February 01, 2013
Friday
Year I-032
Friday
Year I-032
F-J. Ang bilis talaga ng
panahon, Pebrero na at isang buwan na lang bago ang mahabang bakasyon. Nalagas
na rin ang isang kalendaryo at abala nanaman ang magsing irog para sa darating
na Valentine's day. Hangga't umaga pa, ginawa ko na ang Daloy
Balita. Pagkatapos ay pagwawalis at paghuhugas ng plato ang aking inatupag.
Sa dami ng gawain, napagod ako. Alas-dyis pasado na at ako'y nananghalian
kasama si Papa sapagkat panghapon na ang duty niya at mas mauuna
siyang umalis ng kaysa sa akin.
Pagsapit ng Alas-Onse, umalis na Si Papa patungo sa kanyang trabaho,
kami na lamang tatlo ang naiwan. Lumipas ang isang oras, di pa man panahon
ng summer, dama na namin ang napakainit na panahon sapagkat
tanghaling tapat na. Pumasok na rin ako sa Eskwela. Dami namin tawa sa
pag-akting ni Nataniel, baklang bakla kung maka-English at
akala mong sasali sa Contest ng Binibining Pilipinas,
dinaig pa niya ako. Sa oras naman ng MAPEH, laking hanga namin sa
napanood na Video ni Charice Pempengco sa laptop ni Ma'am
Petty.
F-K. Ang pinapangarap
niyang makatabi si Celine dion sa stage habang
umaawit, nagkatotoo na. Sa nangyari
kay Charice, inggit ako sa kanya sapagkat natupad ang pangarap
niya at sana balang araw ang pangarap ko, makakamit at iyon ay yumaman,
maipasyal ko sa iba't ibang bansa ang aking pamilya at magkaroon ako ng
magagandang gadget at mamahaling kotse. Sabi nga ni Ma'am,
patuloy mong isipin kung ano ang iyong dreams pero bago mo
makamit iyan, dapat marunong kang humarap sa lahat ng pagsubok kahit gaano pa
yan kaibigat sapagkat walang taong di nakakamit ang pangarap ng walang
pinagdaanang pagsubok.
Maya-maya, matapos manood ng video, binigyan kami ni Ma'am
ng pagkakataon upang ipagdasal ang kanya kanyang pangarap. Pansamantalang nanamihik
ang classroom at mataimtim kaming nagdasal. habang kami ay
nagdadasal, pinatugtug ni Ma'am Petty ang Christian
song na Still.
F-L.
Ipinagdasal ko ang lahat ng aking pangarap. ilang sandali, narinig kong
umiiyak ang ilang kong kaklase, gawa siguro ng tuwa nila pag naiisip ang
pangarap. Pagkadilat, parang napaginipan ko ang aking pangarap. Thank
you very much Ma'am Petty, ikaw ang nagpapalakas ng aming loob
tungo sa kanya-kanyang minimithi. Maya-maya recess na.
Di na ko sumama kina Jenny Mae pakantin dahil may dala akong
baon at iyon ay sweet corn. Sa oras naman ng Chemistry,
di pumasok si Sir Sellona subalit tuloy pa rin ang report,
di rin maingay ang klase dahil may nagsasaway. Nang si Melarion na
ang nag-report, umingay na ang silid. Nabwisit si Melarion at
nagawang suntukin ang black board. Sa lakas ng suntok, nasira
ang Blackboard, wala tuloy kaming masulatan. Maya-maya,
Values na. Sa oras na ito'y nagkaroon kami ng groupings.
F-M. Sa oras naman
ng TLE, may dalang baby doll si Ma'am
Quimson, baby management nanaman at itinuro niya sa amin
kung paano palitan ng lampin ang baby. Pagkatapos ay first
come first serve sa Practical test. Sa takot at hiya, di
muna ako nag-perform, may Lunes pa naman. Kwentuhan
kina Jessa ang inatupag ko. Sa dami ng nagkwekwentuhan, naging
maingay ang buong classroom at halos di na magkarinigan. Ilang
sandali pa, sa wakas at uwian na rin. Lalo pang umingay likha ng sigawan. Gawa
na naghihigpit ng sinturon, naglakad lamang ako. Sa layo ng aking nilakad,
umuwi akong gutom at pagod na pagod. Naghapunan muna ako, pagkatapos ay Mango
float naman ang aking binanatan. Sa tindi ng antok, kaagad akong
nakatulog.
February 02, 2013
Saturday
Year I-033
Saturday
Year I-033
F-N. Ako na lang pala
ang hinihintay bumangon, mukhang tinatamad pa ko bumangon at humilata pa ng
sarap. Pagkabangon, Alas otso na pala. Ipinagpatuloy ko ang pangongolekta
ng white paper, sa dami ng aking nakulekta, mukhang nasa isang kilo
na. Maya-maya, pagwawalis at paglalampaso ng sahig ang aking inatupag. Luminis
linis naman ang sahig at kitang kita ang kintab, bukas balik muli iyan sa
madumi. Sa dami ng aking ginawa, bigla akong nakaramdam ng antok. Di pa man
nakakapagtanghalian, natulog na ko. Saglit lang ang aking tulog at kaagad akong
nagising. Pagkagising ay nadatnan kong nananghalian na sila, sumabay na rin ako
sa kainan. Nang mabusog, tamang upo lang at relaxs. Maya-maya, sa
kadahilanang nabuburyong ako, tutungo ako sa Computer Shop upang
mag-online sa Facebook subalit pinigilan ako ni
Mama. Ilang sandali, dahil di ako papigil, Sa wakas at pinayagan ako ni Mama.
Marahil ngayo'y Sabado at gawa ng walang pasok, maraming kabataan ang nasa
kumpyuteran. Sa dami, wala nang bakanteng computer para sa
akin. Naghanap ako ng computer shop na may bakante.
F-O. Saktong paglingon
ko sa Jyrix, daming bakante at konti lang ang nagkukumpyuter
kaya doon ko piniling magkumpyuter. Pagkapasok, nakita ko si Vinalay na
nagkukumpyuter at mukhang pawisan, di ko siya pinansin. Maya-maya habang
nagtatanong ako kay Evan kung saan ako pwede, may narinig
akong may nagsasayd comment at sumasabat sa usapan. Si Vinalay pala
iyon. di lang yan, niloloko niya ako at pag nilolo ako, humahalakhak siya. Di
ko siya pinansin subalit maloko talaga si Vinalay. Pinagtatawanan
na nila ako at ng di ko matiis ang ginagawa niya, kalmado akong nagsalita.
Maya-maya tila naghahamon ng away si Vinalay at pabungisngis
pa ang mukha. Minura mura niya ko ng sunod sunod at binastos. Sa puntong iyon,
nabwisit na ko at nakapagsalita ako ng di magaganda, sigawan kaming dalawa. Grabe
itong si Vinalay, wala naman akong ginagawa, gaganyanin pa ko
at siya pa ang may ganang mapikon.
F-P. Para di lumaki ang
gulo, ako na ang umalis at nagpunta sa ibang kumpyuter shap. Sobrang naimbyerna
ako kay Vinalay, asar talo naman sa akin. Pagdating sa computer
shop, buti na lang at may bakante kaya nakapagkumpyuter na ko. Isang oras din ako
nasa shop. Pagkauwi, ikwinento ko kay Mama ang ginawa sa akin
ni Vinalay. Ng makapagkwento, nabwisit si Mama subalit di naman
siya basagulera at pinayuhan niya ko. Hanggang ngayon ngitngit pa rin ako
kay Vinalay. Pagsapit ng dilim, di na ko lumabas at piniling manood
ng telebisyon. Nang Maala-ala mo na kaya, tutok na tutok kaming
lahat sa telebisyon sapagkat tungkol iyon sa buhay ni Grace Poe ang
pinapalabas. ng matapos ang pinapanood, pinatay namin ang telebisyon at sabay
natulog.
February 03, 2013
Sunday
Year I-034
Sunday
Year I-034
F-Q. Linggo at dinig ko
na angpagmimisa. Kahit gising na, nahiga pa rin ako sa kama, sarap pa kasing
humilata at dama ko rin ang lamig. Mga malapit ng mag-Alas-otso ng ako'y
bumangon. Pagkabangon ay nag-almusal muna ako. Ng makapag-almusal, tila nabusog
ako at masusuka na. Di muna ako masyadong nagkikikilos-kilos. Nang di na
makaramdam na parang nasusuka, inumpisahan ko na ang paglilinis ng bahay. Nang
makapagwalis, paghuhugas ng plato naman ang aking inatupag. Daming gawain pero
buti na rin iyon kaysa mabato ka.
F-R. Pagsapit ng
Alas-onse, nananghalian na kami. Sa tindi ng gutom, mukhang makakasampung
platong puno ako. ng makakain, sunod ay naligo ako. Dahil Alas-dos pa naman ang
usapan para sa praktis sa Values, natulog muna ako. Ala-una y
medya na ko nagising. Nagsipilyo, naghilamos at nagbihis ako ng pangsibilyan.
ng makapagbihis, si Mama na mismo ang nagbigay ng aking pamasahe at baon.
Patak-patak Alas-dos na ko umalis ng bahay. Matindi na ang sinag ng araw kaya
nagpayong ako. Pagkababa ko sa IBP road, tila tahimik at kokonti
lang ang mga tao. Sinuyod ko ang kahabaan ng IBP road hanggang
sa makarating ako kina Noemi.
F-S. Pagdating sa
kanila, napatingkayad ako ng tayog. Nakita ko si Noemi na
nakapan-gangster at cholang chola ang pananamit. Pinuna ko siya,
sabi niya iyon daw ang uso ngayon. Pupunta sana kami kina Jenny mae kaso
baka magkasalisi kami. Nagpa-load ako upang i-text sila
na pumunta sa Park. Hinintay namin sila. Makalipas ang isang oras,
di pa sila dumarating. Umuwi na lamang si Noemi subalit lingid
sa kaalaman ni Noemi na may balak akong tumungo kina Jenny
mae. Batid kong sa Payatas pa ang bahay nila pero sa tikas
ng paa ko, kahit ilang kilometro pa iyan, kinaya kong lakarin. Binagtas ko ang
kahabaan ng Freedom park hanggang sa makarating sa Ilang-ilang.
Pagdating sa Ilang-ilang, sumakay na ko ng tricycle.
Pagbaba sa may palengke, naglakad ako pansamantala hanggang sa matanaw ko
ang Saint Joseph street, palatandaan patungo sa kanila.
F-T. Buti na lang at
kabisado ko ang daan papunta sa kanila. Pagdating kung saan nakatira si Jessa,
nadatnan ko ang dalawang pinsan niya. Tinanong ko sila at tinawag si Jenny
mae. Ng tinawag si Jenny mae, kasama ko siyang tumungo sa bahay
nina Jessa. Pagdating sa bahay nila, nagkwentuhan kami at
nagtawanan. Ang saya namin, ang harot kasi ni Jessa. Maya-maya,
lumabas na kami upang magkumpyuter. Kasama namin ang isa pa nilang pinsan na si
Jennifer (Bohol). May kamahalan ang renta sa computer shop kaya
saglit lang kami. Yayain sana namin si Al Al na gumala subalit
nadatnan naming naglalaro siya ng Volleyball. Sa halip na gumala,
naglaro kami lang ng Volleyball.
F-U. Tawa ako ng tawa
kina Jessa sapagkat di nila masalo ang bola at ang kukulit
mag-spike. Maya-maya, pagkahagis sa akin ng bola, nakaramdam ako na
parang mamasa masa. May udo pala, nalagyan tuloy ng dumi ang kamay ko. Tawanan
sila at pabiro kong pinaghahabol sila Jessa at Jenny
mae. Nakihugas na lang ako ng kamay sa kapitbahay. Maya-maya, nagsayawan
kami. Kahit di ako marunong sumayaw, sige lang at katuwaan lang naman. Halos
kabagan sila sa kakatawa ng mag-Dougie ako at Gangnam style,
sabay Body language. Kahit sumapit na ang dilim, di pa ko umalis at
naglaro pa kami ng Patintero at bente uno, parang
wala kaming kapaguran. Pagkatapos maglaro, nagpaalam na ko sa kanila dahil uuwi
na ko. Sumakay ako hanggang ilang-ilang, pagbaba ay naglakad ako hanggang
taniman. Sa layo ng aking nilakad, napagod ako at kaagad umidlip. Di ako
makatulog dahil sa lakas ng tugtug mula sa kapitbahay namin. Maya-maya, may
narinig akong tila may nagkakagulo sa labas. May nagsasapakan pala subalit
kaagad naman itong naawat. Ng matapos ang gulo, sa kadahilanang di ako makatulog,
nag-soundtrip muna ako hanggang sa makatulog.
February 04, 2013
Monday
Year I-035
Monday
Year I-035
F-V. Lunes nanaman at
balik muli sa kanya kanyang eskwela. Di pa ko bumangon. Sa tindi ng lamig,
nagkumot muna ako at umidlip. Ilang sandali, bumangon na ko sunod nag-almusal.
Maya-maya’y naglinis ako ng bahay. Tamang walis-walis lang ng mga naipong
alikabok palabas, pagpupunas ng sahig at paghuhugas ng plato, iyan ang
araw-araw kong ginagawa sa halip na maglakwatsa. Ng matapos ang gawaing bahay,
nananghalian na ko at naligo. Kahit tirik ang araw, naging mahangin ang
panahon. Sa lakas ng hangin, halos mabuwal na ako at nagkalat ang nalagas na
mga dahon. Habang nanunuod, nakalanghap ako ng kakaiba na pampasakit sa ilong
hanggang sa mapabahing ako. Napasukan na pala ng alikabok gawa ng hangin.
Habang papasok ako pa-eskwela, kahit tanghali na at tirik na ang araw, di
tumagaktak ang aking pawis gawa ng hangin. Pagdating sa eskwela, konti pa lang
sila pero nandun na sina Jenny mae.
F-W. Habang wala
pang teacher, ikwinento namin kina Jobil at Noemi ang
tungkol sa ginawa namin kahapon. Ala-una omedya na subalit wala pa si Sir
Rombo, tuloy ang aming kwentuhan at naging maingay ang classroom.
Sa oras naman ng AP, nagkaroon ng halalan. Karamihan sa aking
binoto ay taga Just do it. Nang matapos ang halalan, inanunsyo
ni Ma'am Juanites na sa February 14 at 15 na
ang DAT.
Lumawig pa ang panahon sa pagrerepaso. Sa oras naman ng English, nagkaroon
kami ng test. Maya-maya, tseking na. Ilan kaya ang nakuha ko? Sa
oras ng MAPEH, nag-discuss si Ma'am Petty tungkol
sa Depressant drugs, ilang sandali pa ay nakipagtsikahan na sa
amin si Ma'am Petty. Sa ganda ng kwento niya, windang kaming lahat.
Sa oras naman ng Chemistry, nag-swap ng room ang
seksyon namin sa Seksyon 25. Sa room ng seksyon 25 namin
ginanap ang Chemistry. Nanood lamang kami ng Video tungkol
sa Hydrocarbons. May pagkagasgas nga
lamang angvideo kaya minsan ay naaantala ang play.
F-X. Sa mga sandaling
tumigil ang Video, kanya-kanyang kopya ng lecture.
Isang oras ang makalipas, natapos rin ang video. Bumalik na kami sa
sarili naming classroom. Pagkabalik, nadatnan namin nagtuturo
si Ma'am Batara. Agad naman lumabas ang taga seksyon 25 at
pumasok na kami. Sa oras ng Filipino, heto nanaman ang
pinakakalmado at nakakabinging katahimikan, sapagkat mahina ang boses ni Ma'am
Batara. Kabadong kabado ako sa mga oras na iyon sapagkat baka tawagin ako
ni Ma'am Batara. Sa takot na baka magkamali ako at patayuin, kahit
may isasagot ay di ko magawang itaas ang kamay at tila pinanghihinaan ako.
Iniisip ko sana, TLE na para di na ko patuloy pang lamunin ng
kaba. Ilang sandali, umalis na si Ma'am Batara, TLE na
at ang kabang kaninang namumutawi, biglang napawi.
F-Y. Tuloy ang praktikal
at iyon ay pag-aalaga ng baby at habang di pa ko tinatawag, sa
halip na makipagdaldalan ay nagbasa na lang ako ng Noli Me Tangere ng
sa gayo'y may maisagot ako at di kakaba-kaba. Labis kong ikinadismaya ang aking
sarili sapagkat di ako marunong mag-alaga ng baby. Sa ines ni Ma'am
Quimson, hindi na niya ako binigyan pa ng pagkakataon upang palitan ng
lampin ang baby doll at pinaalis. Sa totoo lang, di pala
basta-basta mag-alaga ng Sanggol at ang hirap maging magulang. Bago pa man ang
uwian, sinabi sa akin ng aming leader na may praktis bukas.
Kahit may sugat, naglakad pa rin ako. Sa layo ng nilakad at bigat ng
dala-dalang gamit, sobrang na-haggard ako.
February 05, 2013
Tuesday
Year I-036
Tuesday
Year I-036
F-Z. Kahit inaantok pa,
nilabanan ko iyon at maaga pa lang ay gising na ko upang di mahuli sa ensayo.
Mga dakong Alas-otso ng umalis ako ng bahay. Pagdating sa lugar kung saan
magkikita kita, ni isa kong kagrupo ay wala pa, naghintay ako. Ilang saglit,
dumating na si Jobil, kasama ko siyang tumungo sa bahay nina Noemi. Pagdating
kina Noemi, pupungas pungas pa siya at mukhang bagong gising, di pa
siya nun nakakabihis.
Habang hinihintay si Noemi, nakipagkwentuhan muna kami sa
nanay niya, nakakatuwa ang nanay ni Noemi at parang gusto ko
nang ganong nanay. Ng makabihis si Noemi saka kami umalis at
nagtungo sa Park. Papatawid pa lang kami'y nakita na si Jenny
mae. Mag-uumpisa na sana ang praktis subalit kulang kami ng isa at iyon ay
si Jessa. Imbes na magpraktis, nakipagtsikahan na lang. lalo pa
kami sumaya ng dumating sina Ibarra, ang ingay namin. Maya-maya,
para kaming paslit na nakikipaglaro sa maliliit na bata.
G-A. Kahit mga dalaga't
binata na, nagawa pa makipaglaro sa mga bata at naawa ako sa musmus nilang
itsura sapagkat ang dudungis nila at mukhang pinabayaan ng magulang, minsan
nanlilimos pa. Swerte pa rin ako kahit minsa'y napapagalitan ako ni mama at
papa atlis nagmamalasakit sila at pinapalaki nila ako ng maayos. Sumapit ang
Alas-dyis, nagpaalam na sina Ibarra sapagkat pupunta sila
sa San mateo, kaming apat na lang ang naiwan at malungkot na. Kahit
di pa namin klase, pumasok na kami sa eskwela. Sa harap ng Shade kami
tumambay habang di pa nag-uuwian ang pang-umaga. Nang mabugnot, kaming apat ay gumala
sa Belmonte hall. Habang gumagala'y kinakawayan ko kung sinong
kakilala ang aking matanaw, puro First year ang nagklaklase
sa Sonny Belmonte hall. Ng malibot ang buong Belmonte
hall. Hiniling ko kina Noemi na sa New building naman
kami gumala. Gusto ko kasing makita ang Crush ko na ngayo'y
nasa Fourth year. Nang sandaling makita si Crush kahit
isang titigan Lang, kumaripas kami ng takbo at nagtititili.
G-B. Ang kukulit namin
apat at grabe, kilig much ako nang makita ko siya. Di ako maka-get-over.
Kahit makulit, masaya naman kami. Maya-maya’y bumalik kami sa Shade at
nagpalipas. Saktong dumating ang mga bakla, kakilala pala iyon nina Jobil at
ang lalandi nilang tingnan kala mo'y kagaganda. Umiwas ako at humanap ng
kausap. ng makita ko sina Rhea at Aimee, sila ang
tsinika tsika ko. Sa sarap ng aming tsikahan, di namin namalayan na uwian na
ng Morning Shift at pasukan na ng Afternoon shift. Nag-antay pa kami
sandali. Ilang sandali'y pumasok na kami ng Classroom. Sa oras
ng English, nagkaroon uli kami ng long test. Palihim kong itinago
ang test questioner bilang reviewer.
G-C. Sa oras naman ng MAPEH, pinagawa
kami ni Ma'am Petty ng logic paper.
Napakaimposible ang nakita kong porma sa papel at nagduda ako kung magagawa ko
yun. Sampu na ang nakagawa niyon subalit di ko pa nagagawa. Ilang ulit na kong
punit ng papel subalit di ko nagagawa, tumigil na lang ako. Sa oras naman
ng Filipino, ang kaba sa dibdib ay umiral nanaman at nangagambang
baka wala akong maisagot subalit tila kabaligtaran iyon sa iniisip ko sapagkat
nakakapag-recite naman ako ng walang hiya hiya. Napalitan ng saya
ang kaninang kabado. sa oras ng TLE, tuloy ulit ang practical para
sa pag-aalaga ng baby. Kahit may teacher, naging
maingay ang klasrum. habang sinasagawa ang practical test, biglang dumating si Sir
Cariño na may dalang at nagtanung kung sino ang nakaiwan nun. Nanahimik ang
klase. sinabi ni Ma'am Quimson na si Jed (Tanguan) at Poliquit ang
nakaiwan nun sapagkat iyon ang nasaksihan niya.
G-D. Ilang sandali at
nagpatawag si maam ng witness. si Jayvie ann at Cristina ang
naging witness nila Poliquit. Maya-maya,
pagkapasok ng dalawa, nakita Kong umiiyak si Cristina. sinabi
niyang pinagbantaan siya ni Jed. Sa mga inilahad ni Cristina,
kahit di direktang sinabi sa akin, dumugo ang puso ko at kumulo ang dugo ko
kay Jed. Maya-maya, dahil sa ingay, nagalit na si Ma'am
Quimson at nagwala. Halos maluha luha na si Maam ng magalit. Saka lang
tumahimik ng magalit si Ma'am. Maya-maya, Sa tindi ng galit ni Ma'am, nag-walk-out siya
at baka di na pumasok sa seksyon namin bukas. Ang iingay kasi ng kaklase ko.
Ilang sandali't uwian na. Kasama ko si Ma'am Jamero sa
pag-uwi. Di ako naglakad sa kadahilanang namamaga ang sugat sa paa. Pagdating
sa bahay, napapansin kong nawawala ang aking uniform. Katakot takot
na sermon ang ibinato sa akin ni Mama at panay ang kanyang pagputak. Sa halip
na sumagot, nanahimik na lamang ako.
February 06, 2013
Wednesday
Year I-037
Wednesday
Year I-037
G-E. Pagkamulat pa lang
upang kaharapin ang panibagong araw, bigat na may kahalong kaba ang aking
naramdaman. Gawa siguro ng nangyari kahapon na napagalitan kami ni Ma'am
Quimson at ni Mama o malakas ang kutob kong may di magandang
mangyayari. Kakaiba talaga ang nararamdaman ko. Mainit na kape at pandesal ang
agahan ko. Nang makapag-agaha'y inumpisahan ko ng sagutin ang Ugaling
Pilipino. habang sumasagot, biglang dumating si Gelyn at
humihingi siya ng tulong sa takdang aralin. biglaan tuloy akong napasugod sa
bahay nila Regine. Bago pa man tumungo, tinapos ko munang sagutan
ang Ugaling Filipino. Tinulungan ko si Gelyn sa kanyang
takdang aralin. Nagmistulan akong teacher habang tinuturo ko
sa kanya tungkol sa polygons. Mukhang hirap na hirap siya kaya ako
na mismo ang sumagot sa iba.
G-F. Napakadaming assignment at
mukhang di namin matatapos. Alas-dyis na subalit di pa kami tapos. Dahil may
pasok pa ko, namaalam na ako sa kanila at binayaran ako bago ako umalis bilang pambawi
sa abala. May pera nanaman ako. Maya-maya’y sumapit na ang Alas-dose at tumungo
na ko sa eskwela. Pagdating ay di pa lumalabas ang fourth year.
Gumawa muna ako ng assignment sa Math. Sa
takot na baka maparusahan, habang wala pa si Sir Rombo'y dali dali
naming ginagawa ang takdang aralin. Ang iba naman, sa sobrang pagmamadali,
halos di na alam ang gagawin. Ilang sandali'y dumating na si Sir Rombo.
Tapos o di tapos ay ipinasa namin ang ginawang assignment. Ilang
sandali'y nag-discuss siya. Sa oras ng Values, dami
namin natutunan kay Ma'am Ruiz, halatang subok na subok at
napagdaanan kung ano pa lang ang kakaharapin namin.
G-G. Sa mura kong edad,
marami pa akong kakaharaping pagsubok, kailangang manatili kang matatag at di
basta basta sumusuko ayon kay maam. sa mga tinuro niya'y iyon ang tinatak ko sa
isipan ko. Dahil bukas ay National Achievement Test ng fourth
year, Sa oras ni Ma'am Petty, wala kaming ibang inatupag kundi
ang maglinis ng Classroom. Ang iba nag-floowax, naglampaso,
nagwalis, nagpupunas sa bintana at nagbuhat ng upuan. Nagkaisa kaming mag-aaral
na mapalinis ang buong klasrum. Sa dami namin, wala pa sa trenta y minutos ay
tapos na. Upang malibang ay kanya kanyang share ng logic
puzzle. Ako ang nag-volunteer at pinasagot ko sa kanila ang naisip
kong logic puzzle. Sa hirap ng puzzle ko, kahit
matatalino'y nangamote sa logic puzzle.
G-H. Isa isang nagpasa
ng sagot at ni isa'y Quadrangel muna kami nanatili. Nang
tumunog ang bell, parang hayop na nakawala ang mga estudyante
palabas. Naglakad lang ako kahit may dinaramdam na sugat. Pagdating sa bahay,
naghapunan ako. ng makapaghapuna'y diretso agad sa computer shop upang
gumawa ng project sa MAPEH. Dahil wala naman pasok
kinabukasan, nag-extend ako ng isang oras. Alas-nuebe na ng umuwi
ako. Habang naglalakad, napansin kong wala ng gaanong kabataan ang nakatambay
at sarado na ang ilang tindahan. Dinalian ko na sa pag-uwi at baka ma-curfew ako.
Pagka-uwi’y nanood ako ng Telebisyon sabay natulog.
February 07, 2013
Thursday
Year I-038
Thursday
Year I-038
G-I. Alas-otso na ng
umaga ako nagising. Dahil malapit na ang Chinese new year, manamis
namis na malagkit at may breadcrumps na Tikoy ang
naging almusal ko. Ng makapag-almusal, tumungo na agad ako sa bahay nina Regine
(Miano) upang tulungan si Gelyn sa kanyang assignment.
Wala akong pasok ngayon kaya pagsagot sa assignment ni Gelyn ang
pagkakaabalahan ko. Bilang utang na loob nila sa pagtulong ko, binayaran nila
ako ng 30 piso at umuwi na ko. May pampa-print na ko para sa project sa MAPEH.
Pagkatapos mananghalian, dumiretso agad ako sa Computer Shop upang
ipa-print ang project. mga Alas-Onse na ng makarating
ako sa bahay.
G-J. Habang nanonood ng
telebisyon, biglang tumungo si Gelyn sa bahay at binawi ang
kanyang textbook. Sinabi niyang ngayon ang pasahan ng kanyang assignment di
sa Biyernes. Nanghinayang ako sapagkat natanggalan ako ng pagkakaabalahan.
Matapos manood ng telebisyon, natulog na lang ako. Mga Alas-tres ako nagising
at tila ngawit ang buo kong katawan. Mahirap man galawin ay sinubukan ko
hanggang sa maibalik ang maayos kong paggalaw. Gutom na agad ako kaya
nagmeryenda ako. Pagktapos ay nagpa-laminate ako. Ng mura at kahit
malayo, basta makatipid ay ayos na sa akin. Sa layo ng aking nilakad,
pinagpawisan ako at pagod na pagod.
G-K. Ngayong hapon lang ako
naligo. ng makaligo, preskong presko sa pakiramdam na parang ang linis ko at
komportable ako sa aking sarili kahit anong damit ang masuot. Kahit walang
pupuntaha'y naglagay ako ng pulbo sa aking mukha at nagpabango upang maalis ang
aking pagkabato. Ng maamoy at makita ako ni Mama, nakarinig ako ng di
inaasahang salita mula sa kanya na ang hygienic akong tingnan
at ang bango ko raw. Natuwa ako sa kanyang sinabi at sa kabila na minsa'y puro
pamimintas na lang, nakapagbitiw pa siya ng maganda. Tumaba nang husto ang puso
ko at nagpasalamat ako sa kanya. Pagsapit ng gabi, dahil nakakasawang laging
manatili sa bahay, lumabas ako at nagtungo sa bahay nila Olah.
Si Olah, ang kanyang ate at nanay ang nadatnan ko sa bahay kasama
ang isang baby na anak ng kanyang ate subalit wala dun si Donald.
Nagkwento ang nanay ni Olah tungkol kay Donald.
G-L. Habang masarap
kaming nag uusap, di ko akalain na makikita ni Gelyn, lumabas ako
saglit at sinabi niyang sa Lunes pa ang pasahan ng kanyang assignment.
Ng matapos ang sasabihin, bumalik ako sa bahay nila Olah at
nakipagtsika. Maya-maya, may narinig akong may nagsusutsut at tinatawag ang
pangalan ko. Inisip kong si Gelyn iyon at kukulitin nanaman
ako sa paghingi ng tulong kaya di ko pinansin. Patuloy ang pagtawag sa pangalan
ko at lumabas na ako. Si Cathy pala iyon at humingi ng
pahintulot na samahan ko siya. Nagpaalam na ko kila Olah at
sumama ako kay Cathy. Habang naglalakad ay masaya kaming
nagtsikahan. Kahit Alas-otso na, sinamahan ko si Cathy hanggang
sa kanyang bahay. Nagkwentuhan kami subalit ang kulit ng kanyang kapatid na
si Jaka. Sa kadahilanang magkakaroon ng curfew kapag
Alas-dyis na, Alas-nuebe pa lang ay umuwi na ko.
February 08, 2013
Friday
Year I-039
Friday
Year I-039
G-M. Thank god it’s Friday, wala nanaman
pasok bukas at kahit isang buwan pa bago ang bakasyon, sabik na ko subalit bago
ang mahabang bakasyon may kakaharapin munang kanya kanyang problema sa eskwela.
Ngayong araw ang Deliberation at hahatulan nakung sino
na ang maaaring bumagsak o ipasa. Nangangamba ako sapagkat baka mapasali ang
pangalan ko sa conditional grades. Kahit na nagpapasa ako at
matataas ang nakukuhang marka, di pa rin ako pakampante. Lalo pang lumakas ang
kaba sa dibdib ng iaanunsyo na ni Sir Rombo kung sino ang
bagsak sa iba't ibang asignatura na kailangang kausapin ang guro upang
makapagdesisyong ipasa. Parang nabunutan ako ng tinik sa lalamunan ng di
matawag ang pangalan ko sa kondisyonal.
G-N. Ang aking mga
kaibigan na sina Jobil, Noemi, Jenny Mae at Jessa ang
nanganganib na mag-Summer class at mapunta sa home study
program. Bukod sa kanila, marami-rami rin ang tinawag ang pangalan at
karamihan ay puro lalaki.
Sinabi rin ni Sir na walang Summer class sa taong ito
sapagkat gagamitin ang Batasan Hills National High School bilang
presinto para sa darating na Eleksyon. Sa Lagro at Commonwealth
High School lang ang may offer ng summer
class sa ngayon. Nakakalungkot isipin na kailangan mo pang gumastos ng
pamasahe upang dumalo ka ng summer class sa nabanggit na iskul at
ang layo pa niyon. Sa oras naman ng AP, puro lang kami test ganun
din sa English sapagkat malapit na ang Division
achievement test. Sa oras naman ng MAPEH, wala si Ma'am
Petty.
G-O. Kahit wala si Ma'am
Petty ay tuloy pa rin ang report. niyaya ako nina Rommel at Ibarra na
sumali sa try out ng folk dance, di ako pumayag.
Maya-maya pa'y nagmistulang palengke ang classroom, ang ingay at
sakit sa ulo. Pakikipagdaldalan din naman ang ginagawa ng aking kamag-aral kaya
iyon na rin ang ginawa ko.
Birthday rin ngayon ni Pradez kaya
nag-celebrate kami. Sa oras ng recess, sinamahan ko
sina Jobil upang kausapin si Ma'am Batara, teacher namin
sa Filipino. Sinabi ni Ma'am Batara sa kanila na
di na niya maaring baguhin ang hatol na ibinagsak niya sila. Kailangang gawin
ay umaayos at magpasa ng requirements hangga't di natatapos
ang school year. Sa panahon ngayon talaga, maraming estudyante ang
nagkukumahog na kausapin ang teacher at gagawin ang lahat,
makapasa lang sila.
G-P. Nakita ko kasing
maraming estudyante ang nanganganib kay Ma'am Batara at may
magulang pa. Ganun din sa Chemistry, ang lahat ng binagsak ni Sir
Sellona, pila pila upang kausapin siya. Sa dami ng kakausap kay sir,
tumanggi na siya sa ibang nahuli at sinabing sa Lunes na lang. Maya-maya
inanunsyo na ni Sir Sellona ang aming grade sa third
grading. Kinagagalak ko ang binigay na grado sa akin ni sir sapagkat line
of 7 man ako noong second grading, bumawi naman ako
ng third grading at 90℅ pa ang nakuha ko. Sa
oras naman ng Values, pagkatapos mag-discuss ni Ma'am
Ruiz, pila pila nanaman ang mga bagsak upang kausapin siya. Sa ingay,
itinigil niya ang pakikipag-usap sa kanila at pinaulanan ng sermon. Naubos na
ang oras ni Ma'am Ruiz sa kakasermon. Isang Subject na
lang at malapit na ang uwian. Sa oras ng TLE, Buti pumasok si Ma'am
Quimson at parang wala lang sa kanya ang nangyari nitong huling araw.
G-Q. Di na naging
maingay kaya nakapag-discuss siya ng maayos. Ilang sandali’y
tumunog na ang bell. Kasabay kong umuwi si Ma'am
Jamero at hinatid ko pa ito hanggang sa kanyang Bahay. Ng Maihatid ko
si Ma'am Jamero ay saka pa lamang tumungo sa Terminal ngTricycle upang
at sumakay. Pagkauwi ay magalak kong ibinalita kila Mama na wala akong bagsak
at malaki ang tiyansang ma-promote ako Bilang Fourth year.
Masaya ang naging reaksyon nila. Salamat sa panginoon na kahit minsa’y di ko
sineseryoso ang pag-aaral, di pa rin niya ako pinabayaang lumagapak at nakapasa
pa ko. Sana’y mas lalo ko pang pagbutihan ang aking pag-aaral. Sa kadahilanang
malapit na ang DAT, bago matulog ay nagrepaso muna ako. Mga bandang
Alas-dose na ako nakatulog.
February 09, 2013
Saturday
Year I-040
Saturday
Year I-040
G-R. Sabado at bisperas
ng Chinese New Year. Tinanghali muliako ng gising gawa ng
pagpupuyat ko kagabi sa pagrerepaso. Pagkatapos mag-almusal, pagbubuklat
ng reviewer sa Chemistry ang aking inatupag
sabay nagrepaso. Habang nagrerepaso'y naririnig kong may iba't ibang boses na
lumilikha ng ingay. Dumungaw ako sa bintana at nakitang maraming kabataan ang
nakasuot ng puting polo at itim na pantalon sa lalaki at palda sa babae. Mga
estudyante sila ng University of Santo Tomas at nagpunta sila
sa Sitio Taniman upang isagawa ang kanilang
proyekto. Maya-maya pa'y
nagsimula na ang kanila seminar na lalong ikinaingay.
Ipinagliban ko muna ang pagrerepaso dahil sa ingay. Lumabas muna ako upang
bumili ng glue stick. Saktong nagkasalubong kami ni Babylyn kaya
sumama siya sa akin.
G-S. Habang naglalakad
kaming dalawa, di namin namalayang sumama si Dianne (Mendioro) at
nagdadagan pa ako ng kasama hanggang sa maging apat kami ng makasalubong ko
si Ate Let. Dahil apat ang kasama ko, walang hiya hiyang
kinaharap ang aking crush at bumili ng Glue stick.
Di ako makatitig ng diretso sa kanya habang bumibili ako at para akong
tinutunaw. Tuwa at kilig ang
aking naramdaman ng iabot niya sa akin ang glue stick sa aking
palad at sabay hinimas ko ng saglit. Kilig much tuloy ako at
parang nanalo sa lotto sa labis na saya. Kahit
naglalakad kami ni Babylyn, di ko pa rin makalimutan
angpagmamagandang loob niya sa akin.
G-T. Nang dumaan muli
kami kung saan ang school supply, pasimple akong tumingin sa kanya
habang nagbabantay ng mga paninda. Pagdating sa bahay, nandon pa rin ang
estudyante ng UST at
patuloy pa rin sinasagawa ang seminar. Maya-maya, umalis na sila,
tumahimik at saka ko ipinagpatuloy ang pagrerepaso. ng sumapit ang Alas-Dose,
bigla akong nakaramdam ng masungit at panay ang tulo ng uhog. Upang mapawi ay
ipinagpahinga ko ang aking sarili. Di na rin ako nakadalo pa ng practice gawa
ng masama kong pakiramdam. Pagkagising ay wala akong ibang inatupag sa maghapon
kundi ang magrepaso. Pagsapit ng gabi, dahil bisperas ng Chinese New
Year, pagkatapos ng hapunan ay manamis-namis na Tikoy ang
aming panghimagas. Sa lagkit, dumigkit ito sa kamay ko ng hawakan, pahirapan
tuloy sa akin ang tanggalin.
G-U. Maya-maya, may
narinig akong mangilan ngilang putok. May mangilan ngilang Chinese ang
naninirahan sa subdibisyon na ngayo'y dinaraos ang pagsalubong sa Year
of the Water snake. Ilang sandali pa'y nakarinig ako ng sunod sunod na
putok. Lumabas ako, yun pala'y sumasabog sa kalawakan ang makulay na fireworks.
Di namin mapalabas ang aso gawa ng may takot sa putok. Kahit di ako Chinese,
hinintay ko ang pagsapit ng bagong taon. Habang naghihintay ay nagrepaso ako.
Tulog na silang lahat at ako na lang gising. Pagsapit ng Alas-dyis at sa di
inaasahan, dumating na si Papa galing Batangas, nagsigising sila at
may pananabik kainin ang dala dalang pasalubong. Kainan nanaman ito at talagang
nabusog ako. Maya-maya’y dala ng antok, nakaidlip ako. Nagising muli ako ng
nagpuputukan na. Sumapit na pala ang alas dose at Kung hei fat choi na.
Kakaunti lang ang mga paputok kaysa sa sarili nating Bagong taon.
February 10, 2013
Sunday
Year I-041
Sunday
Year I-041
G-V. Gawa ng Ala-una na
ko natulog, tinanghali na ko ng gising at maaliwalas na ang paligid.
Galing Batangas na dala-dala ni Papa ang aking almusal at iyon
ay Colettes Buko pie. Nang mabusog ay ipinagpatuloy ko ang
pagrerepaso. Puro ako sunog kilay ng sa gayo'y makadali ng matataas na marka
para sa darating na DAT. Nang matapos magrepaso, tumungo ako
kina Regine upang turuan si Gelyn. Ako muna kasi
ang magsisilbing guro niya tuwing Sabado't Linggo at maging sa umaga habang di
pa oras ng kanyang klase subalit naitigil ko iyon gawa na may ibang
pinagkakaabalahan at ngayon ko lamang siya matuturuan. Umabot sa dalawang oras
ang pagtutsutor ko sa kanya. Natututo naman siya sa mga tinuturo ko subalit
napapansin kong inaantok siya kapag tinuturuan ko.
G-W. Maya-maya’y sa
halip na bente ang ibayad sa akin ni Aling Gina, triple pa ito.
Tuwang tuwa akong umuwi sapagkat nagkapera ako ng ganung halaga, mas malaki pa
sa binibigay na allowance sa akin ni Mama. Ginamit ko ang aking
napagkakitaan sa pambili ng intermediate pad paper at ballpen.
Bago pa man ako umuwi, dumaan muna ako sa bahay nina Jaypee at
nangamusta. Abalang abala ang mag-ina sa paglalaba. Habang naglalaba ay
nag-usap kami. Sa hiya, tutulungan ko na sana sila sa paglalaba subalit
tumanggi sila. Ang daming kwinento sa akin ni Tita Arlene. Inabot
tuloy ako ng halos isang oras pero nagpapasalamat ako sapagkat inilaan ni Tita
Arlene ang oras upang kausapin ako at iyon ang kinasapatan kahit di
nila ako pinagmeryenda.
G-X. Tirik na tirik ang
araw nang umuwi ako at tumagaktak ng husto ang pawis. Pagkauwi’y naligo agad
ako upang mapreskuhan. Inumpisahan ko na rin gawin ang Project sa Filipino.
Maya-maya’y natulog muna ako upang makapagpahinga at humugot ng lakas. Sa sarap
ng tulog, Alas-tres na pala ngako'ymagising. Ipinagpatuloy ko ang paggawa
ng project sa Filipino. Sobrang naging abala ako
at sa dami ng susulatin, nangaubos na ang tinta ng ballpen. Iyon
lamang ang inatupag ko sa maghapon. Malapit na ang bakasyon kaya todo sikap
upang di bumagsak. Inabot hanggang Alas-singko ang paggawa ko ng project sa Filipino.
Nangatog ang aking daliri sa dami ng sinulat. Pagkatapos ay nagrepaso ulit ako.
ng matapos magrepaso, sa gutom ay naghapunan ako. ng makapaghapunan ay nahiga
ako saglit sa duyan. Kagagandang masdan ang mga bituin na nagkalat sa kalawakan
at tila malanis ang kalangitan. Ng magsawang magduyan, tumungo ako kina Gelyn subalit
nadatnan kong tulog na sila.
G-Y. Umuwi na lang ako.
Dahil walang makausap, ang kinita ko sa pag-tutor ang pinangload
ko. Wala akong ginawa kundi text text at iyon ang nagtanggal
ng aking pagkabato. bukod sa unli text, unli calls din
ako kaya one to sawa ang tawagan. Sina Leonardo at Jessa ang
nakakwentuhan ko. Sa hinabahaba ng tawagan, na-lowbatt ang Cellphone ko
at itsinards ko muna. Pananonood ng telebisyon ang aking inatupag para tanggal
bato. Dami kong tawa sa Gandang gabi Vice at halos mapunit ang
lalamunan ko sa kakatawa. Sa sobrang lakas ng tawa ko, para akong nasisiraan ng
bait. Nagising si Mama gawa ng malakas kong halakhak at kahit ganun ako
makatawa, sumaya ang gabi ko. Laughing is the best medicine, maiging
minsan tumawa ka ng sa gayo'y malayo ka sa sakit. Dahil Pinoy ako,
likas talaga sa Pilipino ang tumatawa kahit simpleng bagay at
pasok ang Pilipinas sa top
10 na happiest country in the world. Kahit may problemang kinakaharap,
nagagawa pa rin ngumiti at minsan tumawa. Kahit di ako
mayaman, basta masaya, doon ako. Ilang sandali, napagod ako sa kakatawa at
natulog. Salamat kay Vice Ganda dahil napatawa niya ko ng
todo-todo at napasaya ng husto.
February 11, 2013
Monday
Year I-042
Monday
Year I-042
G-Z. Alas-siete
pa lamang ng umaga ay gising na ko. Pagkatapos mag-almusal ay tumungo ako sa
bahay nina Gelyn upang turuan siya. Nakakalimutan niya ang
tinuro ko sa kanya kahapon kaya balik aral kami. Walang nagbago kay Gelyn at
di pa rin itatak sa isip ang lahat ng tinuturo ko sa kanya. Nang matapos
magturo, kahit nagkape ako'y pinagkape pa rin nila ako at pinag-almusal. Ang
bait ng nanay ni Gelyn at bago ako umuwi, binigay muna ang
bayad. Pinagpawisan ako at biglang sumama ang pakiramdam ko. Mukhang di ako makakapasok
dahil sa sama ng pakiramdam. Pinainom ako ni Mama ng gamot at pumasok pa rin.
Bumuti naman ang pakiramdam ko ng nasa eskwela na. Sa oras ng Math,
inanunsyo ni Sir Rombo sa amin na sa February 21 at 22
na ang Division achievement test sa halip na
ngayong Linggo. sumigaw kami sa sobrang saya at lumawig nanaman ang panahon
para makapagrepaso. Maya-maya pa, AP na.
H-A. Nagrepaso lamang
kami. Gawa ng maraming nagkwekwentuhan kahit nandon si Ma'am Juanites,
nagalit ito at sunod ay nag-walkout. Nanahimik ang klase ng gawin ni
Ma'am iyon at ilang saglit ay bumalik si Ma'am Juanites.
Ipinagpatuloy muli namin ang pagrerepaso. Maya-maya’y nagkaroon kami ng quiz.
Dahil kinabisado ko ang lahat ng tanong, naging madali sa akin ang pumili
ng choices sa mga katanungan. Kasiya siya ang resulta na
nakuha ko subalit kalahati at may kalahati pang aytems para bukas. Sa oras
ng English, nagkaroon rin kami ng quiz. Hindi
si student teacher Ma'am Maicy ang namahala sa
klase kundi si terror teacher Ma'am Ramos. Sa oras ng MAPEH,
wala pa rin si Ma'am Petty subalit tuloy pa rin ang class
report, habang class report ay patuloy kong tinatapos
ang assignment sa Filipino na Noli me
tangere. Ilang sandali'y Recess na. Ang sariling baon ko
lang ang aking kinain. Sa oras ng Chemistry, Report class uli
at kapansinpansin kay Sir Sellona ang makulay niyang buhok.
Pagkatapos ni Mary Joy mag-report, si Nataniel na.
H-B. Habang nagre-report si Nataniel ay
palihim na natawa ang iilan kong kaklase at pati ako'y napapatawa. pano, kung
magkasalita'y slang at maarte magsalita si Nataniel pag
nagbabasa ng English, baklang bakla subalit,
may isang bagay kaming di inaasahan kay Nataniel at talagang
napanganga kami sa gulat. Ni isang pagkakamaling sagot ay di pa nangyari at
puro tama. Mukhang mape-perfect niya ang report.
Nakakatuwa si Sir, may lifeline pang nalalaman at parang Who
wants to be a millonaire lang at si Sir si Bossing. Sa
apat na lifeline ay di pa nagagamit ni Nataniel.
Mangha-mangha kami kay Nataniel at siya na ang matalino. Lalo
pang nagkaroon ng buhay ang klase ng bigyan ng give check ni
sir si Nataniel pag na-perpect niya iyon. Malalaman na
sana kung mape-perpect ni Nataniel subalit kinapos
na sa oras at ipagpatuloy na lang bukas. Ang kaninang masaya at maingay
na classroom, tumahimik nang Filipino na.
H-C. Ipinasa na namin
ang ginawang assignment. bago pa man umalis si Ma'am Batara,
inanunsyo niya ang magre-report. Napasama ang pangalan ko sa magre-report subalit
sa Miyerkules pa ko. Ang paunti-unting pag-alis ni Ma'am Batara ang
paunti unting pag-ingay. Tumahimik lamang ng dumating si Ma'am Quimson.
Sinabi ni Ma'am Quimson kung sino ang mga bagsak. Nagagalak
ako sapagkat di napasali ang pangalan ko sa mga bagsak.
H-D. Maya-maya, tinanong
ni Ma'am Quimson si Britanica kung bakit
madalas itong lumiban sa klase. Inamin ni Britanica ang
dahilan ng pagliliban niya sa klase. Sinabi ni Britanica na
lingid sa kaalaman ng kanya magulang na pumapasok siya, yun pala'y
pumupuntalamang sa kabarkada at nagkakating. Nadamay sa usapin sina Valerie, Noemi at Mothy.
Tilian ang lahat ng ibunyag ni Mothy na naging sila ni Valerie
(Salinas) at ano Yun, Wala kaming alam? Bago pa man mag-uwian,
pinayuhan ni Ma'am Quimson ang apat. Pagkauwi'y ibinalita ko
kay Mama ang tungkol sa pinaggagawa nina Britanica. Marahil kahit
di anak ni Mama, di niya magugustuhan ang pinaggagawa ng classmate ko.
Sa palagay ko, maari silang mapariwara kung patuloy nilang gagawin iyon at
dapat ay iwanan na nila iyon.
February 12, 2013
Tuesday
Year I-043
Tuesday
Year I-043
H-E. Dahil may praktis
pa kami ng Alas-Siete, Alas-Singko pa lang ng umaga'y gising na ko. Pupungas
pungas pa ko, nilabanan ko ang antok. Naging maulan ang umaga kaya lalo pang
nakaramdam ng lamig. Nag-almusal ako at inihanda na ang mga gamit na dadalhin.
Alas-siete y medya ng umalis ako ng bahay. Tumigil na ang ulan pero basang-basa
ang kapaligiran at napakaputik. Pagdating sa Park ay muli
nanaman bumuhos ang panaka-nakang ulan at sumilong muna ako. Ako lang mag-isa
at wala pa ang aking kaklase. Ilang sandali'y dumating si Esther.
Nagkwentuhan muna kaming dalawa. Maya-maya’y sunod na dumating sina Patrick, Leonardo at Anod.
H-F. Pagdating ng
tatlo'y naglaro sila ng sipa. Marami rami na kami sa Park subalit
wala pa ang aking kagrupo. Habang hinihintay ang kagrupo'y nagrepaso muna ako
sa AP. Alas-otso na subalit di pa dumadating ang kagrupo ko. Sa
inip ay ako na mismo ang pumunta sa bahay nila Noemi. Nadatnang
natutulog pa si Noemi at ginigising ng kanyang nanay. Si Noemi pa
lamang ang kasamang kagrupo ko na nasa Park at di pa kami
makapagpraktis sapagkat di pa kami kumpleto. Nag-umpisa na ang ibang grupong
magpraktis subalit wala pa kaming nasimulan. Naiinis na ko sa sobrang tagal
nilang dumating. Sa inis ay parang gusto kong magwala subalit pinipigil ko
lang. Ilang sandali ng pag-aantay ay dumating na sina Jessa at Jobil subalit
wala pa si Jenny mae. Sa halip na magpraktis, nagtsikahan pa ang
tatlo. Sa takot na baka walang maipakitang performance bukas,
pinagsabihan ko silang tigilan na ang tsikahan at magpraktis na subalit tila
bingi-bingihan.
H-G. Tingin ko sa aking
mga kagrupo, mga wala silang kwenta at inuubos nila ang panahon sa
pakikipagkwentuhan, ang pinag-uusapan walang kakwenta kwenta. Nagsimula na kong
mabanas sa kanila. Nakapagpraktis naman kami at tinuro sa akin ni Jobil ang step ng Chacha.
Sa tigas ng katawan ko, tawanan ang mga kaklase ko subalit di ko sila pinansin.
Totoo ang sinabi sa akin ni Jessa na ang badoy kong sumayaw.
Nahiya ako at sa hiya, humingi ako ng pabor kay Jobil na
kumanta na lang kami. Di pumayag sina Jobil at mas gustong
sumayaw. Para sa akin, parehas kaliwa ang paa ko at mas gusto ko pang kumanta
sapagkat alam ko sa sarili ko na may boses ako at may ibubuga pagdating sa
pag-awit. Sinunod ko na lang kung ano ang gusto nila at parang tanga akong
sumasayaw sa Park. Ang di namin alam,
habang nasayaw ako ay kinukuhaan na pala kami ni Leonardo ngvideo.
H-H. Pinagsabihan namin
siya. Dahil maraming bumabatikos sa sayaw ko, umayaw na ko at naupo sa isang
tabi. Nabwisit na ko ng husto kay Jobil sa di niya pagpayag sa
pabor ko na kumanta na lang kami. Pakiramdam ko'y parang nakakahiya ang
pinapagawa nila sa akin at parang puppet na pinaglalaruan
nila. Di sila kaibigan at parang nagsisi akong naging kagrupo ko sila. Dahil sa
kahihiyan, di na ko nagpakita kila Jobil at sa mga classmate ko
at sumabayna lang sa pang-umaga na umuuwi. Lugmok na ko sa kahihiyan, di na ko
pumasok at minabuting manatili na lang sa bahay. Di ko sinabi kay Mama ang
tunay na dahilan kung bakit umuwi ako ng maaga at gumawa ako ng kwento upang di
na siya magduda. Sa hiyang nadarama, itinulog ko na lang. Halos tatlong oras
rin ako natulog.
H-I. Pagkagising, ang
kaninang hiya, unti-unti ng nawawala at unti-unti ko ng natatanggap ang
nangyari sa akin kanina. Na-realize ko na di ko dapat ikahiya ang
ginawa ko sapagkat wala naman akong ginagawang masama at nagsasanay lang naman
ako. Ang hiya sa sarili ang pipigil sa mga pangarap mo. Nahihiya pa rin ako
kapag naalala ko na pinagtatawanan ako ng aking mga kaklase kanina subalit
pinigilan ko iyon at inisip na lilipas rin yan. Maya-maya, binigyan
ako ni Mama ng pera pampagupit. Habang kakwentuhan ko si Mang Usman na
isang manggugupit, naging madaldal ako at ang pagiging madaldal ko ang
nagpalakas ng aking loob na kaharapin ang hiya. Wala na kong hiya at makapal na
ang aking mukha. Umuwi akong parang ang gaan-gaan sa pakiramdam marahil
siguro'y di na ko nahihiyapa. Alam kong may report ako bukas
kaya papasok ako at kakapalan ko pa lalo ang mukha kung alam ko sa sarili na
wala akong ginagawang masama. Gumawa ako ng report sa Filipino at
nag-aral ako. Mga Alas-Otso ng matapos ko iyon at naghapunan.
February 13, 2013
Wednesday
(Ash Wednesday)
Year I-044
Wednesday
(Ash Wednesday)
Year I-044
H-J. Ash Wednesday, hudyat na
pagsisimula ng kwaresma at bisperas din ng Valentine's Day. Gawa ng di
na ko inaantok, Alas-singko pa lang ay gising na ko. Medyo nakakaramdam pa rin
ng konting hiya subalit kahapon pa iyon at ang nakaraan ay di na dapat isipin,
ang mahalaga ay kaharapin ang ngayon. Malamig pa rin ang umaga at madilim-dilim
pa. Humigop muna ako ng mainit na kape upang maibsan ang lamig. Ng
makapagkape'y naupo muna ako at nakinig ng radyo. Maliwaliwanag na ng
ipinagpatuloy kong gawin ang Visual aid sa Filipino.
Nagsa-ulo ako ng buod ng Noli me tangere na aking ire-report at
mga tauhan na nito. Halos dalawang oras rin ako nagkabisado. Handang handa na
ko mamaya sa report at sanay maging mahusay ako sa pagre-report ng
sa gayo'y mataas ang ibigay na grado.
H-K. Nang matapos
magsa-ulo, Alas-dyis na pala at ako'y nananghalian. Maya-maya, nag-text sa
akin si Britanica at
sinabihing magdala ng white t-shirt. Nagpa-load ako
upang replayan siya. Tanghali na ng tumungo ako sa eskwela at naging mabigat
ang aking dalahin. Di pa man sumasapit ang araw ng mga puso, marami ng street
vendor ang naglalako ng Rosas at
Valentine’s heart. Kahit inaatubili'y di ako bumili. Gawa ng
maraming street vendor, naging masikip ang daraanan. Pagpasok
sa classroom nadatnan kong abala ang aking mga kaklase sa
pag-aayos ng, mga lalaking nagbubuhat ng upuan at mga babaeng nagme-make-up.
Ngayon kasi ang perfomance namin sa Values.
Nilagyan nila ng red cellophane ang ilaw upang magkakulay at
nilagyan ng mga dyaryo at Manila paper upang di pumasok ang
liwanag na nagmumula sa labas. Ang blackboard, nilagyan naman
ng banner.
H-L. Ang iba ko
namangmga kaklase abala sa paggawa ng group poster gamit
ang cartolina. Sa palagay ko, mukhang may magaganap na program.
Sa puntong iyon, tineks ko sila Jobil kung nasaan sila.
Pagdating nila, naka-costume na sila at sinabi sa akin ni Jobil nagpraktis
sila kaninang umaga. Humingi ako ng pabor kay Jobil na pwede
ituro sa akin ang kanilang step subalit parang naulinig sa
kanyang teynga. Inulit ko ang aking sinabi at nilakasan. Parang bombang sumabog
ang tugon sa akin ni Jobil na parang ayaw akong pasalihin at
sinisi ang di ko pagpunta. Pano ako pupunta, ni isang text di
niya ginawa, dadalo naman ako ng praktis subalit di niya sinabi na may praktis
pala. Di ko nagustuhan
ang inasal sa akin ni Jobil. Nagliyab ng husto ang aking damdamin
at napagsalitaan ko siya ng masasakit na salita. Masyado akong nagpadala sa
bugso ng damdamin gawa ng sitwasyong di ko kayang i-handle.
H-M. Nilamon ako ng
inggit at poot sapagkat nakita kong bihis na bihis na ang aking mga kaklase at
abala sa pagprapraktis habang wala pa si Ma'am Ruiz. Parang kawawa
ako sapagkat ako lang ang naka uniform samantalang naka-costume na
ang halos lahat. Gusto ko rin magsuot kung anung nasusuot nila kaso di naman
ako magpe-perform. Sa tana ng buhay
ko, ngayon lang ako di makapag-perform dahil di ako pumasok at
nagsisi talaga ako. Kahit kailan, walang maidudulot na maganda ang hiya. Mali
rin na nasisihin ko sina Jobil sapagkat di ako pumasok. Kung
pumasok lang ako, di sana kasali pa ko sa kanilang performance.
Nanahimik na lang ako sa isang tabi at pinapanood ang aking mga kaklase. Parang
gusto kong umuwi sapagkat hitsapera lang ako subalit may report ako
sa Filipino. Ilang sandali'y dumating na si Ma'am Ruiz at
nagsimula na ang program. Pinangunahan nila Bacsal at Mandy ang Opening
number. Pagkatapos ngopening, nagsimula na ang performance.
Grupo nina Crislyn ang nauna. Sunod kina Anod at
kina Andrea.
H-N. Nang matapos
ang program at dahil magaganda at kalugodlugod, ang poot na
aking naramdaman ay napalitan ng saya. Nanghinayang ako sapagkat di ko
naipakita kung anong talentong mayroon ako. Sa oras na lang ng MAPEH ako
bumawi at iyon ay ang pag-akting, sa aking pag-akting, doon ko pinatunayan na
may ibubuga ako at mapapabilib ko ang aking kaklase subalit saglit lang iyon.
Dahil sa nangyari kanina, simula ngayon ipapakita ko na kung sino ako at
dadalasan ko na ang pagsali sa mga patimpalak na nakasuot ng magagarang damit.
Sa aking pagsali, doon ko mababawi ang saya, batid kong masayang ipakita ang
iyong kagalingan. Maraming hahanga sayo. Sa naman oras
ng Chemistry, wala si Sir Sellona subalit tuloy pa
rin ang report hanggang sa mag-Filipino na. Buti
na lang at wala si Ma'am Batara kaya bukas pa ang aking Report. Daming,
aalahanin at magre-report rin pala ako sa TLE tapos gagawa pa ko
ng Resume sa Values. Pag-uwi, sa halip na manood
ng telebisyon, nagtungo ako sa computer shop upang gumawa
ng Resume. sa hirap ng sample ng Resume, di
na ko nakagawa pa at umuwi na lang. Di pa ko makatulog nun kaya nag-soundtrip muna
ako ng mga love songs habang nagduduyan. Mga dakong Alas-onse
na ko nakatulog.
February 14, 2013
Thursday
(Valentine’s day)
Year I-045
Thursday
(Valentine’s day)
Year I-045
H-O. Valentine’s Day at ngayong
ang araw ng pagmamahalan. Karaniwan sa ating mga iniisip ang valentine’s ay
para lamang sa magkasintahan o may asawa nasubalit nagkakamali tayo ng iniisip
sapagkat ang Valentine’s day para sa lahat, sa lahat na
nagmamahal at may minamahal sa buhay kahit single. Di porket
na single ay di ka nagmamahal, ang mga magulang mo, kapatid at
kamag-anak, di ba natin sila minamahal? Ako kahit wala akong kasintahan,
espesyal pa rin sa akin ang araw na ito dahil may mahal ako sa buhay at sila
Mama at Papa iyon. Pagmamahal sa isa't isa ang tunay na diwa ng Valentine’s
day.
H-P. Pagkatungo ko sa
palengke, kaliwa't kanan ang bentahan ng Rosas at chocolate heart at
maraming mga kasing edad ko ang pumapakyaw sa mga ito, nagbabatian rin sila sa
isa't isa. Ang natirang pera ang pinambili ko ng rosas para ibigay ko kay Mama
at Papa. Isang Rosas lang ang bibilhin ko subalit dinalawa ko na
at baka may magselos. Natuwa sina Mama at Papa ng binigyan ko sila ng rosas.
Kahit rosas lang iyan, ganon naman kalaki ang pagmamahal ko sa kanila. Pagpasok
sa eskwela, mas marami pa kaysa kahapon ang mga nagbebenta ng mga rosas, ang
iba pa nga'y Bouquet at Chocolate na hugis
puso ang binibenta. Sa dami ng mga estudyanteng nagsisibilihan, naging siksikan
ang labas ng eskwela na animo'y di mahulugang karayom.
H-Q. Bumili rin ako ng
bulaklak upang ibigay ko sa favorite teacher ko tulad ni Ma'am
Petty at siyempre kahit di ko na siya teacher, bibigyan ko
pa rin siya ng rosas at iyon ay si Ma'am Jamero. Napakalaki rin ng
utang na loob sa akin ni Ma'am kaya naisipan kong bigyan siya. Bumili rin ako
ng Rosas para kay Jessa at Jenny Mae. Halos maubos
ang aking allowance sa dami ng bulaklak na nabili. Ng
makapasok ako sa eskwelahan, bawat classroom ay may palamuting
hugis puso at nakasabit sa kisame. Wala pa nun si Sir Rombo kaya
kanya kanyang bigay ng Rosas at Valentines heart sa kaibigan.
Nagbigayan rin kami ng Rosas sa isa't isa at masaya kaming nagbatian.
Si Jenny mae pa nga, nagbigay ng Valentines Card sa
akin subalit binilin niya sa akin na huwag munang basahin hangga't di pa uwian.
H-R. Sa dami ng mga
rosas na hawak hawak ng aking kaklase, damang dama ko na ang Valentine’s
day at naging maingay ang classroom. Maya maya'y dumating
na si Sir Rombo at binati namin siya ng pasigaw. Natuwa naman sa
amin si Sir Rombo at matapos makipag-usap ay nag-discuss ito.
Sa oras ng AP, binati rin namin si Ma'am Juanites at
may nagbigay din sa kanya ng Rosas. Sa oras ng MAPEH,
tumungo kami sa covered court at sumayaw ng La
Cacuracha. Naging madali lang ang step at madali ko itong
nakuha. Sa kakagalaw at kakaikot, napagod ako at nahilo. Di ko na naibigay ang
Rosas kay Ma'am Petty sapagkat ayaw kong makipagsiksikan sa
mga estudyante.
Maya-maya’y recess na, habang patungo kami ni Jessa sa canteen, nadatnan
namin na maraming estudyante ang nagkukumpulan sa iisang umpukan at
nagkakagulo. May nagpro-propose pa lang isang lalaki.
H-S. Tilian kaming lahat
ng sabihin niya sa babae na "Can You be my girlfriend" at
sabay bigay ng bouquet. Natuwa ang babae at sa tuwa'y napasabi siya
ng yes. Nagtilian na naglulundag ang mga estudyante. Ang sweet nila
sa isa't isa at kilig much kaming lahat. Sinundan pa ng
harana. Di na namin tinapos panoorin ang panghaharana at pumunta na kami sa
canteen. sa oras ng Chemistry, ngayon na pala ang pasahan
ng Project. Madalang lang ang nagpapasa kaya sinabi ni Sir na
hanggang bukas na ang pasahan. Buti na lang at may nakalakal na kong white
paper. Maya-maya'y tawanan kami ng subuan ng candy ni Sir
si Bacsal. Nagbatian rin sila at ang sweet. Sa oras
ng Filipino, inihanda ko na ang biswal sapagkat ngayon ang
aking pag-uulat. Sa hinaba-haba ng discussion ni Ma'am
Batara ng Noli me tangere, di na ko nakapag-ulat at sa
Lunes pa. Ilang sandali'y tumunog ang bell. Bago pa man ako lumabas
ay hinintay ko muna si Ma'am Jamero. Ng makita si Ma'am ay patakbo
akong pumunta at ibinigay ang rosas. Nagpasalamat siya sa akin sapagkat di ko
pa siya nakakalimutan.
H-T. Magkasabay kaming
dalawang umuwi at naglakad lang ako. Nang nasa Consti ako, may
bumangga sa akin isang lalaki. Laking kilig ko sapagkat napakakisig nito at
matangkad pa. Lalo pa kong kinilig ng itanung niya sa akin na "Okey ka
lang pare", at ang maamo niyang boses ang nagpakilig sa akin. Sa kilig,
pautal-utal akong sumagot. Titili sana ako subalit nakakahiya. Parang
pinaglalaruan ako ni Kupido na magkakagusto sa kung sino-sino at love
at first sight marahil ako. Di ko makalimutan ang mukha niyang kay
pogi. Ang saya talaga ngValentine’s ko at sana maulit pa iyon sa
susunod pang-Valentine’s.
February 15, 2013
Friday
Year I-046
Friday
Year I-046
H-U. Tapos na ang araw
ng Valentine’s, di pa rin mawaglit sa aking isipan ang
nangyari sa akin kagabi na labis kong kinakilig. Kilig much pa
rin ako at madalas iyon ang sumasagi sa aking utak at puso. Maski si Mama'y
nagtataka na sa aking mga kinikilos. Pakiramdam ko'y iba pag tinamaan ka at
wala ka ng magawa kundi sundin ang tinitibok ng puso. Natapos akong mag-almusal
at sinimulan ko ng gawin ang visual ng report ko
sa TLE. Nang matapos gawin ang report sa TLE,
paggawa ng Valentine's Card ang sunod kong ginawa.
Maambon-ambon pa ang panahon at sa lapit ng tindahan, di na ko namayongat tumakbo
na lang.
H-V. Sa tindahan
ni Aling Vangie ako bumili ng mga materials na
gagamitin sa paggawa ng card. Di si Aling Vangie ang
nagtitinda kundi ang matandang babae. Mukhang mabigat ang mukha at sa isang
pagkakamali mo lang ay tiyak na tatarayan ka. Naging matanong ang babae
hanggang sa mag-usap kami. Nagkamali ako ng panghuhusga sa kanya at mukhang
magkakasundo kami pagkat mabait ito. Pagdating sa bahay, sinimulan ko ng gawin
ang Valentine's Card. Mga dakong Alas-nuebe na ng matapos ko iyon at
sunod kong ginawa ay ang Resume. Madami na kong nagagawa at
pakiramdam ko'y kay sipag ko, gawa siguro ng kilig at maganda marahil
kapag inlove ka. Kinatanghalia’y pumasok na ko sa eskwela
bitbit ang kinalakal na white paper.
H-W. Pagdating,
kakikitaang abala ang mga kaklase ko sa paggawa ng Valentine's card,
ngayon palang sila nagawa ng may pagmamadali. Makalipas ang ilang saglit,
pumasok na si Sir Rombo dala ang worksheet. Sa
halip na magklase, pagsagot sa worksheet ang aming
pinagkaabalahan. Sa oras ng AP, katulad ng nakalipas na araw ay
puro kami test at repaso para sa nalalapit na Division Achievement Test.
Nang English na, wala pa si Ma'am Ramos kaya
kwinento ko kina Jessa ang nangyari sa akin kagabi.
Palong-palo sa tili ang naging reaksyon nila at umalingawngaw sa buong klasrum,
ang ingay tuloy namin. Maya-maya’y dumating na si Ma'am Ramos at
ipinasa ko na ang ginawang Valentine's Card.
H-X. Sa di inaasahang
kaganapan, nanghinayang ako pagkat di tinanggap ni Ma'am Ramos ang Card at
agad na ibinalik. Maluwag kong tinanggap ang desisyon ni Ma'am Ramos at
walang sama ng loob. Bawi next time. Sa oras ng MAPEH, wala si Ma'am Petty,
ang engkandiyosang lutang sa ganda ng buong Batasan subalit
tuloy ang pagsayaw ng La Cacuracha at si Bacsal ang
aming choreographer. Di ako sumali pagkat kailangan kong magrepaso
para sa aking report sa TLE.
Namoot ako kay Jessa at Jenny Mae pagkat
kahaharot nila, nasigawan ko nga. Sa halip na mag-recess, ipinagpatuloy
ko ang pagrerepaso. Sa oras naman ng Chemistry, ipinasa ko na ang
kinalakal na white paper at ipina-check na kay Sir
ang Chemistry DAT reviewer. Ako ang Naatasan
ni Sir Sellona sa pagtsi-check ng reviewer habang
si Leonardo naman ang tagalista ng mga nagpapasa ng project.
Sa dami ng tsinekan, nangatog ang aking daliri.
H-Y. Nang matsekan
lahat, nag-usap kami ni Sir Sellona. Natuwa ako sa aking sarili ng
sabihin sa akin ni Sir na magaling ako sa Math. Sa mga sinabi sa
akin ni sir, bilib sa sarili ang aking naramdaman. Bilang ganti'y nagpasalamat
ako na pinuri niya ko at sinabi kong kasing bait niya si Ma'am Jamero.
Di ko akalain na mag bestfriend pala si Sir Sellona at Ma'am
Jamero. Ng mabanggit ko ang
pangalan ni Maam, namis ko ang kanyang kabaitan at malaki talaga ang utang na
loob ko sa kanya. sa oras ng TLE, oras
na para mag-report pero bago ako, si Jessa marie at Perpecto muna
ang nag-report. Nang ako na, kaba sa dibdib ang aking naramdaman. Binawi
ng pangbabatikos ni Ma'am Quimson ang magandang tingin ko sa
aking sarili pagkat sinabi niyang ang pamamaraan ng aking pananalita ang
hahadlang kapag mag-aaply ako sa trabaho. Sobrang down ako sa
sinabi ni Ma'am. Ilang saglit pa at uwian na. Kasabay ko si Gangang sa
pag-uwi. ng makababa sa tricycle, nadatnan naming may program sa Covered
court. Inuna ko muna ang maghapunan at manood ng telebisyon bago
makiusyoso. Ng matapos manood ng telebisyon, nanood na ko ng program.
Mga Alas-Onse ng matapos ito.
February 16, 2013
Saturday
Year I-047
H-Z. Nang magisi'y
parang mabigat ang agad kong nadama na di alam ang tunay na dahilan.
Naipagsawalang bahala ko na lamang iyon at nag-almusal. Dahil sa kalagayan ni
Mama, sa halip na siya ang maglaba, hiniling kong ako na lang ang maglaba
subalit siya'y tumanggi. Nag-aalala akong baka kung ano ang sapitin niya kapag
naglaba siya. Pagwawalis at paglalampaso ng sahig na lamang ang pinag-ukulan ko
ng oras. Nang matapos ang gawaing bahay, naupo ako sandali't tumungin ng Photo
album. Kitang kita ko ang litrato nung bata pa ako at kung ikukumpara'y
malaki na talaga ang pinagbago ko. Dati madalas ay lagi akong nasa labas upang
makipaglaro at naisip kong gayun pala ako kakulit. Ngayong teenager na
ko, may nagbago na din sa kinagawian kong gawain. Pamaya-maya’y nagtungo ako sa
taas upang mag-download ng kanta. Malas at walang Internet.
I-A. Sinubukan ko sa
ibang Computer shop subalit maski sa kanila'y walang internet.
Di na tuloy ako nakapag-download at minabuting umuwi na lang.
Pagdating ay nananghalian ako. Ng maumay, natulog ako. Nakakabinging ingay mula
sa labas ang nagpagising sa akin. Mga batang nakasuot ng kakaibang costume ang
kanilang pinagkaguluhan at sabay kuha ng litrato. Di ko masyadong pinansin at
nagmeryenda na lang. Maya-maya'y dala ng kabagukan, nagtungo ako sa bahay
ni Gelyn. Kapansin pansing kagagaling lang sa tulugan si Gelyn at
bagsak pa ang mata. Di ko muna siya masyadong kinausap at umalis na ko. Sunod
ay nagtungo ako sa bahay ni Cathy. Kahit lalaki'y nadatnan kong
abala ang kanyang tatay sa paglalaba at sinabing naliligo pa si Cathy.
Habang hinihintay na lumabas sa banyo, nakipagkulitan muna ako kila Jaka. Nang makalabas
galing banyo'y kami'y nagkwentuhan magkumare. Tawanan kami sa mga pasabog kong
istorya. Abala siya sa pagbibihis pagkat may pupuntahan siya.
I-B. Humingi siya ng
pabor sa akin na samahan ko. Iniisip ko ang kasuutan kong pambahay na aking
kinakihiya at dahil dun kaya di ko matutupad ang kanyang hiling. Pinagkaisahan
ako ng mag-ina at napapayag akong samahan ko siya. Pagdating sa JOLIA
Church, malakas na tugtug ang sumalubong sa amin. Di pa nag uumpisa ang
kanilang praktis kaya nag-usap kami.
Maya-maya’y inayos na ang upuan na para bagang may magaganap na pulong.
Kahit baguhan lang ako sa kanilang paningin, nagawa pa rin nila akong entertain.
Masaya silang kausap at sila ang nagpagaan ng aking loob. Doon ko nakilala
sina Pastora Anna, Sister Marlene, Thalia, Ian, Jayson, John
paul, Gemma at Mykee. Mukhang may bago na kong friends at
ramdam ko ang mabuti nilang presensiya. Maya-maya’y kumanta kami ng Christian
song. Pagkatapos ay nagkaroon kami ng munting panalangin.
I-C. Ipinagdasal
ni Pastora Anna sa maykapal na payagan ako ng aking magulang
na dumalo parati sa kanilang relihiyon at kasagaanang darating sa amin ng
walang hanggan. Ipinagdasal niya rin ang lahat ng aking kasalanang nagawa Sa isip sa salita
at sa gawa maging ang lahat ng kanilang kapatiran. Sa hinaba-haba ng
pagdadasal, mukhang maraming maambunan ng biyaya mula sa langit at parang
nalinis ang aking kasalanang nagpapadungis sa aking katauhan. Simula sa gabing
iyon ay ganap na kong isang Born-Again at di ko pinagsisihang
talikdan ang kinagisnang relihiyon. Pagsapit ng alas otso, bago pa man ako
mamaalam ay isa isa silang nakipagkamay sa akin.
I-D. Pagkauwi’y
nakasalubong ko sila Ellen Joyce patungong taas. Sinamahan ko
sila sa pagre-remit. Ng makapag-remit, tumungo kami sa computer
shop subalit wala raw internet. di na kami patumpik-tumpik
karakarakang umuwi na lang. Saktong nagkakagulo ang mga kabataan at dinalian
namin sa paglalakad upang magbakasakaling may artistang dumaan tulad ni Coco
Martin at Daniel Padilia. Wala pala at rambulan sa pagitan
ng dalawang grupo ang naganap. Sa takot na baka madamay sa rayot, umuwi na lang
kami. Pagdating sa bahay saka pa lamang ako naghapunan. Mga Alas-onse na ko
natulog.
February 17, 2013
Sunday
Year I-048
Sunday
Year I-048
I-E. Alas-Sais ng umaga
ng ako'y magising. Ng makabangon at masilayan si Mama, agad kong pinabatid sa
kanya na nagpalit na ko ng relihiyon. Di nagalit si mama at natuwa pa nga
basta't magpapakabait ako subalit ang reaksyon ni Mama ay kasalungat sa naging
reaksyon ni Ate at mukhang itatakwil ako pag pinagpatuloy ko ang pagiging Born-Again.
Kapatid ko lang siya kaya marapat niyang respetuhin kung ano ang Kagustuhan ko.
Sa halip na makipagtalo sa kanya, tumungo ako sa bahay ni Gelyn upang
magturo. Alas-nuebe ng matapos ako sa pagtuturo at may kinita nanaman ako.
Nagtungo ako sa bahay ni Cathy upang ipabatid na mahuhuli ako sa
pagsamba. Pag-uwi’y agad akong naligo at sunod ay nagbihis.
I-F. Habang nagbibihis,
kita kong maraming residente dito sa Taniman ang nagpapanik at
sumisigaw na may sunog. Ng makabihis ay tumungo ako kung saan pinangyayarihan
ng sunog. Napakalaki na pala ng apoy na bumabalot sa kabahayan at marami ng
ari-arian ang natupok. Kanya-kanyang salok ng tubig ang mga mamamayan at sabay
isasaboy subalit sa laki ng apoy ay nahirapan silang maapula ito. Naalala ko
tuloy ang nangyaring sunog sa Ison site noong 2010 at
sunog noong Bagong taon dahil sa pagbagsak ng sky lantern.
I-G.
Kakilakilabot ang bawat pangyayari. Umalis na lang ako at hinintay
sina Cathy. Ilang sandali'y dumating na si Cathy kasama
si Merry Grace. Wala silang kaalam-alam na may nagaganap ng sunog.
Habang naglalakad, dumating na ang trak ng bombero at ambulansya. Mabilis
talaga kumalat ang balita at pati mga residente ng Ison site at De
gloria ay pumunta sa Taniman upang makiusyoso sa
sunog. Kahit nasa Ison Site na kami'y kitang kita pa rin ang
kapal ng usok at iyon ang nagpadilim sa kalangitan. Pagdating sa
samabahan ng mga Born-Again, dagundong ng tambol, malakas na sound
system at ginintuang tinig habang kinakanta ang Christian song ang
agad na sumalubong sa amin. Kanya-kanya kaming palakpak habang naawit.
Pakiramdam ko ang malakas na tugtug ang nag-alis ng nalalabing kalungkutan at
nagpapasok ng mabuting ispiruto.
I-H. Si Pastora
Anna, nakahalik sa sahig habang nagdadasal at nakapikit ang lahat ng kasapi
ng kristiyano, pumikit na rin ako habang naawit. Pagkatapos ng Workship,
nag-bible study na kami. Tinalakay sa amin ni Pastora Anna ang
tungkol sa Speak and tongue, iyon ay salitang di maunawaan ni Satanas subalit
isang wika sa pagitan mo at ni god habang nag uusap kayo. Mukhang maganda
ang Speak and tongue, masubukan nga. Sinabi rin sa amin ng
Pastora na wala ka dapat ikatakot kay Satanas basta't
manalangin ka at kakampi mo ang panginoon na kaaway ni Satanas.
Pagkatapos ng bible study, nanalangin kami at nakipagkamay at
beso sa lahat ng kapatiran. Doon ko naramdaman ang saya sa piling nila. Mga
dakong Alas-dose ng kami umuwi. Inaaya nila ako na sumama sa Baptism na
gaganapin sa March upang mahugasan ang aking mga pagkakasala.
Hati pa ang aking desisyon at di pa sigurado kung makakasama ba ako.
I-I. Pagdating sa bahay, salamat sa
maykapal at naapula na ang sunog. Sa pagod na aking nadarama’y pagkatapos
mananghalian ay tumulog ako. Mga Ala-una y medya na ko gumising. Pagkagising,
sinimulan ko ng gawin ang takdang aralin sa Filipino. Sa dami ng
kailangang isulat, mukhang Malabo kong matapos sa araw na ito. Pagsapit ng Alas-kwatro’y
tumungo ako sa Computer shop upang magpaprint ng resume.
Pagkauwi’y itinago ko iyon sabay nagduyan sa labas habang nagsa-soundtrip.
Di ko malimutan ang sinabi sa akin ni Ma'am Quimson kung
kaya’t sa pamamagitan ng pakanta-kanta’y parang naprapraktis ko ang aking
boses. Wala akong ginawa sa gabi kundi ang bumirit na animoy nagko-concert at
di inalintana ang sasabihin ng kasamahan ko. Nang mapagod sa kakabirit,
haggard na ko kaya tumulog na ng sa ganon makakuha ng lakas.
February 18, 2013
Monday
Year I-049
Monday
Year I-049
I-J.
Boses ni Mama at Ate ang agad kong naulinig sa aking paggising na
mukhang masarap na nag-uusap. Maya-maya’y nasali sa kanilang topic ang
tungkol sa pagpapalit ko ng relihiyon. Dinig ko mula sa bibig ng ate na di
dinaraos ng Born-Again ang Pasko at pati ang iyong kaarawan.
Sa kanyang mga nasabi’y mukhang pinagsisihan ko ang pagiging Born-again at
di ko mahanap sa relihiyon nila ang aking kinagisnan. Masaya pa naman
kapag may Pasko at iyon ang pinakamasayang pagdiriwang sa buong buhay ko, pero
mali na agad akong tumalikod sa aking bagong relihiyon at bumalik sa
pagiging Katoliko pagkat di ko pa lubusang kilala ang aking
mga kaanib at sila ang aking ligaya. Sa ngayo’y Born-Again muna
ako at saka ako babalik sa pagiging Katoliko kapag wala ng
saya ang aking maramdaman. Tama nga ang ate ko, madali akong mahikayat at saya
ang nanguna sa akin kaya pinili kong maging Born-Again. Di naman
siguro masamang pumili ka ng relihiyon basta’t wala kang ginagawang masama. Ang
iba pang sinabi ng ate’y di ko na masyadong inintindi.
I-K.
Nang makapag-almusal ay tumungo na ko sa bahay ni Gelyn upang
turuan siya. Pagdating sa kanilang bahay ay nadatnan kong sinisermunan sila ng
kanilang nanay at sinabihang mga batugan. Abala nun sa pagwawalis ang
Magkapatid na Gelyn at Annie pagkat
nasermunan sila. Dahil tsutsuturan ko siya, pinatigil muna si Gelyn ng
kanyang nanay sa pagwawalis at nagsimula na kaming mag-aral. Medyo nakakasunod
naman siya sa lahat ng aking tinuturo subalit makakalimutin. Mga alas-nuebe na
ng umalis ako sa kanilang bahay dala ang aking kinita. Ipinagpatuloy kong
tapusin ang takdang aralin sa Filipino subalit di pa rin
matapos hanggang nasa Eskwela na ako. Ng dumating
si Sir Rombo’y itinago ko ang takdang aralin sa takot na baka
punitin niya. Nagkaroon kami ng Long test sa Math.
Naging matanung si Bacsal at pati kasarian ko’y di niya
pinalagpas. Sinabi ko ang tunay kong kasarian na ako’y isang silahis.
I-L. Laking gulat niyang
malaman niya iyon subalit matagal ng batid ng mga kaklase ko na ako’y isang
silahis. Tilian ang ngayon pa lamang nakakaalam. Sa ingay ni Bacsal,
maski kay Sir Rombo’y napaamin ako at malugod niya iyong tinanggap.
Di pa nakuntento si Bacsal at pinagtripan ako. Sinabi niyang
gusto ko raw si Leonardo. Oo Inaamin kong na nagkaroon ako ng
pagtatangi sa kanya, paano ka naman magkakagusto sa kanya, may itsura siya,
matalino at tahimik subalit di iyon at tanggap ko na hanggang kaibigan lamang
ang pwede niyang ibigay sa akin. Tameme si Bacsal ng sabihin
ko iyon sa kanya. Sa kadahilang malapit ng mag-time, pinauwi na lang sa
amin ni Sir Rombo ang long test. Sa oras ng AP,
wala kaming ginawa kundi ang magrepaso ganun rin sa oras ng English.
Sa oras ng MAPEH, sa pamamagitan ng mahiwagang laptop ni Ma'am
Petty, pinanood namin ang Impressionism at Expressionism.
Nakakamangha ang bawat nakapinta na animo’y pang sculptre at three
dimensional ang dating. Sa oras naman ng Chemistry,
inanunsyo ni Sir Sellona ang tungkol sa paggawa namin ng activity.
Manamis-namis at malinamnam ang activity namin pagkat tungkol
iyon sa paggawa ng ice cream.
I-M. Tinuro sa amin
ni Sir Sellona kung paano gumawa ng Ice Cream. Sa
ingay ng katropa ni Cynt,
naputol ang discussion ni Sir at siya’y nagalit. Nang maibulalas ang
galit ay ipinagpatuloy niya ang discussion. Ilang sandali’y nagpunta na kami sa
kanya-kanyang kagrupo upang mag-usap-usap. Pinagkasunduan naming sa bahay
ni Crislyn gagawin ang ice cream. Malapit lang ang
bahay ni Crislyn sa bahay ko kaya nagpaalam ako sa kanya na
alas-nuebe na ko dadating at ako na rin ang magdadala ng Coolman.
Ng alam na kung ano ang gagawin ay bumalik na kami sa kanyan-kanyang upuan at
inihanda ko na ang aking visual pagkat ngayon ako mag-uulat.
Habang ako’y nag-uulat, pansamantala kong itinigil pagkat may sasabihin si Ashley.
I-N. Sinabi niyang
magkakaroon kami ng long test. Malaki ang pasasalamat ko sa long
test pagkat di na ko nakapag-ulat. Sa kakabahasa ko ng Noli me
tangere’y mukhang madali lang ang exam at yakang-yaka
ko. Sa oras ng TLE, sila Valerie at Tanya ang nag-ulat. Dahil wala si Mylene ay
ako ang pinagbasa ni Ma'am Quimson ng kanyang ulat. Sa maimpis
kong boses ang nagpatawa sa kanila subalit di ko iyon pinansin. Ilang sandali’y
tumunog na ang bell at uwian. Pagkauwi’y tinapos ko ng gawin ang takdang aralin
sa Filipino na aking di pa napapasa. Maya-maya’y dumating na
si Ate Leslie mula sa kanyang trabaho. Di pa man nakakabihis
ay tsokolate kaagad ang kanyang napansin at ngitngit sa galit kung sino ang
bumawas. Sa kanyang mga sinabi ang nagpaliyab sa amin nararamdaman at doon na
nagalit si Mama. Nagsugutan silang dalawa at nakapagsalita si mama ng di
mgagandang salita tulad ng lumubog na sana ang nagbigay ng tsokolate. Mali na
sabihin ni Mama iyon subalit sa ines kay ate, di ko siyang magawang tuligsain ang
sinabi ni Mama. Hinayaan ko na lang silang magbangayan at piniling matulog na
lang.
February 19, 2013
Tuesday
Year I-050
Tuesday
Year I-050
I-O. Nakakapanibago lang
sa umaga pagkat ang tahimik at ni pag-uusap ni Mama at Ate’y di ko maulinig.
Gawa siguro ng hidwaan nila kagabi ng dahil sa tsokolate. Dati-rati’y boses
kaagad nila ang agad kon naririnig pero ngayo’y tila nagbago ang ihip ng hangin
at kabaligtaran ang ngayon. Alas-sais palang ay gising na ko pagkat magtsu-tutor pa
ko at pupunta pa sa bahay ni Crislyn. Ng makapag-almusal ay tumungo
na ko sa bahay ni Gelyn.Teacher nanaman ako sa umagang
ito. Kakagising lang ni Gelyn at may muta muta pa.
Nag-umpisa na kong magturo sa kanya. Wala pa sa Alas-nuebe ay tapos ko na
siyang turuan. Ilang sandali pa’y inihanda ko na angCoolman na
gagamitin upang di matunaw ang Ice cream. Pagdating sa bahay
ni Crislyn, nadatnan kong ngayon pa lang sila gagawa ng Ice
cream. Inihalo namin ang all purpose cream at saka Vanilla.
Si Reynald naman ay abala sa pagdikdik ng Cookies.
Ang kinita kong pera sa pag-tutor ang pinang-ambag ko.
I-P. Maya-maya’y umalis
na si Crislyn at Mandy upang bumili ng Chocolate
syrup. Makalipas ang ilang sandali ay bumalik sila, pagkabalik ng dalawa,
halos mabulabog ang buong Universe pag pinagsama ang kanilang ingay.
Mga Alas-dyis ay umalis na ko sapagkat manananghalian pa. Mga Alas-Onse y medya
ako bumalik sa kanila. Tapos ng lagyan ng Yelo ang Coolman at
tapos na rin gawin ang ice cream. Ang kailangan na lang gawin ay
ang buhatin. Ako at si Reynald sana
ang magbubuhat ng coolman subalit sinabi nina Crislyn na
silang dalawa na lang ni Mandy ang magbubuhat ng Coolman.
Pinauna na kami sa pagpasok at naiwan silang dalawa sa bahay. Pagdating sa
eskwela’y nadatnan naming nakapila pa lang ang mga estudyante at di pa sila
pinapapasok. Sinamantala ko ang oras sa pagsagot ng long test.
I-Q. Maya-maya’y
pinapasok na kami. Abalang-abala ang mga kaklase ko sa pagsagot habang
nangogopya sa sagot ng iba at naglikha ng iba’t ibang ingay ang kanilang
pangongopya. Ang mga kaklase ko talaga, laging nakabase ang sagot sa
sagot ng iba kahit mali. Pagdating ni Sir Rombo, dali-dali silang
nagsibalikan sa upuan at kami’y nagtsek. Di naman kataasan
ang nakuha ko sa long test subalit pasado naman. Oras na
ng AP subalit di pa dumadating sina Crislyn,
nanngangamba ako na baka kung ano na ang nangyari sa aming ice cream.
Maya-maya’y dumating na sina Crislyn buhat ang Coolman.
Sa dami ng mga styrofore na nakabunton sa may pisara ng
hile-hilera’y nagmistulang nagtitinda kami ng ice candy.
I-R Pagdungaw sa may
bintana’y abalang-abala ang mangilan-ngilang estudyante sa pag-aayos ng stage
pagkat may magko-concert mamaya. Inanunsyo rin sa amin ni Ma'am
Juanites na maaga ang uwian mamaya. Nakarinig lang ng maaga ang uwian
mamaya’y naglulundag na ang mga kaklase ko saya. Sa oras naman ng English,
Biglang dumating si Sir Sellona at Sinabing walang Chemistry,
Nanghinayang tuloy kami pagkat di niya matitikman ang ginawa naming Ice
Cream. Tiningnan lang ni Sir kung tama ba ang prepreserve naming sa Ice
Cream. Maya-maya’y umalis na siya at sinabing pwede ng Kainin ang ginawa
naming Ice Cream. Nagsaya ang halos lahat sa Kinaing Ice
Cream at parang may Party. Nang makakain ng Ice
cream, Marami ng Estudyante sa Campus ang
nakasubaybay para sa mangyayaring Concert. Nakahanda na ang iba’t
ibang Instrumentong gagamitin. Maya-maya’y Nagsimula na ang Concert at
hiyawan sila.
I-S Ang gagaling Mag-perporm ng
mga kalahok at makinam-kinam ang kanilang tinig. Habang nagaganap ang concert,
marami pa ring mga kaklase ko ang nasa Clasroom at nag-uusap.
Pumasok na rin ako. Maya-maya’y ang simpleng pag-uusap, nauwi sa paghaharutan
at pagsasayawan. Wala kaming ginawa kundi ang magsisigaw, maglulundag at
magharutang parang Grade 1. Ang iba pa nga’y nagsasampalan at
nagbabatuhan ng yelo at pinagbabalibag ang mga upuan. Naging makalat at magulo
na ang silid dahil sa amin. Ganon man kami ka-hyper subalit masaya.
Maya-maya’y ng matapos ang concert ay uwian na. dagsa ang dami
ng mga Estudyante sa paglbas. Ako lang mag-isang nagbuhat ng Coolman at
nagpa-espesyal na lang ako sa pagsakay. Pagdating sa bahay, pagod ako kaya
tumulog ako. Pagkagising at dahil may Exam bukas, wala akong
ginawa sa magdamag kundi ang magrepaso.
February 20, 2013
Wednesday
Year I-051
Wednesday
Year I-051
I-T. "Ting-ning-ting-ting-ting-ning,
ting-ting-ting-ning", ganyang himig agad ang
sumalubong sa akin hudyat ng iyong pagtatapos sa pag-aaral. Ang bilis ng takbo
ng panahon, malapit nanaman ang graduation, sabik na ko
subalit next year pa ang aking graduation. Sabik
ako kasi malapit na ang mahabang bakasyon pero bago iyan, sunog kilay muna ako
dahil ngayong araw ang DAT. Sa kagustuhang makapasa ako at di
masakripisyo ang pagbabakasyon, todo repaso ako. Sa dami ng aking
nirepaso ay tiyak na magiging sisiw sa akin ang mga exam.
Pagkatapos magrepaso, ako'y nananghalian upang di ako ma-mental block mamaya.
Sa kadahilanang exam ngayon, mga Ala-una na ko umalis ng
bahay. Pagkaupo pa lang sa motor ng tricycle,
pinalipat kami sa ibang tricycle.
I-U. Nakakaines lamang pagkat
nakapagbayad na ko. Nagkainitan ang dalawang tricycle driver dahil
sa pag-aagawan ng pasahero. Sa hinaba-haba ng sagutan sa pagitan ng dalawa,
mukhang napabayaan kaming kanina pang naghihintay at mahuhuli na ko. Di pa
nakuntento at naghamon ng away ang isang driver. Di niya iyon
pinansin at sa wakas ay nakaalis na rin. Pagdating sa eskwela, sa halip na
makipagdaldalan, nagrepaso ako. Palit ang teacher ngsecond
year at third year sa pagbabantay sa DAT.
Ang dati naming guro na si Ma'am Abad ang pansamantala
naming adviser sa DAT. Maya-maya'y nagsimula na
ang exam at unangsubject na aking tineyk ay
ang Values. Kasama ang anak ni Ma'am Abad sa
pagbabantay. Ilang sandali ay lumabas ang mag-ina at ng lumabas sila, naging
maingay ang klassrum. di tuloy ako nakapag-concentrate ng ayos
sa test. Ng matapos ako sa Values, nakipagpalit ako sa
katabi ng questioner at math ang sunod kong tineyk. Dahil
nag-aral ako, naging sisiw sa akin ang exam.
I-V. Nang English na,
sumakit ng husto ang ulo, ang hihirap ng mga tanong at duda ako sa pagpili
ng choices. Pagkatingin sa taas ng questioner, pang-Fourth
year pala ang tineteyk namin. Third year pa lang kami
at di pa fourth year. Maski matalino'y
hirap sumagot sa English at halos mangamote na. Maya-maya’y
dumating na sila maam abad dala ang supot ng Jolibee na
naglalaman ng coke at spaghetti. Naging ignorante
ang mga kaklase ko ng makita nila ang pinamili ni Ma'am at di maalis ang
pagtingin sa kanilang kinakain. Sa bango ng spaghetti, kahit di ako
tumingin, napapatulo talaga ang laway ko at napapagutom. Buti pa sila at sarap
na sarap sa pagkain ng spaghettihabang kami ay hirap na hirap
sa exam na aming tineteyk. Ng matapos ko ang English,
ako'y nag-recess.
I-W. Pagkatapos mag-recess ay
nag-exam na ko at ang sunod na subject na aking
tineyk ay ang Chemistry. Sa ilang araw naming pagrerepaso, halos
karamihan sa aming reviewer ay lumabas sa exam kaya
naging madali sa akin ang pagpili ng choices. Nang matapos ay
inutusan ako ni Ma'am Abad na ibigay ang answer
sheet kay Ma'am Ramos. Kasama ko sina Jobil, Jessa, Jenny
Mae at Noemi sa paghahanap kay Ma'am Ramos.
Nalibot na namin ang buong Belmonte hall subalit di pa rin
nakita si Ma'am. Bumalik na lang kami at ipinatago kay Ma'am Abad.
Maya-maya’y uwian na. Naging mahangin ang maghapon at halos mabuwal ako habang
naglalakad. Pagdating sa bahay ay umidlip ako pansamantala. Mga bandang
Alas-sais na ko nagising. Nang makapaghapunan ay wala akong ginawa sa magdamag
kundi ang magrepaso. Mga dakong Alas-Onse uli ako natulog.
February 21, 2013
Thursday
Year I-052
Thursday
Year I-052
I-X. Di pa man sumisikat
ang haring araw, ang aking mga mata'y dilat na at bumangon na ko. Gising na rin
si Mama at Ate subalit mukhang di sila nagkikibuan. Nakakaawa si ate pagkat ni
isa sa amin ay di siya magawang kausapin. Gusto ko man siya kausapin upang
mag-ayos subalit baka matulad kami sa Ina kapatid anak na
habang kinakausap mo'y bigla kang pagsasalitaan ng kung ano ano tulad na lamang
ang nangyari kina Celyn at Margaux. Pagkatapos
mag-almusal ay tumungo ako sa bahay nina Gelyn upang magturo.
Di siya pwede ngayon sabi ng kanyang nanay pagkat may check up sila.
Sa halip mag-tutor ay umuwi na lang ako. Pagkauwi’y ipinagpatuloy
ko ang pagrerepaso. Maya-maya’y tumungo ako sa tindahan upang bumili ng poster
color na gagamitin sa paggawa ng project sa MAPEH subalit wala akong
mabili. Umuwi na lang ako at nananghalian. sa parehong oras rin ako umalis ng
bahay upang pumasok.
I-Y. Pagdating ng Sinagtala,
kapansin pansin may nagkakagulo at muntik ng makasagasa ang aming tsuper.
Hinahabol pala nila ang taong nagnakaw ng dalawang tandang. Pagdating sa
eskwela'y masayang masaya ang mga estudyante na nagbabasagan ng itlog. Nandoon
na agad si Ma'am Abad kaya agad kaming nakapag-umpisa ng Exam.
Ako ang pinamahala ni Ma'am Abad na magbigay ng test
questioner. Upang di magkopyahan ang mga kaklase ko, nakaisip ako ng strategy sa
pagbibigay. Magkaibang subject ang ibinigay ko sa
magkatabing row at iyon ay alternate hanggang last
row. Ng mabigyan lahat ay saka pa lamang ako nag-umpisang mag-exam. Panatag na ko sa
pagsagot ng di tinatakpan ang answer sheet pagkat magkaiba
kami ng subject sa mga katabi ko. Filipino ang
una Kong tineyk. Ng matapos ang Filipino, mapeh naman ang sunod
kong tineyk. Medyo madali lang ang MAPEH pero pagdating
sa PE at music ay doon talaga ako nahirapan,
gayun rin sa TLE pagkat
di ako nakapagrepaso sa subject na iyon. Nang AP na, ang
inakala kong madali, kabaligtaran pala.
I-Z. Di lumabas sa exam
ang aming mga nirepaso at iyun ang nagpahirap sa akin. Wala raw tayo
magagawa, di naman natin alam kung ano ang lalabas sa exam anya ni Ma'am
Juanites. Natapos rin ang exam at kasabay nito ang
pagtatapos ng sakit ng ulo ko. Marami kasing dapat aalalahanin. Sana’y matataas
ang makuha ko. Tapos ng mag-exam ang mga estudyante ng Batasan subalit
di pa kami pinapalabas. Ilang sandali'y tumunog na ang bell at sa
wakas ay nakauwi na rin.
J-A. Ako lang mag-isang
umuwi at naglakad lang ako. Nang nasa De Gloria extension na,
may kumalabit sa akin. Yun pala'y si Gangang na may kasamang
tatlong babae, di na ko mag-isa sa pag-uwi at may kasama na ko. Di ako nag-recess dala
ng pagtitipid kaya pagdating ng bahay ay nagmeryenda ako. Nang maumay ay
natulog. Mga Alas-Sais na ko nagising at kain nanaman. Sa dalawang gabi kong di
panonood ng telebisyon dahil sa pagrerepaso, ngayong gabi'y malaya na kong
manood at wala na kong aalahanin. Naging maulan rin ang gabi, dahilan kung
bakit lalo pang lumamig. Maya-maya’y natulog nanaman ako.
February 22, 2013
Friday
Year I-053
Friday
Year I-053
J-B. Pagkagising ay
tunog ng pagbagsak ng ulan ang agad kong narinig. Malamig rin ang umaga sa
magdamagang pag-uulan. Alas-Siete na ng umaga na dapat sana'y maliwanag na
subalit sa dilim ay tila papabukangliwayway pa lang. Ang madilim na kalangitan
ang nagsasabing magbabadya ng malakas na buhos ng ulan. Ilang saglit pa'y
bumuhos na ang malakas na ulan. Bunsod ng walang tigil na ulan ang pagtaas ng
agos sa sapa. Di na ko nakapag-tutor at nanatili na lang sa bahay
dahil sa sungit ng panahon. Ang pinaigting na Hanging Amihan ang
nagdala ng pag-ulan dito sa Kalakhang Maynila at karatig
nitong probinsya. Akalaing may bagyo subalit monsoon rains lang
ang nararanasan ngayon. Naalala ko tuloy
ang pananalasa ng Hanging Habagat na nagdulot ng matinding
pagbaha at pinsala ng nakaraang taon.
J-C. Sinasabing magkaiba
ang Amihan sa Habagat pagdating sa direksyon
ng hangin subalit wala silang pinagkaiba sa dami ng ulan. Sa patuloy na
buhos na ulan, nakansela na ang klase. Wala ng pasok kaya hayahay ako ngayon.
Dahil di makalabas ng bahay, wala akong ginawa kundi ang manood ng telebisyon
at matulog. Nang magising ay masarap na Tikoy na luto ni mama
ang aking naging meryenda.
Nang makapagmeryenda'y nag-soundtrip ako sa maghapon at pa-text
text. Mistulan akong preso na di makalabas sa bahay dahil sa ulan. ang ulan
ay biyaya, huwag mo itong sisihin ko anuman ang maidudulot nito. Pag walang
ulan, walang tubig at magkakaroon ng taggipit. Sige pa't umulan ka pero huwag magbaha.
J-D. Pagsapit ng dilim
pansamantalang tumila ang ulan subalit bumuhos pamaya-maya. Nakaramadam
ako ng pananakit ng ngipin kung kaya’t nagmumug ako ng maligamgam na tubig na
may asin. Kahit nagmumugmog ay dama ko pa rin ang sakit subalit tiniis ko na
lang iyon. Naging maulan sa magdamag at ang ulan ang nagdulot ng malamig na
gabi. Natulog ako nama’y saplot na makapal na kumot.
February 23, 2013
Saturday
Year I-054
Saturday
Year I-054
J-E. Wala ng ulan at
sumilip na ang haring araw subalit dama pa rin ang lamig. Pagkadungaw sa labas,
kitang kita kong nababalot sa hamog angbuong kapaligiran at kapag nagsalita
ka'y animoy nasa Baguio ka dahil may usok na lumalabas sa
bibig. Upang maibsan ang lamig na nadarama'y humigop ako ng mainit na kape.
Ramdam ko rin ang pananakit ng ngipin. pagtingin sa salamin, kita kong
nabubutas na sa kabulukan at iyon ang nagpapasakit ng ngipin ko. Nagmumug ako
ng maligamgam na tubig na may asin. Maya-maya'y tumungo na ko sa bahay ni Gelyn.
Wala dun ang kanyang nanay pagkat nasa hospital. Sinabi sa akin ni Gelyn na
nahulog sa sapa ang nakakabata niyang kapatid at siya'y napilayan. Sa mga oras
na iyon ay stable na ang kanyang kalagayan at maari ng i-discharge.
F-F. Saglit ko lang
naturuan si pagkat may pupuntahan pa sila. Pagkauwi'y pinagsamasama ko ang
kinitang pera at natirang pera mula sa allowance upang
ipangbili ng poster color. Di pa nakakabili ng poster color ang
tindahan ni Aling Nenita kaya nagbakasakali ako sa iba.
Saktong paglampas ng De Gloria ay may mga nagpaparada na taga Fairhope.
Nanood ako saglit. Nang magsawa'y pumunta na ko sa tindahan upang bumili
ng color. Nakakaapat na tindahan na ko subalit wala pa kong mabili.
nagpakalayolayo pa ko haggang sa makarating sa palengke ng Consti.
buti na lamang at may nabili ako kaya umuwi na ko. Ang mahal ng poster color nila
at halos maubos na ang pera ko. Pagkababa galing Consti, saktong
nakita ko si Papa galing pamilihan ng isda at gulay kung kaya't nanghingi ako
sa kanya ng pera pambili ng illustration board.
J-G. Wala akong mabiling one
fourth illustration board kila Aling
Nenita. Pagkabili sa Ison site saktong mayillustration
board kaso one half. Hinati ko na lang ang one
half para magingone fourth. Isip-isip rin pag may time.
Nang mahati'y saka inumpisahan ang pagguhit. Sa sakit ng ngipin ko,
pansamantalang itinigil ko ang pagguhit. Sakit talaga ng ngipin ko at sisinatin
pa. Maya-maya’y nananghalian na kami. Sa bawat nguya'y pintig ng kirot ang
aking naramdaman at tiniis ko. Saka lamang nawala ang sakit ng magsipilyo ako.
Maya-maya’y natulog ako. Pagkagising ay ipinagpatuloy ko ang pagguhit. Nang
matapos ang pagguhit ay sinimulan ko na ang pagpinta gamit ang poster
color. Habang abala ako sa pagpipinta’y nagpunta sa bahay Si Pastora
Anna kasama sina Sister Marlene. Sa sobrang abala ko’y di
ko na sila nakausap.
J-H. Inabot na ko ng
gabi sa pagpipinta subalit di pa tapos. Nanood muna ako ng Maala-ala mo
kaya. Napanood ko na may isang Babaeng ilang taon pinagdusahan ang
panghahalay at ang humahalay sa kanya ay mismong kanyang kapatid. Hanggang sa
pagtanda'y dala-dala niya ang bangungot ng nakaraan hanggang sa siya'y takasan
ng bait. Dahil sa mapag-aruga niyang anak ng una'y di maintindihan ang mga
kinikilos ng kanyang nanay dahil sa nakaraan, siya'y gumaling at tinanggap ng
anak ang nangyari sa kanyang nanay. Patunay ngang ang paglilihim ay katumbas ay
kabigatan ng loob pag di ka nagsiwalat at maaring ikasira ng buhay mo at ng
ibang tao. Marapat sabihin natin ang katotohanan kahit masakit. Ng matapos
manood, nakatulog na ko.
February 24, 2013
Sunday
Year I-055
Sunday
Year I-055
J-I. Linggo at araw
nanaman upang magsimba. Pagkamulat, liwanag na nagmumula sa bintana ang agad na
tumama sa aking mga mata at labis akong nasilaw. Umaga na pala kaya't bumangon
na ko. Mainit init na French toast ang aking naging agahan.
Nang makapag-almusal, pag-aayos ng higaanagad ang aking inatupag. Ng
makapagligpit, gawaing bahay ang sunod kong inasikaso. Sa kadahilanang sasamba
pa ko, Mga Alas-Nuebe pala'y naligo at nagbihis na ko. Nang makibihis, tumungo
ako sa bahay nina Cathy subalit di ko sila naabutan. Dumeretso
na lang ako. Saktong naabutan ko sila sa daan at sumabay na ko patungo sa church.
J-J. Di pa nag-uumpisa
ang pagsamba at worship. Bago pa man mag-umpisa, inanunsyo sa amin
ni Pastora Anna ang tungkol sa baptism na
gaganapin sa susunod na linggo. Todo yaya sa akin ang nanay ni Cathy subalit
di ako sigurado kung makakasama ako. Maya-maya'y nagsimula na ang Gospel.
Kami'y umawit ng Christian song. Sa paghampas ng tambol at sound
system na pagkalakas lakas na tugtug, parang naalis ang lahat ng
masasamang ispirito na umiiral at nakaramdam ako ng kagaanan. Masaya talaga ang
maging Born-Again. Habang masaya kaming umaawit, taus puso namang
nakahalik si Pastora Anna sa banig. Pagkatapos namin umawit,
kami'y Nag-Bible study. Tinalakay sa amin ni Pastora Anna ang
tungkol sa Nine holy fruits. Iyon ay ang love, joy, peace, long
suffering, gentleness, goodness, faith, meekness at temperance.
J-K. Doon
ko nalaman na mayroon pala tayong siyam na prutas na ipinagkaloob sa atin
ng panginoon subalit di natin nakikita at napaglilinang. Sumapit na ang
Alas-Dose subalit di pa natatapos ang bible study, nakaramdam na ko
ng gutom. Pagkatapos ng bible study, kami'y nanalangin at umawit. Lumapit
kay Pastora Anna ang lahat ng may karamdaman at kanya itong
pinanalangin sa maykapal. Napakabuti talaga ng Pastora pagkat nakakausap niya
ang panginoon pag humihiling siya. Sa wakas at nakauwi na rin. Pinag-usapan
namin ang tungkol sa Baptism. Kahit anong pilit nila, mukhang di
ako makakasama. Ilang sandali'y tinanong ko sa nanay ni Cathy kung
nagdiriwang sila ng Pasko at Kaarawan. Ang Pasko ang kaligayan nila at nagpa-party pasubalit
di nila pinagdiriwang ang Mahal na araw at maling magpapako ka sa krus o
magpahampas pagkat di naman nakasulat iyon sa bibliya. Kaya nga nagpapako sa
krus si Jesus para masalba tayo sa kasalanan at wala ng
maghirap sabi sa akin ni Ate Ging di naman raw sinabi na kung
anong ginawa ni Jesus, gagayahin mo. may punto nga naman si Ate
Ging subalit di ako nasiyahan sa sinabi niya pagkat kaugalian na iyon
ng Katoliko na kailangang irespeto.
J-L. Di rin sila
nagsisindi ng kandila tuwing undas pagkat tinatawag mo ang kamatayan at mali
ang pamamaraan na iyon. Sa loob ko, di nirerespeto ni Ate Ging kung
anong paniniwala namin. Ibang iba nga ang paniniwala ng Katoliko sa Born-Again.
Di ko tanggap ang kanyang komentaryo at gusto kong mangatwiran sa paniniwala
namin pero di ko nagawa pagkat ayaw kong magtalo kami. Nakinig na lang ako sa
kanya kahit di ako sang-ayon. Irerespeto ko kung anong paniniwala nila basta's
irespeto nila kung anong paniniwala ng Katoliko. Mahal ko ang
pagiging Katoliko kahit na Born-Again na ko
at mukhang gusto ko ng bumalik sa dati kong relihiyon pero di ngayon sa tamang
panahon. Sa isip-isip ko, matagal ko ng pinapasok ang panginoon sa puso nung di
pa ko Born-Again at iba iba man ang paraan ng pagsamba sa
diyos sa iibang relihiyon, ang mahalaga'y naipapakita nating gaano tayo kabukas
para kay God.
J-M. Saka pa lamang ako
nakapanghalian pagdating sa bahay. Niyaya pa ko ni Cathy na
sumali sa Fellowship subalit di ako pumayag. Pagsapit ng
hapon, tumungo ako sa bahay nina Cathy at kami’y nagkuhaan
nglitrato. Pagkatapos ay tumungo ako sa Computer shop upang
ipa-upload ang photo naming dalawa sa Facebook.
Madilim-dilim na ko nakauwi pagkat nakipag-chat pa ko sa
aking friends. Pagkatapos maghapunan ay ipinagpatuloy ko ang
pagpipinta sa illustration board. Malapit ng mag Alas-dose ng
matapos ko iyon. Hating-Gabi na kaya tumulog na ko.
February 25, 2013
Monday
(People Power Revolution Anniversary)
Year I-056
Monday
(People Power Revolution Anniversary)
Year I-056
J-N. Wala muling pasok
pagkat ngayong araw ipinagdiriwang ang makasaysayang People power
revolution, hango iyon sa pagpapatalsik ng mga mamamayan sa diktador na
si Ferdinand Marcos na umabot ng dalawang dekada ang kanyang
pamumuno dahil sa siya'y naging ganid sa kapangyarihan. Kahit di pa ko buhay sa
panahong iyon, batid ko ang bawat kaganapan sa EDSA nung
pinapatalsik nila sa tungkulin ang diktador at humalili sa diktador, ang ina ng
demokrasya na si Former President Cory Aquino at
siya rin ang kauna-unahang babaeng naging pangulo. Salamat sa magaling na aklat
pagkat nababatid ko ang kasaysayan nung people power at tunay
kang kaibigan. Pagkatapos mag-almusal, mga Alas-otso ng tumungo ako sa bahay
ni Gelyn. Halos liparin ako sa lakas ng hampas ng hangin.
J-O. Sa kadahilanang
maraming gagawin ang estudyante ko, di ko na siya naturuan, sayang at ituturo
ko pa naman ang technique sa Multiplication para
di na siya mahirapan. Sinabi niyang bukas ko na lang siya turuan. Tumungo na
lang ako sa bahay ni Cathy at kami'y nagtsikahan. Dahil di
apektado ng K to 12 kapag nag-aral ka sa pribadong
pampaaralan, pinapalipat na si Cathy ng kanyang nanay sa private sa
pasukan. Di sang-ayon si Cathy sa kagustuhan ng ina at mas
gusto pang mag-aral sa Public. Sa ngayo'y nasa First year na
si Cathy at dahil naabutan ng k to 12, Grade 7 na
ang tawag sa kanila. Sabi niyang sa third year na siya lilipat
ng private at may balak pa rawniyang mag-SPA subalit
ang kagustuhan ng ina ang masusunod.
Abala si Cathy sa pagsagot sa kanyang takdang-aralin at
sa dami'y tinulungan ko na siya. Alas-dyis ng umalis ako sa bahay nila. Pagso-solve ng multiplication
by using technique ang aking inatupag.
J-P. Sinusubukan kong
idiskubre ang iba pang technique sa pag-solve sa multiplication subalit
lagi pa rin palyado. Masakit na ang aking ulo at nanood na lang ng telebisyon.
Bandang hapon ng ipagpatuloy ko ang pagdiskubre ng technique sa multiplication. Tiyaga ang aking
pinairal hanggang sa madiskubre ko ang tamang Technique sa
pag-solve sa multiplication at kung susumahin
sa calculator ay laging tugma. Mukhang pwede na akong
maging mathematician pagkat nakaimbento ako ng technique upang
mapadali ang pag-solve sa multiplication ng di pa
nadidiskubre ng iba.
J-Q. Tama nga ang sinabi
sa akin ni Sir Sellona na magaling ako sa Math.
Dahil dun kaya sabik ko ng ituro kay Gelyn at sa iba ang
naimbento kong Technique. sunod ko naman ididiskubre ang technique sa division, addition, subtraction at maging fraction.
Ba't kaya di na lang ako maging Math teacher at
ibahagi ko sa aking mga estudyante ang naimbento kong Technique, wala
naman masama kung gagawin ko iyon saka nakatulong pa ko. Sobrang naging
abala ako sa pagso-solve. Nang malapit na ang gabi, sa gutom ay
naghapunan na kami. Maya-maya'y nagduyan ako habang nagso-soundtrip.
Maaliwalas ang kalangitan at kay gandang masdan ang buwan na nagbibigay liwanag
sa kalawakan at mga kumikinang bituing nakapalibot sa buwan, sa dami ng bituin,
kahit anung constalletion maari mong mabuo. Ng magsawa'y
pumasok na ko sa loob ng bahay at nanood ng telebisyon. Mga Alas-onse na ko
natulog.
February 26, 2013
Tuesday
Year I-057
Tuesday
Year I-057
J-R. Malapit na ang
Marso subalit malamig pa rin tuwing umaga, gawa siguro ng pagbabago ng klima.
Medyo sinisipon-sipon ako sa umagang ito. Kahit may dinaramdam na sama, nagawa
ko pa rin makapagturo kay Gelyn at itinuro ko sa kanya
ang Technique sa Multiplication. Habang itinuro ko
sa kanya ay parang kung saan-saan siya nakalingon at di ko makita sa kanya ang
pagkamangha sa tinuturo kong technique. Parang di interesadong
malaman ang technique at mukhang tinatamad na. Sabi niyang masakit daw
ang ulo niya. Inintindi ko na lamang siya kahit sa palagay ko'y nagdadahilan
lang siya. Di pa rin niya nakukuha ang tinuro ko kahit paulit-ulit.
J-S. Malapit na kong
mabwisit sa kanya pagkat di niya sinasaisip ang tinuturo ko subalit pinahaba ko
ang aking pasensiya ng sa gayo'y mas marami pa siyang matutunan sa akin. Bago
pa man ako umuwi'y sinabi ko sa kanya na kabisaduhin ang Multiplication
table upang di na siya mangapa pag pinagpag-solve ko siya.
Naisip ko na bilhan ng Chart ng multiplication si Gelyn upang
mas mapadali ang kanyang pagkakabisado at kung sakali'y makalimutan niya,
sa chart siya titingin ng kasagutan. Sana'y pagbalik ko
kinabukasa'y kabisado na niya iyon.
J-T. Masakit ang aking
ulo at parang nagbabadya ang sama ng pakiramdam na gaya ng sama ng panahon.
Parang karayom na may tumutusok sa ulo at sa sakit, halos di na ko makatayo.
Madalas ay nakahiga na lang ako at mukhang di na ko makakapasok. Ipinagpahinga
ko nalang ang aking sarili. Ng makapagpahinga'y medyo nabawasan ang sakit at
nakakatayo na ko ng matagal subalit patuloy ang paglabas ng sipon. Suminga ako ng
suminga hanggang sa mawala. Maya-maya'y tumawag sa akin si Jessa at
kami'y nag-usap. Di din daw siya pumasok pagkat wala naman gaanong gagawin
kundi ang magtsek. Wala pa sa sampung minuto ang aming pag-uusap at kaagad
naputol. Di na muli pang tumawag si Jessa. Ilang sandali'y nag-text sa
akin si Pradez. Pinapatanung niya sa akin kung nasa akin ba
yung DAT test paper sa Values. Nagpa-load ako
upang tumawag. Sinabi kong wala sa akin pagkat wala naman binibigay sa akin
si Ma'am Abad. Naging palaisipan sa amin kung kanino kaya napunta
ang test paper. Di ako gaanong nangamba pagkat alam kong mahahanap
rin iyon at maibibigay kay Ma'am Ruiz.
J-U. Naipagsawalang
bahala ko na lang iyon. Dahil walang magawa, pagbabasa ng bibliya ang aking
inatupag at tungkol iyon tungkol kay Moises, ang Israelitang
naglabas sa mga Israelita mula sa pang-aalipin ng mga Egipcio.Masarap
magbasa ng bible at marami kang bagay na matutunan. Sa
kakabasa ko ng bible, di ko namalayang sumapit na ang dilim at oras
na ng hapunan. Bago maghapunan ay binasa ko muna ang tungkol kay Moises,
sa librong Exodo ko rin nabasa ang sampung utos ng Diyos.
Pagkatapos magbasa ng bibliya, ako'y naghapunan at sunod nanood ng telebisyon.
ng matapos manood ng telebisyon, pagdiskubre muli ng technique sa multiplication ang
pinagkaabalahan ko. Sinubukan ko sa tatlong digit subalit
madalas ay napalya. Dahil malapit ng mag-Alas-dose ng gabi, sa halip na
pagpuyatan ang pagdiskubre ng technique, ako'y natulog na.
February 27, 2013
Wednesday
Year I-058
Wednesday
Year I-058
J-V. Di ko pa rin
marinig na nag-uusap si Mama at Ate at deadma sila sa isa't
isa. Marahil di pa magkasundo. Mataas na ang sikat ng araw kaya bumangon na ko.
Iniligpit ko ang higaan at dahil sa utos ni Mama na tanggalin ko ang mga punda,
sinunod ko iyon at pagtatanggal ng punda ang aking pinagkaabalahan. Matapos
magtanggal ng punda, saka pa lamang ako nag-almusal. Ako ang nagwalis at
nagpunas ng sahig pagkat abala si Mama sa paglalaba, di na rin ako nakapagturo
kay Gelyn pagkat sobrang abala ako sa gawaing bahay. Sa dami
ng gawaing bahay, ako'y napagod at nagpahinga. Dahil sumapit na ang Alas-dyis
at papasok pa ko, ako'y naligo na at nananghalian. Nakakatamad ng
pumasok pagkat malapit ng magtapos ang panunurang paaralan subalit di na ko
pwedeng lumiban at baka mabagsak pa. Mga dakong Alas-dose na ko pumasok,
tagaktak ang pawis ko dala ng matinding sikat ng araw. Pagdating sa eskwela,
si Jenny mae at Eljean pa lang ang nadatnang
nag-aantay sa harap ng classroom. Ibinalita sa akin ni Eljean na
nagalit daw si Sir Sellona sa kanila kahapon. Buti na lang at
di ako pumasok pagkat natikman nila ang bagsik ni Sir. "I don't like to
see your face and get out of it”, iyan ang sinabi ni Sir kay Huelar ng
magkamali ito sa pagbibilang sa item analysis.
J-W. Maya-maya'y lumabas
na ang Fourth year at kami'y nakapasok na. Nagkaroon lang kami
ng Activity sa Math gamit ang graphing
paper. Habang nasagot, isa-isang tinawag ni Sir Rombo ang
mga tinuluyan na. Sa oras ng Values, laking pasalamat ko pagkat
nahanap na ang Test paper at kami'y nagtsek lamang, gayon rin
sa oras ng English subalit sa ibang seksyon nga lang. Nang
matapos magtsek, kami'y nag-item Analysis. Sa oras ng MAPEH,
nag-aytem analysis rin kami at habang pinapasa ang Test
paper sa katabi. Nang matapos ay pila-pila kami upang ipatsek
kay Ma'am Petty ang ginawa naming painting sa illustration
board. Kakaunti lamang ang nagpatsek kaya kakaunti lang ang maaring magpasa sa
Lunes. Bukod pa dun, sinabi sa amin ni Ma'am na hanggang March 1 na
lang pwede magpasa ng scrapbook. 27 na ngayon at
wala pa kong nauumpisahan, sa Biyernes pala'y March na. Daming
gagawin at di ko na alam kung anong uunahin. Mag-uulat pa ko sa Filipino kaya
sa halip na mag-breaktime, ako'y nagsaulo ng buod.
J-X. Maya-maya'y Chemistry na.
Ngayon ang Demo nina Jobil sa pag-experiment kaya
nakahanda na ang mga ito sa mesa. Mukhang di Goodvibes si Sir
at nakakatakot ang kanyang boses. Sa kakulangan nila sa materials,
nagsimula ng magalit si Sir Sellona at ang kahapong maanghang,
naging mapait na ang salita ni Sir na halos ikinadurog ng aming damdamin.
Parang dinaig pa ang tigre kung magalit si Sir subalit ang pagtingin ko sa
kanya'y di nagbago at siya pa rin ang pinakamabait na guro na nakilala ko.
J-Y. Sabi nga nila'y ang mababait ay
masamang magalit. Nagpatuloy pa rin ang kanilang Experimentation kahit
may kakulangan sa Materials. Sinabi rin sa amin ni Sir na may Deliberation bukas.
Maya-maya'y inanunsyo ni sir na Automatic 10/20 na ang mga di
nakapag-report. Batid kong may nakakuha ng mas mababa pa sa 10 sa iilang
nag-report. Naisip kong di patas para sa mga nag-report ang
ginawa ni Sir kaya umapila ako. Sinabi ko kay Sir yung totoo. Sa mga sinabi ko
ang nagpabago sa isip ni Sir at di ko akalain na Automatic zero na
ang lahat ng di nakapag-report. May aangal sana subalit walang nangahas
dahil galit na si Sir. Sa akin ginawa'y mukhang marami ang magagalit pero di ko
iyon kinakatakot pagkat nagpakatotoo lang ako.
J-Z. Nang oras na
ng Filipino, sa wakas at ako'y nag-ulat na. Ang di nila pakikinig
sa akin na naghuhudyat na galit na sila sa akin. Minsan na nga lang
magpakatotoo, may nasasaktan pa. Nang oras na ng TLE, dinagsa ako ng samu't saring
reklamo ng mga hindi nakapag-report at galit na galit sila sa akin.
Sinabi ko lang na gusto ko maging patas ang lahat kaya ko iyon ginawa.
Nagpaliwanag ako sa kanila ng maayos subalit ayaw nila akongpakinggan at
patuloy ang reklamo. Doon na ko nagsimulang mabwisit at sa inis aynagawa
kongmag-walk-out.
K-A. Masyado
silang Sensitive at parang yun lang, babagsak na agad. Kung
gustong pumasa, huwag tatamad-tamad at gumawa ng paraan. Kung gusto ay may
paraan at kung ayaw may dahilan. Ng uwian na, hinintay ko si Ma'am
Jamero. Ikwinento ko sa kanya ang tungkol sa nangyari kanina at sinabing
tama lang daw ang ginawa ko. Napanatag ako pagkat si Ma'am na mismo ang nagsabi
nun. Ano sila, siniswerte dagdag pa niya. Pagdating sa bahay at dahil deliberation bukas,
sa halip na manood ng telebisyon, tumungo ako kina Aldrian upang
manghiram ng Workbook. Sa bait ni Aldrian ay agad
akong pinahiram at nagpa-zerox. Sa dami ng kailangang i-zerox kaya
bukas ko na lang isasauli sa kanya. Hirap talaga ng buhay kapag wala kang aklat
at kailangan mo pang manghiram.
February 28, 2013
Thursday
Year I-059
Thursday
Year I-059
K-B. Huling araw para sa
buwan ng Pebrero. Alas-sais pa lamang ng umaga'y gising na ko at
nag-almusal. Deliberation na pala mamaya at sa takot na baka'y
mapagalitan ni Sir Sellona kapag walang ginawang Activity,
pagkatapos mag-almusal, sinagutan ko na ang pina-zerox mula
sa workbook ni Aldrian. May assignment rin
ako sa Math subalit mas inuna ko ang Chemistry.
Todo asikaso na ko ngayon pagkat ayaw kong bumagsak. Dami kong gagawin at
sobrang nai-stress ako. Dumagdag pa sa aking gawain ang sangkatutak
na Assignment ni Gelyn. Dahil binayaran niya ko, pumayag
akong gawin ang kanyang assignment kahit madami akong
ginagawa't grab the opportunity kasi.
K-C. Masyadong
napakabilis ng oras at sa sobrang abala ko na halos di na magkandaugaga,
nakaligtaang Alas-dyis na pala. Di pa nakakapagluto si Mama kaya di pa ko
nananghalian. Maya-maya'y naluto na ang kakainin at nakapanghalian na ko. Mga
bandang Alas-dose na ko pumasok sa eskwela. Di ko pa tapos ang lahat ng Activity sa Chemistry at
habang walang Teacher, iyon ang pinagkaabalahan ko. Naging abala
rin ang mga kaklase ko sa paggawa ng activity. Maya-maya'y may lumapit
sa akin at nagpatulong. Mukhang di na yata sila galit sa akin ukol sa ginawa ko
kahapon, sa tuway di ko na sila tinanggihan at tinulungan. Maya-maya'y
dumating na si Sir Rombo at dali-daling itinago ang Workbook,
sa takot nalumipad at walang maipasa. Buti na lang at may gawa ako kaya
nakapagpasa ako ng Assignment. Sa oras naman ng AP, pwedeng bumili ng Daloy
Balita. Dahil kasali iyon sa requirements na dapat ipasa,
bumili ako at sinagutan. Dami talagang gawain at halos mawala na ko sa sarili.
Habang nagdi-discuss si Ma'am Juanites, dinig ko ang
pag-uusap nina Crislyn patungkol kay Sir Sellona.
K-D Labis nilang
ikinasakit ang mga sinabi ni Sir kahapon at naghihimutok na. Di ko lang alam
kung kasali ako sa kanilang pinaghihimutukan. Tama nga sila, di dapat sa
estudyante ipagawa ang item analysis sapagkat gawain iyan ng
isang guro at kopyahin ang tanung sabay sagot. Di ko na inintindi pa ang hinanakit
nila at nakinig kay Ma'am Juanites. Sa oras naman ng English,
di pa dumadating si Ma'am Ramos at ipinagpatuloy ko ang
paggawa ng activity. Maya-maya'y dumating na si Ma'am Ramos at
kanya-kanyang tago ng Workbook sa Chemistry.
Sinabi ni Ma'am Ramos sa amin kung ano pa ang kulang na
kailangang ipasa. Valentine’s card at Essay na
ilalagay sa Clearbook ang kulang sa akin. Lahat ng di nagpasa
ng Valentine's card, nagsigawa sila subalit ipinagpatuloy ko ang
paggawa sa activity. Mukhang matatapos ko na. Essay na
lang ang ipapasa ko. Hirap talaga pag walang workbook. Ilang
sandali ay MAPEH na,
bukas na pala ang deadline ng scrapbook.
K-E. Sa March 7 na
ang performance ng La Cacuracha kaya
nagpraktis kami. Ilang sandali'y recess na. Ipinagpatuloy ko
ang pagsagot ng activity sa Chemistry hanggang
sa matapos ko ito.
Nang Dumating na si Sir Sellona, kaba sa dibdib ang aming
naramdaman pagkat nakakatakot pa rin siya ngayon, ibang-iba sa nakita namin ng
makalipas na araw. Maya-maya’y Nagsimula na ang Deliberation, sa
konting pagkakamali’y nagagalit siya at nakakapagsabi ng mabibigat na salita,
habang di pa nakaupo si Sir sa aming Kampo, nagmamadaling sumasagot ang mga
kagrupo ko at kita ko sa kanila ang takot at kaba. Ng kami na ang nag-deliberate,
napakasungit ni Sir at tinunong niya si Esther “What do you
expect in making mayonnaise tomorrow?” Sa takot ay di maka-imik si Esther hanggang
sa magalit na si Sir. Pano naman, Kung magtanong, pasigaw pa. Umiyak si Esther sa
ginawa ni Sir.
K-F.
Sa isip-isip ko, irereklamo ko na tung teacher sa DepEd pagkat
masayado na siyang terror sa amin at di na tama ang pinapakita
niya sa amin. Nang ako na ang nakasalang sa Deliberation, bigla
niyang sinabi sa akin ng ganito, "Using a Paper is not allow at
simula ngayon, yung mga walang workbook bawal ng magsagot
ng activity at lalong-lalo nang di na pwede sumali sa Deliberation!”
Sa sinabi ni Sir, tila nadurog na ang damdamin ko at sumosobra na siya. Nakipagdebate ako
sa kanya at ganto ang sinabi niya, "Ilang grading ko na
kayo pinagbigyan?” Sinagot ko ang tanong ni Sir. “Pwede ba ako na lang ang
pagbigyan niyo at di ko na problemang wala kayong Workbook o
di ko rin kasalanang naiwala mo ang iyongworkbook!” May pagtataray
na sambit ni Sir. Doon na ko nag-umpisang ma-badtrip kay Sir at
maling ituring ko siyang pinakamabait na teacher, pinakamasungit
na teacher, pwede siguro.
K-G. Sinarili ko ang
yamot kay Sir at labis akong nasaktan, kung galit siya dahil lang sa nangyari
sa Item analysis, huwag niyang ibunton ng husto sa amin at Move-on na
pagkat wala kaming kamalay-malay at ginawang kasalanan sa kanya! Sobrang nayamot ako
kay Sir at halos isumpa ko siya pero di ko ginawa. Nang TLE na, naging Emosyonal ang
mga kaklase ko pagkat di nila makalimutan ang mga sinabi ni sir, may umiyak at
ilan ay nagdamdam, tama sila, walang kasingsungit si Sir at sumosobra na siya.
Ng uwian na, bago ako dumating sa bahay ay dumeretso ako sa Computer
Shop upang gumawa ng Essay. Mga dakong Alas-nuebe na ko
nakauwi sa bahay. Dami talagang gagawin at puyat much na
ko. Mga Alas-dose na ko nakatulog.
