ang mga
pina-print na essay sa cellophane. Solve na
ang problema sa English at wala ng aalahanin pa, scrapbook sa MAPEH, kalipunan ng Noli Me
Tangere sa Filipino at Worksheet sa Math pa ang
dapat kong pagtuunan ng panahon upang tapusin at iyon ang magraraos sa akin
sa Third year.
K-I. Nang mailagay ang lahat ng pina-print sa clearbook,
ako'y nananghalian na. Maya-maya’y pumasok na ko. Pagpasok ay nadatnan kong
abala sa pagsagot ng Daloy Balita ang mga kaklase ko, Hiniram
ni Jenny Mae ang Daloy Balita ko. Nang
babawiin ko na sa kanya, ibabalik na nga lang di pa magawang isauli
at kung makatanggi'y akala pag-aari niya, inutil siya! Nagsagutan
kaming dalawa dahil dun. Upang di lumaki ang gulo, ako ang lumayo at naupo
katabi ni Jonathan.
Maya-maya'y dumating na si Sir Rombo at inanunsyong
hanggang March 5 ang deadline ng worksheet.
Sa oras ng AP, nagtsek
kami ng Daloy Balita. Sinabi sa amin ni Ma'am Juanites na
pagtungtung niyo ng Fourth year at puro bagsak, di raw kami
makaka-graduate.
K-J. Pangit lamang ang nakukuha
kong grade ngayong Third year subalit
gagalingan ko na sa Fourth year. Nang English na,
ipinasa ko na ang clearbook ng essay, kasama ang
lahat ng nagbayad ang inilista ko sa harap ng clearbook. Kahit
tapos na ang buwan ng mga puso, ang lahat ng Conditional grade kabilang
ako ay dali-daling gumawa ng Valentine's card upang pumasa. Tingin
ko, sa subject ni Ma'am Ramos mahirap pumasa subalit sa
ibang subject naman, kahit di ka magpasa ng output basta
nakakapasa ka ng project at matataas ang nakukuha mo sa periodical at quizzes,
di ka babagsak.
K-K. Sa subject lang
talaga ni Ma'am Ramos nagkakaganyan ang grade ko
at kahit isang output ang kulang sayo, babagsak ka.
Maya-maya'y ihip ng hangin ang nagpabago kay Ma'am Ramos at
biglang binawi ang pagkakataong magpasa ng Valentines card, i-70 niya
lang daw kami. Kahit i-70 niya ko, papasa pa rin ako at ayos lang iyon kaso
panira sa imahe ng card ko pag may 70. Sa oras naman ng MAPEH, masaya kami pagkat lumawig
pa hanggang Lunes ang pasahan ng scrapbook, may pa upang makagawa ako.
K-L. Maya-maya'y nagpraktis kami ng La Cacuracha.
Sa oras ng Chemistry, gumawa kami ngmayonnaise. Mukhang
nabawasan na ang pagiging high blood ni Sir subalit kumukulo
pa rin ang dugo ko sa kanya dahil sa kahapon. Ng matapos gumawa ng Mayonnaise,
kanya Kanya kaming kuha ng tinapay at ipinalaman ang ginawang Mayonnaise.
Ilang sandali pa ay Values na subalit di pa dumarating
si Ma'am Ruiz. Maya-maya ay tawanan kami, paano habang naglalaro ng
sipa sila Patrick, aksidenteng na-shoot sa lagayan
ng Mayonnaise nina Jayvie Ann. Ang masarap nilang
kainan ng tinapay, nauwi sa pandidiri at di na magamit ang palaman. ng dumating
na si Ma'am Ruiz, nagsimula na ang Job interview at
isa-isa kaming tinawag.
Nang ako na ang tinawag, kinakabahan ako at di ko pa naihanda ang
sarili. Ang hihirap ng katanungan ni Ma'am at piniga ko na ang utak pero wala
pa rin maisagot, sobrang nai-stress ako ng matapos ang interview.
K-M. Maya-maya'y TLE na, nagustuhan ko
ang sinabi sa akin ni Ma'am Quimson na kahit ganyan akong
malaking palembot lembot, balang araw magiging success ako at
pagpaparlor pa ang nais niyangmaging trabaho ko. Sabi ko kay Ma'am, "Kapag
kayo naging costumer ko, di lang buhok at mukha ang aayusin ko
kundi buong katawan para bumata kayo at magiging kamukha mo si Bebe
Gandanghari este Gretchen Barrerto pala pag nangyari
yun". Natawa si Ma'am sa sinabi ko at magaling makipagbiruan si
Ma'am, Maam Quimson, ikaw na. Ilang sandali'y uwian na, kasabay ko
si Ma'am Jamero sa pag-uwi. pagsakay sa tricycle biglang
may dumaang limang track ng bumbero patungong Payatas,
naisip kong may nagaganap marahil na sunog. Nang nasa Morado na
kami, may parada pala ng prusiyon. Natrapik kami at bumababa na lang.
Nakipagsabayan ako sa mga nagpruprusisyong daan-daang deboto. Naging masikip
ang daanan dahil sa prusisyon. Pagdating sa bahay, sa tindi ng gutom, napadami
ako ng kain. Nagbasa pa ko ng bibliya bago matulog.
March 02, 2013
Saturday
Year I-061
Saturday
Year I-061
K-N. Maliwaliwanag at mataas na ang sikat
ng araw ng ako'y gumising, Alas-otso pasado na pala. Dahil Sabado at walang
pasok, pagkatapos maghugas ng plato, gawaing bahay ang sunod kong inatupag.
Inumpisahan ko na rin gawin ang Scrapbook sa MAPEH subalit di ko pa napapa-print ang RENAISSANCE ART. Daming gagawin at
kailangang walang oras na masasayang. Kinatanghalian, pansamantala kong
itinigil ang paglalagay ng Design sa Scrapbook at
ako'y nananghalian. Ang ingay ng mga lalaking nagba-basketball sa
labas, di tuloy ako makapag-concentrate sa ginagawa. Nakaramdam na
ko ng antok atibigng matulog. Pagkagisi'y dumeretso ako sa computer
shop upang mag-research ng Renaissance art at
sabay I-copy-paste sa Microsoft.
K-O. Inabot ako ng mahigit sa isang oras
pagkat ini-edit ko pa ang bawatpicture at nilagyanpa
ng meaningang bawat larawan. Nang mai-save sa
aking yahoo mail, sunod akong tumungo sa ibang computer
shop upang magpa-print. Wala pa sa trenta ang nagastos ko sa
pagpapa-print kahit colored. Nang makapag-print,
tumungo ako sa tindahan ni Aling Nenita upang bumili ng materials.
Pagdating sa bahay, sinabi sa akin ni Mama na ipinagpaalam ako ni Ate
Ging na sumama sa outing bukas, lingid sa kaalaman ni
Mama na ang outing namin bukas ay may paggaganapang-baptism. Buti na
lamang at pumayag si Mama at buo ng desisyon kong sumama sa baptism bukas.
K-P. Di ko pa alam ang eksaktong lugar
kung saan isasagawa ang Water baptism. Nang makausap ko ang nanay
ni Cathy at pagkauwi, isa-isa ko ng idinikit ang picture sa
bawat pahina ng scrapbook kasama ang Meaning at
pangalan ng art. Maya-maya’y biglang
may tumawag sa akin, niyayaya pala ako nina Cathy at Merry
Grace na sumama sa Church subalit di ako pumayag
pagkat marami akong gagawin. Sobrang naging abala ako sa paggawa ng Scrapbook.
Alas-nuebe ng matapos ko ang scrapbook sa MAPEH. Sa halip na manood ng
telebisyon, natulog na lamang ako pagkat may outing pa kami
bukas para sa Baptism.
March 03, 2013
Sunday
Year I-062
Sunday
Year I-062
K-Q. Ngayon ang araw ang Water
baptismatupang di mapag-iwanan ng service, Alas-sais pa lamang
ay gising na ko. Naging maulan ang umaga subalit kaagad itong tumila at
nagpakita ang araw. Salamat sa panginoon pagkat pinatigil niya ang ulan upang
matuloy ang Water baptism. Dinamihan ko ang kain sa agahan upang di
gutumin mamaya. Nang makapag-almusa'y inihanda ko na ang damit at short na
isusuot sa pool kapag nag-swimming kami. Si Mama
naman, nagsaing at nagluto ng hotdog na babaunin ko, ang bait
talaga ni Mama. Maya-maya'y naligo na ko. Mga
alas-nuebe ako umalis ng bahay. Nagmamadali ako pagkat baka maiwanan ng service.
Pagdating ng JOLIA church,
nagtatalumpati pa si Pastora Anna. Kanina pa nandoon ang pamilya ni Cathy kasama
si Merry Grace. Nang matapos ang bible study, tumungo
na kami sa baba at inihanda na ang mga bagahe.
K-R. Ngayon pa lang sila magbibihis,
parang pupunta sila ng beach sa kasuutan pero sa swimming
pool lang. Nag-picture taking muna kami habang abala sina
Pastora sa pagbibihis at pag-aayos. Nang maihanda na ang lahat ng
kakailanganin, gora na kami patungong resort doon sa Montalban.
Bago kami bumiyahe, Nagdasal muna si Pastora upang matuloy at ligtas ang
pagtungo sa Resort. Maya-maya'y tumulak na ang dyip patungong Montalban.
Sabik at tuwa ang aking naramdaman.
Habang nabiyahe, kwentuhan at tawanan ang ginawa namin. Ang saya nilang
kausap. Pagdaan ng Payatas, maalisangsang na amoy ng basura ang
sumalubong sa amin kaya naman kanya-kanyang takip ng ilong. Paglampas ng Payatas,
saka pa lamang tinanggal ang takip sa ilong. Tanaw na tanaw na ang bundok Sierra
Madre at ang gaganda ng mga bahay doon. Maya-maya'y unti-unti na
kaming bumababa ng pailalim. Mababa lang pala ang bayan ng Montalban at
ang aming kinatatayuan ang nagsisilbing bundok sa kanila. Naisip ko na paano
kapag umulan ng malakas di baha na sa kanila, Quezon city pa
nga lang na di hamak na mataas sa kanila binabaha na pano pa kaya sa lugar
nila. Sa hinaba ng biyahe, Alas-dose na kami nakarating ng Resort.
Bago mag-swimming, nagsikainan muna kami ng sama-sama. Daming pagkain
kaya busog much ako.
K-S. Nang makakain ay tampisaw na kami
nina Cathy sa swimming pool. Natatawa ako sa
sarili ko pagkat di ako murunong lumangoy at may kalaliman din ang pool.
Nag-enjoy kaming lahat sa swimming pool at di
maalis ang tuwa. Habang nasa pool, picture
taking lamang kami. Grabe ang saya-saya at isaang araw naito sa
di ko makakalimutan. Di pa nakuntento at pinagsasaboy namin ang tubig sa isa't isa
at nagtatalon sa Pool.
Pagsapit ng Alas-dos, nagsimula na ang baptism at
isa-isa kaming binaptist. Sa mababaw na pool ginanap ang baptism.
Pipisilin ang ilong sabay ilulublub ang buong katawan sa tubig, ganon pala ang
paraan ng baptism sa kanila at pinaniniwalaan nila na
matatangal ang lahat ng kasalanan kapag ikaw ay na-baptist. Sa kada may
maba-baptist, nagsisigaw kami at hahawian ang tubig ng pool.
Basa na nga si Pastora Anna sa kakahawi nila sa Pool.
K-T. Nang ma-baptist kaming
lahat, balik malalim pool at nag-party-party kami. Maya't maya
ang pitsuran at sabay lublub sa pool, iyan ang ginawa namin sa
maghapon. Natuto na nga kong mag-swimming dahil ilang oras na kong
palangoy-langoy sa pool. Pagsapit ng Alas-kwatro, umahon na kami
sa pool, nagbanlaw at nagbihis. Nang makapagbihis at
nakapag-impake, umalis na kami ng resort. Sinigurado ko muna
kung walang maiiwan sa gamit bago umalis. Bago kami tumulak pabalik, nagdasal
si Pastora upang ipagpasalamat ang matagumpay naming baptism at bonding sa pool.
Napagod ang halos lahat sa kakaliwaliw sa pool. Bye-bye Montalban.
Madilim dilim na ng makauwi kami at natulog muna ako dahil sa pagod. Sobrang nag-enjoy ako
at sana'y maulit pa. Sa pagod ay diretso tulog ako pagdating sa bahay.
K-U. Pagkagising, saka pa lamang ako
naghapunan. Ng matapos maghapunan, dumeretso ako sa Computer shop at
nag-upload ng aming mga picture. Ng makapag-upload,
nanood ako sa Youtube ng Harlem shake. Dami kong
tawa sa Harlem shake at ang lalaswa ng kanilang sayaw. Sa
sarap manood ng Harlem shake, di ko namalayang nawawala na
ang USB connector ko. USB connector pa
naman ang nagsisilbing charger ng cellphone ko
kaya todo hanap ako. Ilang sandali pa, di ko pa rin mahanap ang USB connector at
halos problemado na ko sa kakahanap. Di ko batid kung sino kumuha ng USB connector.
Sa halip na magpanik, umuwi na lang ako at binalewala ang pangyayari. Bibili na
lang ako ng bago at habang di pa nakakabili, manghihiram muna ako ng Charger.
March 04, 2013
Monday
Year I-063
Monday
Year I-063
K-V. Di kagandahan ang umaga ko at para
bang kaybigat ng aking pakiramdam, dala siguro na naiwala ko ang charger at
nangangambang di na mapaginipan ang cellphone kailanman pag
na-lowbatt. Sa halip na magmukmuk sa kakaalala ng charger,
bumangon na ako at humigop ng mainit na kape. Mainit na kape ang pumawi sa
mabigat kong nararamdaman. Manghihiram na lang ako ng Universal charger kung
sakaling ma-deadbatt ang telepono ko. Nang makapag-almusal,
dumeretso muli ako sa bahay ni Gelyn subalit sinabi sa akin ng
kanyang bayaw na wala ito at nasa Tandang sora. Umuwi na lang ako.
Ipinagpatuloy kong tapusin ang painting sa MAPEH. Nilagyan ko pa ng cover,
pamagat ang painting maging kahulugan.
K-W. Sa kadahilanang walang gagawin sa
eskwela, di na ko pumasok at ginawa na lamang ang worksheet sa MATH. Paggawang project sa MAPEH at worksheet sa Math ang
pinagkaabalahan ko sa maghapon.
Pagsapit ng Alas-tres, tumungo na ako sa eskwela upang ipasa ang painting at scrapbook sa
MAPEH, dali-dali akong
kumilos sa takot na makita ako ni Ma'am Ramos. Galit pa naman
si Ma'am Ramos sa mga estudyanteng lumiban sa klase pero nasa
eskwela upang magpapasa ng project. Pagtungtung ng paa ko sa harap
ng classroom, isang matandang tinig ang narinig ko at nabanggit pa
ang pangalan ko. Kinutuban ako at iniikot ang lingon upang hanapin kung saan
nanggaling ang ganong tinig. Si Ma'am Ramos pala iyon at
nakaupo sa harap ng ibang classroom. Yamot na yamot siya nun at halos
Paliparin ang sandals sa aking kinatatayuan. Sa takot,
dali-dali akong tumakbo palayo sa kanya at nagtago.
K-X. Saka ako bumalik sa harap ng Classroom ng
pumasok si Ma'am Ramos. Kay Jayvie Ann ko
ipinagkatiwala ang scrapbook at painting, sinabi niyang
siya na ang bahala sa aking requirements at ipapasa kay Ma'am
Petty. Laking pasalamat ko
kay Jayvie Ann at ng mapanatag, umalis na ko sa eskwela.
Naglakad lang ako pauwi. Nang makarating sa palengke ng Consti,
nadatnan kong may nagsyusyuting, pansamantala akong tumigil at nanood ng shooting.
Di ko kilala ang nateyping na artista at marahil ibang channel nila
ipapalabas iyon. Ilang sandali, umalis na ko. Hinanap ko kung saan makakabili
ng Charger. Nang makitang may nagbebenta ng charger,
dali-dali akong tumungo sa tindahan. Abot kaya sana ng bulsa subalit di kasya
sa unit ng cellphone ang charger. Nadismaya tuloy
ako. Naghanap pa ko sa ibang tindahan ng Charger. Nang may
masumpungan muli ay pumili ako ng charger na pwede sa unit ng cellphone ko
subalit wala sila ganong charger.
K-Y. Sinabi nilang magpa-order ako
at agad naman akong pumayag. Sa Biyernes pa nila
mabibili ang charger at pinagkasunduang araw-araw akong
maghuhulogmula sa allowance ko at binigyan ng resibo bilang
patunay na bumili ako ng charger sa kanila. Nang makapaghulog
umuwi na ko. pagdating sa bahay, ipinagpatuloy kong tapusin ang worksheet sa Math.
Sa dami ng sasagutan, malabong matatapos ko ngayon. Kinagabihan, habang
nanonood ay sakit ng ulo ang aking naramdaman. Nagbabadya ang sama ng
pakiramdam. Upang di mauwi sa trangkaso, itinulog ko na lang ang sakit ng ulo.
March 05, 2013
Tuesday
Year I-064
Tuesday
Year I-064
K-Z. Panibagong araw sa panibagong buhay.
Di na masakit ang ulo ko subalit pumalit naman ang pananakit ng lalamunan ko at
para bang may madigkit na plema ang di ko mailabas, nagbabadya na nga ang
masungit kong pakiramdam. Upang di matuloy, uminom ako ng gamot at tubig. Kahit
masama ang pakiramdam, Nag-tutor pa rin ako kay Gelyn.
Ng makapag-tutor, pinag-recite ko siya ng Multiplication
table at may usapang ibabawas sa aking sahod pag na-perpect niya
iyon. Hinirapan ko nga at pati division table ay ipina-recite ko
sa kanya. Nganga siya kapag division na. Kahit labas na sa
aming lesson, itinanong ko sa kanya, tulad ng kailan namatay
si Jose Rizal at ilang araw sa isang taon? nganga talaga siya
at tuloy di niya na-perpect. Bente pa rin ang ipinangbayad sa akin.
Natutuwa ako kay Gelyn pagkat ang dating anga-anga sa multiplication,
agad ng nakakasagot pero kailangan pa ng ibayong pag-aaral sa Division at
iba pang asignatura. Na-lowbatt na ang cellphone ko
sa kakakumpyut ng sagot ni Gelyn sa times.
L-A. Nanghiram ako ng Universal
Charger kay Ate Ging. Napakabait talaga ng panginoon at
agad niya kong pinahiram ng Universal Charger. Medyo
nangangapangapa pa ko at first time ko pa lang gumamit
ng Universal Charger.
Alas-dyis pasado na't nananghalian na ko. Nahihirapan akong lumunok
pagkat masakit ang lalamunan ko, nagsisimula na rin akong sipunin. Kahit masama
ang pakiramdam ko, nagawa ko pa rin pumasok para may maihulog mamaya para
sa Charger. Nakita ko si Gangang at sinabi
niyang half day lamang ngayon at walang pasok bukas. Di
pa malaman kung bakit walang pasok bukas. Di na ko nagdala ng maraming gamit
pagkat di na kami nagkaklase.
L-B. Pagdating sa eskwela, ibinalita sa akin
ni Dennis na bagsak raw ako sa English, marahil
dahilan ng pagbagsak ko ay di ako nakapagpasa ng Valentines card.
Kahit nalaman kong bagsak ako sa English di na ko nalungkot at
inisip na papasa pa rin ako basta't magtiwala ka sa panginoon, positibo ang
aking pananaw na mairaraos ko ang pagiging Third year. Bagamat pangit ang
naging grado ko ngayong Third year, pinapangako kong pagtungtung
ng Fourth year ay gagalingan ko na. Matalino ako, di ko
lang sinasamahan ng sipag. Anu pa ang silbi ng talino kung tatamad-tamad ka at
daig ng masipag ang maaga. Kaya ngayo'y di lang talino ang paiiralin ko maging
ang kasipagan. Pagpasok sa silid, biglaan na lamang kinuha ni Nataniel ang
aking Worksheet tapos sabay kokopyahin. Basta kokopyahin ang
sagot ng iba, diyan magaling ang mga kaklase ko at iyan ang pinagkaabalahan
nila habang wala pa si Sir Rombo.
L-C. Nang dumating si Sir Rombo,
nagtilian ang mga Classmate ko at doble ang kaba pagkat ngayon
na ang pasahan ng Worksheet. nagsigawan kami sa tuwa ng ianunsyo ni
sir na hanggang Alas-singko ang pasahan ng Worksheet. Sa oras
ng AP, may project pa
palang di ako napapasa at iyon ay 50 words na may kinalaman
sa fourth grading ang dapat ipasa sa AP. Sinabi sa
akin ni Ma'am Juanites na hanggang Huwebes ang pasahan nun, makakagawa
pa ko. Nang English na, kabado ako pagkat baka sermunan ako
ni Ma'am Ramos kapag nakita niya ko. Nawala ang kaba ng
si Ma'am Maicy ang pumasok kasama ang isa pang student
teacher.
L-D. Sa halip na mag-lesson,
nakipagkulitan ang mga kaklase ko kay Ma'am Maicy at sa isa
pang student teacher, sa sama ng pakiramdam ko, di ako nakikulit at
sinamantala ang oras na tapusin angWorksheet sa Math. Dami namin tawa
kina Bacsal at Mandy ng magsayaw ng Harlem
shake, palong palo at mukha silang mga tinakasan ng bait. Maya-maya nag-Harlem
shake na rin kaming lahat. Harlem shake ang bagong
usong sayaw ngayong taon at mas masahol pa sa Gangnam style, Dougie at Nobody na
napausong sayaw sa nakalipas na taon. Maganda ang Harlem Shake pagkat
kahit anong sayaw, pwede. Pati sa oras ng MAPEH, nag-Harlem shake rin kami
at kabog ang buong klase ng mag-Harlem Shake rin
si Ma'am Petty.
L-E. Maya-maya'y tumunog na ang bell. Biglang
dumating si Sir Rombo at sinabing sa Lunes na ang pasahan
ng Worksheet. Nagsigawan muli ang mga kaklase ko at sa tuwa, nag-Harlem
Shake sila. Sama na talaga ng pakiramdam ko at kahit masama, naglakad
pa rin ako. Pagdating sa bilihan ng charger, naghulog muli ako at
90 pa ang balance at 60 pa lang ang
naihuhulog ko. Pag-uwi sa bahay at dala ng sama ng pakiramdam, natulog ako.
Alas-siete na ko nagising, sinipon ako ng sunod-sunod at naglumagkit na ang
bimpo sa kakasinga. Ng matapos ang pinapanood, natulog na ko at parang
giniginaw ako. Sa ginaw kaya't nagkumot ako ng makapal.
March 06, 2013
Wednesday
Year I-065
Wednesday
Year I-065
L-F. Ang baradong ilong ang di nagpasarap
sa aking tulog, sumama pa lalo ang aking pakiramdam at sunod-sunod akong
binahing. Walang pasok ngayon kaya may pagkakataon pa upang makapagpahinga.
Nahihirapan pa rin akong lumunok pagkat masakit ang lalamunan ko. Kahit masama
ang pakiramdam, di ko ininda iyon at nagawa pa rin mag-tutor upang may
panghulog ako mamaya. Di ako makapagturo ng ayos dahil paos ako. Tuloy ay di
ako halos maintindihan ng aking estusdyante na si Gelyn. Na-lowbatt na
ang cellphone ko kaya nanghiram pa ako ng Universal
charger. Kay Ate Ging sana ako manghihiram subalit sa
hiya, sa halip sa kanya ako manghiram, naisip kong baka may Universal
charger rin si Jaypee at sa kanya ako
nanghiram. Pagdating sa kanyang bahay, nadatnan kong nakasarado.
L-G. Manghihiram sana ako kay Ate
Delfa subalit wala sa kanila. Hirap talaga ng sitwasyon kapag may
isang bagay na nawala sa'yo. Konting tiis at makakaraos rin. Masama na ang
pakiramdam ko subalit patuloy pa rin ako sa paglakad patungong palengke upang
ihulog ang aking kinita. Nang makapaghulog, bago umuwi ay dumaan ako sa bahay
ni Jaypee at nagbabakasakaling nandiyan na siya. Saktong bukas
ang pintuan at pumasok ako. Sa bait ng pinsan ko, agad niya kong pinahiram
ng Universal Charger. Natuwa ako pagkat magkakaroon muli ng baterya
ang telepono at makakapag-text muli. Pagdating sa aking balor, dali
dali kong isinalpak ang battery sa Universal
charger sabay isinaksak.
L-H. Maya-maya'y dumating si Papa galing
trabaho at may dalang Ponkan at Kalamansi. tamang
tama para sa sipon ko. Itinimpla ako ni Mama ng kalamansi. Nang
makainom ng Kalamansi, walang pagbabago sa aking nararamdaman,
marahil di pa umeepekto. Mainit at maasim-asim na sabaw ng karne ang naging
pananghalian ko. Matapos mananghalian, natulog muna ako. Halos apat na oras
akong natulog at Alas-Kwatro na ko nagising. Bahagyang gumanda ang pakiramdam
ko subalit patuloy pa rin akong binabahing at sinisipon. Isinauli ko na rin
ang Universal Charger subalit di ko
nanaman nadatnan si Jaypee. Sa kapitbahay nila
na si Ate Rose ko na lang ipinasuyo ang charger at
sinabing pakibigay kay Jaypee kapag dumating siya. Agad naman
siyang pumayag sa aming napagkausapan at kami'y masarap na nagkwentuhan.
L-I. Di ko namalayang Alas-singko na pala
sa hinaba-haba ng pinagtsikahan namin ni Ate Rose, sa sarap niyang
kakwentuhan, di ko magawang magpaalam sa kanya. Pagdating sa bahay naghahain na
pala si Mama. Batid ni Mamang may sipon ako kaya sinabawang karne muli ang
aming ulam upang masuplementuhan ang kakulangan ko sa bitamina, mahal talaga
ako ni mama at concern siya sa aking kalusugan. Nang makapaghapunan
naupo ako sandali, Maya-maya'y tumungo ako sa Computer shop upang
gawin ang takdang aralin sa AP. Mahigit
sa isang oras rin ako nasa computer shop at natapos ko na sa
wakas ang assignment sa AP at kailangan na lang ipaprint. Pagkalabas
sa shop, medyo minamalas nga pagkat napigtal ang aking tsinelas,
naglakad tuloy ako ng nakapaa. Di ko matiis ang di manood ng paboritong
programa at kahit di kagandahan ang pakiramdam, nanood pa rin ako. Tumitindi na
ang tensyon sa Sabah pagkat ayaw pa rin umuwi ng Pilipinas ang
mga rebelde. Matapos manood ng telebisyon, ako'y natulog at sana'y tuluyan ng
bumuti ang pakiramdam ko.
March 07, 2013
Thursday
Year I-066
Thursday
Year I-066
L-J. Madaling araw pa lamang, gising na
ko subalit dala ng antok at natulog ako. Mga Alas-siete na ng umaga muli ako
gumising. Medyo guminhawa ang pakiramdam ko at di na kasing sakit tulad ng
nakalipas na araw ang lalamunan ko subalit patuloy parin akong sinisipon.
Mabuti ng sipunin ng maubos na at mailabas ang lahat ng virus.
Suminghot ako ng Vicks ng sa gayo'y lalo pang lumuwag ang
aking paghinga. ang lamig sa loob ng katawan ang pakiramdam pag nasinghot
ng Vicks. Pagkatapos mag-almusal, tumungo muli ako kina Gelyn upang
mag-tutor. Nag-aalmusal pa siya nun kaya nagkwentuhan muna kami ng
kanyang nanay. Nang matapos si Gelyn sa pag-aalmusal, sinimulan ko
na siyang turuan. Sa kagustuhang sa labas kami mag-lesson, pinagbigyan
ko siya. Maya-maya, habang tinuturuan ko si Gelyn tungkol sarotation
and revolution of Planet in solar system, may mga sumasabat at
nakipagdebate sa akin na araw daw ang gumagalaw sahalip na planeta.
L-K. Ibinahagi ko kung ano ang aking
natutunan at sinabing baligtad sila. Dahil sa aking mga paliwanag, di na sila
nakipagtalo pa. Tuwa ang naramdaman ko sa aking sarili ng sabihing ang talino
ko raw at di silang nagkamaling kuhain ako bilang teacher. Pano
mapa Math at Science magaling daw ako.
Sobrang ikinagagalak ko ang kanilang mga papuri. Nang makapag-tutor, ang
kinita ko ang pinanggastos sa pagpa-print ng assignment sa AP. Kailangan na talagang magpasa
kung ano ang ipinapasa ng sa gayo'y pumasa. Konting panahon na lang ang
bubunuin sa pag-aaral at bakasyon nanaman, sana di maging pasakit sa akin
pagdating ng bakasyon. Ng makapag-print,
parang wala ng aalalahanin pa kundi worksheet na lang sa Math ang
ipapasa ko. Ayaw ko sanang pumasok pagkat wala namang klase subalit magpapasa
ako at magkukumpyut pa ko ng grade sa Chemistry.
L-L. Pagdating sa eskwela,
kapansin-pansing di gasinong dami ang mga nagsipasok, nakakalungkot tuloy,
habang wala pa si Sir Rombo, sinimulan ko ng kompyutin ang grade ko
sa Chemistry. Di gaanong kataasan subalit ako'y nagagalak sa
kinalabasan ng grado pagkat pasado ako, alam ko na ang grado ko sa Chemistry ngayong Fourth
grading. Kaarawan rin ngayon
ni Crislyn kaya nagsaya ang lahat ng kaibigan ni Crislyn,
may pledge pa ngang sinusulat kung anong mensahe mo sa kanya at
ito'y kanyang babasahin, daming alam ng Classmate ko na dati'y
di ginagawa. Kapag may nagbebertdey kasi, kaugalian na nilang mang-isnab,
pagtulungang harutin at babasagan ng itlog pag-uwian at siyempre di mawawala
ang batian at bibigyan mo ng regalo.
L-M. Sa halip na makisali ako sa masayang
harutan at kulitan nila, pagsagot sa Worksheet ang
pinagkaabalahan ko at pagkumpyut ng grado ng kagrupo ko sa Chemistry.
Si Jonathan, problemado sa Chemistry at Filipino pagkat
bagsak siya, nakiusap siyang tulungan ko siyang makipag-usap sa teacher subalit
dami kong inaasikaso. Ilang
sandali'y AP na,
di pumasok si Sir Rombo subalit nandiyan naman si Ma'am
Juanites. Ipinasa ko na ang takdang aralin, solve na ang
problema. Nagtsek lamang kami ng quizzes. Sa oras ng English, inanunsyo
ni Ma'am Ramos ang lahat ng bagsak at kailangan ng mag-summer.
Nakakaawa ang mga bagsak pagkat di na mababago ang naging desisyon ngteacher at
talagang summer class sila. Salamat sa panginoon pagkat di
niya kong hinayaang bumagsak at tuloy na tuloy ang mahabang bakasyon.
L-N. Maya-maya'y tumunog na ang bell hudyat
na uwian na, naglulundag ang mga kaklase ko sa saya. Marami na ring Fourth
year ang nasa covered court pagkat praktis nila
ng Graduation. Ang bilis ng panahon at parang kailan lamang ng
grumadweyt ako sa elementarya, heto at gragradweyt nanaman ako pero next
year pa. Sa halip na sumama kila Andrea na niyaya
akong mag-Ever, umuwi na lang ako. Bago umuwi, tulad ng ginagawa ko sa
nakalipas na ilang araw, inihuhulog ko ang tirang allowance sa
pabilihan ng charger. Sampung piso na lang ang kulang at mabibili
ko na ang charger, matatapos na rin ang panghihiram ng universal
charger. Pagdating sa JOLIA,
nakita ko si Pastora Anna at binati ko siya.
L-O. Ang matamis niyang ngiti ang
nagpagaan sa akin at kami'y nag-usap. Sa hinaba ng mga pinag-usapan, mga
Alas-kwatro na ko nakarating sa bahay. Walang magawa Kaya nagkumpyuter na lang
ako. Nilaro ko ang Plants versus zombie at Angry bird,
dalawa sa sumikat na larong kinahihiligan ng kabataan. Pagkatapos magkumpyuter,
balik sa dating gawi, ang manood ng telebisyon sunod ay matutulog na. Parang
ang saya ko ngayon dala sigurong wala akong bagsak at di ko pa rin malimutan na
nag-swimming kami
March 08, 2013
Friday
Year I-067
Friday
Year I-067
L-P. Malakas na tunog ng radyo ang
nagpagising sa katawang lupa ko, Alas-siete y medya na pala at mukhang
napasarap ang tulog ko. Medyo sinisipon ako sa umagang ito at uminom ng gamot.
Nawala naman pagkalipas ng saglit. Patak patak Alas-Otso ng tumungo ako sa
bahay ni Gelyn. Nadatnan kong nag-iigib si Angelica
(Amacna). Namalik mata ako sa batang babae pagkat walang iniindang sakit sa
katawan habang nagbubuhat siya ng balde. Kinamusta ko siya hanggang sa mauwi sa
masarap na usapan. Sa hinaba-haba ng aming pinagkwentuhan, mukhang nainip na
ang estudyante kong kanina pang nakaabang. Maya-maya'y namaalam na ko kay Angelica at
pumasok sa bahay ni Gelyn.
Saka pa lang kami nag-umpisang mag-aral. Tungkol sa Phases of
the moon ang tinuro ko sa kanya.
L-Q. Ako'y di masiyahan pagkat ang lahat
ng aking sinasabi'y parang ipapasok sa isang teynga labas sa kabilang teynga.
Mas nilakasan ko pa nga ang aking boses ng sa gayo'y may maintidihan siya't may
matutunan. Sa pagtatapos ng pagtuturo ko sa kanya, bilinan ko si Gelyn na
kabisaduhin ang lahat ng tinuro sa kanya upang di agad makaligtaan. Ng
mabilinan, tila dinaan sa biro at parang paslit na nakipagkulitan. Ako naman
itong bugnot kaya't nakipagbiruan na rin ako kay Gelyn. saya ang
aking naramdaman at napakakulit ng estudyante ko. Naudlot ang pag-uwi ko at
nakipagtsikahan kina Angelica at Gelyn, kakabagan
ako sa dalawa at ang lalakas magpatawang tila bagang maaring maging komedyante.
Di pa't nakuntento'y kanya-kanya kaming step ng Harlem shake.
Palong-palo ang dalawa at daig pa ko.
L-R. Nang Alas-dyis na kinailangan ko na
umalis. May isang hiling na ipinahabol sa akin si Angelica at
sinabing turuan ko rin siya gaya ni Gelyn. Nagagalak ako pagkat
madadagdagan nanaman ang estudyante ko. Ang kinita ko mula sa pag-tutor ang
pinanghulog sa Charger subalit tumanggi ang tindero pagkat di
pa nila nabibili ang order kong charger. Tuloy ay
tiis-tiis muna sa hiraman ng Universal charger. Ipinangkumpyuter ko
na lamang ang kinita. Makalipas ang isang oras na pagbabad ngmata sa Computer,
tanghaling tapat na at tirik na ang araw. Sa halip na mag-extend, umuwi
na lang ako. Di ako papasok ngayon pagkat wala naman gagawin. Pagdating sa
bahay, katakot takot na dakdak ang sumalubong sa akin, sa halip na sumagot,
tikom ang bibig sabay lantak ng ulam. Ilang sandali, ang dumakdak ay napagod
din, natapos akong mananghalian ng busog at tumulog. Mga Alas-Tres na ko
nagdilat sa kagandahan ng panaginip na halos di maikintal sa aking ala-ala.
Kabato sa bahay at walang maisipang gawin kaya gala-gala muli ako.
L-S. Pumunta ako sa bahay ni Jaypee subalit
wala siya. Sa halip na maghintay, kina Gelyn ako tumungo.
Nakipagtsikahan ako sa kanila at grabe ang lakas mang-trip nina Kuya
Jun. Namalagi ako sa bahay nina Gelyn hanggang sa sumapit
ang dilim at doon na rin ako sa kanila naghapunan. Ang babait nila at
nagmistulan akong reyna sa kakasilbi nila. Nang matapos makapaghapunan, tumungo
kami sa labas malapit sa Sapa upang tumambay. Daming tanong sa
akin ni Kuya Jun pati yun kasamahan niya at sa dami, di ko na
magawang sagutin. Pinipilosopo naman pag nasagot ako kaya nakipagpilosopo rin
ako. Dami rin niyang joke sa akin na labis naming ikinatawa.
Maya-maya ang katuwaan naming lahat, nauwi sa sayawan.
L-T. Di ko akalain na magaling akong
sumasayaw sabi sa akin at marami akong sample na ipinakitang
tiyak na nakapag-antig sa kanila. Piling ko sa gabing iyon, ako yung taong
kuminam ng husto at sobrang bilib ko sa sarili, naipakita kong may maibubuga
ako pagdating sa sayawan. Dati kasi, ikinakahiya ko kungpaano ako sumayaw,
ngayon sobrang maipagmamalaki ko na. Salamat sa kanila't sila ang nagbigayng
inspirasyon. Sa tindi ng aming katuwaan, di ko namalayang Alas-otso na kaya
nagpaalam na ko sa kanila at umuwi na. Natulog akong may nararamdamang saya at
tuwa dahil sa sinabi nila.
March 09, 2013
Saturday
Year I-068
Saturday
Year I-068
L-U. Kagising lamang at kagaling
langsa Dreamland. Maganda nanaman ang panaginip ko, nasa kalawakan
raw ako tapos lumilipad at nalilibot ang lugar na gusto kong mapuntahan tulad
ng Boracay at iba pang panig ng mundo. Parang ayaw ko ng
gumising pa at mabilanggo sa napakagandang panaginip subalit ang buhay ay tuloy
pa rin at Diyos ang magtatakda kung kailan pa ang itatagal mo sa mundo. Medyo
inaantok pa subalit kailangan ng bumangon at marami pang gagawin. Nang
nakapag-almusal, ang nakatambak sa magdamag na plato ang pinag-ukulan ng pansin
at ako'y naghugas. Nang makapaghugas at mailaga y sa tamang lalagyanan,
pagwawalis ng alikabok at pagpupunas ng Parador, eskaparate at sahig ang aking
inatupag. Sa dami ng aking ginawa, naubusan ng lakas at naupo sandali. Parang
nakapakalinis na ng bahay at ako ang dahilan.
L-V. May isa pa kong estudyante na
si Angelica na kailangan turuan kaya nagtungo na ko sa kanyang
bahay. Pagdating sinabi sa akin ng kanyang nanay na wala siya. Sa halip na mag-tutor,
nakipagkwentuhan nalamang ako sa kanyang nanay. Pagpasok sa bahay nila, kitang
kita ko ang hirap na kanilang dinadanas at ako'y nahabag, sa habag, binabaan ko
ang singil sa bawat araw na tuturuan ko si Angelica. Maya-maya'y
umuwi na ko. Habang nagkwekwentuhan kami ni Mama, ang kuya kong kulang kulang
sumisigaw pag naririnig ang boses ko at ayaw niyang mag-usap kami ni mama, di
ko siya pinansin subalit di mapigil ang kuya ko at halos makapinsala sa
pagwawala. Naputol ang usapan
namin ni Mama at nagalit ako sa aking kapatid. Pano pag nag-uusap kami ni Mama,
umaaya siya at sumisigaw subalit di ko magawang saktan siya dahil sa kalagayan
niya. Ngayon na ko di makapagtimpi at napagbuhatan ko ng kamay ang aking
kapatid sabay ibinulalas ang di magagandang salita.
L-W. Alam kong masama ang ginawa ko sa
aking kapatid subalit dala ng yamot kaya nagawa ko sa kanya iyon. Pati si Mama
na kaninang close, nakaaway na rin dahil sa ginawa ko sa aking
kapatid. Sa tindi ng galit ko, nagwala ako. Parang pakiramdam ko kasi, kahit
ang taong malapit sayo, di ka magawang intindihin o pakinggan pagkat
nararanasan ko iyan sa lahat ng taong nakakausap ko. Parang galit sa akin ang
sanlibutan, wala naman akong ginawang masama. Sa kakawala ko, napagod ako at
tumungo sa kwarto, nahikbi ako at inisip na simula ngayon, di ko na kakausapin
si Mama kung magkagayong kapalit ay away dahil sa kapatid kong kulang kulang. Itinulog ko na lang
ang sakit at hapding nadarama.
L-X. Nang magising, deadma lang
sa akin ang makita si Mama at parang wala siya. Hinayaan ko munang humupa ang
galit. Ako yung tipong madaling magalit subalit di ako mapagtanim ng galit sa
mahabang panahon. Galit man ako kay Mama at Kuya, bukas din ay mawawala na.
Dapit hapon, tumungo muli ako sa taas upang kunin ang charger. Fully
paid na ako nun at umaasang magkakaroon na ng charger subalit
di pa nai-deliver. Mukhang niloloko na ko ni manong at balak ko ng
bawian kinabukasan ang lahat ng naihulog kapag wala pa. Pagkagaling sa taas,
dumiretso naman ako sa bahay nila Regine (Miano). Gusto ko kasi ng
bagong environment hangga't may kainitan ako sa bahay. Ang
galit na kaninang kinikimkim, napalitan ng saya pagkat pinasaya nila ako.
L-Y. Di ko ibinahagi sa kanila ang
hinanakit ko kay Mama at kuya, mahirap na kasing masira ang buhay namin dahil
sa tsismis. Ang Pinoy talaga, makasagap lang ng balita,
itsitsismis agad sa iba at aminin natin iyan na likas ang pagiging tsismosa.
Madilim-dilim na ng umuwi ako. di pa kami nagpansinan ni mama. Nagduyan ako
habang nagsa-soundtrip. ng magsawa'y pagbabasa ng bible ang
aking inatupag. Natawa ako sa sinabi ni Ate pagkat pwede raw ako magpastor.
Ayaw kong magpastor at hilig ko lang talaga magbasa kapag walang ginagawa.
March 10, 2013
Sunday
Year I-069
Sunday
Year I-069
L-Z. Lahat ng miyembro sa Pamilya ay
gising na maliban sa akin na masarap na humihilata sa kama. Alas-sais pa lang
ng umaga kaya umidlip muna ako ng saglit. Alas-siete na ng bumangon ako.
Malakas na tugtug ng kapitbahay ang agad ko narinig at kaaga-aga, Gangnam
Style agad ang Musika. Sa inggit, nagpatugtug rin ako at nilakasan ko
ang tugtug para masapawan. Ng matapos sapag-aalmusal, gawaing bahay ang sunod
kong inatupad. Mas lalo pa akong ginanahan sa pagwawalis dahil sa tugtog na
nakakapagbigay sigla sa akin. Nang makapagwalis, pagpupunas naman ng sahig ang
sunod kong ginawa. Nangamuti na ang sahig pagkat nilagyan ko ng kloroks ang
pamunas. Nang matapos ang gawaing bahay, enjoy muna sa malakas
na tugtugan. Maya-maya, pinatay ko na ang tugtog at tumungo sa taas upang
bawiin ang perang inihinulog kung wala pang Charger.
M-A. Pagdating sa tindahan ng Charger,
ang inakalang makukuha ang Charger, mamayang hapon pa pala at
sinabing maling unit ang nabili nila. Sa pangatlong
pagkakataon ay inintindi ko sila at babalik uli ako ng hapon upang kunin
ang Charger. Lowbatt na ang Cellphone ko
kaya si Manong pa mismo ang nagmalasakit na i-charge ang Battery ng cellphone ko
gamit ang Universal.
Nabaitan ako kay manong kaya kahit di kilala ay ipinagkatiwala ko muna
sa kanila ang Battery ng Cellphone ko, hiling
ko lamang na huwag papalitan dahil pag ginawa iyon, idedemanda ko ang tindahan
nila at magsasara ng mahabang panahon. Paubos na rin ang pasensiya ko pagkat
nung Biyernes pa ang usapan subalit Linggo na ngayon subalit di ko pa nabibili
ang Charger. Swerte nila't naging mabait akong Costumer at
pasensyoso. Pag-uwi sa bahay, kinamusta ako ni Mama kung nakabili
na ba ako ng Charger, dahil sa nangyari kahapon, di ko muna siya
kinausap at nahiga sa kwarto.
M-B. Alam kong di dapat ako magalit sa magulang ko
subalit di ko kinaya ang nangyari kahapon na patiang Mama ko, ipapadama sa akin
kung anong ginagawa ng iba sa akin, ganun rin niya gagawin sa akin. Parang
pinamukha niya na ganun rin siya na katulad ng iba. Di niya
maintindihan ang pinagdadaanan ko at ayaw ko ng sabihin pa sa kanya iyon sapagkat
batid ng isip na di niya ko mauunawaan. Nang magising, dala ng walang magawa,
naisipankongmanood ng Video. Pinanood ko ang tungkol sa Arko
ni Noah. Medyo Suspense ang palabas na ito pagkat
masasama ang mga tao sa bayan nila. Di nagtagal pinarusahan sila ng Panginoon
sa pamamagitan ng paglipul at umulan ng apat na pung araw.
M-C. Ang palabas na iyan ay hango rin sa
bibliya at makikita sa aklatng Genesis. Ganoon pala kamiserable ang
buhay ni Noah. Ng matapos manood ng Video, tumungo muli
ako sa taas upang kunin na ang Charger. Sa halip na fast-charger ang
makuha ko ay Universal Charger na ang ibinenta sa
akin at parehas din naman sa presyo angbenta. Di na ko nagreklamo pa at
tinanggap ko kahit Universal, ang mahalaga'y magkaroon ng charger ang cellphone ko
na ilang araw ng di mapakinabangan dahil low-batt. Solve na
ang problema ko. Habang binabagtas ko ang kahabaan ng lansangan, Saktong nakita
ko si Merry Grace kasama ang kanyang kapatid sa Grocery.
Pauwi na rin sila kaya sumabay na ko. Sa dami ng kanilang
pinamili, tinulungan ko na sila sa pagbitbit. Pagdaannamin sa JOLIA Church, Nakita namin
si Pastora Anna at nag-usap kami. Humingi ako ng tawad kay
Pastora pagkat di ako nakadalo sa Sunday mass. nginitian lang ako
ni Pastora at ayos lang sa kanya.
M-D. Saktong lumabas si Cathy galing Church at
sabay na kaming umuwi. Pagdating sa bahay, bigla ko na lamang nakita si Ate
Nenita. Kanina pa niya hinahanap si Lilibeth Ramos at
di pa niya masumpungan kung saan ang bahay niya. Buti na lamang at kilala ko
iyong hinahanap niya kaya dali-dali ko siyang dinala sa bahay ni Charmlie.
Di namin naabutan ang nanay ni Charmlie kaya tatay niya ang
kinapanayam ni Aling Nenita. Ilang sandali pa umalis na ko
kina Charmlie at bago ako umalis, nagpasalamat sa akin
si Aling Nenita at iniwan ko na siya. Kinagabihan, ang saya-saya muli ng
gabi ko pagkat daming tawa sa show ni Vice Ganda.
Ngayon ko lang nalaman na kapag pangit ka at biglang gumanda ay gandang di
inakala ang tawag sa iyo at kay Vice Ganda mismo nanggaling iyon.
Isa pa may bagong term nanaman ang pauso ang bakla at iyon ay
i-Kathryn Bernardo mo ako at i-Aryana mo ako. Daming
pasikat na salita ni Vice Ganda at tiyak masasali nanaman iyan
sa bokabolaryo ng mga kaklase ko bukas. Ng matapos ang pinapanood, walang
nagbago at matutulog muli ako.
March 11, 2013
Monday
Year I-070
Monday
Year I-070
M-E. Sa dami ng nilalaman ng isipan, di
ko namalayang Lunes na pala. Masaya nanaman ako pagkat huling linggo na ng
pasukan at malapit na akong tumungtung sa Fourth year. Mukhang tinatamad
na akong pumasok subalit kailangang pumasok pa pagkat ipapasa ko ang Worksheet sa Math.
Buti na lamang at wala akong bagsak kaya pwedengmag-hayahay sa darating na
bakasyon. Di na rin ako nakapag-tutor kay Gelyn pagkat
Alas-otso y medya nang akomagising. Sa halip na mag-tutor, gawaing bahay
na lang ang inatupag ko. Sayang ang kikitaan pero ayos lang iyan, magkakapera
pa naman ako dahil sa baon. Tipid tipid rin pag may time. Pagsapit ng
Alas-dyis, itinigil ko na ang gawain bahay at ako'y nananghalian. Dama ko na
ang Summer pagkat ang alinsangan ng panahon, Madami tuloy
akong nalagok na basong tubig dahil sa alinsangan.
M-F. Kinatanghalian, kapansin pansing
manaka-nakang estudyante lamang ang nakikita kong pumapasok. Ang aga naman ng
kanilang bakasyon at malakas ang kutob kong kukonti na lang ang papasok
ngayon, last week na kasi at sabik na ang estudyante sa
mahabang bakasyon. Ang kutob na aking napipisil, tumumpak at halos nabibilang
ang estudyante ng Batasan sa kauntian. Malungkot na tuloy at
parang gusto ko ng umuwi. Lalo pa kong nalumbay pagkat mukhang di papasok ang
aking mga kaibigan. Mga lima pa lang ang pumapasok at malabong dadami pa. Ang lungkot na
aking nadarama, napalitan ng saya pagkat pumasok silang lahat, sa tuwa,
nagtititili na kami. Malapit ng mag-Alas-dos subalit wala pa si Sir
Rombo. Dapat pala di na ko pumasok kung di naman ako makakapagpasa ng Worksheet.
M-G. Maya-maya'y sa di malamang dahilan,
naging maingay ang buong eskwela sa dami ng natili, pati kaklase ko nagtitili
na rin at tila nagkakagulo na. Dumating pala si Vince Tañada sa
iskul namin at grabe, saksakan siya ng kapogihan kaya maski ako'y napatili
na rin. Dahil walang teacher, wala kaming ginawa kundi tumili hangga't
nasisilayan siya. Natigil ang tilian ng biglang humangin ng malakas at maya't
maya ang buhos ng ulan. Mukhang nagalit sa amin ang langit. Panandalian lang
ang ulan at nagpakita muli ang araw. Maya-maya'y dumating na si Ma'am
Juanites at naku, may Periodical test pala
kami. Dahil di ako
nakapagrepaso, naging mahirap sa akin ang mga katanungan. Hula-hula tuloy ako.
Bago umalis si Ma'am Juanites, inanunsyo niyang may magaganap
na Recognition sa huling araw ng klase at sa mismong Recognition niya
sasabihin kung sino ang napasali sa pinakamataas na nakakuha ng grado sa AP,
kasali kaya ako dun? Sana nga.
M-H. Pagkaalis ni Ma'am Juanites,
wala nanamang humaliling guro. Huling linggo na naming magkakasamang
magkaibigan at mamimis ko sila, kaya naman sinulit na namin ang saya sa
pamamagitan ng pangtri-trip sa isa't isa. Ang lakas mang-trip ni Jessa at
sa sobrang kaharutan ay nakabasag tuloy kami ng bintana. Kanya-kanya
kaming sisihan subalit katuwaan lang. Lalo ko tuloy sila mami-miss at
mami-miss ko ang kanilang kakulitan, di ko nga alam kung magkikita
kita pa kami sa susunod na pasukanlalo na't ipinabatid sa akin na balak nilang
lumipat. Wala talagang magawa sa iskul kaya gumala na lamang kami. Kahit malaki
ang eskwelahan ng Batasan, halos lahat ng lugar dito ay nalibot na
namin. Nang makita
si Ma'am Ramos na paparating, kumaripas kami ng takbo, sa
sobrang pagmamadali, nadulas kaming lahat. Grabe it so funny and we are
clumsy too, sa halip na magmaktol, tawanan kami. Nang MAPEH na, saka pa lamang
dumating si Sir Rombo at ipinasa na namin ang Worksheet.
M-I. Pumasok rin si Ma'am Petty subalit
saglit lamang siya at agad umalis. Lumapit sa akin si Jonathan at
nakiusap na samahan ko siya kay Ma'am Batara pagkat bagsak
siya. Di lang si Jonathan ang bagsak maging sina Noemi, Dennis at
magpinsang Bohol. Sinamahan ko sila kinausap si Ma'am
Batara. Kung di man ipasa, nagmamakaawa silang bigyan ng special
project. Nasa huli talaga ang pagsisi at kung nagsipag lang sila, di sana
hahantong sa pagmamakaawa. Habang kinakausap sila ni Ma'am Batara,
tumunog na ang bell at uwian na. kasabay muli ko si Ma'am
Jamero sa pag-uwi bitbit ang anak niya. Pagdating sa bahay, saka pa
lamang ako nag-recess. Maya-maya'y tumungo ako sa Computer
shop upang mag-download ng kanta.
March 12, 2013
Tuesday
Year I-071
Tuesday
Year I-071
M-J. Alas-Siete na ng umaga subalit heto
pa rin ako at sarap na sarap humilata sa kama. Katamad rin bumangon subalit
marami pa akong dapat asikasuhin kaya bumangon na rin ako. Balak ko sanang
maglaba ngayon subalit nakita kong naunahan na ni Mama at nagbabanlaw na.
Kaines at wala naman maisipang gawin, naglinis na lang ako ng bahay. Kahit sa
Biyernes pa ang huling araw ng klase, para sa akin, ito na ang umpisa ng
bakasyon. Teacher ko na mismo nagsabing kapag wala kang
bagsak, kahit di ka na magpakita sa kanya at pwede ng magbakasyon. Salamat sa
maykapal at nairaos ko ang pagiging Third year. Bilis talaga ng
panahon at heto nanaman si Long Vacation, nagpaparamdam na. Ng
makapagwalis walis at matapos, gora nanaman ako kina Gelyn. Habang
naghahanda, biglang naudlot ang aking balakin pagkat dumating si Ate
Arlene at nagpapatulong sa akin kung paano i-block ang friend sa Facebook.
Sa loob loob ko sayang nanaman ang kikitain ko at wrong timing ang
paghingi niya ng tulong sa akin, nayamot tuloy ako.
M-K. Nasa bundok lang, may Facebook
account pero di marunong mam-block. nakabawi naman
si Ate Arlene ng siya ang nagpa-load ng
aming internet. Pinapasok ko siya bilang pasasalamat at dahil sa
kanya kaya nakapag-internet ako, download nanaman
ng kanta ang ginawa ko. Ang mukha ni Ate Arlene, di maipinta sa
laki ng problema, atat na kasi siyang i-block yung friend sa Facebook.
tinuruan ko siya kung paano mam-block subalit di niya sinabi sa
akin na wala pala siyang Facebook account, paano mai-block kung
naman wala siya nun. Natatawa ako kay Ate Arlene pagkat
magpapagawa siya akin ng account at pag nakagawa na, saka niya
i-add yung gusto niya i-block, in-add pa niya
kung ibla-block rinnaman pala, nagsayang lang ng panahon at ang
kitid mag-isip.
Di rin siya marunong mag-internet at sa muling pagkakataon, teacher nanaman
ako at tinuruan ko siya kung paano mag-log-in at log-out,
ginawan ko na rin siya ng account.
M-L. Laking tuwa niya ng may Facebook na
siya. Madali naman siya matuto sa mga tinuro ko at sana pag mag-i-internet na
siya'y di na ko abalahin pa upang magpaturo, ayaw ko kasi sa taong di madaling
matuto. Ang bagal ng internet kaya tiyaga tiyaga kami sa
mabagal na koneksyon. Maya-maya'y umalis na siya. Kahit may internet ang
sariling computer, nag-internet pa rin ako sa labas at
nag-download ng mga RNB Songs. Kahit yung mga kantang
sumikat ng dati, dinawnlod ko rin. Nang mai-download ang lahat ng
kanta, saka lamang ako umuwi.
Alas-dose na at matindi na ang sikat ng araw at kahit tanghali na, di pa
rin ako nag-aayos ng gamit na dati nama'y ginagawa ko pagkat di na ko papasok.
M-M. Pagdating sa bahay, amoy ko ang di
kanais nais at maasim na amoy mula sa katawan ang malalanghap kaya naligo na ko
ng sa gayo'y maging fresh. Ang kaninang maaliwalas na panahon,
bahagyang kumulimlim. Maya maya'y bumagsak ang katiting na patak ng ulan. Ng
makaligo, gamit ang card reader, nag-save ako ng
dinownload na kanta sa Computer. Walang magawa talaga kaya ako'y
nag-soundtrip. Kahit umulan ay dama ko pa rin ang maalinsangang panahon.
Mayroon pang-load ang Computer kaya nag-internet ako.
Pagsapit ng gabi, maalinsangan pa rin kaya nagtungo ako sa labas at nagduyan
habang nagduduyan, kita ko si Mama na nakikipagtsikahan sa kaedad niyang
matatanda.
M-N. Kahit Menor de edad ako,
nakisali ako sa kanila dala ng pagkabato. Nag-iihaw ng barbeque ang
katsikahan ni mama kaya bumili ako at si Mama ang nagbayad ng barbeque.
saktong bumili rin ng barbeque si Regine (Cebrero) at
nakipagtsikahan ako sa kanya, na-badtrip ako ng bahagya pagkat may
lalaking papansin at sumasabat sa usapan, malakas mambara kaya binara ko rin.
Basag siya sa malulupit kong mga salita at di na muli nagpakita pa. Masyadong
nagpapansin at ako pa ang nais pagtripan, di naman kapogihan. Nang Alas-otso
na, pumasok na ko sa loob ng bahay kasama si Mama at nanood kami ng telebisyon.
Sa puntong ito'y mukhang nagkaayos na kami ni ina, sabi ko naman na di ako
mapagtanim ng galit pagkat di ako marunong magtanim, magbungkal lamang.
March 13, 2013
Wednesday
Year I-072
Wednesday
Year I-072
M-O. Two days to go
before the starting of long vacation. Malapit na at sabik
na ko. Anu kayang maaring gawin ko kapag bakasyon na maari kong matutunan,
abangan na lamang. Sa ngayon hangga't wala pang maisip gawin sa panahong ito,
gawaing bahay ang pag-uukulan ko ng oras ng sa gayo'y ikatuwa ako ni Mama at
lalo pa kaming magkaayos. Kakaayos lang namin kagabi at ayaw kong muli kaming
mag-away dahil lamang sa sermon. Palasermon pa naman si Mama kapag nakikita
niyang nakaupo lang ako at ayaw niya ng batang batugan. Kapag tumalak si Mama, sunod-sunod
at walang prenong pumuputak.
Hayain na, ganyan naman ang ugali niya at malugod ko iyong tatanggapin.
Kung ano ngang ugaling naipapakita ko sa kanya, napapalagpas niya at dapat ko
rin siyang palagpasin, tapos na ang away at lalong ayaw ko ng gulo.
M-P. Pautay-utay akong nakain sa upuan at
ng malamanan ang kumakalam na sikmura, Walang bago at tumungo ako sa bahay
ni Gelyn upang mag-tutor. Nadatnan ko ang kanyang nanay
kaya binati ko siya pati ang kapatid na sina Shiela at Regine
(Miano) na kapwa matalik kong kaibigan bago pumasok. Sinamahan ko ng matamis na ngiti ang pagbati
kaya mas lalo silang natuwa. Abala nun sa paghuhugas ng plato si Gelyn kaya
naghintay muna ako.
Kita ko sa mukha ni Gelyn ang kabigatan na may
pagka-ines at tinanong ko siya kung kinaka-ilangan ba niya ang madalas kong
pagtungo sa bahay. Hindi ako ang kinakainisan niya kundi iba. Sinabi niya sa
akin na nag-away daw silang magkaibigan pagkat siniraan raw ito. Sobrang may
hinanakit si Gelyn kaya may pagmumurang ibinahagi niya sa akin
ang pangyayari at bakas sa mukha ang pagkamuhi.
M-Q. Inintindi ko si Gelyn sa
kanyang pinagdaraanan at sa halip turuan ko siya tungkol sa pinag-aaralan sa
eskwela, pinangaralan ko siya at sinabi kong huwag mong intindihin ang sinasabi
tungkol sayo kung di naman totoo, natauhan si Gelyn ng sabihin
ko iyon. Nang mahimasmasan saka pa lamang kami nagsimulang mag-aral. English subject naman
ang pinag-aralan namin kaya English speaking ako. Natatawa ako kay Gelyn pagkat
habang na-ingles ako, bigla na lamang dumugo ang ilong niya. Nosebleed yata
siya sa Ingles ko. Walang
malinaw na dahilan ang pagdugo ng ilong dahil may nagsasalita ng wikang ingles
kundi dala siguro ng init ng panahon, iyon kasi ang naikintal sa isipin ng iba
na musmos pa lamang ang isipan kahit biro lamang at paniniwalaan na. Sa bait
kong ito, pinagpahinga ko si Gelyn. Kahit di natapos ang tutor ko
sa kanya dahil Nosebleed, binayaran pa rin nila ako. Tumungo na agad ako
sa Computer shop upang mag-download ng kanta.
M-R. Malas nga't ang bagal ng Internet
connection na nagpabagal sa pag-download ng kanta tapos
ang iingay pa ng mga bata at amoy araw. Di ko nakayanan ang sitwasyon kaya
lumipat ako ng ibang Computer shop. Sa shop na aking
nilipatan ay laking pasalamat ko pagkat walang mga batang makukulit, may bata
subalit behave at mabilis rin ang internet kaya
nakarami ako ng na-download na kanta. Pagkauwi, nakita kong abala
si Mama sa pag-iimpake ng damit at nakabihis na siya nun. Tinanong ko kung saan
ang tungo niya. Pupunta raw siya ng Airport upang salubungin
si Ate Wenang galing Singapore at tapos nun
ay dideretso na sila sa Cagayan. Limang araw wala rito si Mama at
sa Linggo pa ang kanyang balik. Bago umalis ay nagpaalam na ko sa kanya at
kaming tatlo na lamang ang naiwan sa bahay. Sinabi ko sa kanyang huwag
kalilimutan ang pasalubong pag-uwi.
M-S. Sa kadahilanang walang magbabantay
sa Kuya kong may kapansanankapag wala si Papa, di na ko pumasok. Naging
maalinsangan ang tanghali kaya kinahapunan ay bumuhos ang napakalakas na ulan.
Kasabay ng pagbuhos ng ulan ang matatalim na pagguhit ng kidlat at malalakas na
dagundong ng kulog.
May takot ako sa kulog at kidlat kaya todo takip nanaman ng unan sa
teynga ang ginawa ko at nagtago. Iyon kasi ang ginagawa ko kapag nakulog at
nakidlat.
M-T. Napapansin ko lang, dapat sa
Mayo pa ito mangyari, pero Marso pa lang ay may Thunderstorm na
at di pa pumapasok ang panahon ng tag-init. Climate change na
nga talaga. Kinagabihan, ng matapos ang unos, panonood ng telebisyon ang
inatupag ko. Wala ang ilaw ng tahanan kaya ang haligi ng tahanan ang tagaluto
ng hapunan. Balita ngayon ang tungkot sa pagpili ng bagong santo Papa sa
Simbahang Katolika at kakaumpisa pa lang ng Conclave kahapon
subalit itim na usok pa rin ang nalabas, nangangahulugang wala pa rin bagong
Santo Papa. Ng matapos manood ng telebisyon, di ako makatulog at nag-soundtrip muna.
Ang alinsangan pa rin kahit wala ng araw at gabi na.
March 14, 2013
Thursday
Year I-073
M-U. Nakakapanibago pagkat wala si Mama,
ganto pala ang pakiramdam pag wala sa piling natin ang nanay subalit ang
panahon ay lumilipas at darating ang araw na magkakaroon rin tayo ng sariling
buhay nadi kakailanganin ang tulong ng magulang. Umpisa lang iyan at masasanay
rin. Nakikinig nun si Papa ng radyo at ibinalitang may bago ng hinirang na
Santo Papa at iyon ay si Pope Francis. Kahit di si Cardinal
Tagle ang naging Santo papa, masaya pa rin ako pagkat sa wakas ay may
bago ng Santo Papa. French toast ang naging agahan
ko. Pagkatapos ng almusal ay gawain bahay ang sunod kong pinagkaabalahan. Wala
si Mama kaya ako ang nag-asikasong maglinis ng bahay.
Nang matapos ang gawain bahay, ako'y nagkumpyuter at nag-download muli ng
kanta. Nakarami na ko ng kanta kaya tama na ang pag-download at
nag-edit na lang ng title ng kanta. Nang
makapag-edit ay isineyb ko na sa aking Memory card.
Walang magbabantay sa aking kapatid pag umalis si Papa kaya di na ko pumasok.
M-V. Nananghalian at ng makapananghalia'y
ako ang naghugas ng mga pinagkainan. Madagdagan pala ang aking gawain pag wala
si Mama. Nang makahugas ay nag-soundtrip ako. Bahagyang
kumulimlim at mukhang babagsak nanaman ang malakas na ulan. Walang magawa at
gusto kong gumala subalit inaalala ko ang aking kapatid at kakaalis lang ni
papa. Maya-maya'y tumulog na ko. Pagkagising ay pinatugtug ko na ang kantang
aking na-download sa Loud speaker. Parang may Party lang
ang nagaganap sa lakas ng aking tugtug at napapasayaw ako sa tugtug. Sa pasayaw
sayaw ko, mukhang natututo ako at lumalambot pa ang katawan. Magpatuloy sanang
lumambot ang katawan at di sila magkamaling sabihang magaling ako sa sayawan.
Naalala ko lang, dati kapag iginagalaw ko ang katawan, laging sinasabing daig
pa ng bato ang katigasan ng aking katawan at parang Robot kung
sumayaw. Minsan nga'y
kinakahiya ko ng sumayaw at di ko na sinubukan pa. Inggit ako sa mga kaibigan
kong binabae pagkat parang walang buto kung sumayaw, samantalang ako Waley at
karumaldumal kung sumayaw.
M-W. Tulad ng sumayaw ako ng Chacha, maraming
humusga sa akin kaya napanghinaan ako ng loob at di na pumasok pa. Pero
ngayon, Improving na at kering keri ng humataw. Kahit si
Papa'y enjoy sa mga Musika ko habang kumakain ng Saba. sumabay
na rin ako at nagmeryenda. Nang Alas-singko na, malapit ng maghapunan, tulog
nun si Papa kaya di ko na ginising pa. Ako na mismo ang nagpa-apoy sa kalan at
nagsaing. sa tana ng buhay ko, First time ko lang magsaing at
medyo naguguluhan pa sa paraan ng pagsaing subalit di ako papigil at tinuloy ko
pa rin. Tao ako at darating ang panahong tatanda rin, sa aking pagtanda ay
naisip kong kailangan kong matutong magsaing at magluto, sa mga ganyang gawaing
araw-araw upang mabuhay, sisimulan ko na ngayong matutunan at pag-iibayuhin pa.
M-X. Ang pangamba sa aking puso, di
maalis. Kakagising ni Papa at natatakot akong baka magalit siya sa aking ginawa
subalit hindi, dinagdagan niya ng tubig ang sinaing ko at pinalakasan ang apoy.
May kaunti lang akong pagkakamali sa pagsaing. Maya maya'y inihanda ko na
ang Tocino. Di ako nagmarunong at si Papa pa rin ang nagluto nun.
Ng makaluto'y nanood kami ng telebisyon. Maya-maya'y naghapunan kami. Mukhang
di pa nga ako gasinong murunong magsaing pagkat mamasa masa ang kanin at
malambot at ang kalambutan ang nagpadismaya sa akin. Umpisa lang naman nito at
matututo rin ako. Di pa ko makatulog ng gabing iyon kaya nag-soundtrip ako.
Sa sarap ng soundtrip ay di ko namalayang hating gabi na pala.
Kahit di pa antok ay pumikit na ko hanggang sa makatulog.
March 15, 2013
Friday
Year I-074
Friday
Year I-074
M-Y. Last day of Class
for school year 2012-2013, sa huling pagkakataon ko na lang
makikita ang mga kaibigan ko subalit malabong mangyari iyon pagkat di ako
makakapasok at walang magbabantay sa kapatid ko pag umalis muli si Papa. Ng
makapag-almusal ay gawaing bahay muli ang sunod kong inatupag. Napakatahimik ng
paligid kaya nagpatugtug ako para maging masigla ang umaga ko at ganahan sa
pagwawalis. Sunod ay inimap ko ang sahig gamit ang Kloroks. Mula sa harap
hanggang sa likod ng bahay. Kahit medyo Napapagod na'y patuloy pa rin ako sa
gawaing bahay pagkat may gampanin ring iba ang papa ko. Nang matapos mag-map, paglilinis sa ilalim ng katre ang
sunod kong ginawa. Medyo may katagalan na ng huling nilinis ang ilalim ng katre
kaya napakaraming bulto ng alikabok ang aking natanggal. Sa dami ng aking ginawa,
naubusan ako ng lakas hanggang sa magutom. Habang wala pa si Mama, si Papa ang
tumayong ina't ama pagkat siya ang tagaluto at nagpapakain sa alaga naming
hayop. Di ako batugang tao at inaako ko ang responsibilidad na naiwan ni Mama.
M-Z. Nang makakain ay panonood ng
telebisyon ang sunod kong pinagkaabalahan. Kilig muc hako sa aking
pinapanood pagkat ang sweet ni Maya at Ser
Chef at kahit yaya lang si Maya, malaki ang tiyansang
makatuluyan niya ang kanyang amo. Sa kadahilanang di ako makakapasok ngayon,
nagpa-load ako upang tawagan si Jessa. Di maganda ang
takbo ng signal kaya halos di kami magkaintindihan. Ipinabatid
ko sa kanyang di ako makakapasok dahil sa sitwasyong aming kinakaharap. Pilit niya akong
sinasabihang pumasok subalit di ako pumayag. Maya-maya'y naputol ang tawagan
namin kaya idinaan ko na lang sa text ang aking katwiran.
Ngayong araw rin ang Recognition, mas lalong di ako papasok
pagkat batid kong wala akong award. Di bale at babawi ako sa Fourth
year. Ayos lang sa akin kahit di ka gandahan ang gradong aking nakukuha
mahalaga'y nakapasa ako. Inaamin kong may pagkukulang ako kaya humantong ang
grado ko sa gantong resulta.
N-A. Pagkatapos pa ng mahal na araw ang
kuhaan ng Card at habang palapit ng lapit ang araw na iyo'y
palakas ng lakas ang kaba sa aking dibdib. Alam kong di ako bagsak subalit
kinakatakot ko ang sasabihin ng aking magulang pag nakita nilang ganon ang mga
grado ko. Sana'y magkamali
ang aking kutob. Sa halip na pumasok, natulog na lang ako. ng magising ay saka
pa lamang ako naligo. Habang nagbibihis ako, malakas na hiyaw ang aking
naulinig mula sa labas at nagkakagulo, may sunog palang nagaganap at
nagkakagulo ang mga tao. Ng makabihis ay lumabas ako subalit huli na at kaagad
naapula ang sunog. salamat sa panginoon at di niya hinayaang lumawak pa ang
sunog at may masawi. Sobrang nababato ako sa bahay at di makalayas kaya
nagkumpyuter ako, nilaro ko ang Plants versus Zombie, pambatang
laro subalit inaaliw ko lang ang aking sarili. Sobrang naadik ako sa larong
iyon at sa tagal nakababad ang mata sa kompyuter,
N-B. Alas-singko na pala at magsasaing pa
ko subalit inunahan na ko ni papa at nagsasaing na. Maya-maya'y nanood ako ng telebisyon.
pinanood ko ang Juan Dela cruz at Ina Kapatid Anak. Super pogi
talaga ni Coco Martin ang I Love Him, bagay na
bagay sa katulad niyang maging action star. Sa Ina kapatid anak,
sobra na si Margaux ayaw paawat at patuloy na inaaway si Celyn kapag
nagkikita sila. Magkaayos pa kaya ang dalawang iyon? Ng matapos ang pinapanood
ay nagsoundtrip ako. Tatlong araw ng di nakakaduty si papa pagkat
wala si Mama na nasa probinsya. Ng dalawin ng antok ay natulog na ko. Yehey
at Fourth year na ko, malapit na ko sa kolehiyo.
March 16, 2013
Saturday
Year I-075
Saturday
Year I-075
N-C. Ingay ng mga batang paslit ang
gumising sa akin at sakit sa ulo ang tunog nila. Sinaway ko nga subalit maya
maya'y bumabalik at maingay nanaman. Ang mga bata talaga dito, di masaway at
parang mga walang magulang. Para di marinig ang ingay ng mga bata ay
nagpatugtug na lang ako. May balak sana akong maglaba subalit inunahan na ko ni
Papa at naglalaba na. Naglinis na lamang ako sa loob ng bahay. Medyo
ginaganahan ako sa pagwawalis pagkat nakakaaliw ang aking mga tugtug, sa sobrang
aliw at di ko mapigilang kumendeng lalo nung Halo na. Parang
landi ko sa aking sayaw. Ng makapagwalis,
ako'y nag-map at pinunasan ang lahat ng kagamitan sa bahay na balot
na ng alikabok sa tagal ng panahong di napupunasan. Matapos ang lahat ng
gawain, di pa ko pagod at gusto ko pang may gawin.
N-D. Abala nun si Papa sa paglalaba kaya
sinabi ko sa kanya na ako na ang magpapatuloy ng paglalaba at magluto na siya.
Mukhang di makakatuyo pagkat di kagandahan ang sikat ng araw. Ng makapaglaba at
magbanlaw, ako'y nagsampay. Gumaganda naman ang sikat ng araw at sana'y
magpatuloy ng sa gayo'y matuyo agad.
Sa dami ng aking ginawa, ngayon pa lamang ako napagod at nagpahinga.
Alas-onse palamang ng umaga at di pa tapos sa pagluluto si Papa, kumakalam na
ang aking sikmura subalit wala akong magagawa kundi maghintay.
N-E. Idinaan ko na lang sa pagkukumpyuter
ang gutom na aking nararamdaman at naglaro ako ng Plants Versus zombie.
Grabe at matinding aliw ang aking naranasan pagkat taob sa aking Plants ang
mga Zombie, nakakaadik talaga maglaro ng Zombie. Sa sobrang
aliw, naalis ang aking gutom subalit kumain pa rin ako. Hangga't wala si Mama,
di ako makakagala kaya tamang soundtrip ang inatupagko.
Maya-maya, bahagyang dumilim sa kapaligiran at heto na nga't bumuhos nanaman
ang ulan. Dahil may mga sinampay ako, kahit malakas ang ulan ay isinilong ko
ang mga damit at short.
Hinayaan ko na lang magpabasa sa ulan pagkat di pa ko naliligo. Maraming
mga bata at kabataan ang nagliliwaliw sa malakas na buhos na ulan. Buti na lamang
at walang kulog at kidlat kaya walang takot akong naligo sa ulan.
N-F. Maya-maya'y humina na ang ulan
hanggang sa tumila ito. Umuwi na ko at nagbanlaw. dahil basa pa ang aking
buhok, di pa ko natulog pagkat baka ako'y sipunin. Nang matuyo'y saka pa lamang
ako natulog. Pagkagising ay nadatnan kong may pupuntahan si Papa. Alas-singko
na kaya nagkusa na kong magsaing. Medyo may alam na ko sa paraan ng pagsasaing
subalit nalilito pa rin. Ng maluto ang sinaing, sunod ay sinubukan kong
magluto. Iprinito ko ang Longganisa, mukhang nalilito pa ko sa
pagprito nito at kinailangan ko pang magpatulong kay Ate na naglalaba. Itinuro niya sa
akin ang tamang pagpriprito at madali ko iyon natutunan. kailangan ko ng
matutunang magluto hangga't di pa ko tumatanda. Masarapan kaya sila sa niluto
ko? Ng makapagluto'y tumungo ako sa sala at nanood ng telebisyon.
N-G. Maya-maya'y naghapunan na kami. Ng
matikman ang aking niluto, hati ang aking naramdaman at mas sasarap pa ang
lulutuin ko sa susunod na araw, kung sa bagay ay nag-uumpisa pa lang ako.
Pagsapit ng Alas-otso, Maala-ala mo na kaya. Sinubaybayan ko talaga
ang programang iyon pagkat tungkol ito sa taong kinamulatan ang pagiging bakla.
Nainggit ako sa buhay niya pagkat naipapakita niya ng harapan kung anong
kasarian niya kahit bata pa siya at ladladan talaga kumilos. Ang ending ng
programa, naging matagumpay ang buhay niya kahit bakla siya at di nagpatinag sa
sinasabi ng iba. Sobrang Inspired ako sa kanya at balang araw
ay sana maging katulad ko siya. Ng matapos ang pinapanood na programa at sa
kadahilanang di pa ko makatulog, ako'y nag-soundtrip muli.
Alas-dose na ng gabi ako natulog.
March 17, 2013
Sunday
Year I-076
N-H. Dumating na si Mama galing Cagayan ng
madaling araw kaya naman ng magising ang katawang lupa'y boses niya agad ang
narinig ko na nagkwekwento tungkol sa ginawa niya nung nasa probinsya pa. Ang
pasalubong na Tupig at Shingaling ang aking
naging agahan at nag-usap kami ni Mama. Ikinuwinento niya sa akin ang tungkol
sa pinsan kong si Renel Julian na Seaman ang
kinuhang kurso at siyempre'y kinamusta ko rin ang kamag-anak sa Cagayan.
Dahil nandito na si Mama, makakapag-tutor na ko at maari ng gumala.
Nang matapos mag-almusal ay tumungo na ko sa bahay ni Gelyn. Ilang araw rin ako
di nakakapunta sa bahay nila kaya nangamusta ako. Abala nun sa pagpapakain ng
alagang hayop si Gelyn kaya hinintay ko muna siya at
nakipagkwentuhan muna kay Aling Gina. Maya-maya'y nag-umpisa na
kong mag-tutor sa kanya. Tinuro ko ang tungkol sa Solar
system at globo.
N-I. Pakiramdam ko, engot akong dada ng
dada pagkat parang di nakikinig sa akin si Gelyn at saan-saan
natingin. Nabwisit ako ng kaunti sa kanya. Nasasayang lang tuloy ang aking
pagsasalita kung wala namang napasok sa kanyang utak. Lipad kasi ang utak.
Kundi dahil may kinikita ako kapag nagturo ay di ko magawang lisanin ang
estudyante ko kaso siya naman itong ayaw makinig kaya balak ko ng umalis. Sa inis, naputol
ang pagtuturo ko at sinermunan ko siya. Tila ginawa niyang biro ang lahat ng
aking pangaral subalit nakikinig siya muli. Kawawa naman si Aling Gina,
sayang lang ang ibinabayad niya sa akin kung ganon katamad si Gelyn na
ayaw matuto. Maya-maya pa'y itinigil ko na at nawalan na ko ng gana. Habang
wala pang pambayad ay nakipagkwentuhan muna ako kila Berna at Regine
(Miano).
N-J. Ayos si Berna pagkat
may kasintahan na siya at ipinakilala niya iyon sa akin. Laking buka ng bibig
ko pagkat Moreno ang kasintahan ni Berna hamak na mas matanda
sa amin. Nakipagkilala rin ako. Kahit negra si Berna, may lalaki pa
ring pumatos sa kanya. Ang taray ni Berna at ganong lalaki pa
ang nais. Ng ibigay sa akin ni Aling Gina ang bayad, umalis na ko
at nagpaalam. Si Angelica naman ang sunod kong tinuruan. ibang
iba si Angelica kay Gelyn pagkat nakikinig
siya sa akin at natutunan agad ang mga tinuro ko. Ni di ko na nga sa kanya
itinuro ang multiplication at division pagkat
magaling siya dun at sisiw lang kahit malalaki. Mas mahirap ang buhay ni Angelica kaysa
kay Gelyn subalit mas matuturuan ko siya ng ayos at mas
masipag. Dahil kay Angelica kaya nawala ang stress ko
na nilikha ni Gelyn.
N-K. Tanghaling tapat na kaya itinigil ko
muna ang pagtutor sa kanya at ipagpatuloy sa hapon. Sa kakasalita kaya
nakaranas ako ng gutom. Grabe si Gelyn, ginutom ako. Maya-maya'y
nagkumpyuter ako. Nang magsawa at antukin ay saka pa lamang ako natulog. Dakong
Alas-kwatro na ng hapon ng muli akong mamulat mula sa pagkahimbing. Tumungo
muli ako sa bahay ni Angelica upang mag-tutor. Bukod sa masipag na
bata, pakabait ni Angelica pagkat binigyan niya ko ng tinapay
at super na-appreciate ko yun. Ng matapos mag-tutor,
bibili siya nun ng patuka sa manok, sinamahan ko siya. Habang naglalakad ay
nakita namin si Julius na kilala bilang si Juliana,
ang pinakamagandang bakla sa balat ng Taniman at nagpapasama
ito sa akin. Mga kumikinam na burloloy, naka-backless, makapal ang
kolerete niya sa labi at babaeng babae kung kumilos, iyan ang nakita ko
kay Juliana na labis kong ikinatawa, sinabi kong di maaring
iwanan ang aking kasama.
N-L. Nagtaray ang bruhang bakla sa aking
sinabi at dali-daling naglakad na kala mo'y sinalihang patimpalak pagkat tila
narampa. Kahit mag-cross dresser siya, mukha pa rin siyang lalaki.
Ako naman na kahit babakla bakla, kahit kailan di ko naranasang magsuot ng
pambabae at maglagay ngmake up, umibig lang sa lalaki ang
naranasan ko. Sa takot ko ba naman sa kung anong sasabihin ng aking magulang,
lahat ng lalaking aking inibig ay di ko pa nagawang ipagtapat sa magulang at sa
mga kaibigan ko lang iyon nasasabi. Tanggap nilang ganto ako subalit ang di
pwede sa kanila'y lumandi ako. Maya-maya'y ng mabayaran ako ni Angelica ay
umuwi na ko. may andakels nanaman
akey, Ang saya- saya.
March 18, 2013
Monday
Year I-077
Monday
Year I-077
N-M. Ngayong araw ang Graduation ng
mga magsisipagtapos. Ang bilis talaga ng takbo ng panahon at Fourth
year na ko sa pasukan tapos kasunod ay gragradweyt na rin ako. Mabuti
na lamang atalam ko na ang kursong kukunin ko kapag tungtung ko ng kolehiyo
subalit wala pa sa aking isipan kung saang unibersidad ako mag-aaral. Kung sa
bagay, may isang taon pang nalalabi at makakapag-isip pa ko. Sana sa pasukan,
kaklase ko pa rin sila Jessa, mamimis ko na sila at kapag wala na
sila, malulungkot na ko at mamimis ko ang kakulitan nila. Bago ang mga iyan,
kailangan munang mag-tutor. Inihanda ko na ang Globo pagkat iyon ang
ituturo ko sa aking estudyante. Nang makarating kila Gelyn,
tinanong ko siya kung ano ang dala ko. Agad naman siyang nakasagot at sinimulan
ko ng magturo sa kanya.
Ang nangyari kahapo'y tila naulit pagkat habang nagsasalita ako, itong
si Gelyn ang siyang di nakikinig at kung saan-saan lumilingon.
Nawalan na tuloy ako ng gana sa pagtuturo at gusto ko ng umayaw. Mahabang
pasensiya ang aking pinairal at sinaway ko siya.
N-N. Nakadagdag sa init ng ulo ko ang
kakulitan ng maliliit niyang kapatid at pinagsabihan kong sa labas maglaro
upang di madisturbo, nasaway naman. Maya-maya'y tuluyan na kong umayaw. Sinabi
sa akin ng nanay ni Gelyn na pagpahingain muna siya at sa
susunod na linggo ko na lang siya turuan. pumayag ako at mabuti na ring magpahinga
muna siya ng sa gayo'y ma-refresh ang utak. Lipad kasi ang utak. Ang kapatid
niyang si James (Miano) ang tinuruan ko at tinuruan ko siya
kung pano magbilang. Madali naman matuto si James at
nakakabilang kaagad ng ayos. Sunod ay ituturo ko sa kanya kung paano magbasa.
Alas-onse na ng umaga kaya nagpaalam na ko at umalis. May pera nanaman ako at
nakadami na ko sa pag-iipon. Pagdating sa bahay, ako'y nananghalian na.
N-O. Pagsapit ng tanghali'y nakaramdam
kami ng matinding init. Idineklara na pala ng PAGASA na official ng nagsimula ang
panahon ng Summer ngayong araw na ito. Hapon na subalit
dama pa rin ang napakainit na panahon at di ako makatulog. Lumabas na lang ako
at nagpahangin habang na-soundtrip. Maya-maya'y tumungo ako sa kusina at
ang natirang kanin, ginawa kong Pop rice. Ng makaluto ng Pop
Rice, may meryenda na at pinapapak ko iyon. Ang tigas subalit masarap. Sa
kakapapak ng Pop Rice, aksidenteng tinamaan ng tipak ng Pop
rice ang nabutas kong ngipin sa kabulukan at bigla akong nakaramdam ng
pananakit ng ngipin. Sobrang sakit at halos mamatay-matay ako sa sakit nito.
N-P. Itinigil ko ang pagpapak at nahiga. Ininda
kotalaga ang sakit ng ngipin at sakit ay di na ko nakapag-tutor kay Angelica.
Pinagsisihan ko na dapat ay di na ko nagluto ng Pop Rice.
Kinagabihan, nakakalungkot at awa ang naging balita pagkat nagpakamatay ang
isang kolehiyo na si Kristel Tejada dahil lamang sa di
pinayagan ng up na pag-enrolin siya at mag-leave of absent. Dahil sa
pagkamatay ni Kristel, ang mga estudyante sa PUP at UP, nagprotesta upang tutulan
ang pagtaas ng matrikula. Ang mga upuan pa nga, pinaghahagis at sinunog. Grabe
pala sila magprotesta at tila walang inuurungan. Sa isip isip ko, di dapat
sinayang ni Kristel ang buhay sa isang bagay na di
niya nakamtan at kung di lamang nagpakamatay, wala sanang magkakagulo at
malalampasan pa niyang ganitong pagsubok. Matapos manood ng telebisyon,
makirot-kirot pa rin sa sakit ang ngipin ko at itinulog na lamang upang di na
maramdaman.
March 19, 2013
Tuesday
Year I-078
Tuesday
Year I-078
N-Q. Kapag malamig nga naman ang panahon,
nagkukumot, pag mainit ay nagpapaypay. Sala sa init sala sa lamig. Malamig kasi
tuwing umaga at mainig pagdako sa tanghali. Mukhang maaliwalas ang umaga at
walang nagbabadyang sama ng panahon kaya nama'y naging masigla ang aking
pagbangon. Lalo pa akong sumigla ng magpatugtug muli. Sa palagay ko, Energetic ako
ngayon kaya sinipag ako sa gawaing bahay. Nagwalis, nagpunas ng sahig at
paghuhugas ng plato, iyon ang pinagkaabalahan ko sa umagang iyon at marami na
akong nagagawa, di pa rin ako napapagod dahil sa malakas kong tugtug.
Napapabigay todo pa nga ako sa pagsayaw subalit natigil iyon ng mayamot si
Mama at atat na patayin ang tugtug.
N-R. Matanda na kasi at di niya
nagugustuhan ang pang RNB kong tugtug. Nabwisit ako kay Mama
at nagsugutan kami. Ayan at mukhang di nanaman kami magkasundo. Idinaan ko na
lang sa pagkumpyuter ang aking inis. Anung gusto niyang tugtug, pangmatanda.
Wala nga kong ma-download nun at di ko iyon hilig dahil ang tipo
kong kanta ay ngayon. Sa Computer na lang ako nagpatugtug at
naglaro ng Plants versus Zombie. Nang Alas-Dyis na'y pinatay ko na
ang computer at nananghalian. Maya-maya'y bigla akong inantok
kaya natulog ako. Kahit mainit, naging masarap ang tulog ko at sa kasarapan,
Alas-tres na ako nagising. Nag-away man kami ni Mama kanina, nagkasundo naman
kami ng magluto siya ng pang meryenda.
N-S. Naintindihan kong naingayan si Mama
sa tugtug ko, ang kinagalit ko'y minsan na nga lang ako maaliw, di pa niya
pinagbigyan at sa tugtug ko naibubuhos ang kaligayahan. Kung anong kinakaaliwan ng iba, di ko
madalas maranasan iyon at kanikainggitan ko pa. Di naman masama kung maaliw ka.
Dahil may tutor pa ko kay Angelica, tumungo ako sa
bahay nila subalit di nagpa-tutor sa akin si Angelica dahil
wala silang pambayad at sinabing sa linggo na lang. Sa halip na mag-tutor,
pinag-solve ko na lang siya ng multiplication atdivision at
kaagad naman niya iyon natapos. Nandun rin si Gelyn at
kinantsawan ko siya. Sinabing panis ka kay Angelica. Maya-maya'y niyaya
nila akong sumali sa laro subalit sa edad kong ito, di ako nakisama at tumungo
na lang bahay nila Regine (Miano).
N-T. Halos lahat ng pamilya ni Regine ay
nakatambay malapit sa sapa at masayang nag-uusap. Ikwinento sa akin ni Ate
Bing na nabuntis daw si Berna at yung syota niya ang
ama. Di ako makapaniwala at natawa lang ako subalit ng silang lahat na ang
nagsabi, saka pa lamang ako naniwala. Naglalaro nun ng Dama si Ate
Bing kaya niyaya ako. Duda akong di magaling diyan sa dama subalit ng
masubuka'y ang dali lang pala. Nakailang-round kami sa paglalaro ng
dama at madalas ay tabla. Maya-maya'y nanalo ako at bumawi naman si Ate
Bing sa sumunod na round. Napasarap ang laro namin ng dama
at ng mapansing dumilim na, nagpaalam na ko sa kanila at umuwi na. Malapit na
palang mag-Alas siete ng makadating ako sa bahay. Ngayong araw
rin ang Inaugural mass ni Pope Francis na
dinaluhan ng milyon milyong deboto.
N-U. Bukod run, laman rin ng balita ang
pagkamatay ni Kristel Tejada at tumitinding tensyon sa Sabah.
Ng matapos ang TV patrol, Juan dela Cruz na
at Ina kapatid anak, ang paborito ng programang aking
sinusubaybayan gabi-gabi. Malamang ay hataw sa rating ang Ina
kapatid anak pagkat nagugustuhan ko siya at lahat ng palabas na aking
sinusubaybayan, napapabalitang mataas ang rating tulad
ng Be careful with my heart na nag-extend pa ng
isang taon dahil bukod sa kinakikiligan, kinapupulutan rin ito ng aral at maraming
inspirasyonang makikita sa eksena. Ng matapos manood, di ako makatulog pagkat
mainit. Nagbasa muna ako ng dyaryo. Ng antuki'y saka pa lamang ako natulog.
March 20, 2013
Wednesday
Year I-079
Wednesday
Year I-079
N-V. Medyo nakakaramdam pa ng antok at
gusto ko pang humilata sa kama ng tagal subalit naghihintay sa aking ang
maraming gawain kaya nilabanan ko iyon at bumangon. Siyempre bago ang gawaing
bahay ay kailangan munang malamanan ang sikmura subalit nakapagwalis na si Mama
at nakapagpunas. Maya-maya'y binigyan niya ko ng nagkakahalagang dalawang daang
piso at sinabing ibigay kay Tita Jasmin pagkat may
pagkakautang ito. 140 pesos ang utang ni Mama at ang sukli'y
sa akin na raw at panggastos sa pampagupit. Di na ko nakahindi pa at kaagad
sinunggaban ang pera at dali-daling umalis. Pagkadating sa kanilang bahay, buti
na lamang at nandoon si Tita Jasmin at kaagad kong ibinigay
ang pera. Ang kanyang isinukli ay pinampagupit ko na. Sarado pa nun ang Barbershop kaya
naisip kong mamaya na lang magpagupit subalit pinigilan ako ng babae at
sinabing magbubukas na sila.
N-W. Naghintay ako saglit. Maya-maya'y
dumating na si Mang Usman at nag-umpisa na kong gupitan.
Naging matanong sa akin si Mang Usman kaya ako'y naging
madaldal. Ng magupitan, new look na kong tingnan at bye
bye curly hair. Dumaan pa ko sa bahay ni Jaypee upang
itanong kung kailan kuhaan ng Card. Sinabi niyang sa Lunes subalit
di pa tiyak tiyak kung anong oras. Sumidhi ang kaba sa aking dibdib pagkat di
ko alam kung anong sasabihin ng mga magulang ko kapag nakita ang mga grado ko.
Masaya na sana ako kahit mababa ang mahalaga'y di bagsak kaso pinoproblema ko
ang sasabihin nila.
N-X. Nanatili pa ko sa kanila ng ilang
minuto. pagsapit ng Alas-dyis, nagpaalam na ko sa kanila at umuwi na. Tagaktak
ang pawis ko ng umuwi dahil sa tindi ng sikat ng araw at naparami ako ng
nalagok na tubig. Maya-maya'y nag-umpisa na kaming mananghalian. Habang masarap
kaming nagkakainan, Nag-grouptext sa akin ang kaibigang si Charmlie at
sinabing Graduation nila ngayon. Buti pa sila't magsisipagtapos na
sa High school, samantala ako ay may isang taon pang bubunuinbago
tumungtong sa kolehiyo, ayos na rin na may isang taon pang bubunuin atlis
makakapaghanda pa ko para sa pagtungtung ko sa kolehiyo at iyon ay ang
kailangang matutong umingles, masanay sa maraming gawain at kailangan, alam ko
na ang kursong kukunin ko at dapat ay final na yun.
N-Y. Ang bilis talaga ng takbo ng panahon
at sana'y makatapos ako. Ng makapagpananghalian, ako'y nanood ng telebisyon.
Grabe ang mga kabataan ngayon, kaya ng magpatiwakal matapos ibalita na may
Labing pitong taong gulang na babae ang nagpakamatay dahil lamang
nadismaya ito sapagbaba ng kanyang ranggo. Honor student pa
naman iyon na dating Top 1 at naging Top 5 na lamang
at iyon ang kanyang kinadismaya. Dapat siguro sa mga kabataan kapag nakaramdam
ng matinding depresyon ay payuhan at damayan. Maya-maya'y natulog na ko. Pagkagising
ay tumungo ako sa bahay nila Gelyn. Nadatnan kong maraming prutas
at gulay ang nakabunton sa bahay nila, Kakarating pa lang daw ni Shiela galing Nueva
Ecija at gusto ko sanang kamustahin siya subalit tulog ito. Habang
si Shiela tulog ay tumungo muna ako sa bahay ni Cathy. Nadatnan
kong abala si Cathy sa pag-aalaga sa kanyang nanay na may
sakit. Binati ko siya ng sabihing Best in Science and
English siya.
N-Z. Maya-maya'y umalis na ko at bumalik
kila Gelyn, buti na lamang at gising na si Shiela kaya
nakapag-usap kami. Ng matapos ang usapan ay niyaya ako ni Regine
(Miano) na maglaro ng Dama. Mukhang tinalo niya ko subalit
nakabawi ako. Sumunod na nakalaban ko'y si Kuya Erick. Ang galing
niya at di ko siya matalo. sinasali nila ako sa dama, di naman ako magaling.
Maya-maya'y pumasok ako sa loob at nakitang naghihiwa ng gulay si Regine samantalang
nagluluto ang kanyang nanay ng dinindeng. Hiniling ko kay Aling Gina na
turuan kung pano magluto at itinuro nga niya. Malaki ang pasasalamat ko sa
kanya pagkat kung di dahil sa kanya'y matututo akong magluto. Madilim-dilim na
ng makauwi ako ng bahay at naghapunan. Matapos maghapuna'y ako'y nanood ng
telebisyon. Naayos na rin ang Street light sa labas na
ikinaliwanag ng kapaligiran at naging maingay nanaman dahil sa mga tambay.
Sa halip na magbabad ng magdamag sa telebisyon, naisipan ko ng matulog.
March 21, 2013
Thursday
Year I-080
Thursday
Year I-080
O-A. Ang bilis ng takbo ng panahon at
matatapos nanaman ang isang linggo. Dahil maaga akong nakatulog kagabi, maaga
rin ako nagising at nag-almusal. Matapos mag-almusa'y naghugas ako ng plato at
naglinis sa loob ng bahay. May balak sana akong maglaba subalit mamayang hapon
na lang. Maya-maya'y nagtungo ako sa Computer shop at nag-Facebook.
Natatawa ako sa Video na pinows ng Classmate ko
sa Facebook pagkat gumawa sila ng video ng Harlem
shake. Sayang, di ako nakasama, di sana'y kasali ako sa Harlem
shake at sa Circle pa ginanap. Siguro natatawa
ang mga taong nakakakita sa kanila. Naiingit man ako subalit ayos lang yan, di
naman nakakamatay at lalong di ako magpapakamatay tulad ng ginagawa ng ibang
kabataan. Tuloy ang buhay at Diyos ang bahala dun. Dahil naadik sapag-comment at
pag-post, Alas-onse na ko nakauwi sa bahay. Di lamang Facebook ang
inatupag ko at nagsasanay na rin akong magsalita ng Ingles.
O-B. Pagsapit ng hapon, nilagyan ko ng
karga ang broadband ng Computerupang magka-internet.
Nang malagyan ay nag-log-in ako sa Facebook at
binasa ang mga Comment sa aking mga pinows. Bukod pa dun,
inedit ko rin ang aking mga Photos at pinalitan ng Background.
Sa mga oras na walang magawa, salamat at may pinagkakaabalahan ako. Ang
kasuutan ng isang Pope, nilagyan ko ng mukha ko at
ginawang Profile Picture. Ang paglalagay ng mukha ko sa mukha ng
isang pope ay di lamang katuwaan kundi ipinapakita ko ang pagiging suportado sa
bagong santo papa. Nasiyahan ako sa mga nagkomento at maraming nagsabing bagay
raw iyon sa akin. Bukod pa sa mukha ng Pope, nilagyan ko rin ng
aking litrato ng mga Billboard sa ibang bansa at ginawang
pang Cover Magazine. Sa aking mga nagawa'y pakiramdam
ko'y creative ako at sa pamamagitan ng pag-edit,
nagmumukhang di kapanipaniwala't animoy sikat ka na kung pagmamasdan.
O-C. Ang nakakainis lang sa Internet ay
ang mabagal nitong serbisyo kaya minsa'y nayayamot ako. Sumunod na gumamit
ng Internet ay si mama. Mukhang nainggit si Mama sa mga
kakaiba kong Edited photos at atat magpagawa. Inedit ko nga
ang kanyang litrato at inilagay sa Cover magazine. Laking tuwa niya
ng makitang nasa Magazine ang kanyang litrato at ginawang Profile
Picture. Maya-maya'y pinatay ko na ang Computer at
natulog. Di ako makatulog dahil sa init ng panahon. Mga dakong Alas-singko na
ng hapon ako nagising. Nakakabingi ang ingay sa labas kaya naglagay ako
ng Headset sa teynga at nag-soundtrip. Maya-maya’y oras
na ng hapunan at ako'y kumain. Nang makakain at makalipas ang ilang saglit ay
tumungo muli ako sa Computer shop. Dami ng nag-like ng photo kong
nakapam-Pope, sana dumami pa. Bukod sa di kagandahan amoy dahil kulob,
Ang iingay ng mga binatilyo sa shop at konti na la'y mayayamot na ko.
Maya-maya’y may biglang kumalabit sa akin.
O-D. Si Ellen Joyce pala
at May balak rin magkumpyuter subalit kaagad umalis at iniwanan ako. Naabutan
ko pang naglalakad si Ellen Joyce at sinundan ko siya subalit
bigla siyang lumingon sa likuran at nakita ako. Binilisan niya sa paglakad
hanggang sa maglaho. Di ko malaman kung bakit ganyan siya sa akin. Pagdating sa
bahay at pagkabukas ng telebisyon, saktong Ina Kapatid Anak na
at nanood ako. Matapos manood ng programa'y nag-ayos na ko ng higaan. Kahit
gabi na'y dama ko pa rin ang init at iyon ang nag-alis sa antok ko. Mukhang
na Insomia ako. Dakong Alas-dos na ng madaling araw ng
makatulog ako.
March 22, 2013
Friday
Year I-081
Friday
Year I-081
O-E. Sa kadahilanang madaling araw na konatulog,
mga Alas-otso na ko gumising. Malapit na ko sa kolehiyo at kung tutuusin nga'y
alam ko na ang kurso na aking kukunin at iyon ay Education. Bukod
pa roon ayalam ko na rin ang mga unibersidad na posible kong pasukan tulad
ng UP o PUP, subalit lingid pa sa kaalaman ng
aking magulang na magte-teacher ako at ang pagkakaalam nila
na Engineering ang kukunin ko. Dati Engineer ang
ibig kong maging kurso subalit nabago iyon ng madiskubreng may angking
kakayahan rin ako pagdating sa pagtuturo pagkat araw-araw ba naman akong nagtu-tutor.
Kahit sabihin nilang ang pagiging guro'y di magdudulot sayo ng kaunlaran dahil
sa mababang sahod subalit marangal ang ganung trabaho pagkat marami kang
matutulungan. Matalino naman ako, bakit di ko ibahagi sa iba. Di ko batid ang
sasabihin ng aking mga magulang pag nalaman ang kursong kukunin depende sa
kalooban ko.
O-F. May tamang panahon para sabihin ko
sa kanila pero di muna ngayon. Nang makapag-isip isip ay saka pa lamang ako
nag-almusal. Maya-maya’y naglinis na ko sa loob ng bahay. Dahil mamaya pa
ang expiration ng load, di ko sinayang ang
pagkakataong mag-internet sa sariling computer. Pag-e-edit ng picture
at pag-research sa Tagalog Phrases na
may katumbas sa ingles, iyon ang ginawa ko. Maya-maya’y ikinapi peys ko ang
lahat ng tagalog phrases na may katumbas na English at
pinag-aralan ko. Ng ikumpara ang parirala sa isa pang lenggwahe, doon ko
nalaman na ganon ang correct usage pag isinalin mo sa wikang
ingles. Alam kong di by Words kalalabasan ng sentence pag
isinalin sa English subalit napakahirap unawain ang bawat salita. Marahil ay
nag-uumpisa pa lang ako at matututo rin pag nagsanay pa. Hangga’t wala pa ko sa
kolehiyo, kailangan ko talagang matuto magsalita sa wikang ingles. Maya-maya’y
umalis si Mama at binilinan ako na magbantay ng kanyang niluluto.
O-G. Sa ngayo'y kasi abala si Mama at
Papa sa pagkukumpuni ng kable ng kuryente pagkat sa Meralco na
kami makikikabit, sa ibang salita'y may sarili na kaming kuryente. Pinatay ko
na ang kompyuter pagkat babantayan ko ang niluluto nila. di naging maalinsangan
ang panahon. ng dumating na si mama, saka pa lamang kami nananghalian.
Maya-maya’y bigla na lamang nag-brownout, dahilan ng brownout ang
pagtanggal nila Papa sa aming kawad mula sa kinakabitan at ikakabit sa Meralco.
Di tuloy ako makatulog dala ng init. Di naging maramot ang panahon at bumuhos
na ang napakalakas na ulan. Tamang tama at di pa ko nakakaligo. Ang init sa paligid
na nararanasan, naibsan at masaya akong nagliliwaliw sa malakas na buhos ng
ulan. Maya-maya’y nakita ko rin si Rhea na naligo sa ulan at
sumabay ako sa kanya. May bago akong kaibigan na pinakilala niya at nag-usap
kami.
O-H. Sa dinamirami ng pag-uusap, di na ko
pa nakabanlaw at marami ng naligo ang nasa bahay. Nagpaalam na ko sa kanya at
nagbanlaw. Nang makapagbanlaw, hinintay ko munang matuyo ang buhok bago
matulog. Mga Alas-tres, natutuwa kami pagkat nakakabit na kami sa Meralco kaya
bababa ang bill namin sa kuryente. Kahit One to
sawa ako sa Computer at telebisyo'y pwedeng pwede. Malaki
talaga ang idudulot kapag nakakabit ka sa Meralco, bukod sa
makakatipid, malakas rin ang kuryente at pwedeng paganahin ng sabay ang lahat
ng Appliances. Pagsapit ng gabi, kahit sa susunod na Linggo pa ang
Semana Santa, marami ng pasahero ang dagsa sa mga terminal at
pantalan. Buti pa sila at makakapag-out of town. Dahil sa malakas na
buhos ng ulan, binaha ang mga lansangan sa ilang bahagi ng Kalakhang
Maynila. Nang matapos manood ng telebisyon, ako'y natulog na.
March 23, 2013
Saturday
Year I-082
Saturday
Year I-082
O-I. Napakabait ng Panginoon pagkat buhay
pa ko para sa araw na ito. Pagkagising, magandang sikat ng araw ang sumalubong
sa aking mga mata at di pa nakakapaso. Napakaganda ng panahon at tila bagang di
muling uulan mamayang hapon. Medyo inaantok pa subalit kailangan ko ng bumangon
dahil sa gawaing bahay. Nang makapag-almusal, nagsimula na kong magwalis mula
harap hanggang likod ng bahay at minapan. Habang abala ako sa gawaing bahay,
tinawag ako ni Mama. May matandang estrangherang kausap si Mama at nagsusukat
ng mga salamin. Dahil ako 'tong malabo ang paningin, naging pagkakataon sa akin
ang ipa-check-up ang mata at magsukat ng salamin.
Pagbabasahin ka ng Optalmologist sa Snellen
chart at kada pagkakamali mo o di mo na kayang basahin mula sa
pinakamalaki hanggang maliliit na letra, ang lente'y kanyang papalitan at ganon
ang ginawa sa akin.
O-J. Nang matapos ang Check up,
sinabi ng Optalmologist na tumaas ang grado ng mata ko.
Nearsighted ako samantalang farsighted si Mama
subalit malalabo na ang paningin namin. Medyo may kamahalan ang Lens na
pwede sa mata ko kaya Frame lang ang gusto kong bilhin at
pumili ako. Nang makitang bumagay sa akin, iyon na ang frame na
nirekomenda ko sa Optalmologist subalit bukas pa niya
ilalagay ang lens na mula sa lumang frame na suot
ko ngayon. Nang makapag-check-up kaming dalawa, nakakapanibago sa
paningin ang itsura ni mama na nakasalamin. Dahil may edad na,
kailangan na niyang magsalamin. Dalawa na kaming nakasalamin sa bahay.
Maya-maya’y ipinagpatuloy ko ang gawaing bahay.
O-K. Nang matapos, tamang tama sa
kumakalam kong sikmura pagkat may naluto na at oras na ng tanghalian. Nang
mabusog, natulog ako subalit dala ng alinsangan ang di nagpasarap sa tulog ko.
Nagising muli ako at saka pa naligo. Nabato ako kaya't ang mga tambak na
labahin ang pinagtuunan ko. Sa gitna ng init, naglaba pa rin ako. Maya-maya,
habang ako'y naglalaba, nakaramdam ako ng pagkahilo. Di ko na kaya at halos gusto ko ng
magpahinga subalit di ako sumuko at ipinagpatuloy ang paglalaba. Ng matapos
maglaba at magbanlaw, dahil sa hilong-hilo na ko ay nahiga muna sa kutson. Ng
bahagyang bumuti, saka pa lamang ako nagsampay. Pagsapit ng gabi, tumungo ako
sa bahay ni Cathy subalit wala ito. Magaling na ang kanyang
nanay at nakakausap ko na ng maayos. Sinabi sa akin ni Ate Ging na
nasa JOLIA church si Cathy at
dali dali akong tumungo run. Habang naglalakad, nakasalubong ko si Gangang at
sinabing sa April 2 pa ang kuhaan ng Card. Lito ang umiral sa
aking isipan at ang pagkakaalam ko'y sa Lunes na ang kuhaan.
O-L. Nang makarating sa JOLIA, nadatnan kong
nagprapraktis sila ng Worship kasama si Cathy. Naupo
ako sa hagdan habang hinihintay matapos ang praktis. Nang sumunod na sandali,
lumabas si Pastora Anna at binati ko siya hanggang sa mauwi sa
magandang usapan. Ang saya kausap ni Pastora pag nababanggit si God. Pagsapit
ng Alas-nuebe, matapos ang matagal na paghihintay ay natapos rin ang praktis.
Magkasabay kaming umuwi ni Cathy at sinamahan ko siya hanggang
sa bahay niya. Isang oras na lang bago mag-curfew at sa takot na
maabutan, umuwi na ko. Di pa ko makatulog nun kaya nagsoundtrip ako.
O-M. Nang makahiga sa kama at Alas-onse
na ng gabi, may ingay akong narinig sa labas at pagsilip sa bintana, may
nakikipagbasag ulo pala. Maraming kapit-bahay ang nakiusyoso at isa na ko dun
kasama si mama. Grabe ang tao rito pag nalasing, nagiging Super hyper at
nanghahabol ng itak sa taong makakaaway. Sa dami ng barangay tanod, kaagad
naman naawat ang lasenggero at natapos ang gulo. Ang mga nakiusyoso, umuwi na
sa kanya-kanyang bahay. Linggo ng Palaspas bukas kaya kahit gabi'y walang
humpay sa paggawa ng palaspas ang mga tindero't tindera sa amin.
March 24, 2013
Sunday
(Palm Sunday)
Year I-083
Sunday
(Palm Sunday)
Year I-083
O-N. Linggo ng palaspas, hudyat ng
pagsisimula ng Semana Santa. Maaga pa lang, may mga Katoliko na
may hawak ng palaspas ang nakatayo sa harap ng bahay namin at hinihintay ang
iba pang kasama. Maya-maya'y dumami pa ang sila na may hawak ng Palaspas at
nagsimula na ang misa. Ang ipinagtataka namin kung bakit sa harap ng bahay
pinagdaraosan ang misa. Nang mabasbasan ng pari ang kanya-kanyang palaspas,
lumakad na sila patungong simbahan. Parang namimis ko ng magsimba sa Katoliko at
iwanan na ang pagiging Born-Again subalit nangako ako
kay Pastora Anna na dumalo sa aming pagsamba mamaya.
O-O. Di ko alam kung ano ang nagtulak sa
akin kung bakit umanib ako sa ganong relihiyon. Nagkakape ako nun ng magmisa
sila sa harap ng bahay namin. Matapos magkape'y nagsimula na ko sa gawaing
bahay. Habang nagwawalis, bumalik muli ang Optalmologist upang
ibenta sa akin ang piniling Frame kahapon. Mula sa
dating frame ng salamin ko, tinanggal niya ang Lens at
inilagay sa panibagong Frame. Matagal tagal pa ang paglalagay
ng lens sa Frame at di basta basta kaya minabuting
iuwi niya muna at mamaya na lang ibigay pagyari na. Malabo tuloy ang paningin
ko pag di nakasuot ng salamin. Pagsapit ng Alas-nuebe at dahil may Sunday
mass kami, naligo na ko at nagbihis. Labag man sa aking kalooban na
dumalo sa Mass ng ibang relihiyon pagkat may pusong Katoliko ako,
ginawa ko pa rin alang-alang sa pinangako ko kay pastora.
O-P. Nang makarating sa JOLIA Church, di pa nagsisimula ang worship.
Maya-maya’y nagsimula na ang worship. Dagundong ng tambol,
magagandang boses ng tatlong dalagitang umaawit sa harap ng awiting pang-Kristiyano at sound
speaker, iyon muli ang aking napakinggan na labis na nagbigay sigla sa
aking buhay. Habang inaawit ang Christian song, Enjoy lang
ako sa pagpalakpak at pagwagayway ng may simbolo ng papuri sa Panginoon.
Si Ate Ging naman, nagdadasal ng pasigaw pagkat nagpapasalamat
siya sa kanyang paggaling at pinagsisihan ang nagawang kasalanan. Matapos
ang Worship, kami'y nag-bible study. Ibang iba
talaga ang paniniwala ng relihiyong aking pinasukan pagkat sinabi ni pastora na
isang beses lang namatay si Jesus, di taon-taon at di
mahuhugasan ang kasalanan kahit na ika'y nagpenitensya kung pagkatapos niyan ay
gagawa ka muli ng kasalanan at di magbabago, ang dapat gawin ay tanggapin mo ng
buo si God at iyong paglingkuran. Wala tayong magagawa, paniniwala na ng
iilan iyan.
O-Q. Saglit lang ang Bible study pagkat
may bibinyagan pa si Pastora. Anak ni Ate Arlene pala ang
bibinyagan at kasama ang mga ninong at ninang. Matapos mabinyagan, umuwi na
kami, kasama ko si Merry Grace at Cathy sa
pag-uwi. Pagdating sa bahay, nandoon muli ang Optalmologist na
kanina pa ko hinihintay. Yari na ang aking salamin at may bago na kong salamin.
Dahil imbitado ako, tumungo ako sa bahay ni Ate Arlene at
nakikain sa kanilang mga handaan para sa binyag. Sa dami ng mga bisitang dumalo,
siksikan na sa loob ng bahay habang nakuha ng mga nakahaing putahe. Nandoon rin
sila Ate Ging sa handaan subalit wala si Cathy. Sa
dami ng aking nakain, sobrang nabusog ako. Maya-maya’y dumating sina Pastora
Anna at sila'y nakisalo sa handaan. Binati ko sila at ako pa mismo ang
naghanda ng kanilang upuan. Naupo ako sandali habang pinapanood ang nagbidyooke
at umalis na. Tumungo ako sa bahay ni Merry Grace at niyayang
dumalo sa handaan. di siya pumayag kaya nagkwentuhan na lang kami. Maya-maya’y
lumabas ang kanyang nanay. Nakipag-usap rin ako sa kanya.
O-R. Sa dinami rami ng aming pinag-usapan
ng Kung ano-ano, Ala-una na pala. Uuwi na sana ako subalit pinigilan ako ng
nanay ni Merry Grace kasama ang matandang babae pagkat masaya
raw ako kausap. Gustuhin ko pa man manatili sa kanila subalit kailangan ko ng
umuwi. Kinagabihan,
bumuhos ang napakalakas na ulan. Sa dami ng ulan, kaagad tumaas ang agos sa
sapa. Ng Alas-otso na, tumila na ang ulan at di ko naririnig ang pagakpak nito.
Pumalit naman ang himig ng mga nagpapasyon. Di pa ko makatulog nun at sa halip
na makinig ng kanta sa Cellphone, ang himig ng mga nagpapasyon ang
aking pinang-soundtrip. Hating-gabi na subalit tuloy pa rin sa pagkanta
ang mga nagpapasyon. Kahit na malayo ang simbahan ay dinig na dinig pa rin ang
kanilang pagpapasyon.
March 25, 2013
Monday
Year I-084
Monday
Year I-084
O-S. Lunes santo, himig ng mga
nagpapasyon mula sa simbahan ang agad na sumalubong sa aking paggising. Kahit
magdamagan silang umaawit ng pabasa, di nakakabingi at masarap pakinggan sa
pandinig. Sa banayad nitong tono, parang ibig nitong ipakahulugan na kailangan
nating magnilay nilay ngayong Mahal na araw. Alalahaning sa linggong ito ang
panahon para tayo'y mag-ayuno. Ngayong araw rin ang kuhaan ng Card at
todo na ang kaba sa dibdib, anu kaya ang grado ko sa card? Matapos
mag-almusal, tumungo ako sa bahay ni Gelyn. Pagdating ay si Shiela at Regine
(Miano) kasama ang kanya-kanyang asawa ang nandoon lamang sa
bahay, sinabi nilang wala si Gelyn kasama ang mga magulang at
iba pang kapatid pagkat nasa Batangas sila. Ng malaman ang
balita, di na ko nagtagal pa at agad ng umalis. Tumungo naman ako sa bahay
ni Angelica. Sa kawalan ng pambayad para sa Tutor, hiniling
ng nanay niya sa susunod na linggo ko na lang siya turuan. Dahil di pwede ang
mga estudyante ko, umuwi na lang ako at nagbukas ng kumpyuter.
O-T. Nag-internet ako
at naglog-in sa Facebook, saktong nakita ko
sa Wall na ipinaskil ni Jayvie Ann na
sa April 2 na ang kuhaan ng Card. Buti na lang at
kaagad kong nalaman ang Announcement at sa chat ni Sir
Rombo mismo nanggaling iyon. Matapos ay nag-edit ako
ng Photos, dahil di makapaghintay si Mama na atat ng mag-Facebook siya
muna ang pinagamit ng internet. Makalipas ang ilang sandali, umayaw
na si mama at ako muli ang nag-Internet, ipinagpatuloy ko ang pag-edit sa Photo.
Ng matapos mag-edit, bumagal na ang Internet at
minabuting i-shutdown na lang. Alas-onse na pala at oras na ng
tanghalian. Nang makapananghalian, nanood ako ng telebisyon. Kahit Lunes santo
pa lang, kita na ang kapal ng mga pasaherong nagsidagsaan sa mga Terminal.
O-U. Kung mapera lang kami'y sa ibang
lugar gugunitain ang Mahal na araw. Naging maalinsangan ang tanghali kaya di ako
makatulog. Mag-i-internet sana ako subalit expired na
ang load. Nakakabato ang araw na ito at gusto kong gumala subalit
matindi ang sikat ng araw at baka ma-dehydrate ako. Nakatambak ang
hugasin sa lababo at iyon ang pinag ukulan ko ng oras. Ng matapos ang
hugasin, ang mga pagkain sa Refrigerator ang naging meryenda
ko. Alas-kwatro ng hapon, di na matindi ang sikat ng araw kaya lumabas ako.
Nagtungo ako saComputer shop. Nagagalak ako pagkat may nag-like sa Photo
edited ko at magaganda ang mga comment. sa sarap mag-Facebook,
halos dalawang oras babad ang mata ko sa Computer. Madilim
dilim na ang paligid at minabuting maglog out na. Ayaw ko pang umuwi nun kaya
tumungo ako sa bahay ni Jaypee. Saktong nandun si Tita Arlene at
siya ang nakakwentuhan ko. Maya-maya’y nagpaalam na ko kay Tita Arlene.
O-V. Sunod ay tumungo ako sa bahay
ni Gelyn. Wala pa rin siya at si Regine (Miano) lang
ang nandun. Walang ilaw nun sa kanila at sa labas kami nagkwentuhan. Sinabi ko
sa kanilang magpakabit na ng kuryente subalit tugon niyang wala ng pumapayag na
magpakabit sa kanila. Maya-maya’y tumungo si Regine sa kapit
bahay at sinamahan ko siya. Nandun pala si Aling Gina na
nakikinood ng bidyo. Nagandahan ako sa bidyo pagkat horror. Sa
sarap manood ng bidyo, di ko namalayang Alas-otso na kaya di ko na tinapos ang
bidyo at umuwi na. Pagdating sa bahay, saka pa lamang ako naghapunan. Nang
makapaghapunan, nanood ako ng telebisyon. Naging maalinsangan ang gabi kung
kaya't di naging masarap ang tulog ko, Insomnia marahil ito.
March 26, 2013
Tuesday
Year I-085
Tuesday
Year I-085
O-W. Martes santo, napakakalmado ng
paligid kaya nama'y nagpatugtug ako ng kantang pampasigla. Bawas bawas muna sa
pagkain ng almusal pagkat ako'y nagpa-fasting. Ng makapag-almusal,
ang nakatambak na plato ang pinagkaabalahan ko. Ng matapos ang hugasin,
kapansin pansing maraming alikabok at nagwalis ako. Ini-map ko rin
ang sahig para matanggal ang dumi at pumuti. Ng matuyo'y nilagyan ko ng
floorwax at nilampaso upang kinis kintab sabay madudulas. Dami kong ginawa at
tagaktak na ang pawis. Di pa ko nakuntento't nag-ehersyiso pa. Push up, Curl
up at sit and reach na karaniwang ginagawa
tuwing PE time ang
ginawa ko. Naubusan ako ng lakas at sumakit pa ang katawan. Sobrang pagod na ko
kaya pansamantalang namahinga ako. Maya-maya’y nananghalian na kami. sa sobrang
gutom, di ko na nagawa ang pag-aayuno at naparami ako ng kain.
O-X. Nang mabusog, dinalaw ako ng antok
at natulog. Mga Alas-dos na ko nagising at matinding init ng araw ang
sumalubong sa akin. Halos maligo na ko sa sariling pawis sa init kaya naligo na
ko. Matapos maligo,
nakaramdam ako ng presko sa katawan. Ipinahid ko rin ang lotion sa
buong katawan para still smooth even directly hit from sunlight.
Nang palubog na ang araw, tumungo ako sa tindahan ni Aling Nenita at
bumili ng krayola upang gawing oil pastel. Iyon ang naisipan
kong pagkaabalahan. Pagkatapos ay tumungo ako kila aldrian at nanghingi
ng Plastic cups. Swerteng marami nun sila aldrian kaya naka isang
supot ako. Pagdating sa bahay, isa isa kong pinutol ang krayola at inilagay
sa plastic cups.
O-Y. Habang nagluluto si Mama, ang init
ng kalan ang nagsilbing pangtunaw sa krayolang nakalagay sa Plastic cup.
Nang matunaw, sunod kong inilagay ang mantika at pinaghalo. Hinayaang
nakapatong sa kalan hanggang sa totally liquid na siya.
Inilagay sa baso upang mahulma at hahayaang mabuo. Nang mabuo'y oil pastel na. sa kakagawa ng Oil
pastel, di ko namalayang hapunan na at nagkakainan na sila kaya nakisabay
na ko. Matapos ay nanood ako ng telebisyon at laman ng mga balita ngayon ang
pagdagsa ng mga pasahero sa Terminal at airport pati
ang paghahanda para sa Semana Santa. Ng matapos mapanood ang paboritong
programa'y natulog na ko.
March 27, 2013
Wednesday
Year I-086
Wednesday
Year I-086
O-Z. Miyerkules santo, tirik na tirik nang
husto ang haring araw sa sanlibutan subalit heto pa rin ako at nakahilata sa
kama. Alas-otso na pala ng umaga at minabuting bumangon na. Dahil Holy
week, mga kantang di gaano magulo at solemn lamang ang
pinatugtug ko upang makisabay sa paghihirap ng Panginoon. Alisin muna ang tuwa
at magnilay-nilay pagkat Mahal na araw. Matapos mag-almusal, naglinis ako sa
loob ng bahay. Nagwalis at naglampaso, iyon ang ginawa ko sa buong umagang
iyon. Matapos maglampaso, luto na ang lalamunin kaya nananghalian na ko. Maya-maya’y
nanood na ko ng telebisyon at pinanood ang Minute to win it at Be
careful with my heart. Dahil magkakabit ng breaker para sa
Kuryente sila Mama, pinapatay muna nila ang telebisyon at kaagad ko naman iyon
sinunod.
P-A. Saka pa ko naligo at naging
maalinsangan ang tanghali. Maya-maya’y wala ng kuryente pagkat kinakabit na
ang breaker. Dala ng init kaya di ako makatulog at nagduyan muna.
Ang shell ng tahong ang pinag-ukulan ko ng oras at
pinagtatagal ang mga nakadikit na laman. Nang matangal ay hinugasan ko at
ibinilad sa arawan. Ang init talaga ng panahon kaya todo paypay akong nakahiga.
di rin ako makatulog at bumalik sa duyan upang makalanghap ng sariwang hangin.
Dahil nakakabato magduyan, ako'y nag-soundtrip na lamang. Saktong
dumating ang ate ko galing trabaho na may dalang Cake kaya
iyon ang pinangmeryenda namin. Ng mabusog sa matamis at masarap na cake,
bumalik muli ako sa duyan at nag-enjoy sa soundtrip.
Maya-maya’y nakaramdam ako ng pananakit ng ulo kaya tumungo ako sa kwarto at
nahiga. Mainit talaga pagkat walang kuryente.
P-B. Alas-kwatro na subalit wala pa ring
kuryente at di ko na matiis ang init kaya bumalik ako sa duyan. Habang
nagduduyan, dumaan si Sister Malou at sinabing may Bible
study kami ng Alas-siete. Di pa ko sigurado noon kung makakapunta
ako sa bible study mamaya. Ilang sandali'y naibalik na
ang kuryente at sa wakas ay nahanginan na rin sa pamamagitan ng ceiling
fan. Pagsapit ng gabi matapos maghapunan ay tumungo ako sa bahay nila Sister
Minerva at Sister Malou. Sinabi ko kay Sister
Malou na payag na kong sumama sa bible study. Masayang
masaya nun si Sister Malou at sa sobrang tuwa, bigla niya kong
natapik. Natuwa naman ako sa kanyang mga sinabi.
P-C. Maya-maya’y umalis na ko sa kanila
at tumungo naman sa bahay ni Regine. Madilim at mainit ang
sumalubong sa akin pagkat wala silang kuryente subalit tiniis ko iyon pagkat
natitiis nila iyon. Si Regine (Miano) at ang
kanyang nanay lamang ang nandun. Sa init ng aming usapan, napatagal ako ng
pamamalagi sa kanila kaya nagpaalam na ko. Saktong habang naglalakad ay nakita
Kong Berna na nakaupo sa malaking tipak ng bato habang nagsa-soundtrip at
kinamusta ko siya. Wala siyang kaalam-alam sa sinasabi kong buntis siya, di ko
na pinagdiinan pa't iniba namin ang usapan. Dahil madilim ang
aming tinatambayan, lumipat kami sa lugar kung saan may street light at
dun namin ipinagpatuloy ang pag-uusap. Nangako ako kay Sister Malou na
dadalo ako kaya tumungo na sa JOLIA Church.
Nahuli ako ng dalawang oras at Alas-nuebe na ko nakarating dun, puro
matatandang babae lang ang nandun na masayang nagbabahagi ng kanya-kanyang
kwento at nadatnan kong nagkwekwento si Ate Ging.
P-D. Tungkol sa holy spirit ang
pinag-uusapan nila kaya todo kinig ako. Ng mapakinggan, kakilakilabot na may
halong takot ang naramdaman ko sa kanilang kwinikwento at grabe parang ayaw ko
na at gusto ko ng umalis.
Napaka-imposible ng kanilang nakwento at sa tana ng buhay ko, di pa
nangyayari yun. Ganun pala ang epekto ng holy spirit, makakaranas
ka ng kakaiba. Sa takot, bumaba ako. Nandun sa labas ang asawa ni Ate
Ging na mukhang kanina pa hinihintay at bitbit si Janna nahimbing
sa pagtulog. Alas-dyis na nung gabi subalit di pa tapos ang kanilang kwentuhan
at di pa bumababa si Ate Ging kaya minabuti na naming umuwi.
Kasama ko ang tatay at mga kapatid ni Cathy sa
pag-uwi. Habang naglalakad, saktong nakasalubong namin ang Papa ko,
sinabi niyang pupunta siya ngayon sa Quezon, sasama sana ako kaso
di na ko nakapaghanda. Kulit ni Jaka, sobrang pinagod ako sa
kakasaway sa kanya subalit nasiyahan ako sa kanya. Ng makarating sa bahay,
tulog na ang lahat ng nasa bahay maliban sa akin. Pagkatapos magkape'y natulog
na rin ako.
March 28, 2013
Thursday
(Maundy Thursday)
Year I-087
Thursday
(Maundy Thursday)
Year I-087
P-E. Huwebes Santo, ngayong araw ang
huling hapunan ni Jesus kasama ang kanyang mga alagad bago
ipako sa krus at iyon ang pag-alala para sa araw na ito. Mataas na ang sikat ng
araw ng ako'y magising. Kapansin pansing matahimik ang paligid, gawa sigurong
mataimtim na ginugunita ang Semana Santa at bawal ang mga mararahas at maiingay
na tugtug. Binuksan ko ang radyo, karamihan sa mga istasyon, puro hangin ang
mapapakinggan. Buti na lamang at may istasyong pwede ngayong Semana
santa kaya iyon ang pinakinggan ko. Puro sweet at solemn lang
ang mga tugtug ngayon at minsa'y pang makalangit na pamilyar sa aking pandinig. Dahil holiday,
naging katulong ko ang Ate sa gawaing bahay. Siya ang tagawalis habang ako'y
naghuhugas ng plato. Matapos ang gawaing bahay, bilang penitensya'y ako'y nag
ehersyiso at binawasan ang kain sa almusal.
P-F. Tao lang ako at di katulad ng
panginoon kaya di madali sa akin ang magpenitensiya. Sobrang napagod ako at
nakaramdam ng matinding gutom kaya napadami ang kain ko ng tanghalian at sa
puntong iyon, nabali na ang aking pag aayuno. Ayos lang, di na kailangang
pahirapan ang sarili para mawala ang kasalanan, ang kailangang gawin, magsimba
ka at pagsisihan ang kasalanan. Matapos
mananghalian, saka pa lamang ako naligo. Ang pang araw-araw na palabas, di
mapapanood ngayon at puro pelikula ang mga palabas minsa'y drama at walang
komedya, upang ipaalala sa lahat ng mga manonood ang pagninilay at pagiging
banal para sa araw na ito. Dahil walang magandang mapanood, pinatay ko kaagad
ang telebisyon.
P-G. Nagtungo ako sa kama at natulog.
Kahit maalinsangan ang panahon, naging masarap ang tulog ko at sa katunayan,
Alas-kwatro na ko nagising. Takaw tulog kasi at ang ganda ng napaginipan ko.
Nasa gubatdaw ako kung saan punong puno ng mga rosas na nakatanim at dun raw
kami nakatira. Bukod sa mga bulaklak, may mga makukulay na paru-parung
lumilipad sa kagubatan, minsa'y nadapo sayo at mataimtim ang lugar na iyon.
Tapos ang daming pagkain sa mesa na parang di nauubos at maaliwalas ang
kalangitang punong puno ng bahaghari. What a wonderful dream even
when I was sitted upon the chair, nakatatak pa rin sa isipang di ko
magawang mawaglit.
P-H. Maya-maya’y inutusan ako ni Ate
upang bumili ng isaw at iyon ang aming meryenda. Nang makapagmeryenda'y tumungo
ako sa bahay ni Merry Grace. Di ko nadatnan dun si Grace kundi
mga kabarkada ng kanyang kapatid at sinabing nasa Montalban siya.
Mga dakong Alas-sais pa ang dating niya kaya naghintay muna ako. Para di mabato
ay nakipagkwentuhan ako sa kanyang nanay. Matapos ang isang oras, di pa
dumadating si Grace at minabuting umuwi na lamang. Dahil
walang magawa'y nagpa-load ako at nakipag-text. Ng magsawa'y
nanood ako ng telebisyon. Nagandahan ako sa palabas pagkat tungkol iyon sa
taong dating pangit, saksakan na ngayon ng ganda ngayon, parang gandang di
inakala.
P-I. Sa tagal matapos ang pinapanood,
Alas-onse ko na pinatay ang telebisyon. Habang nag-aayos ako ng higaan, sa di
malamang dahilan, nagising ang kuya ko at pinagpapatay sindi ang ilaw. Sa takot
na masira, pinigilan ko siya at ni Mama. Ng pigilan ito'y biglang humagulhol at
nagwala. Naging hyper ang kuya ng gabing iyon at ako pa ang
sinisi ni Mama. Di ko matanggap ang paratang niya at ipinagtanggol ko ang
sarili. Sinabi niyang "Matutulog ka na nga lang, nanggugulo ka pa, dapat
raw kasi'y di ka na matulog ng gantong oras, tuloy nagising pa kami". May
ganong panunumbat. Alam kong mali ang sumagot subalit mali ang paratang niya sa
akin at nagsagutan kami. Aywan ko ba kung bakit mainit muli ang ulo ni Mama.
Hinayaan ko na lang dumakdak si Mama at natulog na ko.
March 29, 2013
Friday
(Good Friday)
Year I-088
Friday
(Good Friday)
Year I-088
P-J. Biyernes santo ng umaga. Di na ko
makatulog at bumangon na agad ako. alas sais ng umaga nun, dama ko na ang diwa
ng biyernes santo. matahimik na kapaligiran na halos di mo marinig ang iba't
ibang ingay, ang kaligayahan isantabi muna at magnilay-nilayna pagkat ngayon
ang kalbaryo ni Jesus Christ. Maya-maya’y biglang nagsidagsaan ang
mga debotong Katoliko galing simbahan na nagprusisyon at
paulit ulit na binibigkas ang mga kataga. Ang bawat sa kanila'y may hawak na
tirik na kandila at di alintana ang matinding sikat ng araw. Ang ilan pa nga'y
nakayapak, ilan nama'y paluhod maglakad at ilan nama’y may buhat na Krus. Tila
nagpepenitensiya ng husto ng sa gayo'y pagsisihan ang nagawang kasalanan. Madami ang nakilahok
sa prusisyon at gustuhin ko man sumali sa prusisyon subalit di magawa pagkat
iba na ang relihiyon ko.
P-K. Parang pinagsisihan kong talikdan
ang pagiging Katoliko at mababago ng relihiyon ang aking mga
gawi tulad ng pag-aayuno tuwing Holy week at pagdalo sa
Simbang gabi tuwing kapaskuhan, mukhang bawal kung gagawin ko pa pagkat iba na
ang aming paniniwala. Nang maubos ang mga nagprusisyon, bumalik sa katahimikan
ang kapaligiran. Matapos mag-almusal, ako'y nagwalis ng duming iniwan ng
kahapon at pinunasan gamit ang map. Samantala ang ate, halos di
matapos ang libro sa kakabasa, pano kagabi pa niya iyon ginagawa at sa kapal ba
naman ng libro, malabong matatapos kung tatamarin. Tinanong ko siya. Sa halip
na tumugon, ako pa ngayon ang pinangaralan ng pagkahaba at sinabing kailangan
kong magbasa ng mga Ingles para matuto ako at di English carabao.
P-L. Sa sinabi ni Ate, parang di ako
marunong mag English subalit may punto siya at iyon ang
nagbukas ng isip para simulan na ang pagbabasa ng ingles at di puro tagalog.
Nakakaintindi ako ng ingles subalit pag malalim at mahirap intindihin, naku
sumasakit na ang ulo at duduguin na ang ilong. Sinubukan kong basahin ang
libro, sa lalim ng ingles, ni isang line ng sentence ay
di ko lubos maunawaan. Siguro nga't kailangan ko ng matutong mag-English.
Matapos magbasa, dahil may load ay text sa ka-textmate. Kakaunti lang
ang naging ka-textmate ko. Ng tanghaling tapat, grabe sobrang init
sa labas kaya nagpalipas ako ng oras sa duyan. Pagsapit ng alas dos kasama si
ate, nanood kami ng Passion of the Christ sa Channel 5.
P-M. Nakakaawa ang sinapit ni Jesus ng
panahong iyon pagkat pinagbubugbog siya ng mga Israelita at
pinagduduraan pa. Pagkatapos pinahirapan ng katakot takot ang gagawin sa kanya
na halos ikamatay. Bukod sa nilatigo, pinagbuhat pa siya ng krus at ipinako.
Duguan na nun si Jesus ng ipako sa krus. Sa naranasang hirap
ni Jesus kahit sino'y di iyon kakayanin at mamatay agad maski
ako. Halos maiyak ako sa awa. Kinagabihan, kahit lumubog na ang araw, dama ko
pa rin ang init kaya naligo ako. Matapos maligo ay nanood ako ng telebisyon.
Nanood ako ng ikaw ay pag-ibig at You change my life kasama
ang ate. Matapos manood, sa antok ay natulog na ko.
March 30, 2013
Saturday
(Black Saturday)
Year I-089
Saturday
(Black Saturday)
Year I-089
P-N. Sabado De gloria, bilis ng panahon
at parang kailan lang nung nagsimula ang Semana santa, ngayon patapos na
kasabay nito ang Long weekend para sa mga Employer,
kami hanggang June pa ang bakasyon. Umaga pa lang subalit
nakakapaso na ang sinag ng araw, ang init at pwede ka ng magluto ng itlog sa
bubungan. Ang kapaligiran, tahimik pa rin. Medyo nakakaramdam ako ng konting
sipon at sasamain. Matapos ang gawaing bahay, pansamantala akong naupo. Habang
nakaupo ako, nakarinig ako ng pamilyar na boses at dada ito ng dada. Nag-alburoto
nanaman si Mama at sakit sa teynga ang mga pinagsasabi, pinapalabas niyang
batugan kami. Yamot na yamot siya sa kalat na di namin malay kung sino ang may
lalang at kung ano-ano ang sinasabi, hiyaan ko muna siya. Maya-maya’y may
malakas na dagadag ang narinig namin. Nagdadabog pala si Mama at mukhang
nagwawala na. Siguro ay stress na sa gawain kaya naging
ka wild.
P-O. Para di mapagalitan, hinugasan ko
ang kaldero at ako na mismo ang nagsaing. Di ako siguradong tama ang ginagawa
kong pagsaing subalit batid kong di ako papalpak. Di pa rin matapos ang
kakatalak ni Mama at aminin ko, napakabungangera niya kaya di minsang
mapigilang sagut-sagutin siya. Di ko na matiis ang pinagsasabi niya at pati
ginagawa ko, pinapamukhang mali. Mas iniintindi ko pa nga ang pagsasaing pero
naririnig ko pa rin ang sinasabi niya. Dala ba siguro ng summer ang
pagiging mainitin ng ulo sa amin o Menopause. Pagkatapos bumunganga
ng sunod sunod, umalis si Mama. di ko alam kung saan nagpunta. ng makapagsaing,
nagprito ako ng hotdog at itlog. Buti na lang at nandiyan ang
ate ko kaya nagagabayan ako sa pagluluto. Mabuti na rin ako ang magluto kaysa
siya para matuto ako. Nang maluto ang kakainin, sumabay ang pagkalam ng aking
sikmura kaya kumain na kami. Ilang sandali'y dumating si Mama Hatid ang ulam.
Iyon ang pinananghalian nila ni Kuya.
P-P. Ang mukhang kaninang puno ng poot,
tila naging payapa na at kinakausap niya na ko. may konting tampo lang akong
naramdaman kaya di ko pa siya kinausap. Aywan ko ba kay Mama kung bakit paiba-iba
ang ugali niya. Minsan mabait, minsan putak ng putak. Epekto na nga siguro
ng global warming. Nang makakain, lumaki ang tiyan ko sa kabusugan
at masarap pala ang niluto ko. Di ko lang alam kung nasarapan sila. Sunod ay
nanood kami ng telebisyon. Nakakamanghang panoorin ang Magnifico pagkat
may isang batang mapagmahal at bukal ang kalooban, sa musmus nitong edad,
nakagawa na siya ng kabaong para sa kanyang lola na malapit ng pumanaw subalit
sa huli, nasagasaan siya ng trak at ang kabaong na kanyang ginawa para sa lola
niya ay mismo siya ang inilagay dun. Maraming nagluksa at pati ako'y maluha
luha na, di kasi malilimutan ang kabutihang kanyang nagawa at napakabait na
bata.
P-Q. Matapos manood ng telebisyon,
naidlip ako pansamantala. Pagkagising ay naligo ako, dama ko ang panlalagkit na
hatid ng init. Saka lang fresh ang pakiramdam ng makaligo.
Maya-maya’y nilagyan namin ng karga ang broadband para magka-internet.
Ang bagal ng internet at halos ikayamot ko na. Pinagtiyagaan
ko na lang. makalipas ang ilang sandali, umayaw na ko at si ate naman ang
gumamit. Naisipan kong magkumpyuter sa labas. Nang Nasa shop na,
thank God cause it's fast. Nakadami ako ng na-download na
kanta. May isang lalaking kanina pa nakatingin sa ginagawa ko, nakahubad at
amoy pawis. Sa halip na bugawin, hinayaan ko na lang siya. Maya-maya pa'y
umalis na siya. Makalipas ang isang oras, time na kaya umuwi
na ko. Sa pagsapit ng gabi, tumungo ako bahay ni Gelyn. Si Regine
(Miano), Gelyn at Annie lang ang nandun
na nasa lamesa at kakatapos lang kumain, inudyok nila akong kumain subalit sa
busog ko, tumanggi na ko. Ang masarap naming kwentuhan, nauwi sa asaran at
pangtri-trip, kahit maloko si Gelyn at Annie at
pinagtritripan ako. Di ako napikon at nang-trip rin
ako. Naging maingay ang bahay dahil sa paghaharutan namin. Ang lalaking kanina
pa natutulog, nagising at nakipagharutan din. Adik 'tong si Gelyn,
sinabihan niyang may gusto raw ako sa lalaki. Mukhang pinagloloko ako ng Gelyn na
iyan. Yung lalaki naman, nilapitan ako at kung anong pinagsasabi. Tinarayan ko
nga at kala niyang sasagutin ko siya. Lahat nun ay pawang biruan lamang. Sakit
ng tiyan ko sa kakatawa. Pagdating sa bahay, tulog na silang lahat at aga
naman nilang matulog, natulog na rin ako.
March 31, 2013
Sunday
(Easter Sunday)
Year I-090
Sunday
(Easter Sunday)
Year I-090
P-R. Happy Easter
Sunday! Matapos ang isang linggong pag-aayuno at paghahanda para sa Semana
Santa, panibagong pagdiriwang nanaman ang dumating. Masaya ako pagkat buhay na
ang ating tagapagligtas at malamang ay masayang ipinagdiriwang ang Pasko ng
pagkabuhay sa iba't ibang panig ng bansa. Mayroong, magtatago ng itlog at
hahanapin, nakakasabik iyon. Siguro nga't isa sa pinakamasayang pagdiriwang
ang Easter sunday pagkat malapyesta kung ganapin pero
ordinaryong araw lang Easter sa lugar namin. April na
bukas, medyo inaantok pa subalit bumangon na ko.
Matapos mag-almusal, naghugas ako ng
Plato at nagwalis. Nilampaso ko ang sahig upang kumintab ito. Sunday
mass namin ngayon pero mukhang di ako makakadalo sa dami ng gawain. Di
naman ako interesadong magsamba pagkat may pusong Katoliko ako.
May balak rin manood ng sine si ate ngayong linggo at inudyok niya kong sumama.
Matagal tagal na rin ako di nakanuod ng sine simula ng Pasko kaya pumayag ako.
P-S. Alas-dyis pa lang ay nananghalian na
kami upang di gutumin sa mall. Mga dakong Alas-onse kami umalis ng
bahay, matindi na ang init kaya todo punas ako upang di mabaho sa pawis.
Pagdating sa SM NORTH EDSA,
di pa naman gasinong kadaming tao. Dalawang movie ang aming
panonoorin, iyon ay It takes a man and a woman at The
host. Lahat ng gastusin ay sagot ni Ate, madaming pera kasi. Pagdating sa
bayaran ng ticket, doon namin nakitang madaming tao at mahaba
na ang pila. Mga Ala-una pa magsisimula ang movie kaya gumala kami ni ate.
Tumungo kami sa National bookstore at nagtingin-tingin ng
mga books. Dahil nakacover, alinman sa libro'y di maaring
basahin pag di mo nabili. Masarap bilhin subalit ang mamahal, ang kakapal pa
mandin at tila nawiwili akong magbasa. Makalipas ang dalawang oras ng pagtingin
at pagbubuklat ng books, tumungo na kami ni ate sa Cinema 6.
P-T. Bago pumasok bumili muna ng popcorn si
ate. Maya-maya’y pumila na kami hanggang sa makapasok sa sine. Ang lamig sa
sinehan subalit iyon nagpapakomportable sa upo ko. Habang di pa nagsisimula,
papak ng Popcorn ang aking ginawa, inaalok ko si Ate subalit
tanggi siya, nagdadayet kasi. Nang magsimula na ang movie ng It
takes a man and a woman, pinatay na ang lights, ang mga
manonood nanahimik at kita ang pananabik pati ako'y sabik na. Di lang pang
romansa ang movie iyon kundi pang komedya. Tawa kami ng tawa
sa pinapakitang aksyon ni Sarah Geronimo. Nagmistulang comedy
bar ang sinehan dahil sa dami ng natawa. Nang patapos na iyon, talaga
nagandahan kami, kilig much ako ng mag-propose si John
lloyd kay Sarah at sinagot naman ito hanggang sa
ikasal sila at iyon ang naging ending. Sana’y may Part 4 pa
ng Sarah-John Lloyd movie, nakakakilig kasi at bagay sila. Mga Alas-kwatro ng
lumabas kami ng sine. Di agad kami makausad sa dami ng tao, mukhang box
office na ang It takes a man and a woman, ganda kasi at
tatawa ka pa. Sunod ay tumungo kami sa Cinema 3 upang panoorin
ang The Host. Bago pumasok sa sine, nag-Jolibee pa
kami.
P-U. Nabusog ako sa dami ng kinain
at superthankful ako kay ate sa panlilibre niya sa akin. Nang
makapasok sa sine, maliit ang studio at konti lang ang nanonood. Mas masaya pa
ang naunang sine kaysa ito. Mukhang di na ko interesadong manood. Makalipas ang
tatlong oras, natapos din ang The host. Madilim na sa labas subalit
di pa kami umuwi. Na-grocery pa kami. ang yaman talaga ni ate at
pati gusto ko'y nabibili namin. Di naman kamahalan ang gusto ko. Bilang utang
na loob, ako na ang nagbitbit ng aming pinamili. Ginabi na kami sa pag-uwi.
Sobrang saya ng araw ko pagkat dalawang sine ang pinanood namin at itong araw
ang di ko malilimutan. Salamat kay Ate. Sayang at di sumama si Mama, Papa at
Kuya, di sana'y mas masaya pa at buo ang pamilya. Hanggang ngayo'y di pa
magkasundo si Mama at Ate dahil lang sa chocolate. Kailan kaya sila
magkakabati? Sa pagod, kaagad ay natulog na ko.
